തിരുവനന്തപുരം: വയനാട്ടിലെ ഉരുള്പൊട്ടല് ദേശീയ ദുരന്തമായി പ്രഖ്യാപിക്കില്ലെന്ന കേന്ദ്ര സര്ക്കാര് നിലപാട് കേരളത്തിലെ ജനങ്ങളോടുള്ള വെല്ലുവിളിയാണെന്ന് മന്ത്രി.കെ രാജന്. കേന്ദ്രത്തിന്റെ നിലപാട് നിരാശാജനകം ആണ്. കേവലമായ സാങ്കേതികത്വം പറഞ്ഞ് ദുരന്തഘട്ടത്തില് ക്ലാസെടുക്കുകയാണ് കേന്ദ്ര സര്ക്കാര് ചെയ്യുന്നത്. വയനാട് ഉരുൾപൊട്ടൽ ലെവൽ 3 ദുരന്ത വിഭാഗത്തിൽ ഉൾപ്പെടുത്തുമോയെന്ന് തീരുമാനമായില്ല. കേരളത്തിന് പ്രത്യേക ഫണ്ട് എപ്പോൾ ലഭ്യമാക്കുമെന്ന കാര്യത്തിലും വ്യക്തതയില്ല. കേരളം ആവശ്യപ്പെട്ട കാര്യങ്ങള്ക്ക് കൃത്യമായ മറുപടി പോലും കേന്ദ്രം നല്കിയില്ല. എസ് ഡി ആര് എഫില് തുകയുണ്ടെന്ന കേന്ദ്രത്തിന്റെ വാദം തെറ്റിദ്ധരിപ്പിക്കുന്നതാണ്. കേരളത്തിന്റെ അവകാശം നേടിയെടുക്കുന്നതിന് വേണ്ടി മുന്നോട്ട് പോകുമെന്നും മന്ത്രി പറഞ്ഞു. ദുരന്തത്തെ ലെവൽ 3 വിഭാഗത്തില് ഉള്പ്പെടുത്തണമെന്ന് ആദ്യത്തെ ഇന്റര്മിനിസ്റ്റീരിയല് ഡിസാസ്റ്റര് സംഘം എത്തിയപ്പോള് മുതല് ആവശ്യപ്പെടുന്ന കാര്യമാണ്. ദുരന്തം രാജ്യം മുഴുവന് കൈകാര്യം ചെയ്യേണ്ട വിഷയമാണോ എന്നും സംസ്ഥാനത്തിന് എത്ര തുക നല്കണം എന്നും…
Read MoreCategory: Edition News
വീട്ടിൽ അതിക്രമിച്ച് കയറി കുട്ടിയോടൊപ്പം ഉറങ്ങിക്കിടന്ന വീട്ടമ്മയെ മാനഭംഗപ്പെടുത്താന് ശ്രമം; പ്രതി അറസ്റ്റില്
പയ്യന്നൂര്: കുട്ടിയോടൊപ്പം കിടന്നുറങ്ങുകയായിരുന്ന വീട്ടമ്മയെ മാനഭംഗപ്പെടുത്താന് ശ്രമിച്ചയാള് അറസ്റ്റില്. പയ്യന്നൂര് കേളോത്തെ കൊടക്കല് മഹേഷ്കുമാറാണ് (46) അറസ്റ്റിലായത്. കോടതി ഇയാളെ റിമാൻഡ് ചെയ്തു. ഇന്നലെ പുലര്ച്ചെ നാലോടെ പയ്യന്നൂര് പോലീസ് സ്റ്റേഷന് പരിധിയിലെ വീട്ടിലായിരുന്നു സംഭവം. വീട്ടില് അതിക്രമിച്ച് കയറിയ ഇയാള് വീട്ടമ്മയെ മാനഭംഗപ്പെടുത്താന് ശ്രമിക്കുകയായിരുന്നു. വീട്ടമ്മ ഒച്ചവച്ചതോടെ അക്രമി ഇരുട്ടില് മറയുകയായിരുന്നു. വീട്ടമ്മയുടെ പരാതിയില് പ്രദേശത്തെ നിരീക്ഷണ കാമറ ദൃശ്യങ്ങള് ശേഖരിച്ചാണ് പോലീസ് പ്രതിയെ പിടികൂടിയത്.
Read Moreപുരുഷന്മാരുടെ മാത്രം കുത്തകയായിരുന്ന ജില്ലാ ജുഡീഷറിയില് സ്ത്രീ പ്രാതിനിധ്യം വര്ധിച്ചു
കൊച്ചി: ഒരു കാലത്ത് പുരുഷന്മാരുടെ മാത്രം കുത്തകയായിരുന്ന ജില്ലാ ജുഡീഷറിയില് സ്ത്രീ പ്രാതിനിധ്യം വര്ധിച്ചതായി കണക്കുകള്. സംസ്ഥാനത്തെ ജില്ലാ ജുഡീഷറികളില് മജിസ്ട്രേറ്റുകളും സെഷന്സ് ജഡ്ജിമാരും ഉള്പ്പെടെ ജുഡീഷ്യല് ഓഫീസര്മാരായി സേവനമനുഷ്ഠിക്കുന്ന സ്ത്രീകളുടെ എണ്ണം കൂടിയതായാണ് കേരള ഹൈക്കോടതിയുടെ വിവരാവകാശ അപേക്ഷയ്ക്കുള്ള മറുപടിയില് വെളിപ്പെടുത്തുന്നത്. 2024 സെപ്റ്റംബര് 12 ലെ കണക്കനുസരിച്ച് സേവനമനുഷ്ഠിക്കുന്ന 539 ജില്ലാ ജുഡീഷല് ഓഫീസര്മാരില് 260 പേര് സ്ത്രീകളാണ്. കേരള ജുഡീഷല് അക്കാദമിയില് സിവില് ജഡ്ജിമാര്ക്കുള്ള (ജൂനിയര് ഡിവിഷന്) ഒരു വര്ഷത്തെ ഇന്ഡക്ഷന് പരിശീലനം അടുത്തിടെ പൂര്ത്തിയാക്കിയ 36 ഉദ്യോഗസ്ഥരില് 26 പേരും സ്ത്രീകളെന്ന് രേഖകള് സൂചിപ്പിക്കുന്നു. മുന് ചീഫ് ജസ്റ്റിസ് ഡി.വൈ. ചന്ദ്രചൂഡ് അടുത്തിടെ നടത്തിയ ഒരു പ്രസംഗത്തില് ഇക്കാര്യം സൂചിപ്പിച്ചിരുന്നു. 2023ലെ കേരള ജുഡീഷല് സര്വീസ് പരീക്ഷയില് 75 പേരാണ് റാങ്ക് ലിസ്റ്റില് ഇടംനേടിയത്. കേരള ജുഡീഷല് സര്വീസസ് പരീക്ഷയുടെ പുതിയ…
Read Moreഉറങ്ങിക്കിടന്ന യുവതിയുടെയും നവജാത ശിശുവിന്റെയും മാല കവർന്നു; പിന്നിൽ കുറുവാ സംഘമെന്ന് സൂചന
അമ്പലപ്പുഴ: ഉറങ്ങിക്കിടന്ന യുവതിയുടെയും നവജാത ശിശുവിന്റെയും മാല കവര്ന്നു. പിന്നില് കുറുവാ സംഘമെന്ന് സൂചന. ആലപ്പുഴ തൂക്കുകുളം മകയിരം വീട്ടില് മനോഹരന്റെ മകള് നീതുവിന്റെ ഒന്നരപ്പവനും മൂന്നു മാസം പ്രായമായ രാംമാധവിന്റെ അരപ്പവനും തൂക്കം വരുന്ന മാലയുമാണ് കവര്ന്നത്. കഴിഞ്ഞ രാത്രി 12.15 ഓടെയായിരുന്നു മോഷണം. അടുക്കളവാതിലിന്റെ കൊളുത്ത് തകര്ത്ത് അകത്തുകടന്ന മോഷ്ടാവ് മുറിയില് ഉറങ്ങുകയായിരുന്ന നീതുവിന്റെയും കുഞ്ഞിന്റെയും മാല പൊട്ടിക്കുകയായിരുന്നു.ഈ സമയം നീതുവിന്റെ നിലവിളി കേട്ട് പിതാവ് മനോഹരന് ഉറക്കമുണര്ന്ന് നോക്കിയപ്പോള് മോഷ്ടാവ് കടന്നുകള ഞ്ഞു. മുഖം മറച്ച ഒരാളാണ് മോഷ്ടാവെന്ന് മകള് പറഞ്ഞതായി മനോഹരന് പറയുന്നു. വിവരമറിയിച്ചതിനെത്തുടര്ന്ന് പുന്നപ്ര പോലീസെത്തി അന്വേഷണമാരംഭിച്ചു.മോഷണത്തിനു പിന്നില് കുറുവാ സംഘമാണെന്ന സൂചനയുണ്ട്. എന്നാല് കഴിഞ്ഞദിവസം കോമളപുരം മണ്ണഞ്ചേരിയിലും സമാനരീതിയില് കവര്ച്ച നടത്തിയ സംഘത്തിന്റെ വേഷമല്ലായിരുന്നു ഈ മോഷ്ടാവിന്. കുറുവാ സംഘമാണ് ഈ മോഷണത്തിന് പിന്നിലെന്ന് പോലീസ് സ്ഥിരീകരിച്ചിട്ടില്ല. മോഷ്ടാക്കളെ…
Read Moreസ്കൂള് കുട്ടികള്ക്കു നേരേ പാഞ്ഞടുത്ത് കാട്ടാന! ആക്രമണത്തില്നിന്നു രക്ഷപ്പെട്ടത് തലനാരിഴയ്ക്ക്
ഇടുക്കി: പീരുമേട്ടില് സ്കൂള് കുട്ടികള്ക്ക് നേരെ പാഞ്ഞടുത്ത് കാട്ടാന. തലനാരിഴയ്ക്കാണ് കുട്ടികള് ആനയുടെ ആക്രമണത്തില് നിന്നും ഓടി രക്ഷപ്പെട്ടത്. പീരുമേട് മരിയഗിരി പബ്ലിക് സ്കൂളിലെ കുട്ടികള്ക്ക് നേരെയാണ് കാട്ടാന പാഞ്ഞടുത്തത്. ഇന്നലെ വൈകുന്നേരം നാലരയോടെയാണ് ഞെട്ടിക്കുന്ന സംഭവം. ബസ് കാത്ത് സ്റ്റോപ്പില് നിന്ന സ്കൂള് കൂട്ടികള്ക്കു നേരെയാണ് കാട്ടാന പാഞ്ഞടുത്തത്. കുട്ടികള് സ്കൂള് പരിസരത്തേക്ക് ഓടിക്കയറി ഗേറ്റ് പൂട്ടിയതിനാലാണ് വലിയ അപകടം ഒഴിവായത്. ഈ സമയം റോഡിലൂടെ വാഹനങ്ങളും സഞ്ചരിക്കുന്നുണ്ടായിരുന്നു. ഓടിയെത്തിയ കാട്ടാന പിന്നീട് തട്ടാത്തിക്കാനം വനമേഖലയിലേക്കു പോയി. കഴിഞ്ഞ ഏതാനും ദിവസമായി കുട്ടിക്കാനം, പീരുമേട്, തട്ടാത്തിക്കാനം പ്രദേശത്ത് കാട്ടാനകള് തമ്പടിച്ചിട്ടുണ്ട്. എന്നാല് ഇവയെ തുരത്തുന്നതിനോ കാടു കയറ്റുന്നതിനോ വനം വകുപ്പ് ശ്രമം നടത്തിയിട്ടില്ല. പരാതി ഉയരുമ്പോള് മാത്രം പടക്കം പൊട്ടിച്ച് ആനയെ ഒരിടത്തു നിന്നു മറ്റൊരിടത്തേക്ക് മാറ്റുന്നതു മാത്രമാണ് ഇവര് ചെയ്യുന്നത്. ഇതിനിടെയാണ് ഇന്നലെ സ്കൂള്…
Read Moreഎയറിലായ തന്നെ വീണ്ടും എയറിലാക്കിയ കേരള പോലീസിനെ തപ്പി ബേസില് ജോസഫ്; ക്ലിക്കായത് ഹവില്ദാര് നിതീഷിന്റെ ഐഡിയ
കൊച്ചി: എയറിലായ നടനും സംവിധായകനുമായ ബേസില് ജോസഫിനെ വീണ്ടും എയറിലാക്കി ആ പോസ്റ്റര് പോസ്റ്റ് ചെയ്യുമ്പോള് കേരള പോലീസ് സോഷ്യല് മീഡിയ സെല്ലിലെ ഡിജിറ്റര് ക്രിയേറ്റര് സി. നിതീഷ് സാക്ഷാല് ബേസില് തന്നെ അതിന് താഴെ കമന്റ് ചെയ്യുമെന്ന് സ്വപ്നത്തില് പോലും കരുതിയിരുന്നില്ല. പക്ഷേ കേരള പോലീസിനോട് ചിരിയുടെ നമ്പര് ചോദിച്ച് ബേസില് ജോസഫ് തന്നെ കമന്റിട്ടിരിക്കുകയാണ്. കുട്ടികളിലെ മാനസികസമ്മര്ദം ലഘൂകരിക്കാനായി കേരള പോലീസ് ആരംഭിച്ച ‘ചിരി’ പദ്ധതിയുടെ പ്രചരണാര്ഥമാണ് സാമൂഹികമാധ്യമങ്ങളില് വൈറലായ ബേസില് ജോസഫിന്റെ ട്രോള് മീം ഉപയോഗിച്ച് പോലീസിന്റെ ഔദ്യോഗിക ഫെയ്സ്ബുക്ക് പേജിലും ഇന്സ്റ്റഗ്രാമിലും പോസ്റ്റിട്ടിരിക്കുന്നത്. കേരള പോലീസ് വളരെ രസകരമായി അവതരിപ്പിച്ച ഈ പോസ്റ്റര് ഫേസ്ബുക്ക്, ഇന്സ്റ്റഗ്രാം, ട്വിറ്റര് ഉള്പ്പെടെയുള്ള സമൂഹ മാധ്യമങ്ങളില് കേരള പോലീസിന്റെ പേജിലാണ് പോസ്റ്റ് ചെയ്തിരിക്കുന്നത്. ഇന്നലെ വൈകിട്ട് 6.40 ന് പോലീസിന്റെ സോഷ്യല് മീഡിയ പേജുകളില് പോസ്റ്റു…
Read Moreമലപ്പുറത്ത് വഴിയാത്രക്കാർക്കുമേൽ ടിപ്പര് ലോറി പാഞ്ഞുകയറി; യുവതിക്ക് ദാരുണാന്ത്യം; ഒപ്പമുണ്ടായിരുന്നയാൾക്കു പരിക്ക്
കോഴിക്കോട്: മലപ്പുറം പാണ്ടിക്കാട്ട് വഴിയാത്രക്കാരുടെ നേര്ക്ക് ടിപ്പര് ലോറി പാഞ്ഞുകയറി യുവതി മരിച്ചു. ഒരാള്ക്ക് പരിക്കേറ്റു. മേലാറ്റൂര് സ്വദേശി ഹേമലത (40) ആണ് മരിച്ചത്. ഒപ്പമുണ്ടായിരുന്ന സിന്ധുമോള്ക്കാണ് പരിക്കേറ്റത്. ഇന്നു രാവിലെ ഏഴിനാണ് അപകടം. ഹേമലതയുടെ മകള് സ്വകാര്യ ആശുപത്രിയില് പ്രസവിച്ചുകിടക്കുകയാണ്. അവര്ക്ക് ചായ വാങ്ങാന്വേണ്ടി പുറത്തിറങ്ങിയതായിരുന്നു ഹേമലത. സിന്ധുമോളും ഹേമലതയും റോഡരികിലൂടെ നടന്നുപോകുമ്പോള് പിന്നില് നിന്ന് ചീറിപ്പാഞ്ഞുവന്ന ടിപ്പര്ലോറി ഇടിച്ചുവീഴ്ത്തുകയായിരുന്നു. ഹേമലത സംഭവ സ്ഥലത്തുവച്ച് മരിച്ചു. സാരമായി പരിക്കേറ്റ സിന്ധുമോളെ പെരിന്തല്മണ്ണ മൗലാന ആശുപത്രിയില് പ്രവേശിപ്പിച്ചു. ഇവര് സുഖം പ്രാപിച്ചുവരുന്നു.
Read Moreചെന്നൈ-കൊല്ലം റൂട്ടിൽ ഗരീബ് രഥ് സൂപ്പർഫാസ്റ്റ് ശബരിമല സ്പെഷൽ
കൊല്ലം: ചെന്നൈ- കൊല്ലം റൂട്ടിൽ റെയിൽവേ ഗരീബ് രഥ് സൂപ്പർ ഫാസ്റ്റ് പ്രതിവാര സ്പഷൽ ട്രെയിൻ സർവീസ് നടത്തും. ചെന്നൈയിൽ നിന്ന് നവംബർ 20 മുതൽ ( ബുധൻ ) ജനുവരി 15 വരെയും കൊല്ലത്ത് നിന്ന് 21 മുതൽ (വ്യാഴം) ജനുവരി 16 വരെയുമാണ് സർവീസ്. 06119 ചെന്നൈ- കൊല്ലം ട്രെയിൻ ചെന്നൈയിൽ നിന്ന് ബുധൻ ഉച്ചകഴിഞ്ഞ് 3.10 ന് പുറപ്പെട്ട് വ്യാഴം വൈകുന്നേരം 6.20 ന് കൊല്ലത്ത് എത്തും. 06120 കൊല്ലം – ചെന്നൈ സർവീസ് വ്യാഴം രാത്രി 8.45 ന് കൊല്ലത്ത് നിന്ന് യാത്ര തിരിച്ച് വെള്ളി ഉച്ചകഴിഞ്ഞ് 3.30 ന് ചെന്നൈയിൽ എത്തും. 17 കോച്ചുകളാണ് ഉൾപ്പെടുത്തിയിട്ടുള്ളത്. പാലക്കാട്, ഷൊർണൂർ -ബി, തൃശൂർ, ആലുവ, എറണാകുളം, ഏറ്റുമാനൂർ, കോട്ടയം, ചങ്ങനാശേരി, തിരുവല്ല, ചെങ്ങന്നൂർ, കായംകുളം എന്നിവയാണ് കേരളത്തിലെ സ്റ്റോപ്പുകൾ. ഇത് കൂടാതെ…
Read Moreഇ.പി. ജയരാജൻ മുറിവേറ്റ സിംഹം; പുസ്തകത്തിലൂടെ പുറത്തുവന്നത് പാർട്ടിക്കുള്ളിലെ അമർഷമെന്ന് എം.എം. ഹസൻ
തിരുവനന്തപുരം: ഇടതുപക്ഷത്തു നിന്നും ഇപി അല്ല ആര് വന്നാലും യുഡിഎഫ് ആലോചിക്കുമെന്ന് യുഡിഎഫ് കൺവീനർ എം.എം.ഹസൻ. ഇപി തന്റെ രാഷ്ട്രീയ നിലപാട് പ്രഖ്യാപിക്കുമ്പോൾ ആലോചിക്കാമെന്നും എം.എം.ഹസൻ പറയുന്നു. ഇപിയെ യുഡിഎഫിലേക്ക് ക്ഷണിക്കുമോയെന്ന മാധ്യമ പ്രവർത്തകരുടെ ചോദ്യത്തിന് മറുപടിയായാണ് ഹസൻ ഇങ്ങനെ അഭിപ്രായപ്പെട്ടത്. ഇ.പി ജയരാജൻ മുറിവേറ്റ സിംഹമാണെന്നും പാർട്ടിക്കുള്ളിലെ അമർഷമാണ് പുസ്തകത്തിലൂടെ പുറത്തുവന്നതെന്നും ഹസൻ പറഞ്ഞു. പാർട്ടി മനസിൽ ഏൽപ്പിച്ച പോറലുകൾക്ക് ഉള്ള മറുപടിയാണ് പുറത്തു വന്നത്. ഇന്ന് ഇ.പി.ജയരാജനെ ക്ഷണിച്ചുകൊണ്ട് പോയി പാലക്കാട് പ്രസംഗിക്കുന്നു. അതും ഒരു മാർക്കറ്റിംഗ് തന്ത്രമാണ്. അവിടെയും ചർച്ചയാകാൻ പോകുന്നത് ജീവചരിത്രത്തെ കുറിച്ചാണ്. സർക്കാരിനെതിരെയുള്ള വിമർശനങ്ങൾ ആധികാരിക അഭിപ്രായമായി പുറത്തുവന്നുവെന്നും എം എം ഹസൻ പറഞ്ഞു.
Read Moreഅവധി ചോദിച്ച വനിതാ ജീവനക്കാരിയെ ക്രൂരമായി മർദിച്ച് ബ്രാഞ്ച് മാനേജർ; യുവതിയുടെ പരാതിയിൽ ഇടപെട്ട് മനുഷ്യാവകാശ കമ്മീഷൻ
പത്തനംതിട്ട: അമ്മയെ സംരക്ഷിക്കാൻ ഏതാനും ദിവസത്തെ അവധി ചോദിച്ച വനിതാ അസിസ്റ്റന്റ് ബാങ്ക് മാനേജരെ ബ്രാഞ്ച് മാനേജരും പ്യൂണും ചേർന്ന് മർദിച്ചെന്ന പരാതിയിൽ മനുഷ്യാവകാശ കമ്മീഷൻ ഇടപെടൽ. വനിതാ അസിസ്റ്റന്റ് മാനേജർക്ക് അടിയന്തരമായി മറ്റൊരു ശാഖയിലേക്കു സ്ഥലംമാറ്റം നൽകണമെന്ന് കമ്മീഷൻ നിർദേശിച്ചു. സെൻട്രൽ ബാങ്ക് ഓഫ് ഇന്ത്യ ഏഴുമറ്റൂർ ശാഖാ മാനേജർക്കെതിരേ പത്തനംതിട്ട സ്വദേശിനിയായ വനിതാ അസിസ്റ്റന്റ് മാനേജർ സമർപ്പിച്ച പരാതിയിലാണ് കമ്മീഷൻ അംഗം വി.കെ. ബീനാകുമാരിയുടെ ഇടക്കാല ഉത്തരവ്. ഉദ്യോഗസ്ഥയ്ക്ക് അവധി അനുവദിക്കണമെന്നും ക്രെഡിറ്റിൽ അവധിയുള്ള സാഹചര്യത്തിൽ കുടിശിക ശമ്പളം ഉടൻ നൽകണമെന്നും ഉത്തരവിൽ പറയുന്നു. സെൻട്രൽ ബാങ്ക് ഓഫ് ഇന്ത്യ തിരുവനന്തപുരം റീജിയണൽ മാനേജർക്കാണ് കമ്മീഷൻ ഉത്തരവ് നൽകിയത്.ജോലി സ്ഥലത്തെ സ്ത്രീകൾക്കെതിരേയുള്ള ലൈംഗിക പീഡനം (തടയലും നിരോധനവും പരിഹാരവും) നിയമം 2013ന്റെ പരിധിയിൽ വരുന്ന കുറ്റകൃത്യമാണ് ശാഖാ മാനേജറും വനിതാ പ്യൂണും ചേർന്ന് നടത്തിയതെന്നും…
Read More