ലോകസുന്ദരിയ്ക്ക് ഇന്ന് 50 ന്‍റെ പിറന്നാൾ മധുരം. ഐശ്വര്യ റായ്ക്ക് ഇന്ന് 50 വയസ്സ് തികയുകയാണ്. 1973 നവംബർ 1 ന് കർണാടകയിലെ മംഗലാപുരത്ത് ജനിച്ച ഐശ്വര്യ റായ് മുംബൈയിലെ ആര്യ വിദ്യാ മന്ദിർ ഹൈസ്കൂളിൽ സ്കൂളിൽ നിന്ന് വിദ്യാഭ്യാസം പൂർത്തിയാക്കി.
1994-ൽ, ഇന്ത്യയെ പ്രതിനിധീകരിച്ച് മിസ് വേൾഡ് മത്സരത്തിൽ ഐശ്വര്യ റായ് മത്സരിക്കുകയും വിജയിക്കുകയും ചെയ്തു. അത് ഐശ്വര്യയ്ക്ക് ആഗോള അംഗീകാരം നേടി കൊടുത്തു. മത്സരത്തിൽ നിന്നുള്ള താരത്തിന്‍റെ ചിത്രങ്ങൾ ഇന്നും നിരവധി യുവതികളെ പ്രചോദിപ്പിക്കുന്നു.
2007 ൽ ആയിരുന്നു ഐശ്വര്യ അഭിഷേക് ബച്ചൻ വിവാഹം. ബോളിവുഡിലെ പ്രമുഖ ബച്ചൻ കുടുംബത്തിന്‍റെ മരുമകളായി താരം. ദമ്പതികൾക്ക് ആരാധ്യ ബച്ചൻ എന്നൊരു മകളുണ്ട്. ബോളിവുഡിലെ എക്കാലത്തെയും സൂപ്പർസ്റ്റാർ അമിതാഭ് ബച്ചന്‍റെയും മുതിർന്ന നടി ജയ ബച്ചന്‍റെയും മരുമകളാണ് ഐശ്വര്യ റായ്.
GQ ഇന്ത്യ റിപ്പോർട്ട് അനുസരിച്ച് ഐശ്വര്യ റായ് ബച്ചന്‍റെ ആസ്തി ഏകദേശം 776 കോടി രൂപയാണ്. ഇത് താരത്തെ ഇന്ത്യൻ ചലച്ചിത്ര മേഖലയിലെ ഏറ്റവും ധനികയായ നടിമാരിൽ ഒരാളാക്കി മാറ്റുന്നു. ഓരോ സിനിമയ്ക്കും ഏകദേശം 10-12 കോടി രൂപയും ബ്രാൻഡ് അംഗീകാരത്തിനായി 6-7 കോടി രൂപയുമാണ് താരം വാങ്ങിക്കുന്നതെന്നാണ് പറയുന്നത്.
കൂടാതെ ലോറിയൽ, സ്വിസ് ലക്ഷ്വറി വാച്ച് ലോംഗൈൻസ് , LUX, Coca-Cola, Pepsi, Titan Watches, Lakmé Cosmetics, Casio pager, Philips, Palmolive, Cadbury, Fuji Films, Kalyan Juwellers, TTK Prestige Group തുടങ്ങി നിരവധി ബ്രാൻഡുകളുടെ മുഖമായിരുന്നു ഐശ്വര്യ റായ്.
