വർഷങ്ങൾക്കു മുമ്പ് പൃഥ്വിരാജിനെ കുറിച്ച് ഫേസ്ബുക്കിൽ പങ്കുവച്ച കമന്‍റിന് ക്ഷമപറഞ്ഞ് നടി ഐശ്വര്യാ ലക്ഷ്മി. 2012ൽ പുറത്തിറങ്ങിയ ഒൗറംഗസേബ് എന്ന ബോളിവുഡ് ചിത്രത്തിന്‍റെ റിലീസ് സമയത്ത് നായകന്മാരായ പൃഥ്വിരാജ്, അർജുൻ കപൂർ എന്നിവരുടെ ചിത്രത്തിന് താഴെയിട്ട കമന്‍റാണ് ഐശ്വര്യ ലക്ഷമിയെ കുഴപ്പത്തിലാക്കിയത്.
“ഇഷക്ക്സാദേ നായകന് ഉമ്മ’ എന്നാണ് ഐശ്വര്യ ഫെയ്സ്ബുക്കിൽ കുറിച്ചിരുന്നത്. അതിനുതാഴെ കൂട്ടുകാരികളുമായി നടന്ന ചർച്ചയിൽ “ഇടി കൊണ്ട് ഡാമേജായ അവസ്ഥയിലാണ് രാജപ്പൻ ചിത്രത്തിൽ. എന്‍റെ നായകനെ നോക്കു എത്ര ഹോട്ടാണ് എപ്പോഴും’ എന്നും കുറിച്ചിരുന്നു. ഇതാണ് പൃഥ്വിരാജ് ഫാൻസിനെ കലിപ്പിലാക്കിയത്.
തുടർന്ന് ക്ഷമാപണവുമായി ഐശ്വര്യ രംഗത്തെത്തുകയായിരുന്നു. ഫേസ്ബുക്ക് കുറിപ്പിലൂടെയാണ് പൃഥ്വിരാജിനോടും അദ്ദേഹത്തിന്‍റെ ആരാധകരോടും ഐശ്വര്യാ ലക്ഷ്മി മാപ്പ് പറഞ്ഞത്.
