കണ്ണൂർ: അട്ടപ്പാടിയില്‍ പോലീസ് വെടിവയ്പ്പില്‍ മാവോയിസ്റ്റുകള്‍ കൊല്ലപ്പെട്ട സംഭവത്തില്‍ പ്രതികരണവുമായി ബിനീഷ് കോടിയേരി. മാവോയിസ്റ്റ് ആശയങ്ങളിൽ വിശ്വസിക്കുന്നു എന്നത് വ്യക്തിയെ ഇല്ലായ്മ ചെയ്യാനുള്ള കാരണമല്ലെന്ന് ബിനീഷ് ഫേസ്ബുക്കിൽ കുറിച്ചു.
വെടിവച്ച് കൊല്ലുന്നത് കൊണ്ട് മാവോയിസ്റ്റുകളും ആശയവും ഇല്ലാതാകും എന്ന് കരുതുന്നത് പരിഹാസ്യമാണ്. മാവോയിസ്റ്റുകൾ ഒരു ദിവസം പൊടുന്നനെ ഉടലെടുത്തതല്ല. ആ ആശയത്തിന് നീണ്ട കാല കമ്മ്യൂണിസ്റ്റ് ചരിത്രത്തിന്‍റെ പിൻബലമുണ്ടെന്നും ബിനീഷ് വ്യക്തമാക്കി.
