ഒരു കാലത്ത് മനുഷ്യൻ ചെയ്തിരുന്ന പല ജോലികളും ആർട്ടിഫിഷ്യൽ ഇന്‍റലിജൻസ് ഇപ്പോൾ ഏറ്റെടുക്കുന്നു. ഉപഭോക്തൃ സേവനം, ആരോഗ്യ സംരക്ഷണം, ഗതാഗതം എന്നിവയുൾപ്പെടെ വിവിധ മേഖലകളിൽ ഇത് സംഭവിക്കുന്നു.
എന്നാൽ യുകെയിലെ ഒരു പ്രിപ്പറേറ്ററി സ്കൂൾ എഐ റോബോട്ടിനെ പ്രിൻസിപ്പൽ ഹെഡ്ടീച്ചറായ് കൊണ്ടുവരുന്നു. വെസ്റ്റ് സസെക്‌സിൽ സ്ഥിതി ചെയ്യുന്ന കോട്ടെസ്‌മോർ സ്കൂൾ, സ്‌കൂളിന്‍റെ പ്രധാനാധ്യാപകനെ സഹായിക്കുക എന്ന ഉദ്ദേശത്തോടെ അബിഗയിൽ ബെയ്‌ലി എന്ന റോബോട്ടിനെ രൂപകൽപ്പന ചെയ്യാൻ ഒരു ആർട്ടിഫിഷ്യൽ ഇന്‍റലിജൻസ് ഡെവലപ്പറുമായി സഹകരിച്ചു.
സഹപ്രവർത്തകരെ എങ്ങനെ പിന്തുണയ്ക്കാം എന്നതു മുതൽ, എഡിഎച്ച്ഡിയിൽ വിദ്യാർത്ഥികളെ സഹായിക്കുക, സ്കൂൾ നയങ്ങൾ എഴുതുക തുടങ്ങിയ വിഷയങ്ങളിൽ തനിക്ക് ഉപദേശം നൽകാൻ റോബോട്ട് ഉപയോഗിക്കുന്നുണ്ടെന്ന് കോട്ടെസ്മോറിലെ ഹെഡ്മാസ്റ്റർ ടോം റോജേഴ്സൺ പറഞ്ഞു.
ഉപയോക്താക്കൾ ചോദ്യങ്ങൾ ടൈപ്പ് ചെയ്യുന്ന ഓൺലൈൻ എഐ സേവനമായ ChatGPT-ന് സമാനമായ രീതിയിലാണ് സാങ്കേതികവിദ്യ പ്രവർത്തിക്കുന്നത്, അവയ്ക്ക് ചാറ്റ്ബോട്ടിന്‍റെ അൽഗോരിതം വഴി ഉത്തരം ലഭിക്കും.
മെഷീൻ ലേണിംഗ്, എഡ്യൂക്കേഷൻ മാനേജ്മെന്‍റ് എന്നിവയിൽ അറിവ് നേടുന്നതിനാണ് എഐ പ്രിൻസിപ്പൽ വികസിപ്പിച്ചിരിക്കുന്നത്. ടാറ്റ്‌ലറുടെ “പ്രെപ്പ് സ്കൂൾ ഓഫ് ദ ഇയർ” അംഗീകാരം നേടിയ ഈ സ്കൂൾ, നാല് വയസ്സിനും 13 വയസ്സിനും ഇടയിൽ പ്രായമുള്ള ആൺകുട്ടികൾക്കും പെൺകുട്ടികൾക്കും വേണ്ടിയുള്ള ഒരു ബോർഡിംഗ് സ്ഥാപനമാണ്.
