കൂത്തുപറമ്പ്: കേരളത്തിന്റെ ഭാവി നിർണയിക്കുന്ന തെരെഞ്ഞെടുപ്പാണിതെന്ന് മുഖ്യമന്ത്രി പിണറായി വിജയൻ. പിണറായി ആർസി അമല ബേസിക് യുപി സ്കൂളിലെ 194ാം ബൂത്തിൽ വോട്ട് രേഖപ്പെടുത്തിയതിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
വികസനത്തിന് ഇടവേള ഉണ്ടാകരുതെന്നാണ് ജനങ്ങളുടെ ആഗ്രഹം. ഭരണ രംഗത്തിരുന്ന ആളുകൾക്ക് പദ്ധതികൾ നടപ്പിലാക്കാൻ കഴിയാതിരുന്ന കാലം 10 വർഷം മുന്പ് ഉണ്ടായിരുന്നെന്നും ജനങ്ങളുടെ മനസിൽ അതുണ്ടാകുമെന്നും അദ്ദേഹം കൂട്ടിച്ചേർത്തു.
