മട്ടന്നൂർ: റോഡിൽ നിന്ന് കളഞ്ഞു കിട്ടിയ സ്വർണാഭരണം ഉടമയ്ക്ക് നൽകി യുവാവ് മാതൃകയായി. കളറോഡ് സ്വദേശി എംപി. മുഹമ്മദ് ഷാനിദിനാണ് കഴിഞ്ഞ ദിവസം വെളിയമ്പ്ര പഴശി ഡാം പരിസരത്ത് നിന്ന് കൈ ചെയിൻ കളഞ്ഞു കിട്ടിയത്. യുവാവ് സ്വർണാഭരണം മട്ടന്നൂർ പോലീസ് സ്റ്റേഷനിൽ ഏൽപ്പിക്കുകയായിരുന്നു.
തുടർന്നുള്ള അന്വേഷണത്തിൽ പടിയൂർ സ്വദേശി ശ്രീകേഷിന്റെ ഭാര്യയുടെ കൈ ചെയിനാണ് നഷ്ടപ്പെട്ടതെന്ന് കണ്ടെത്തി. മട്ടന്നൂരിൽ വിവാഹ സൽക്കാരത്തിൽ പങ്കെടുത്ത് വീട്ടിലേക്ക് പോകന്നതിനിടെയാണ് സ്വർണാഭരണം നഷ്ടമായത്. മട്ടന്നൂർ സ്റ്റേഷനിൽ എത്തിയ ഉടമസ്ഥയ്ക്ക് എസ്ഐ സി. പ്രദീപ് കൈ ചെയിൻ കൈമാറി.
