ചെന്നൈ: നടൻ മോഹൻലാൽ അവതാരകനായ് മലയാളത്തിലെ പ്രമുഖ ചാനൽ സംപ്രേഷണം ചെയുന്ന പോപ്പുലർ റിയാലിറ്റി ഷോ ബിഗ്‌ ബോസ് സീസൺ- 3 നിർത്തിവെച്ചു.
തമിഴ്നാട്ടിലെ കോവിഡ് വ്യാപനവും ഒപ്പം ലോക്ക്ഡൗണും പ്രഖ്യാപിച്ച സാഹചര്യത്തിലാണ് പുതിയ തീരുമാനം.
ഇപ്പോഴത്തെ പ്രതിസന്ധികൾ മാറിയാൽ ഷോ പുനരാരംഭിക്കുമെന്ന് ചാനൽ അധികൃതർ അറിയിച്ചു.
കഴിഞ്ഞ സീസൺ 75ദിവസം കഴിഞ്ഞപ്പോൾ കോവിഡ് വ്യാപനത്തിൽ ഒഴിവാക്കേണ്ടി വന്നിരുന്നു.
എന്നാൽ ഈ വർഷം ഫിനാലേക്ക് ദിവസങ്ങൾ മാത്രം ബാക്കി നിൽക്കെയാണ് പുതിയപ്രതിസന്ധി നേരിടേണ്ടിവരുന്നത്.
ഫെബ്രുവരി 14ന് തുടക്കം കുറിച്ച ബിഗ്‌ബോസ് ചെന്നൈ ഇവിപി ഫിലിം സിറ്റിയിൽ ആണ് ചിത്രീകരണം നടക്കുന്നത്.
ഇരുന്നൂറിൽപരം അണിയറ പ്രവർത്തകർ ജോലി ചെയുന്ന വൻ ബജറ്റ് ഷോയുടെ പ്രൊഡക്ഷൻ കോസ്റ്റ് അറുപത് കോടിയിലേറെയാണ്.
