തിരുവനന്തപുരം: പാർട്ടി ഏൽപ്പിച്ചത് വലിയ ഉത്തരവാദിത്വമെന്ന് നിയുക്ത മുഖ്യമന്ത്രി വി.ഡി.സതീശൻ. തന്നെ താനാക്കിയത് ടീം യുഡിഎഫാണെന്നും അദ്ദേഹം പ്രതികരിച്ചു.
മുഖ്യമന്ത്രി പദം ദൈവനിയോഗമാണ്. അല്ലാതെ തന്റെ നേട്ടമല്ല. ചെന്നിത്തലയും കെസിയും അടക്കം എല്ലാവരെയും വിശ്വാസത്തിലെടുക്കുമെന്നും അദ്ദേഹം പറഞ്ഞു.
ചെന്നിത്തല തനിക്ക് പ്രിയങ്കരനായ നേതാവാണ്. കെ.സി.വേണുഗോപാൽ തനിക്ക് പൂർണ പിന്തുണ നൽകി. ഒരാൾക്ക് ഒറ്റയ്ക്ക് ഒന്നും ചെയ്യാനാകില്ല. ടീമായി പ്രവർത്തിക്കണമെന്നും സതീശൻ വ്യക്തമാക്കി.
മന്ത്രിമാർ ആരൊക്കയാണെന്ന് പാർട്ടി തീരുമാനിക്കും. ഇക്കാര്യത്തിൽ കൂട്ടായ തീരുമാനമുണ്ടാകുമെന്നും സതീശൻ കൂട്ടിച്ചേർത്തു.
