കണമല: ഏതു നിമിഷവും ദുരന്തം സംഭവിക്കാവുന്ന ഇടങ്ങളായി അട്ടിവളവും കരിങ്കല്ലുംമൂഴിയും കണമലയും എരുത്വാപ്പുഴയും. എരുമേലിയിൽനിന്ന് പന്പയിലേക്കുള്ള റോഡിലെ കൊടുംവളവുകളും അശാസ്ത്രീയ നിർമിതിയും അപകടസാധ്യത വർധിപ്പിക്കുന്നു.ശബരിമല സീസൺ ആരംഭിച്ച് ദിവസങ്ങൾ പിന്നിടുന്പോഴാണ് സീബ്രാലൈനുകൾ വരയ്ക്കുന്നത്. ഇവയാവട്ടെ വേണ്ടത്ര നിലവാരമില്ലാതെയും. രാവും പകലും പോലീസും ഗതാഗത വകുപ്പും എരുമേലിമുതൽ പന്പവരെ കൊടും വളവുകളിലും പാതയോരങ്ങളിലും ചിട്ടയായ നിർദേശങ്ങളുമായി നിലകൊള്ളുന്നതുകൊണ്ടാണ് യാത്ര ഇത്രയെങ്കിലും സുരക്ഷിതമാകുന്നത്. കണമല – നിലയ്ക്കൽ വനപാതയിൽ കൊടും വളവുകൾ നിരവധിയാണ്. ഇതോടകം പത്തിലേറെ വലിയ അപകടങ്ങളിലായി അന്പതിലേറെപ്പേരുടെ മരണത്തിനിടയാക്കിയ അപകടക്കെണിയായ അട്ടിവളവ് നിവർക്കാനോ വീതി കൂട്ടാനോ ശാസ്ത്രീയമായി പുനർനിർമിക്കാനോ യാതൊരു നടപടിയുമായിട്ടില്ല. കഴിഞ്ഞദിവസവും അയൽ സംസ്ഥാനത്തുനിന്നുള്ള തീർഥാടകരുടെ മിനി ബസ് അട്ടിവളവിൽ മറിഞ്ഞു. റോഡിന്റെ അശാസ്ത്രീയ നിർമിതിയാണ് തുടർച്ചയായ അപകടങ്ങൾക്കു കാരണമെന്ന് നാറ്റ്പാക്ക് ശാസ്ത്രീയ പഠനത്തിൽ കണ്ടെത്തിയിരുന്നു. കണമല കവലയിലേക്കുള്ള കുത്തിറക്കത്തിൽ വാഹനങ്ങൾക്കെടുക്കാവുന്ന പരമാവധി വേഗമോ ജാഗ്രതാ…
Read MoreCategory: Edition News
ഒടുവിൽ പിടി വീണു: അബ്കാരി കേസിൽ ജാമ്യമെടുത്ത് വിദേശത്തേക്ക് മുങ്ങി; 22 വർഷത്തിനുശേഷം പിടിയിൽ
മാന്നാർ: അബ്കാരി കേസിൽ ജാമ്യമെടുത്ത് വിദേശത്തേക്ക് മുങ്ങിയ പ്രതി 22 വർഷത്തിനു ശേഷം പിടിയിലായി. 2002ൽ വ്യാജ ചാരായ വില്പന നടത്തിയ കേസിൽ പ്രതിയായിരുന്ന മാന്നാർ കുട്ടംപേരൂർ ആനമുടിയിൽ മനോജ് മോഹനെ (46) യാണ് 22 വർഷത്തിന് ശേഷം മാന്നാർ പൊലീസ് അറസ്റ്റ് ചെയ്തത്. 2002 ലാണ് മനോജ് മോഹനനെയാണ് വീട്ടിൽ വ്യാജ ചാരായവിൽപ്പന നടത്തിയതിന് പോലീസ് പിടികൂടി കേസെടുത്തത്.അന്ന് റിമാൻഡിൽ ആയ പ്രതി കുറച്ചു ദിവസങ്ങൾക്കുശേഷം ജാമ്യത്തിൽ ഇറങ്ങി മുങ്ങുകയായിരുന്നു. ജാമ്യം ലഭിച്ചതിനുശേഷം ഇതുവരെ കോടതിയിൽ ഹാജരായിട്ടില്ല. തുടർന്ന് കോടതി പ്രതിക്കെതിരെ ലോങ്ങ് പെൻറിംഗ് വാറണ്ട് പുറപ്പെടുവിച്ചിരുന്നു. വിദേശത്തായിരുന്ന പ്രതി കഴിഞ്ഞദിവസം നാട്ടിലെത്തിയത് അറിഞ്ഞ മാന്നാർ പോലീസ് ഇൻസ്പെക്ടർ എ. അനീഷ്, എസ് ഐ സി.എസ്.അഭിരാം, സീനിയർ സിവിൽ പോലീസ് ഓഫീസർ സാജിദ്,സിവിൽ പോലീസ് ഓഫീസർ ഹരിപ്രസാദ് എന്നിവരടങ്ങിയ പോലീസ് സംഘം വീട്ടിലെത്തിയാണ് പ്രതിയെ പിടികൂടിയത്.…
Read Moreതൊടുപുഴയിൽ 40 കിലോ കഞ്ചാവുമായി 2 യുവാക്കള് പിടിയില്; ഓടി രക്ഷപ്പെട്ടയാൾക്കായി അന്വേഷണം ഊർജിതമാക്കി പോലീസ്
തൊടുപുഴ: വില്പനയ്ക്കായി കൊണ്ടു വന്ന 40 കിലോ കഞ്ചാവുമായി രണ്ടു യുവാക്കള് പോലീസ് പിടിയിലായി. ഒരാള് ഓടി രക്ഷപ്പെട്ടു. തൊടുപുഴ പെരുമ്പിള്ളിച്ചിറ കൊച്ചുപറമ്പില് നൗഫല് (25), ചൂരവേലില് റിന്സാദ് (29) എന്നിവരെയാണ് എസ്ഐ എന്.എസ്. റോയിയുടെ നേതൃത്വത്തില് പിടി കൂടിയത്. ഇവര്ക്കൊപ്പമുണ്ടായിരുന്ന പെരുമ്പിള്ളിച്ചിറ സ്വദേശി അനൂപ് ഓടി രക്ഷപ്പെട്ടു.സ്വകാര്യ മെഡിക്കല്കോളജ് ഉള്പ്പെടെ നിരവധി വിദ്യാഭ്യാസ സ്ഥാപനങ്ങള് പ്രവര്ത്തിക്കുന്ന പെരുമ്പിള്ളിച്ചിറ മേഖലയില്നിന്നാണ് ഇന്നു രാവിലെ 6.30 ഓടെ പ്രതികളെ കഞ്ചാവുമായി പിടികൂടിയത്. കഞ്ചാവ് വിവിധ പായ്ക്കറ്റുകളിലാക്കി കാറിന്റെ ഡിക്കിയില് ഒളിപ്പിച്ച നിലയിലായിരുന്നു. വിദ്യാര്ഥികള്ക്കിടയിലും മറ്റും വില്പന നടത്താനാണ് ഇവര് കഞ്ചാവ് എത്തിച്ചത്. പ്രതികള് നേരത്തെയും കഞ്ചാവ് കേസില് ഉള്പ്പെട്ടവരാണെന്നാണ് സൂചന. ഓടിരക്ഷപ്പെട്ട അനൂപിനായി പോലീസ് തെരച്ചില് ഊര്ജിതപ്പെടുത്തിയിട്ടുണ്ട്.
Read Moreപാണക്കാട് തങ്ങള്ക്കെതിരായ പരാമര്ശം ആസൂത്രിതം; തിരിച്ചടിക്കാൻ മുസ് ലിം ലീഗ്
കോഴിക്കോട്: മുസ് ലിം ലീഗ് സംസ്ഥാന അധ്യക്ഷൻ പാണക്കാട് സാദിഖലി തങ്ങൾക്കെതിരായ മുഖ്യമന്ത്രി പിണറായി വിജയന്റെയും പാർട്ടി സെക്രട്ടറി എം.വി. ഗോവിന്ദന്റെയും വിമർശനം ആസൂത്രിതമെന്ന വിലയിരുത്തലില് മുസ് ലിം ലീഗ്. മുഖ്യമന്ത്രിക്കെതിരേ തുടര് ദിവസങ്ങളില് ആക്രമണം കൂടുതല് ശക്തമാക്കാനാണ് ലീഗ് തീരുമാനം. ബിജെപി വിട്ട് കോണ്ഗ്രസില് ചേക്കേറിയ സന്ദീപ് വാര്യര് പാണക്കാട് എത്തിയതുമാത്രമല്ല മുഖ്യമന്ത്രിയെയും സിപിഎമ്മിനെയും പ്രകോപിപ്പിച്ചതെന്നാണ് മുസ് ലിം ലീഗ് വിലയിരുത്തുന്നത്. മുസ് ലിം ലീഗിന്റെ മുന്നണി മാറ്റത്തിനായി ചില ചരടുവലികൾ സിപിഎമ്മിന്റെ ഭാഗത്തുനിന്ന് ഉണ്ടായിരുന്നു. സമസ്തയിലെ ഒരുവിഭാഗത്തെയും ഇതിനായി സിപിഎം കൂട്ടുപിടിച്ചു. എന്നാൽ, ഇതിന് ശക്തമായ തടയിടുന്ന നിലപാടാണ് സാദിഖലി തങ്ങളുടെ ഭാഗത്തുനിന്നുണ്ടായത്. തുടർന്നാണ് സാദിഖലി തങ്ങളെ ഉന്നമിടുന്ന രീതിയിലേക്ക് സിപിഎം ചുവടുമാറ്റിയിരിക്കുന്നത്.സാദിഖലി തങ്ങൾക്കെതിരായ നീക്കത്തിനെതിരേ പാലക്കാട് ഉപതെരഞ്ഞെടുപ്പിന് ശേഷം ശക്തമായ പ്രതിരോധത്തിന് ഒരുങ്ങുകയാണ് ലീഗ്. ലോക്സഭാതെരഞ്ഞെടുപ്പില് ഉള്പ്പെടെ ഇടതുമുന്നണിക്കേറ്റ തിരിച്ചടിക്ക് കാരണമായത് മുസ്…
Read Moreവിൽക്കാനായി എത്തിച്ച എംഡിഎംഎയുമായി യുവാവ് പിടിയില്; 4 ഗ്രാം എംഡിഎംഎ 11 പൊതികളിലായി സൂക്ഷിച്ച നിലയിലായിരുന്നു
പൂന്തുറ: കച്ചവടത്തിനായി സൂ ക്ഷിച്ച നാല് ഗ്രാം എംഡിഎംഎയുമായി യുവാവിനെ പൂന്തുറ പോലീസ് അറസ്റ്റ് ചെയ്തു. മുട്ടത്തറ വില്ലേജില് വള്ളക്കടവ് ജമാ മസ്ജിത്ത് റോഡിൽ സഭക്കത്തലി (26) യെ ആണ് പോലീസ് അറസ്റ്റ് ചെയ്തത്. തിങ്കളാഴ്ച ഉച്ചയോടുകൂടി അമ്പലത്തറ പരവന്കുന്ന് ഭാഗത്തുള്ള ഷൂട്ടിംഗ്മുടുക്കില് നിന്നുമാണ് ഇയാളെ എംഡിഎംഎയുമായി പോലീസ് പിടികൂടിയത്. നാല് ഗ്രാം എംഡിഎംഎ 11 പൊതികളാക്കിയ നിലയില് കണ്ടെത്തുകയായിരുന്നു. വിൽപ്പനയ്ക്കായാണ് പ്രതി ഇവയെത്തിച്ചതെന്ന് പോലീസിനോട് പറഞ്ഞു. പൂന്തുറ എസ്എച്ച്ഒ സാജുവിന്റെ നേതൃത്വത്തില് എസ്ഐ മാരായ സുനില്, ജയപ്രകാശ് എന്നിവരുള്പ്പെട്ട സംഘമാണ് പ്രതിയെ ഇന്നലെ അറസ്റ്റ് ചെയ്തത്.പ്രതിയെ കോടതിയില് ഹാജരാക്കി റിമാൻഡ് ചെയ്തു.
Read Moreഉൾനാടൻ ജലഗതാഗതം പ്രോത്സാഹിപ്പിക്കൽ; കൂടുതൽ സൗരോർജ ബോട്ടുകൾ പുറത്തിറക്കാൻ ജലഗതാഗത വകുപ്പ്
കൊല്ലം: ഉൾനാടൻ ജലഗതാഗതം പ്രോത്സാഹിപ്പിക്കുന്നതിന്റെയും വ്യാപിപ്പിക്കുന്നതിന്റെയും ഭാഗമായി കൂടുതൽ സൗരോർജ ബോട്ടുകൾ അവതരിപ്പിക്കാൻ ജലഗതാഗത വകുപ്പിന് പദ്ധതി. 20 പേർക്ക് യാത്ര ചെയ്യാൻ കഴിയുന്ന ചെറുബോട്ടുകൾ നിർമിക്കാനാണ് ലക്ഷ്യമിട്ടിട്ടുള്ളത്. ഇതിന്റെ രൂപകൽപ്പനാ നടപടികൾ ഇതിനകം ആരംഭിച്ച് കഴിഞ്ഞു. നദികളും തോടുകളും അടക്കമുള്ള ഉൾനാടൻ ജലാശയങ്ങളിൽ സുരക്ഷിത യാത്ര നടത്തുന്നതിന് അനുയോജ്യമായ ചെറു ബോട്ടുകളാണ് രൂപകൽപ്പനയിലുള്ളത്. കൊല്ലം, ആലപ്പുഴ, കോട്ടയം, എറണാകുളം, കണ്ണൂർ, കാസർഗോഡ് ജില്ലകളിലായിരിക്കും ഈ ബോട്ടുകൾ തുടക്കത്തിൽ സർവീസ് നടത്തുക. കുട്ടനാട്ടിലെ നിലവിലെ കായൽ ടൂറിസം കൂടുതൽ വികസിപ്പിക്കുന്നതിൻ്റെ ഭാഗമായി 30 സീറ്റുകൾ ഉള്ള സോളാർ ബോട്ടുകൾ നിർമിക്കാനും ജലഗതാഗത വകുപ്പിന് പദ്ധതിയുണ്ട്. ഇത് കൂടാതെ കൊല്ലം ജില്ലയിലെ മൺട്രോതുരുത്തിലെ പ്രധാന ആകർഷണമായ കണ്ടൽ കാടുകളിലേയ്ക്ക് വിദേശ – ആഭ്യന്തര വിനോദ സഞ്ചാരികളെ കൊണ്ടുപോകാൻ ഔട്ട് ബോർഡ് എൻജിനുകളുള്ള ബോട്ടുകൾ അവതരിപ്പിക്കാനും വകുപ്പ് ആലോചിക്കുന്നു. ആലപ്പുഴ…
Read Moreവീട്ടിലും പറമ്പിലും വാനരപ്പട ശല്യം സഹിക്കാൻ വയ്യ; നിർവാഹമില്ലാതെ കൊച്ചുമ്മൻ തെങ്ങ് മുറിച്ചുമാറ്റി
വടശേരിക്കര: വാനരപ്പടയുടെ ശല്യം സഹിക്കവയ്യാതെ മുറ്റത്തും പറന്പിലും നിന്ന ഫലവൃക്ഷങ്ങളും തെങ്ങും മുറിച്ചുനീക്കി പ്രതിരോധിക്കുകയാണ് കർഷകനായ പി.കെ. കൊച്ചുമ്മൻ. മുറ്റത്തെ മരങ്ങളിൽ ഓടിച്ചാടി നടക്കുന്ന വാനരന്മാരുടെ ശല്യം വീടിനുള്ളിലേക്കുമായതോടെയാണ് ഇവയെ ഓടിക്കാൻ മറ്റു മാർഗമില്ലെന്നായപ്പോൾ മരങ്ങൾ മുറിച്ചു മാറ്റിയത്. വടശേരിക്കര ബൗണ്ടറി പനയ്ക്കൽ പി.കെ. കൊച്ചുമ്മന്റെ പുരയിടത്തിൽനിന്ന് ഒരു കായ്ഫലവും കുരങ്ങുകൾ തരില്ലെന്നായി. നട്ടുവളർത്തിയ തെങ്ങിൽനിന്ന് തേങ്ങ കിട്ടാറില്ല. കരിക്ക് ആകുന്പോൾതന്നെ കുരങ്ങന്മാർ നശിപ്പിക്കും. നേരം പുലരുന്പോൾ പറന്പിലെത്തുന്ന കുരങ്ങുകൾ രാത്രിവരെ ഇവിടെയുണ്ടാകും. തെങ്ങിലും സമീപത്തെ റന്പുട്ടാൻ മരത്തിലുമൊക്കെയാണ് വാസം. റന്പുട്ടാൻ പഴം ലഭിക്കാറില്ല. വല ഇട്ടാലും നശിപ്പിച്ചിരിക്കും. തെങ്ങുകൾ മുറിച്ചു മാറ്റിയും റന്പുട്ടാന്റെ ശിഖരങ്ങൾ കോതിയിറക്കിയുമാണ് കൊച്ചുമ്മൻ കുരങ്ങന്മാരെ പ്രതിരോധിച്ചത്. ഏറെ വേദനയോടെയാണ് ഇതു ചെയ്തതെന്ന് അദ്ദേഹം പറയുന്നു. കായ്ഫലമുള്ള തെങ്ങുകളാണ് മുറിച്ചു മാറ്റിയത്. ഇനി വീട്ടുമുറ്റത്തോടു ചേർന്ന് ഒരു തെങ്ങ് മാത്രമാണുള്ളത്. അതാകട്ടെ ഫലം…
Read Moreവഴിവിളക്കുകൾ തെളിച്ചേ തീരൂ… ചൂട്ടുകറ്റ കത്തിച്ച് പ്രതിഷേധിച്ച് എലിക്കുളം പഞ്ചായത്തംഗം മാത്യൂസ് പെരുമനങ്ങാട്ട്
എലിക്കുളം: വഴിവിളക്ക് തെളിക്കാത്ത പൊതുമരാമത്ത് അധികൃതരുടെ നടപടിയിൽ പ്രതിഷേധിച്ച് പഞ്ചായത്തംഗത്തിന്റെ ഒറ്റയാൾ പ്രതിഷേധം. എലിക്കുളം പഞ്ചായത്തംഗം മാത്യൂസ് പെരുമനങ്ങാടാണ് ചൂട്ടുകറ്റ കത്തിച്ച് പ്രതിഷേധിച്ചത്. പുനലൂർ-മൂവാറ്റുപുഴ റോഡ് സംസ്ഥാനപാതയായി നവീകരിച്ചപ്പോൾ റോഡിന് ഇരുവശവുമായി നാനൂറിലധികം വഴിവിളക്കുകളാണ് സ്ഥാപിച്ചത്. എന്നാൽ, ഇപ്പോൾ രണ്ടുവർഷത്തിലേറെയായി ഒരെണ്ണം പോലും തെളിയുന്നില്ല. വാഹനങ്ങളിടിച്ച് കേടായ വിളക്കുകൾക്കെല്ലാം അമ്പതിനായിരം മുതൽ ഒരുലക്ഷം രൂപ വരെ വാഹനഉടമകളിൽനിന്ന് സർക്കാരിലേക്ക് നഷ്ടപരിഹാരം ഈടാക്കിയെങ്കിലും ഒന്നുപോലും പുനഃസ്ഥാപിച്ചില്ല. ഒടിഞ്ഞ് വഴിയിൽ വീണുകിടന്ന തൂണുകളിൽനിന്ന് ബാറ്ററികൾ മോഷണം പോവുകയും ചെയ്തു. ബാറ്ററിയുടെയും പാനലിന്റെയും തകരാർ മൂലം ബാക്കി വഴിവിളക്കുകളും പ്രവർത്തനരഹിതമായതോടെ നിരവധി ബാറ്ററികൾ മോഷ്ടിക്കപ്പെട്ടു. ഏതാനും സംഘങ്ങളെ പോലീസ് പിടികൂടുകയും ചെയ്തു. നാട്ടുകാരും തദ്ദേശസ്ഥാപനങ്ങളും നിരന്തരം പരാതി നൽകിയിട്ടും വഴിവിളക്കുകൾ നന്നാക്കാൻ പൊതുമരാമത്ത് വകുപ്പ് നടപടിയെടുത്തില്ല. കെൽട്രോൺ, അനർട്ട് തുടങ്ങിയ ഏതെങ്കിലും ഏജൻസിക്ക് പരിപാലന ചുമതല നൽകുന്ന കാര്യം ആലോചിച്ചെങ്കിലും തുടർനടപടിയുണ്ടായില്ല.…
Read Moreവീട്ടിൽ അതിക്രമിച്ചു കയറി പീഡനം; പോക്സോ കേസ് പ്രതിക്ക് ജീവപര്യന്തം തടവ്; പിഴത്തുക അതിജീവിതയ്ക്ക് നൽകണം
അടൂർ: പ്രായപൂർത്തിയാകാത്ത പട്ടികജാതി പെൺകുട്ടിയെ പീഡിപ്പിച്ച കേസിലെ പ്രതിക്ക് ജീവപര്യന്തം കഠിന തടവും കൂടാതെ 11 വർഷം കഠിനതടവും 1,30,000 രൂപ പിഴയും. തൊടുവക്കാട് ചരുവിള വീട്ടിൽ ലീസണെയാണ് (37) അടൂർ അതിവേഗത കോടതി സ്പെഷൽ ജഡ്ജി.ടി. മഞ്ജിത്ത് ശിക്ഷിച്ചത്. 2023 ഓഗസ്റ്റിൽ അതിജീവിത മാതൃസഹോദരിയുടെ വീട്ടിൽ താമസിച്ചുവരവേ ലീസൻ അതിക്രമിച്ചു കയറി ലൈംഗികമായി പീഡിപ്പിച്ചതായാണ്കേസ്. അടൂർ എസ്എച്ച്ഒ ആയിരുന്ന എസ്. ശ്രീകുമാർ എഫ്ഐആർ രജിസ്റ്റർ ചെയ്ത കേസിൽ ഡിവൈഎസ്പി ആർ. ജയരാജാണ് കോടതിയിൽ കുറ്റപത്രം നൽകിയത്. ഇന്ത്യൻ ശിക്ഷ നിയമം, പോക്സോ ആക്ട്, എസ് സി,എസ്ടി ആക്ടുകൾ പ്രകാരം ലീസണെ കുറ്റക്കാരനെന്നു കണ്ടെത്തി കോടതി ശിക്ഷിക്കുകയായിരുന്നു. പിഴത്തുക അടയ്ക്കുന്ന പക്ഷം അതിജീവിതയ്ക്കു നൽകാൻ ലീഗൽ സർവീസസ് അഥോറിട്ടിക്കു നിർദേശം നൽകി. പ്രോസിക്യൂഷനു വേണ്ടി സ്പെഷൽ പ്രോസിക്യൂട്ടർ സ്മിതാപി.ജോൺ ഹാജരായി.
Read Moreതെങ്ങണ ജംഗ്ഷനില് ടിപ്പര് കടയിലേക്ക് ഇടിച്ചുകയറി: മൂന്ന് ഇതരസംസ്ഥാന തൊഴിലാളികൾക്കു പരിക്ക്
ചങ്ങനാശേരി: വാഴൂര് റോഡില് തെങ്ങണ ജംഗ്ഷനില് മിനി ടിപ്പര് നിയന്ത്രണംവിട്ട് ട്രാവലറിലും കാറിലും ഇടിച്ചശേഷം കടയിലേക്ക് ഇടിച്ചുകയറി. ജോലിക്കു പോകുന്നതിനായി കാത്തുനിന്ന മൂന്ന് ഇതര സംസ്ഥാന തൊഴിലാളികള്ക്കു പരിക്കേറ്റു. ഇതിൽ ഒരാളുടെ പരിക്ക് ഗുരുതരമാണ്. ഇയാളെ കോട്ടയം മെഡിക്കൽ കൗോളജിലേക്കു മാറ്റി. ഇന്നു രാവിലെ 7.30നാണ് അപകടം. ചങ്ങനാശേരി ഭാഗത്തുനിന്നു വന്ന ടിപ്പറാണ് അപകടത്തില്പ്പെട്ടത്. പരിക്കേറ്റവരെ ചങ്ങനാശേരി ജനറല് ആശുപത്രിയില് പ്രവേശിപ്പിച്ചു. വിവിധ സ്ഥലങ്ങളിലേക്കു ജോലിക്കു പോകുന്നതിനായി നൂറിലേറെ തൊഴിലാളികള് കൂടിനിന്ന സ്ഥലത്താണ് അപകടമുണ്ടായത്. ജംഗ്ഷനില് പ്രവര്ത്തിക്കുന്ന മാന്നില സ്വദേശി ജയിംസിന്റെ മൊബൈല് ഹട്ട് എന്ന കടയിലേക്കാണ് ടിപ്പര് ഇടിച്ചുകയറിയത്. തൃക്കൊടിത്താനം പോലീസ് മേല്നടപടികള് സ്വീകരിച്ചു.
Read More