ഇന്ത്യൻ തെരുവ് ഭക്ഷണങ്ങൾക്ക് ആരാധകർ ഏറെയാണ്. അതിൽ മുൻപന്തിയിൽ നിൽക്കുന്നത് പാനു പൂരിയാണ്. ഗോൾ ഗപ്പെയെന്നും പാനി പൂരി അറിയപ്പെടുന്നു. സോഷ്യൽ മീഡിയയിൽ പാനി പൂരി കഴിക്കൊരു വീഡിയോ പങ്കുവച്ചതോടെ ആരാധകരുടെ കമന്റുകളുടെ ഒരു പ്രവാഹം തന്നെ അതിനു ലഭിച്ചിരിക്കുകയാണ്. ഒരു പാനി പൂരി കഴിക്കുന്നതിൽ എന്താണ് ഇത്ര ആശ്ചര്യപ്പെടാൻ എന്നല്ലേ, കഴിക്കുന്നത് മറ്റാരുമല്ല, സൂപ്പർ ഹീറോ ബാറ്റ്മാൻ. ഐക്കണിക് കറുത്ത സ്യൂട്ടും മാസ്കും ധരിച്ച് ക്യാപ്ഡ് ക്രൂസേഡർ സ്റ്റാളിൽ ക്ഷമയോടെ പാനി പൂരി ആസ്വദിക്കാൻ തയ്യാറായി നിൽക്കുകയാണ് യുവാവ്.
ഒരു പാനി പൂരി കടയുടെ മുന്നിൽ നിന്നാണ് വീഡിയോയുടെ തുടക്കം. കടക്കാരനോട് പാനിപൂരി എടുക്കാൻ ബാറ്റ്മാൻ ആവശ്യപ്പെടുന്നു. കുറച്ച് എരിവും കുറച്ച് മധുരവും ചേർന്നത് വേണം തനിക്ക് തരാൻ എന്ന് സൂപ്പർ ഹീറോ പറഞ്ഞതോടെ കടക്കാരനും ആവേശമായി. അദ്ദേഹം നിറഞ്ഞ ചിരിയോടെ തന്റെ സൂപ്പർ ഹീറോയ്ക്ക് പാനി പൂരി എടുത്ത് കൊടുത്തു.
പാനി പൂരി കൈയിൽ കിട്ടിയതോടെ അത് ഒറ്റയടിക്ക് വായിലാക്കാതെ ആസ്വദിച്ചു കഴിക്കുകയാണ് നമ്മുടെ ബാറ്റ്മാൻ. കഴിക്കാൻ പാട് പെടുന്ന ബാറ്റ്മാന്റെ വീഡിയോ നിമിഷങ്ങൾക്കുള്ളിൽ വൈറലോയി. അതോടെ കമന്റുമായി ആരാധകും പാഞ്ഞെത്തി. ബാറ്റ്മാനെ നീ അസാധാരണ മനുഷ്യനായതിനാലാകും സാധാരണ മനുഷ്യരായ ഞങ്ങളെപ്പോടെ ഒറ്റ വായിൽ അത് കഴിക്കാൻ സാധിക്കാത്തതെന്ന് പലരും കളിയാക്കി.
സൂപ്പർമാൻ ലോകത്തെ രക്ഷിക്കുന്ന തിരക്കിലായിരിക്കുമ്പോൾ, ബാറ്റ്മാൻ ഗോൾ ഗപ്പ ആസ്വദിക്കുന്ന തിരക്കിലാണെന്ന് ചില വിരുതന്മാരും പറഞ്ഞു. എന്തായാലും ബാറ്റ്മാൻ വന്നതോടെ കോളടിച്ചത് നമ്മുടെ പാനിപൂരി കച്ചവടക്കാരനാണ്. അദ്ദേഹവും വൈറൽ നമ്മുടെ പാനിപൂരിയും വൈറൽ.
