അയോധ്യ: രാമക്ഷേത്രത്തിലേക്ക് കേരളത്തില്‍ നിന്നുള്ള രണ്ടാമത്തെ ട്രെയില്‍ പുറപ്പെട്ടു. ഞായർ രാത്രി 7.50 നാണ് ആസ്ത സ്പെഷ്യല്‍ ട്രെയിന്‍ തിരുവനന്തപുരം സെന്‍ട്രലിലെ ഒന്നാം നമ്പര്‍ പ്ലാറ്റ്ഫോമില്‍ നിന്നും പുറപ്പെട്ടത്.
കേരളത്തില്‍ നിന്ന് അയോധ്യയിലേക്കുള്ള ആദ്യ ആസ്താ സ്പെഷ്യല്‍ ട്രെയിനില്‍ രാമനെ കാണാൻ പോകാൻ സാധിക്കാതിരുന്ന കര്‍സേവകരടക്കമുള്ള തീര്‍ത്ഥാടകരാണ് രണ്ടാമത്തെ സ്പെഷല്‍ ട്രെയിനില്‍ യാത്ര തിരിച്ചത്.
144 പേരാണ് തിരുവനന്തപുരത്ത് നിന്നുള്ള തീര്‍ത്ഥാടക സംഘത്തില്‍ ഉള്ളത്. കര്‍സേവയില്‍ പങ്കെടുത്തവരാണ് അധികവും. രാമനാമജപത്തോടെയും, ജയ്ശ്രീറാം വിളികളോടെയുമാണ് രാമഭക്തര്‍ അയോധ്യയിലേക്ക് പുറപ്പെട്ടത്. 21ന് ഉച്ചയ്ക്ക് ഒന്നിന് ട്രെയിന്‍ അയോധ്യയില്‍ എത്തും.
