കാസര്ഗോഡ്: സോഷ്യല് മീഡിയ താരം ചിന്നു പാപ്പുവിനെ മരിച്ച നിലയില് കണ്ടെത്തിയ സംഭവത്തില് പോലീസ് അന്വേഷണം ഊർജിതമാക്കി. തുടര്ച്ചയായി വിളിച്ചിട്ടും ഫോണ് എടുക്കാതിരുന്നതിനെ തുടര്ന്ന് ആണ്സുഹൃത്ത് മുറിയിലെത്തിയപ്പോഴാണ് ചിന്നുവിനെ തൂങ്ങിയ നിലയില് കണ്ടെത്തിയത്.
ഉടൻ തന്നെ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. സംഭവത്തില് ചിന്നുവിന്റെ സുഹൃത്തിനെ പോലീസ് ചോദ്യം ചെയ്ത് വരികയാണ്. വളരെ കാലമായി ചിന്നു ആസാദ് നഗറിലെ ക്വാട്ടേഴ്സില് വാടകയ്ക്ക് കഴിയുകയായിരുന്നു.
ഇടയ്ക്ക് ആണ്സുഹൃത്തും ചിന്നുവിനൊപ്പം ഇവിടെ താമസിക്കുന്നുണ്ടായിരുന്നുവെന്ന് പോലീസിനു വിവരം ലഭിച്ചിരുന്നു. ഇതിന്റെ അടിസ്ഥാനത്തിലാണ് ഇയാളെ ചോദ്യം ചെയ്യുന്നത്.
