പ്രവാചകന്റെ മകളുടെ കഥ പ്രതിപാദിക്കുന്ന ലേഡി ഓഫ് ഹെവന്‍ സിനിമ നിരോധിക്കണമെന്ന് ആവശ്യപ്പെട്ട് നടത്തിയ പ്രതിഷേധങ്ങളെ പിന്തുണച്ച പിന്തുണച്ച സ്വതന്ത്ര ഉപദേഷ്ടാവിനെ ബ്രിട്ടീഷ് സര്‍ക്കാര്‍ പദവിയില്‍ നിന്ന് മാറ്റി.
ഇസ്‌ലാം വിദ്വേഷവുമായി ബന്ധപ്പെട്ട കാര്യങ്ങളില്‍ ഉപദേശം തേടിയിരുന്ന ഇമാം ഖാരി അസിമിനെയാണ് നീക്കിയത്. ലീഡ്‌സ് മക്ക മസ്ജിദിലെ മുഖ്യ ഇമാമാണ് ഖാരി അസിം.
ഷിയ പുരോഹിതനും ചലച്ചിത്രകാരനുമായ യാസിര്‍ അല്‍ ഹബീബ് സംവിധാനം ചെയ്ത’ലേഡി ഓഫ് ഹെവന്‍’ നിരോധിക്കണമെന്ന ആവശ്യത്തെയാണ് ഖാരി അസിം പിന്തുണച്ചത്.
ഇങ്ങനെ ചെയ്തതിലൂടെ കലാവിഷ്‌കാര സ്വാതന്ത്ര്യത്തിനും സമുദായ സൗഹാര്‍ദത്തിനും എതിരായ നിലപാട് ഇമാം കൈക്കൊണ്ടുവെന്നും അതിനാല്‍ പദവിയില്‍ ഇരിക്കാന്‍ അര്‍ഹനല്ലെന്നും സര്‍ക്കാര്‍ വ്യക്തമാക്കി.
ജൂണ്‍ മൂന്നിനാണ് ‘ ലേഡി ഓഫ് ഹെവന്‍’ റിലീസ് ചെയ്തത്. ഇസ്‌ലാമിക ചരിത്രത്തെ തെറ്റായി കാണിക്കുന്നതാണ് സിനിമയെന്ന് ആരോപിച്ചാണ് വിവിധ സംഘടനകള്‍ രംഗത്തെത്തിയത്.
പ്രതിഷേധത്തെ തുടര്‍ന്ന് ബ്രിട്ടനിലെ തിയറ്ററുകളില്‍ പ്രദര്‍ശനം നിര്‍ത്തി വച്ചിരുന്നു.
