ഇമ്മാനുവൽ മാക്രോൺ ജോർജിയ മെലോണിയെ ആലിംഗനം ചെയ്തത് ശ്രദ്ധേയമാകുന്നു. ഇറാൻ വിഷയത്തിലും ഹോർമുസ് കടലിടുക്കിലെ പ്രശ്നങ്ങളിലും ചർച്ചകൾ നടത്തുന്നതിനായി പാരീസിലെത്തിയ ഇറ്റാലിയൻ പ്രധാനമന്ത്രി ജോർജിയ മെലോണിയെ ഫ്രഞ്ച് പ്രസിഡന്റ് ഇമ്മാനുവൽ മാക്രോൺ സ്വീകരിച്ചു. എന്നാൽ ഇരുവരും തമ്മിലുള്ള കൂടിക്കാഴ്ചയുടെ വീഡിയോയാണ് ഇപ്പോൾ സമൂഹ മാധ്യമങ്ങളിൽ തെറ്റായ അർഥത്തിൽ പ്രചരിക്കുന്നത്.
ഇറ്റാലിയൻ പ്രധാനമന്ത്രി ജോർജിയ മെലോണിയെ ഫ്രഞ്ച് പ്രസിഡന്റ് ഇമ്മാനുവൽ മാക്രോൺ ആലിംഗനം ചെയ്താണ് സ്വീകരിച്ചത്. എന്നാൽ, ഈ സമയത്ത് ഇറ്റാലിയൻ പ്രധാനമന്ത്രി ഒരു ഞെട്ടൽ പ്രകടമാക്കിയതായാണ് ദൃശ്യങ്ങളിൽ വ്യക്തമാകുന്നത്.
പൊതുവേദിയിൽ വെച്ച് ഇരു നേതാക്കളും നടത്തിയ അസ്വാഭാവികമായ ആലിംഗനം വലിയ തോതിലുള്ള ശ്രദ്ധയാണ് പിടിച്ചുപറ്റിയത്. ക്യാമറയിൽ പതിഞ്ഞ ഈ ചെറിയ നിമിഷം ഇന്റനെറ്റിൽ അതിവേഗം പടരുകയും, ഇരുവരുടെയും ശരീരഭാഷയെക്കുറിച്ചും ഇടപെടലിനെക്കുറിച്ചും നിരവധി പ്രതികരണങ്ങൾക്ക് വഴിവെച്ചു.
വൈറലായ ഈ വീഡിയോയെക്കുറിച്ച് പലരും വ്യത്യസ്ത അഭിപ്രായങ്ങളാണ് രേഖപ്പെടുത്തിയത്. ഇതിൽ അസ്വാഭാവികമായി ഒന്നുമില്ല. അദ്ദേഹം വളരെ രസകരമായ എന്തോ പറഞ്ഞതിന് അവർ പ്രതികരിച്ചു, മേലോണിയെ കണ്ടതിൽ വലിയ സന്തോഷമുള്ളതുകൊണ്ട് ഒരു തമാശ പറഞ്ഞു, എന്നുമാണ് അഭിപ്രായങ്ങൾ.
