ആലിയ ഭട്ടിന്റെ കാൻ ചലച്ചിത്രവേദിയിലെ സാന്നിധ്യം സോഷ്യല് മീഡിയയില് വലിയ ചർച്ചകൾക്കാണ് വഴിവച്ചിരിക്കുന്നത്. ആലിയയുടെ ലുക്കും വസ്ത്രവുമൊക്കെ കയ്യടി നേടുന്നുണ്ട്. എന്നാല് ട്രോളുകളും ആലിയയ്ക്ക് നേരിടേണ്ടി വരുന്നിരുന്നു. കാന് വേദിയിലെത്തിയ ആലിയയെ പാപ്പരാസികള് അവഗണിച്ചുവെന്നാണ് ട്രോളുകള് പറയുന്നത്. ആലിയ ഫോട്ടോയ്ക്ക് പോസ് ചെയ്തപ്പോള് പാപ്പരാസികളില് പലരും കാമറ താഴ്ത്തിയെന്നാണ് സോഷ്യല് മീഡിയയുടെ പരിഹാസം.
തന്നെ കളിയാക്കിയെത്തിയാള്ക്ക് ആലിയ നല്ല കിടിലൻ മറുപടിയാണ് നല്കിയത്. കാനിൽ നിന്നും ആലിയ പങ്കുവച്ചൊരു വിഡിയോക്ക് താഴെയായിരുന്നു ഒരാള് പരിഹാസ കമന്റുമായി എത്തിയത്. ഐവറി സില്ക്ക് സാരി-ഗൗണ് ആയിരുന്നു വിഡിയോയില് ആലിയ ധരിച്ചിരുന്നത്. ഇതിന് താഴെയാണ് ഒരാള് താരത്തെ കളിയാക്കുന്ന കമന്റ് പങ്കുവച്ചത്.
നിരവധി പേരാണ് ആലിയയ്ക്ക് പിന്തുണയുമായെത്തിയത്. ‘ആലിയയോടുള്ള അസൂയ കാരണമാണ് ആളുകള് ട്രോളുന്നത്, ആലിയയുടെ ഡ്രസുകളും മറുപടികളും കലക്കനാണ്, കാനിൽ നീ തന്നെയായിരുന്നു ഏറ്റവും സുന്ദരി’ എന്നിങ്ങനെയാണ് താരത്തിന്റെ ആരാധകർ പറയുന്നത്.
