ന്യൂഡൽഹി: ക്രിസ്ത്യാനിയായതുകൊണ്ടാണ് മദർ തെരേസയ്ക്ക് ഭാരത രത്ന നൽകിയതെന്ന ബാബാ രാംദേവിന്റെ പ്രസ്താവനയ്ക്കതിരേ വ്യാപക പ്രതിഷേധം. മദർ തെരേസയ്ക്കു ഭാരതരത്ന നൽകിയതു ക്രിസ്ത്യാനി ആയതിനാലാണ്. മറ്റു സന്യാസിമാർക്കാർക്കും കൊടുത്തിട്ടില്ലെന്നായിരുന്നു രാംദേവിന്റെ പരാമർശം.ഭാരതരത്നം നേടിയവരോടെല്ലാം വലിയ ബഹുമാനമുണ്ട്.
എന്നാൽ സന്യാസിമാർക്കാർക്കും ലഭിക്കാത്തതിലാണു പ്രതിഷേധമെന്നും അദ്ദേഹം വ്യക്തമാക്കി. അലാഹാബാദിൽ കുംഭമേളയിൽ പങ്കെടുത്തതിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. സ്വാതന്ത്ര്യം ലഭിച്ചിട്ട് 70 വർഷം കഴിഞ്ഞിട്ടും ഒരു സന്ന്യാസിയേപ്പോലും അവർ സമൂഹത്തിന് നൽകിയ സംഭാവനകൾ പരിഗണിച്ച് ഭാരതരത്ന നൽകി ആദരിച്ചിട്ടില്ലെന്ന് രാംദേവ് കുറ്റപ്പെടുത്തി.
