അ​പ്പ​ർ​കു​ട്ട​നാ​ട​ൻ ജ​ലാ​ശ​യ​ങ്ങ​ളി​ൽ വെ​ള്ള ആ​മ​ക​ൾ ച​ത്തൊ​ടു​ങ്ങു​ന്നു; മരണകാരണം ജലശയങ്ങളിലെ അമിത മലിനീകരണമാകാമെന്ന് വിദഗ്ധർ

തി​രു​വ​ല്ല: അ​പ്പ​ർ​കു​ട്ട​നാ​ട​ന്‍ ജ​ലാ​ശ​യ​ങ്ങ​ളി​ല്‍ വെ​ള്ള ആ​മ​ക​ള്‍ ച​ത്തൊ​ടു​ങ്ങു​ന്നു. വെ​ള്ള​ത്തി​ൽ വ​സി​ക്കു​ന്ന വെ​ള്ള ആ​മ​ക​ൾ ക​ര​യി​ലേ​ക്ക് ക​യ​റി​യി​ട്ടാ​ണ് ചാ​കു​ന്ന​ത്.വെ​ള്ള​ത്തി​ൽ വ​സി​ക്കു​ന്ന ഈ ​ഇ​നം ആ​മ​ക​ൾ സാ​ധാ​ര​ണ​യാ​യി രാ​ത്രി കാ​ലം ക​ര​യി​ൽ ക​യ​റാ​റു​ണ്ട്.വെ​ള്ള​പ്പൊ​ക്ക​ത്തി​ന് ശേ​ഷം വെ​ള്ള​ത്തി​ൽ രൂ​ക്ഷ​മാ​യ മാ​ലി​ന്യ പ്ര​ശ്ന​മാ​ണ് ഇ​വ​യെ ബാ​ധി​ച്ച​തെ​ന്ന് സം​ശ​യി​ക്കു​ന്നു. കു​ട്ട​നാ​ട​ൻ ജ​ലാ​ശ​യ​ങ്ങ​ളി​ൽ ഏ​റെ കാ​ണ​പ്പെ​ടു​ന്ന ക​റു​ത്ത ആ​മ​ക​ൾ​ക്ക് ഒ​രു പ്ര​ശ്ന​വും ഇ​ല്ല​താ​നും.

നി​ര​ണം, ക​ട​പ്ര, പെ​രി​ങ്ങ​ര തു​ട​ങ്ങി​യ പ​ഞ്ചാ​യ​ത്തു​ക​ളി​ലെ ജ​ലാ​ശ​യ​ങ്ങ​ളു​ടെ​യും പാ​ട​ശേ​ഖ​ര​ങ്ങ​ളു​ടെ​യും ക​ര​യി​ൽ നി​ര​വ​ധി വെ​ള്ള ആ​മ​ക​ളാ​ണ് ച​ത്ത് കി​ട​ക്കു​ന്ന​ത്.ജ​ലാ​ശ​യ​ങ്ങ​ളോ​ട് ചേ​ർ​ന്ന് സ്ഥി​തി ചെ​യ്യു​ന്ന ക​ര പ്ര​ദേ​ശ​ങ്ങ​ളി​ലാ​ണ് ഇ​ത്ത​ര​ത്തി​ൽ ആ​മ​ക​ൾ ച​ത്തു കി​ട​ക്കു​ന്ന​ത്. പ്ര​ദേ​ശ​ങ്ങ​ളോ​ട് ചേ​ർ​ന്ന് സ്ഥി​തി ചെ​യ്യു​ന്ന എ​ട​ത്വ, വീ​യ​പു​രം, ത​ല​വ​ടി, പ​ള്ളി​പ്പാ​ട്, ത​ക​ഴി തു​ട​ങ്ങി​യ കു​ട്ട​നാ​ട​ൻ പ്ര​ദേ​ശ​ങ്ങ​ളി​ലും ആ​മ​ക​ൾ ച​ത്തൊ​ടു​ങ്ങു​ന്നു​ണ്ട്.

വ​ർ​ഷ​ങ്ങ​ൾ​ക്ക് മു​ന്പ് അ​ഞ്ജാ​ത രോ​ഗം ബാ​ധി​ച്ച് ആ​മ​ക​ൾ ച​ത്തി​രു​ന്നു. ഒ​രി​ട​വേ​ള​യ്ക്ക് ശേ​ഷ​മാ​ണ് വീ​ണ്ടും ആ​മ​ക​ള്‍ ച​ത്തൊ​ടു​ങ്ങു​ന്ന​ത്. ആ​മ പി​ടി​ക്ക​ലും വി​പ​ണ​നം ന​ട​ത്ത​ലും നി​യ​മം മൂ​ലം നി​രോ​ധി​ച്ചി​ട്ടു​ണ്ടെ​ങ്കി​ലും കു​ട്ട​നാ​ട്ടി​ലെ ക​ള്ളു​ഷാ​പ്പു​ക​ളി​ലും ഹോ​ട്ട​ലു​ക​ളി​ലും ഹോം ​സ്റ്റേ​ക​ളി​ലും ഹൗ​സ്ബോ​ട്ടു​ക​ളി​ലും ര​ഹ​സ്യ​മാ​യി ഇ​പ്പോ​ഴും ആ​മ ഇ​റ​ച്ചി സു​ല​ഭ​മാ​ണെ​ന്ന് പ​റ​യ​പ്പെ​ടു​ന്നു.

ഭ​ക്ഷ​ണ​ത്തി​ന് വേ​ണ്ടി ഉ​പ​യോ​ഗി​ക്കു​ന്ന വെ​ള്ള ആ​മ​ക​ളാ​ണ് ഇ​പ്പോ​ൾ ച​ത്തൊ​ടു​ങ്ങു​ന്ന​ത്. വെ​ള്ള ആ​മ​ക​ൾ​ക്ക് കി​ലോ​യ്ക്ക് 350 രൂ​പ​യോ​ളം വി​ല​യാ​ണ് ഈ​ടാ​ക്കു​ന്ന​ത്. കു​ള​ങ്ങ​ളി​ലോ, പാ​ട​ശേ​ഖ​ര​ങ്ങ​ളി​ലോ വെ​ള്ള​ത്തി​ന് സ​മീ​പ​മു​ള്ള സ്ഥ​ല​ങ്ങ​ളി​ലോ ആ​ണ് വ​ന്യ​ജീ​വി​യു​ടെ പ​ട്ടി​ക​യി​ല്‍​പ്പെ​ടു​ന്ന ആ​മ​ക​ളെ ക​ണ്ടു​വ​രു​ന്ന​ത്. ആ​മ​ക​ള്‍​ക്കു​ണ്ടാ​കു​ന്ന അ​ഞ്ജാ​ത രോ​ഗം കു​ട്ട​നാ​ട് അ​പ്പ​ര്‍​കു​ട്ട​നാ​ട​ന്‍ മേ​ഖ​ല​യി​ല്‍ പ​ട​രു​ന്ന​ത് ആ​ശ​ങ്ക​യ്ക്ക് ഇ​ട​വ​രു​ത്തു​ന്നു​ണ്ട്.

പാ​ട​ശേ​ഖ​ര​ങ്ങ​ളു​ടെ ഓ​ര​ത്ത് നി​ന്നും ദു​ര്‍​ഗ​ന്ധം വ​മി​ക്കു​ന്ന​ത് ശ്ര​ദ്ധ​യി​ല്‍ പെ​ട്ടെ​തോ​ടെ​യാ​ണ് അ​ഴു​കി​യ നി​ല​യി​ല്‍ ആ​മ​ക​ളെ നാ​ട്ടു​കാ​ര്‍ ക​ണ്ടെ​ത്തി​യ​ത്. ക​ഴി​ഞ്ഞ ഏ​താ​നും മാ​സ​ങ്ങ​ള്‍​ക്ക് മു​മ്പ് ആ​ല​പ്പു​ഴ ജി​ല്ല​യു​ടെ പ​ടി​ഞ്ഞാ​റ​ൻ കു​ട്ട​നാ​ട​ൻ പ്ര​ദേ​ശ​ങ്ങ​ളി​ളാ​ണ് ഏ​റ്റ​വും കൂ​ടു​ത​ല്‍ ആ​മ​ക​ള്‍ ച​ത്തു പൊ​ങ്ങി​യ​ത്. ഈ ​പ്ര​ദേ​ശ​ങ്ങ​ളി​ല്‍ ജ​ന്തു​ശാ​സ്ത്ര വി​ദ്യാ​ര്‍​ഥി​ക​ളു​ടെ​യും പ്ര​കൃ​തി സ്‌​നേ​ഹി​ക​ളു​ടെ​യും സ​ഹാ​യ​ത്തോ​ടെ ഫീ​ല്‍​ഡ് സ​ർ​വേ​യും കൂ​ടാ​തെ മൃ​ഗ​സം​ര​ക്ഷ​ണ വ​കു​പ്പി​ന്‍റെ അ​നു​വാ​ദ​ത്തോ​ടെ മൃ​ഗ ഡോ​ക്ട​ര്‍​മാ​രും പ​ഠ​ന​ങ്ങ​ള്‍​ക്ക് സ്വ​യം ത​യാ​റാ​യി വ​ന്നി​രു​ന്നു.

തി​രു​വ​ല്ല​യി​ലെ ഏ​വി​യ​ന്‍ ഡി​സീ​സ് ഡ​യ​നോ​ഗ്സ്റ്റി​ക് ല​ബോ​റ​ട്ട​റി​യി​ല്‍ അ​യ​ച്ച ച​ത്ത ആ​മ​യെ പ​രി​ശോ​ധി​ച്ചെ​ങ്കി​ലും മാം​സം അ​ഴു​കി​യ​തി​നാ​ല്‍ ഫ​ലം ക​ണ്ടെ​ത്താ​നാ​യി​ല്ല. വ​നം വ​കു​പ്പ് ഉ​ദ്യോ​ഗ​സ്ഥ​ര്‍ ക​ഞ്ഞി​ക്കു​ഴി​യി​ലെ ക​ണ്ണ​ര്‍​കാ​ട് നി​ന്ന് ക​ണ്ടെ​ത്തി​യ രോ​ഗം ബാ​ധി​ച്ച ര​ണ്ട് ആ​മ​ക​ളി​ല്‍ ഒ​ന്ന് നി​രീ​ക്ഷ​ണ​ത്തി​ലി​രി​ക്കെ ച​ത്തി​രു​ന്നു. ജ​ലാ​ശ​യ​ങ്ങ​ളി​ലെ മ​ലി​നീ​ക​ര​ണ​മാ​ണ് ആ​മ​ക​ള്‍​ക്ക് രോ​ഗം ബാ​ധി​ക്കാ​ന്‍ കാ​ര​ണ​മെ​ന്നും വി​വ​ര​മു​ണ്ട്.

കു​ട്ട​നാ​ട്ടി​ല്‍ പ​ക്ഷി​പ്പ​നി കാ​ര​ണം താ​റാ​വു​ക​ളും കോ​ഴി​ക​ളും ച​ത്തൊ​ടു​ങ്ങി​യി​രു​ന്നു. അ​തു​പോ​ലെ മ​ത്സ്യ​ങ്ങ​ള്‍​ക്ക് അ​ഴു​ക​ല്‍ രോ​ഗ​വും​പി​ടി​പെ​ട്ടി​രു​ന്നു. ആ​മ​ക​ൾ പ്ര​ധാ​ന​മാ​യും പു​ല്ല്, ഇ​ല, ചെ​റു​മീ​നു​ക​ള്‍ എ​ന്നി​വ​യാ​ണ് ഭ​ക്ഷ​ണ​മാ​ക്കു​ന്ന​ത്. വം​ശ​നാ​ശ ഭീ​ഷ​ണി നേ​രി​ടു​ന്ന ആ​മ​ക​ളെ സം​ര​ക്ഷി​ക്കാ​നും രോ​ഗ​കാ​ര​ണം തി​രി​ച്ച​റി​യാ​നു​മു​ള്ള ശ്ര​മ​ത്തി​ലാ​ണ് അ​ധി​കൃ​ത​ര്‍.നു

Related posts