പാലക്കാട്: യുഡിഎഫ് നേതാക്കൾ താമസിക്കുന്ന ഹോട്ടലിൽ പോലീസ് നടത്തിയ പാതിരാ പരിശോധനയ്ക്ക് പിന്നാലെ തെരഞ്ഞെടുപ്പ് കമ്മീഷന് പരാതി നൽകി ബിജെപി. ഹോട്ടലിലെ സിസിടിവി ദൃശ്യങ്ങൾ ഉൾപ്പെടെ പരിശോധിക്കണമെന്നും കള്ളപ്പണ ഇടപാട് നടന്നുണ്ടെന്നുമാണ് ബിജെപിയുടെ ആരോപണം. തെരഞ്ഞെടുപ്പിനായി യുഡിഎഫ് വ്യാപകമായി കള്ളപ്പണം ഒഴുക്കിയെന്നും ഇതേക്കുറിച്ച് തെരഞ്ഞെടുപ്പ് കമ്മീഷൻ അന്വേഷിക്കണമെന്നും ബിജെപി പരാതിയിൽ ആവശ്യപ്പെട്ടു. സിപിഎം-ബിജെപി നേതാക്കൾ ഹോട്ടലിൽ എത്തിയതിൽ അസ്വഭാവികതയൊന്നുമില്ലെന്ന് ബിജെപി സ്ഥാനാർഥി സി. കൃഷ്ണകുമാർ പറഞ്ഞു. അതിൽ ഒരു ഡീലുമില്ല. ഷാഫി പറന്പിൽ കഴിഞ്ഞ തെരഞ്ഞെടുപ്പിലും കള്ളപ്പണം ഒഴുക്കിയെന്നും കൃഷ്ണകുമാർ ആരോപിച്ചു. പോലീസിലും ആശയക്കുഴപ്പം പാലക്കാട് : വിവാദമായ പാലക്കാട് പാതിരാപരിശോധന വിഷയത്തിൽ പോലീസിനുള്ളിലും ആശയക്കുഴപ്പം. കോണ്ഗ്രസ് വനിതാ നേതാക്കളുടെ ഹോട്ടൽ റൂമിലെ പോലീസ് പരിശോധനയുമായി ബന്ധപ്പെട്ട പോലീസിന്റെ വിശദീകരണത്തിലാണ് ആശയക്കുഴപ്പം. സ്ഥിരം പരിശോധനയുടെ ഭാഗമായാണ് പരിശോധന നടത്തിയതെന്നു പാലക്കാട് എഎസ്പി വിശദീകരിച്ചത്. എന്നാൽ, രഹസ്യ വിവരത്തിന്റെ…
Read MoreCategory: Edition News
പോലീസിന്റെ പാതിരാ പരിശോധന; തെരഞ്ഞെടുപ്പ് കമ്മീഷനെ സമീപിക്കുമെന്ന് രാഹുൽ മാങ്കൂട്ടത്തിൽ
കോഴിക്കോട്: പാലക്കാട് പോലീസിന്റെ പാതിരാ പരിശോധനയിൽ സിപിഎമ്മിനും ബിജെപിക്കുമെതിരെ യുഡിഎഫ് സ്ഥാനാർഥി രാഹുൽ മാങ്കൂട്ടത്തിൽ. തെരഞ്ഞെടുപ്പ് കമ്മീഷനെ സമീപിക്കുമെന്നും സംഭവത്തിൽ ജനങ്ങളെ അണിനിരത്തി പ്രതിരോധം തീർക്കുമെന്നും അദ്ദേഹം പറഞ്ഞു. കാന്തപുരം മുസ്ലിയാരെ കാണുന്നതിനായി താൻ കോഴിക്കോട്ടേക്ക് വന്നിരിക്കുകയാണെന്ന് രാഹുൽ പറഞ്ഞു.പോലീസ് റെയ്ഡിന്റെ വിവരം യൂത്ത് കോണ്ഗ്രസ് പ്രവർത്തകരാണ് ആദ്യം തന്നെ വിളിച്ചറിയിച്ചത്. പിന്നീട് തനിക്കെതിരെ പരാതിയുണ്ടെന്ന് വാർത്ത കണ്ടപ്പോൾ പോലീസിനെ ബന്ധപ്പെട്ടു. ആ വാർത്ത തെറ്റാണെന്ന് പോലീസ് പറഞ്ഞു. ഇന്നേവരെ ഉണ്ടാകാത്ത രാഷ്ട്രീയ ഗൂഢാലോചനയാണ് പാലക്കാട്ടെ പാതിരാ റെയ്ഡ് നാടകമെന്ന് പ്രതിപക്ഷ നേതാവ് വി.ഡി. സതീശൻ പറഞ്ഞു. കള്ളപ്പണം ഉണ്ടാക്കുന്നതും സൂക്ഷിക്കുന്നതും പിണറായി വിജയന്റെ പാർട്ടിയും കെ. സുരേന്ദ്രന്റെ ബിജെപിയുമാണെന്നും പോലീസിന്റേത് ആണത്തമില്ലാത്ത തെമ്മാടിത്തമാണെന്നും കെപിസിസി അധ്യക്ഷൻ കെ. സുധാകരൻ പറഞ്ഞു.
Read Moreകാൽനടക്കാർ സൂക്ഷിച്ചോ… കുറവൻകോണത്തെ ട്രാഫിക് പോസ്റ്റ് അപകടാവസ്ഥയിൽ; ഏതുനിമിഷവും അപകടം സംഭവിക്കാം
പേരൂർക്കട: കുറവൻകോണം ജംഗ്ഷനിലെ ട്രാഫിക് സിഗ്നൽ പോസ്റ്റ് അപകടാവസ്ഥയിൽ. കവടിയാർ ജംഗ്ഷനിൽ നിന്ന് പട്ടത്തേക്ക് പോകുന്ന ഭാഗത്ത് ഇടതുവശത്തായിട്ടാണ് ഫുട്പാത്തിനോട് ചേർന്ന് ട്രാഫിക് പോസ്റ്റ് സ്ഥിതി ചെയ്യുന്നത്. നാല് റോഡുകൾ ചേരുന്ന കുറവൻകോണം ജംഗ്ഷനിൽ വാഹന യാത്ര സുഗമമാക്കുക എന്ന ലക്ഷ്യത്തോടുകൂടി 10 വർഷത്തിനു മുമ്പാണ് ട്രാഫിക് സിഗ്നൽ പോസ്റ്റുകൾ സ്ഥാപിച്ചത്.’ മൊത്തം നാല് ട്രാഫിക് സിഗ്നൽ പോസ്റ്റുകൾ സ്ഥാപിച്ചിരുന്നതെങ്കിലും കഷ്ടിച്ച് ഒരാഴ്ച മാത്രമാണ് ഇവ പ്രവർത്തിച്ചത്. കുറവൻകോണം ജംഗ്ഷനിൽ സിഗ്നൽ പോസ്റ്റ് സ്ഥാപിച്ച് ഗതാഗതം നിയന്ത്രിക്കുക പ്രായോഗികമല്ലെന്ന് മനസിലായതോടുകൂടിയാണ് സിഗ്നൽ പോസ്റ്റുകൾ നോക്കുകുത്തികളായത്.’ അറ്റകുറ്റപ്പണി ഇല്ലാതായതോടെ മഴയും വെയിലുമേറ്റ് സിഗ്നൽ പോസ്റ്റ് തുരുമ്പെടുത്ത് ചരിഞ്ഞ അവസ്ഥയിലാണ്. ഇതിനു സമീപത്ത് കൂടിയാണ് കാൽനടയാത്രികർ സഞ്ചരിക്കുന്നത്. പോസ്റ്റ് ഏതു നിമിഷവും ചരിഞ്ഞു വീഴാവുന്ന അവസ്ഥയിലാണ്. ഉപയോഗശൂന്യമായ ട്രാഫിക് സിഗ്നൽ പോസ്റ്റ് സ്ഥലത്തുനിന്ന് നീക്കം ചെയ്യേണ്ടതുണ്ട്.
Read Moreനാലുമണിക്കാറ്റും ഇല്ലിക്കൽകല്ലും ഹരിത വിനോദ സഞ്ചാരകേന്ദ്രം
മണര്കാട്: പരിസ്ഥിതി സംരക്ഷണം, ശുചിത്വം, എന്നിവയ്ക്കു പേരു കേട്ട നാലുമണിക്കാറ്റ് ഗ്രാമീണ വഴിയോര വിനോദ സഞ്ചാര കേന്ദ്രത്തിനു ഹരിത വിനോദ സഞ്ചാരകേന്ദ്രം പദവി ലഭിച്ചു. നവകേരള മിഷൻ ഇരുപതോളം മാനദണ്ഡങ്ങളെ അടിസ്ഥാനമാക്കി, സംസ്ഥാന തലത്തില് അറുപതിലധികം കേന്ദ്രങ്ങള്ക്കാണു പദവി നല്കിയത്. നവംബര് ഒന്നിനു സംസ്ഥാനതല പ്രഖ്യാപനം നടന്നിരുന്നു. ജില്ലയിലെ പ്രധാന വിനോദ സഞ്ചാര കേന്ദ്രമായ ഇല്ലിക്കല്കല്ലിനും ഹരിത അംഗീകാരം ലഭിച്ചിട്ടുണ്ട്. ജില്ലയിലെ ഏറ്റവും ഉയര്ന്ന സ്ഥലങ്ങളിലൊന്നായ ഇല്ലിക്കല്കല്ലിലേക്ക് അടുത്ത നാളില് ധാരാളം സഞ്ചാരികളാണ് എത്തുന്നത്. പ്ലാസ്റ്റിക് ഒഴിവാക്കിയും ഹരിതാഭ നിലനിര്ത്തിയുമാണ് ഇവിടെ സംരക്ഷിക്കുന്നത്. അംഗീകാരം രേഖപ്പെടുത്തിയ സര്ട്ടിഫിക്കറ്റ് മണര്കാട് പഞ്ചായത്തില് നടന്ന ചടങ്ങില് പ്രസിഡന്റ് കെ.സി. ബിജു, നാലുമണിക്കാറ്റിന്റെ സംഘാടകരായ എംഇബി റസിഡന്റ്സ് അസോസിയേഷന് പ്രസിഡന്റ് ഡോ. പുന്നന് കുര്യന് വേങ്കടത്ത്, ട്രഷറര് കെ.കെ. മാത്യു കോലത്ത് എന്നിവര്ക്കു കൈമാറി. അറവുശാലാ മാലിന്യങ്ങള് ഉള്പ്പടെ നിക്ഷേപിച്ചിരുന്ന വഴിയോരം…
Read Moreമെട്രോ ബോട്ടുകള് കൂട്ടിയിടിച്ച സംഭവം; സുരക്ഷാ വീഴ്ചയില്ലെന്ന് വിലയിരുത്തല്; ആഭ്യന്തര അന്വേഷണം തുടങ്ങി
കൊച്ചി: വാട്ടര് മെട്രോയുടെ ബോട്ടുകള് കൂട്ടിയിടിച്ച സംഭവത്തില് സുരക്ഷാവീഴ്ചയല്ലെന്ന് കെഎംആര്എല്ലിന്റെയും കെഡബ്ല്യുഎംഎല്ലിന്റെയും പ്രാഥമിക വിലയിരുത്തല്. സംഭവത്തിന് പിന്നാലെ ഇന്നലെ ചേര്ന്ന യോഗത്തിന് ശേഷം കെഎംആര്എല്ലിന്റെ ആഭ്യന്തര അന്വേഷണം ആരംഭിച്ചു. ജനറല് മാനേജര് തലത്തിലുള്ള അന്വേഷണത്തിന് നാലംഗസംഘത്തെയാണ് നിയോഗിച്ചിട്ടുള്ളത്. മൂന്ന് ദിവസത്തിനകം സംഘം റിപ്പോര്ട്ട് സമര്പ്പിക്കും. ഇതിന്റെ അടിസ്ഥാനത്തിലായിരിക്കും തുടര്നടപടികള്. ബോട്ടുകള് തമ്മില് ഉരസിയതാണെന്ന് വാദത്തില് തന്നെയാണ് വാട്ടര് മെട്രോ. സുരക്ഷാ അലാറം താനെ മുഴങ്ങിയതല്ല. ബോട്ടുകള് ഉരസിയെന്ന് മനസിലാക്കിയ യാത്രികരില് ആരോ അലാറം ബട്ടണ് അമര്ത്തിയതാണെന്നുമാണ് വാട്ടര് മെട്രോയുടെ വിശദീകരണം. അതേസമം അപകടം ആവര്ത്തിക്കാതിരിക്കാന് തിരുത്തലുകള് ആവശ്യമെങ്കില് വരുത്താനും ആലോചിക്കുന്നതായും അധികൃതര് പറഞ്ഞു. ഇരുബോട്ടിലെയും ജീവനക്കാരോട് വിശദീകരണം തേടിയിട്ടുണ്ട്. സംഭവസമയം ബോട്ടിലുണ്ടായിരുന്ന മൂന്ന് വ്ളോഗര്മാരെക്കുറിച്ചും അന്വേഷിക്കുന്നുണ്ട്. അലാറം മുഴങ്ങുമ്പോള് ഇവര് ബോട്ടിന്റെ കണ്ട്രോള് ക്യാബിനില് അതിക്രമിച്ചുകയറാന് ശ്രമിച്ചു. ബോട്ട് ജീവനക്കാരുടെ അടിയന്തര ഇടപെടലുകളെ അത് തടസപ്പെടുത്തി. അലാറം…
Read Moreഗുണ്ടാസംഘം വീടുകയറി ആക്രമിച്ചു: ആറുപേര്ക്കു പരിക്ക്; ആക്രമണത്തിനു പിന്നിൽ മുൻ വൈരാഗ്യമെന്ന്
ചേർത്തല: ഗുണ്ടാസംഘം വീടുകയറി ആക്രമണം നടത്തി. അറുപതുകാരിയായ ഗൃഹനാഥ ഉൾപ്പെടെ നാലു പേർക്കു പരിക്കേറ്റു. സംഘര്ഷത്തില് ആക്രമിക്കാനെത്തിയ ഗുണ്ടാസംഘത്തിലെ രണ്ടു പേർക്കും പരിക്കേറ്റു. തണ്ണീർമുക്കം പഞ്ചായത്ത് 23-ാം വാർഡ് വാരനാട് പിഷാരത്ത് ആനന്ദവല്ലി (60), മക്കളായ സുധീരാജ്, ആനന്ദരാജ്, അജയ് രാജ് എന്നിവർക്കാണു പരിക്കേറ്റത്. ഇവരെ ചേർത്തല താലൂക്ക് ആശുപത്രിയിലും പിന്നീട് കോട്ടയം, ആലപ്പുഴ മെഡിക്കൽ കോളജുകളിലേക്കും മാറ്റി. ആക്രമിക്കാൻ എത്തിയ ചെങ്ങണ്ട സ്വദേശി അഭിമന്യു ഉൾപ്പെടെ രണ്ടു പേർക്കും പരിക്കുണ്ട്. തിങ്കളാഴ്ച ഉച്ചകഴിഞ്ഞ് 2.30 നായിരുന്നു സംഭവം. ഇരുചക്രവാഹനത്തിലെത്തിയ അക്രമിസംഘം ഭക്ഷണം കഴിച്ചുകൊണ്ടിരുന്ന അജയരാജനെ ആദ്യം വടിവാളുകൊണ്ട് വെട്ടി പരിക്കേൽപ്പിക്കുകയായിരുന്നു. ഇത് തടയാൻ എത്തിയ ആനന്ദവല്ലിയെയും മറ്റ് സഹോദരങ്ങളേയും ഇവർ ആക്രമിച്ചു. അക്രമികളിൽ രണ്ടുപേരെ സുധിരാജും ആനന്ദരാജും ചേർന്ന് വീട്ടിൽ പൂട്ടിയിട്ടു. പിന്നീട് പോലീസ് എത്തിയാണ് ഇവരെ ഇവിടെനിന്നും മാറ്റിയത്. മുൻ വൈരാഗ്യമാണ് ആക്രമണത്തിനു പിന്നിലെന്ന്…
Read Moreശബരിമല തീർഥാടനം: കോന്നി, കോട്ടയം മെഡി. കോളജുകളില് കൂടുതല് സൗകര്യങ്ങള് ഏര്പ്പെടുത്തും
പത്തനംതിട്ട: ശബരിമല മണ്ഡല, മകരവിളക്ക് തീര്ഥാടനകാലത്തോടനുബന്ധിച്ച് കോന്നി, കോട്ടയം മെഡിക്കല് കോളജുകളില് കൂടുതല് സൗകര്യങ്ങള് ഏര്പ്പെടുത്തുമെന്ന് മന്ത്രി വീണാ ജോര്ജ്. പമ്പയില് ചേര്ന്ന ആരോഗ്യവകുപ്പ് ഉന്നതതലയോഗത്തില് സംസാരിക്കുകയായിരുന്നു മന്ത്രി. പത്തനംതിട്ട ജില്ലയില് ശബരിമല പ്രത്യേക ആശുപത്രിയായി കോന്നി മെഡിക്കല് കോളജിനെ തെരഞ്ഞെടുത്തിട്ടുണ്ട്. ഐസിയു, വെന്റിലേറ്റര് സൗകര്യം ഉള്പ്പെടെ 30 കിടക്കകള് കോന്നി മെഡിക്കല് കോളജിലെ ശബരിമല വാര്ഡില് ക്രമീകരിക്കും. അത്യാഹിത വിഭാഗത്തിലും പ്രത്യേകം ബെഡുകള് സജ്ജീകരിക്കും. കോട്ടയം മെഡിക്കല് കോളജില് തീര്ഥാടകര്ക്കായി കിടക്കകള് ക്രമീകരിക്കും. ഡോക്ടര്മാരുള്പ്പെടെ ജീവനക്കാരെ നിയോഗിച്ച് പ്രത്യേക ക്രമീകരണങ്ങള് മെഡിക്കല് കോളജുകളില് ഉണ്ടാകും. പത്തനംതിട്ട ജില്ലയിലെ എല്ലാ പ്രധാനപ്പെട്ട സര്ക്കാര് ആശുപത്രികളിലും അധികമായി കിടക്കകളും മറ്റും സംവിധാനങ്ങളും ക്രമീകരിക്കുകയും മരുന്നുകളുടെ ലഭ്യത ഉറപ്പാക്കുകയും ചെയ്തിട്ടുണ്ട്. പമ്പയില് ആരോഗ്യവകുപ്പ് കണ്ട്രോള് സെന്റര് 24 മണിക്കൂറും പ്രവര്ത്തിക്കും. ആരോഗ്യ പ്രവര്ത്തകരുടെയും വിവിധ ഭാഷകള് കൈകാര്യം ചെയ്യുന്നവരുടെയും സേവനം…
Read Moreഷാഫി പറമ്പിൽ വർഗീയത കളിക്കുന്നയാൾ;വളർത്തിക്കൊണ്ടുവന്ന് നശിപ്പിക്കുന്നതാണ് കോണ്ഗ്രസ് പാരമ്പര്യമെന്ന് പത്മജ വേണുഗോപാൽ
തൃശൂർ: ഷാഫി പറന്പിൽ അടുത്ത തവണ മന്ത്രിയാകാൻ ഒരുങ്ങിയിരിക്കുകയാണെന്നും ഷാഫി വർഗീയത കളിക്കുന്നയാളാണെന്നും പത്മജ വേണുഗോപാൽ. രാഹുൽ മാങ്കൂട്ടത്തിലിനു പകരം പാലക്കാട് നിയമസഭ തെരഞ്ഞെടുപ്പിൽ മത്സരിക്കാൻ ഷാഫി വീണ്ടും ശ്രമിക്കുമെന്നും രാഹുൽ ഷാഫിക്കുവേണ്ടി പാലക്കാട് മാറിക്കൊടുക്കാമെന്ന് കരുതുന്നുണ്ടോയെന്നും പത്മജ ചോദിച്ചു. എത്ര സഹായിച്ചാലും കാലുവാരുന്നതിൽ മടിയില്ലാത്തവരാണ് കോണ്ഗ്രസുകാരെന്നും പത്മജ പറഞ്ഞു. വളർത്തിക്കൊണ്ടുവന്ന് നശിപ്പിക്കുന്നതാണ് കോണ്ഗ്രസ് പാരന്പര്യം. ഹൈക്കമാന്റിന് ഒരു രീതി സാധാരണക്കാരന് മറ്റൊരു രീതി എന്നതാണ് കോണ്ഗ്രസിലെ കാര്യം. ഉമ്മൻചാണ്ടിക്കൊപ്പം നിൽക്കുന്പോഴും ഷാഫി ഇപ്പോഴത്തെ പവർ ഗ്രൂപ്പുമായി അടുത്ത ബന്ധം പുലർത്തി വിവരങ്ങൾ ചോർത്തിയിരുന്നു. ഉമ്മൻചാണ്ടിക്കതിൽ വലിയ വിഷമമുണ്ടായിരുന്നു. സരിന് ഷെയ്ക്ക്ഹാൻഡ് നൽകാത്ത രാഹുലിന്റെയും ഷാഫിയുടെയും പെരുമാറ്റം മോശമായി. എതിരാളിക്ക് കൈകൊടുത്താൽ എന്താണ് പ്രശ്നമെന്നും പത്മജ ചോദിച്ചു. ഈ വിഷയത്തിൽ പ്രതികരണം നടത്തിയ രമേശ് ചെന്നിത്തലയോട് ബഹുമാനമുണ്ടെന്നും എന്നാൽ സതീശന്റെ പ്രതികരണം കുട്ടികളുടേതു പോലെ ബാലിശമായെന്നും പത്മജ…
Read Moreഒരു മിനിറ്റ് ഒരുമിച്ച് കണ്ടാല്… സന്ദീപ് വാര്യരുമായി പറഞ്ഞു തീർക്കാനുള്ള പ്രശ്നങ്ങളേ ഉള്ളൂവെന്ന് സി. കൃഷ്ണകുമാർ
പാലക്കാട്: ബിജെപി നേതാവ് സന്ദീപ് വാര്യരുമായി എന്തെങ്കിലും പ്രശ്നങ്ങളുണ്ടെങ്കില് അത് തങ്ങള് ഒരു മിനിറ്റ് ഒരുമിച്ച് കണ്ടാല് പരിഹരിക്കാവുന്നതേയുള്ളു എന്ന് പാലക്കാട് ബിജെപി സ്ഥാനാര്ഥി സി. കൃഷ്ണകുമാര്. സന്ദീപ് വാര്യർ കഴിഞ്ഞദിവസം ഉന്നയിച്ച ആരോപണങ്ങളുടെ പശ്ചാത്തലത്തിൽ സ്വകാര്യ ചാനലിനു നൽകിയ പ്രതീകരണത്തിൽ സംസാരിക്കുകയായിരുന്നു അദ്ദേഹം. പ്രശ്നങ്ങളെല്ലാം പരിഹരിക്കും. കുടുംബങ്ങളില് ഏട്ടനനിയന്മാര് തമ്മില് പ്രശ്നങ്ങളില്ലേ? സന്ദീപ് എനിക്കൊപ്പം തെരഞ്ഞെടുപ്പ് പ്രചാരണത്തിനുണ്ടായിരുന്ന ആളാണ്. പ്രശ്നങ്ങളുണ്ടെങ്കില് അത് പരിഹരിക്കാവുന്നതേയുള്ളു. കഴിഞ്ഞ ദിവസങ്ങളില് സന്ദീപുമായി ഫോണില് സംസാരിച്ചിരുന്നു. ഇന്നലെയാണ് ബന്ധപ്പെടാന് സാധിക്കാതിരുന്നത്- അദ്ദേഹം പറഞ്ഞു. ഒരു ബൂത്ത് പ്രസിഡന്റിനെ പോലും മാറ്റാനുള്ള കരുത്ത് തനിക്കില്ല. പിന്നെയാണ് വലിയ ആളുകളെ മാറ്റുന്നത്. ഇപ്പോഴുണ്ടായ പ്രതിസന്ധി ബിജെപി അതിജീവിക്കുമെന്നും കൃഷ്ണകുമാർ പറഞ്ഞു. സന്ദീപ് ഉയർത്തിയ വിഷയങ്ങളൊന്നും പാലക്കാട് ബാധിക്കില്ല. വികസന വിഷയം മാത്രമാണ് പാലക്കാട് ചർച്ച. കൽപ്പാത്തിയിൽ ബിജെപിയുടെ വോട്ട് കുറക്കാനായിരുന്നു രണ്ടു മുന്നണികളുടെയും ശ്രമം.…
Read Moreകേരളത്തിന്റെ സിൽവർലൈൻ പദ്ധതി വീണ്ടും ചർച്ചയാവുന്നു; പുതിയ നിബന്ധനകൾ ചെലവ് കൂട്ടും
തിരുവനന്തപുരം: കേരളത്തിന്റെ അർധഅതിവേഗ റെയിൽ പദ്ധതിയായ സിൽവർ ലൈൽ വീണ്ടും ചർച്ചയിലേക്ക്. പുതിയ നിബന്ധനകൾ അംഗീകരിച്ചാൽ സില്വര് ലൈന് പദ്ധതിക്ക് അനുമതി നല്കാന് കേന്ദ്രസര്ക്കാര് തയാറാണെന്ന കേന്ദ്ര റെയില്വേ മന്ത്രി അശ്വനി വൈഷ്ണവിന്റെ പ്രസ്താവനയാണു പദ്ധതിയെ വീണ്ടും ചൂടു പിടിപ്പിച്ചിരിക്കുന്നത്. കേരളം വിശദപദ്ധതി രേഖ (ഡിപിആർ) സമർപ്പിച്ച് നാലുവർഷം കഴിഞ്ഞിട്ടും റെയിൽവേ ബോർഡോ കേന്ദ്ര സർക്കാരോ അന്തിമാനുമതി ഇതുവരെ നൽകിയിട്ടില്ലെങ്കിലും പുതിയ നിബന്ധനകൾ അടങ്ങിയ കത്ത് റെയിൽവേ ബോർഡ് താമസിയാതെ ദക്ഷിണ റെയിൽവേയ്ക്കും കേരളത്തിനും കൈമാറുമെന്നു സൂചന. സാങ്കേതിക-പാരിസ്ഥിതിക പ്രശ്നങ്ങള്ക്ക് പരിഹാരം കണ്ടാല് സില്വര് ലൈന് പദ്ധതിക്ക് അനുമതി നല്കാന് കേന്ദ്രസര്ക്കാര് തയാറാണെന്ന് കേന്ദ്ര റെയില്വേ മന്ത്രി കഴിഞ്ഞദിവസം അറിയിച്ചിരുന്നു. മുഖ്യമന്ത്രി പിണറായി വിജയനും മന്ത്രി വി. അബ്ദുറഹിമാനും ഡൽഹിയിൽ കേന്ദ്രമന്ത്രിയെ 2024 ഒക്ടോബർ 16ന് കണ്ടപ്പോൾ സിൽവർ ലൈൻ പദ്ധതിയുടെ കാര്യവും ചർച്ച ചെയ്തിരുന്നു. തുടർന്ന്…
Read More