സെൽഫികളുടെ ലോകത്താണ് നാമിന്ന് ജീവിക്കുന്നത്. വിവിധ ഭാവങ്ങളോടെയും ചേഷ്ഠകളോടെയുമൊക്കെ സെൽഫി എടുത്ത് സമൂഹ മാധ്യമങ്ങളിൽ പലരും പങ്കുവയ്ക്കാറുമുണ്ട്. ലോകത്തിലെ ഏറ്റവും വലിയ ജീവിയാണ് തിമിംഗലം. ഒരു സെൽഫി അവയോടൊപ്പം ആയാലോ?
ഞെട്ടണ്ട… തിമിംഗലങ്ങളോടൊപ്പമുള്ള യുവതിയുടെ സെല്ഫി വീഡിയോയാണ് ഇപ്പോള് സാമൂഹിക മാധ്യമങ്ങളില് തരംഗം സൃഷ്ടിച്ചിരിക്കുന്നത്. അതി വേഗത്തിൽ പോകുന്ന ഒരു ബോട്ടിൽ നിന്ന് യുവതി തന്റെ സെൽഫി വീഡിയോ എടുക്കുകയാണ്. അപ്പോഴാണ് അപ്രതീക്ഷിതമായി രണ്ട് അതിഥികളെത്തിയത്. വീഡിയോ എടുത്തുകൊണ്ടിരുന്ന യുവതിയുടെ തലയ്ക്ക് മുകളിലൂടെ രണ്ട് തിമിംഗലങ്ങൾ കുതിച്ചു ചാടുന്നത് നമുക്ക് കാണാൻ സാധിക്കും. തിമിംഗലങ്ങളെ കണ്ട യുവതി ഞെട്ടുന്നതും അവളുടെ സന്തോഷം പ്രകടിപ്പിക്കുന്നതിനായി കൂകി വിളിക്കുന്നതും വീഡിയോയിൽ കാണാം.
‘ജീവിതത്തിലെ ഏറ്റവും ഗംഭീരമായ ഷോ കാണാൻ പോകുമെന്ന് ഞങ്ങളാരും പ്രതീക്ഷിച്ചിരുന്നില്ല! തിമിംഗലങ്ങൾക്കും ഡോൾഫിനുകൾക്കുമൊപ്പം ഞാൻ നൂറുകണക്കിന് മണിക്കൂറുകൾ സമുദ്രത്തിൽ ചെലവഴിച്ചിട്ടുണ്ട്, എന്നാൽ ഇതുപോലൊന്ന് ഞാൻ കണ്ടിട്ടില്ല.’ എന്ന കുറിപ്പോടെയായാണ് ഇതിന്റെ വീഡിയോ പങ്കുവച്ചിക്കുന്നത്’.വീഡിയോ കാണാൻ ഇവിടെ ക്ലിക് ചെയ്യുക.