വിവാഹേതര ബന്ധങ്ങൾ കാരണം ഇന്ന് പല കുടുംബങ്ങളും തകർന്ന് പോകുന്നുണ്ട്. ഭർത്താവും കാമുകിയും ചേർന്ന് ഭാര്യയെ കൊല്ലുന്നു, ഭാര്യയും കാമുകനും ചേർന്ന് ഭർത്താവിനെ കൊല്ലുന്നു. ഇങ്ങനെ എത്രയെത്ര വാർത്തകളാണ് നാമിന്ന് കേൾക്കുന്നത്. വിവാഹത്തിന് വെറും രണ്ട് മണിക്കൂർ മുമ്പ് തന്റെ കാമുകനെ സന്ദർശിക്കുന്ന ഒരു വധുവിന്റെ വീഡിയോ ആണിപ്പോൾ സമൂഹ മാധ്യമങ്ങളിൽ വൈറലായത്.
വധു ഔരു കാറിൽ വന്നിറങ്ങുന്നതു മുതലാണ് വീഡിയോ തുടങ്ങുന്നത്. കാമുകൻ റോഡിൽ കാത്തു നിൽക്കുന്നുണ്ടായിരുന്നു. വധു വിവാഹ വേഷത്തിലാണ് കാമുകനെ കാണാൻ എത്തിയത്. കാമുകനെ കണ്ടതും യുവതി ഓടിച്ചെല്ലുന്നു. കുറച്ച് നിമിഷം ഇരുവരും സംസാരിച്ച ശേഷം കാമുകൻ യുവതിയെ കെട്ടിപ്പിടിക്കുന്നു. പരസ്പരം ആലിംഗനം ചെയ്ത ശേഷം യുവതി കരഞ്ഞുകൊണ്ട് വണ്ടിയിൽ വന്നിരിക്കുന്നതാണ് വീഡിയോ. കാമുകൻ അപ്പോഴും അവൾ പോയ വഴി നോക്കി നിൽക്കുന്നു.
അവസാനമായി തന്റെ കാമുകനെ കാണാൻ വന്നതാണ് യുവതി. വീഡിയോ വൈറലായതോടെ നിരവധി ആളുകളാണ് കമന്റുമായി എത്തിയത്. ചിലർ യുവതിയെ വിമർശിച്ചു. മറ്റ് ചിലർ കെട്ടാൻ പോകുന്ന വരനെക്കുറിച്ചുള്ള ആശങ്ക പങ്കുവച്ചു.എന്താകും അയാളുടെ അവസ്ഥ എന്നാണ് മിക്കവും പറഞ്ഞത്.
ഇത്രയും സ്നേഹം കാമുകനോട് ഉണ്ടായിരുന്നു എങ്കിൽ എന്തിന് ഈ വിവാഹത്തിന് സമ്മതിച്ചു എന്ന് ചോദിച്ചവരും കുറവല്ല. വീഡിയോ പകർത്തിയ ഡ്രൈവറെ കുറ്റപ്പെടുത്തി. ഇത്തരമൊരു വീഡിയോ പകർത്തുകയും അത് സമൂഹ മാധ്യമങ്ങളിൽ പങ്കുവയ്ക്കുകയും ചെയ്ത ഡ്രൈവർ എന്തിനാണ് അവരുടെ കുടുംബം ജീവിതം തുടങ്ങും മുമ്പ് തന്നെ തീരാ പ്രശ്നങ്ങളിലേക്ക് തള്ളിവിട്ടതെന്ന് ചിലർ ചോദിച്ചു.
