കൊച്ചി: പാലക്കാട് ശ്രീനിവാസന് വധക്കേസില് പിടികിട്ടാപ്പുള്ളികളായ പിഎഫ്ഐ പ്രവര്ത്തകരെക്കുറിച്ചുള്ള വിവരങ്ങള് നല്കുന്നവര്ക്ക് പാരിതോഷികം പ്രഖ്യാപിച്ച് ദേശീയ അന്വേഷണ ഏജന്സി (എന്ഐഎ). പറവൂര് മുപ്പത്തടം വടക്കേയില് വീട്ടില് അബ്ദുല് വഹാബ് (38), പാലക്കാട് പട്ടാമ്പി ശങ്കരമംഗലം ഇട്ടിലത്തൊടിയില് വീട്ടില് മുഹമ്മദ് മന്സൂര് (43), പാലക്കാട് പട്ടാമ്പി ഞാങ്ങാട്ടിരി കിഴക്കേക്കര വീട്ടില് കെ. അബ്ദുല് റഷീദ് (35), എറണാകുളം അലങ്ങാട് പുളിക്കപറമ്പില് വീട്ടില് മുഹമ്മദ് യാസര് അറാഫത്ത് (34), എറണാകുളം എടവനക്കാട് എഎഎസ്എം റോഡ് തൈപ്പറമ്പില് വീട്ടില് ടി.എ. അയൂബ് (52), മലപ്പുറം വളാഞ്ചേരി കാട്ടിപ്പരുത്തി പുല്ലാനിക്കാട്ടില് വീട്ടില് പി. മൊയ്ദീന്കുട്ടി (52) എന്നിവര്ക്കായാണ് തിരച്ചില് നോട്ടീസ് പുറപ്പെടുവിച്ചിരിക്കുന്നത്.
ഇതില് അബ്ദുല് വാഹാബ്, അബ്ദുല് റഷീദ്, ടി.എ. അയൂബ് എന്നിവരെക്കുറിച്ച് വിവരം കൈമാറുന്നവര്ക്ക് ഏഴ് ലക്ഷം രൂപയാണ് ഇനാം പ്രഖ്യാപിച്ചിരിക്കുന്നത്. മുഹമ്മദ് മന്സൂറിന്റെ ഇനാം മൂന്ന് ലക്ഷംരൂപയാണ്. മറ്റ് രണ്ടുപേര്ക്ക് ഇനാം പ്രഖ്യാപിച്ചിട്ടില്ല. എന്ഐഎയുടെ കളമശേരി ഓഫീസിലെ 0484 2349344, 9497715294 എന്ന നമ്പറില് വിവരം അറിയക്കണമെന്നാണ് എന്ഐഎ നിര്ദ്ദേശം.
