കാട്ടാക്കട: അപകടത്തിൽപ്പെട്ട് അര മണിക്കൂറോളം വഴിയിൽ കിടന്ന യുവാവ് മരിച്ചു. പെരുങ്കടവിള സ്വദേശി വിവേകാണ് മരിച്ചത്. 23 വയസായിരുന്നു. ഞായറാഴ്ച രാത്രി മാറനല്ലൂർ പോങ്ങുംമൂട് മലവിള പാലത്തിൽ വച്ചാണ് അപകടം നടന്നത്. പോസ്റ്റിലിടിച്ച ബൈക്കിൽനിന്ന് തെറിച്ച് റോഡിൽ വീണ വിവേക് അരമണിക്കൂറോളം ഇവിടെ കിടന്നു. ഇതുവഴി വാഹനത്തിൽ പോയവരൊന്നും സഹായിക്കാൻ തയാറായില്ല. മാറനല്ലൂർ പോലീസ് സ്ഥലത്ത് വന്നിട്ടും 15 മിനിറ്റ് കഴിഞ്ഞാണ് ആംബുലൻസിൽ യുവാവിനെ ആശുപത്രിയിലേക്ക് മാറ്റിയത്. ആദ്യം സ്വകാര്യ ആശുപത്രിയിലും പിന്നീട് തിരുവനന്തപുരം മെഡിക്കൽ കോളജ് ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. 108 ആംബുലൻസ് സമരത്തിലായതിനാൽ സ്വകാര്യ ആംബുലൻസ് എത്തിക്കാൻ വേണ്ടിയാണ് സമയമെടുത്തതെന്ന് പോലീസ് പറയുന്നു. ഞായറാഴ്ച രാത്രി തന്നെ മരണം സംഭവിച്ചു. മൃതദേഹം മോർച്ചറിയിലേക്ക് മാറ്റി. നിയമപരമായ നടപടിക്രമങ്ങൾക്ക് ശേഷം ബന്ധുക്കൾക്ക് വിട്ടുകൊടുക്കും. സമീപത്തെ സിസിടിവി ദ്യശ്യങ്ങളാണ് തുമ്പായി മാറിയത്. അപകടം നടന്ന സമയവും…
Read MoreCategory: Edition News
കുട്ടികൾ സുഖമായി ഉറങ്ങട്ടെ… അങ്കണവാടി കുരുന്നുകൾക്ക് സ്നേഹസമ്മാനമായി എംഎൽഎയുടെ വക കുഞ്ഞുമെത്തകൾ
റാന്നി: കുരുന്നുകൾക്ക് അങ്കണവാടിയിൽ സുഖനിദ്രയ്ക്ക് പ്രമോദ് നാരായൺ എംഎൽഎയുടെ സ്നേഹസമ്മാനം. നിയോജകമണ്ഡലത്തിലെ എല്ലാ അങ്കണവാടി കുട്ടികൾക്കും കുഞ്ഞുമെത്തകളാണ് വിതരണം ചെയ്തത്. എംഎൽഎ തന്റെ പ്രാദേശിക വികസന ഫണ്ടിൽനിന്ന് റാന്നി നിയോജക മണ്ഡലത്തിലെ മുഴുവൻ അങ്കണവാടിയിലെ കുട്ടികൾക്കും 377 മെത്തകളാണ് വാങ്ങി നൽകിയത്. ഇതിനായി മൂന്നുലക്ഷം രൂപയാണ് ഫണ്ടിൽനിന്ന് ചെലവഴിച്ചത്. അങ്കണവാടിയിലെ കുട്ടികൾക്കുള്ള അടിസ്ഥാന സൗകര്യ വികസനത്തിന്റെ മുന്നോടിയായാണ് മെത്തകളുടെ വിതരണം. മെത്തകളുടെവിതരണോദ്ഘാടനം പ്രമോദ് നാരായൺ എംഎൽഎ നിർവഹിച്ചു. വടശേരിക്കര ഗ്രാമപഞ്ചായത്ത് പ്രസിഡന്റ് ലതാ മോഹൻ അധ്യക്ഷത വഹിച്ചു. ബ്ലോക്ക് പഞ്ചായത്തംഗം കോമളം അനിരുദ്ധൻ, കെ.കെ. രാജീവ്, രാധാ സുന്ദർ സിംഗ് എന്നിവർ പ്രസംഗിച്ചു.
Read Moreതലചായ്ക്കാൻ സ്വന്തമായൊരിടം; കരുതലിന്റെ കൈത്താങ്ങിൽ വത്സമ്മയ്ക്കു വീടൊരുങ്ങുന്നു
ഹരിപ്പാട്: ഹരിപ്പാട് കരുതൽ ഉച്ചയൂണ് കൂട്ടായ്മയുടെ കരുത ലിൽ കാർത്തികപ്പള്ളി ചുടുകാട്ടിലെ പരേതനായ തങ്കയ്യന്റെ (സോപ്പാൻ) ഭാര്യ വത്സമ്മയ്ക്കും മകൾക്കുമായി വീട് നിർമിക്കുന്നതിനു തുടക്കമായി. ഇടിഞ്ഞുവീഴാറായ വീട്ടിൽ അന്തിയുറങ്ങിയിരുന്ന ഈ കുടുംബത്തിന് തലചായ്ക്കാൻ സ്വന്തം സ്ഥലം ഒരുക്കുകയാണ് കൂട്ടായ്മ. മാവേലിക്കര രൂപതാധ്യക്ഷൻ ഡോ. ജോഷ്വാ മാർ ഇഗ്നാത്തിയോസ് വീടിന്റെ ശിലാസ്ഥാപനം നിർവഹിച്ചു. ലൈഫ് മിഷൻ പദ്ധതിയിൽനിന്നുള്ള നാലുലക്ഷം രൂപയും സൽക്കർമ സത്കാരത്തിലൂടെ ലഭിച്ച 1.60 ലക്ഷം രൂപയും ചേർത്താണ് നിർമാണത്തിനായി ചെലവാക്കുക. കുടുംബത്തിനു പ്രതിമാസം 5,000 രൂപ പെൻഷനും അനുവദിച്ചു. ഇലക്ട്രിക്കൽ ആൻഡ് വയർമെൻ സൂപ്പർവൈസേഴ്സ് അസോസിയേഷൻ ചേപ്പാട് യൂണിറ്റ് വീടിന്റെ പ്ലംബിംഗ്, വയറിംഗ് ജോലികൾ സൗജന്യമായി ചെയ്തു നൽകും. പഞ്ചായത്ത് പ്രസിഡന്റ് ഗിരിജാ ഭായ്, അംഗങ്ങളായ ഉല്ലാസ്, മേഴ്സി, കരുതൽ ഉച്ചയൂണ് കൂട്ടായ്മ ചെയർമാൻ ഷാജി കെ. ഡേവിഡ്, ഫാ. കാബേൽ കാരിച്ചാൽ തുടങ്ങിയവർ പങ്കെടുത്തു.…
Read Moreമുനമ്പം പ്രശ്നപരിഹാരത്തിനു സര്ക്കാര് ശ്രമം: പ്രതീക്ഷയില് പ്രദേശവാസികള്
കൊച്ചി: മുനമ്പം-ചെറായി പ്രദേശത്തെ വഖഫ് അവകാശവാദത്തിന്റെ പേരിലുയര്ന്ന പ്രതിസന്ധികളില് പരിഹാരത്തിനു സാധ്യത തെളിയുന്നു. വിഷയത്തില് മന്ത്രിതല ചര്ച്ചയ്ക്കും നിയമ തടസങ്ങള് നീക്കുന്നതിനും സംസ്ഥാന സര്ക്കാര് മുന്കൈയെടുത്തതില് പ്രദേശവാസികളും പ്രതീക്ഷയിലാണ്. അടുത്ത പതിനാറിനു മുഖ്യമന്ത്രി വിളിച്ചു ചേര്ത്തിട്ടുള്ള യോഗത്തില് റവന്യൂ, നിയമ, ന്യൂനപക്ഷ വകുപ്പു മന്ത്രിമാര് പങ്കെടുക്കും. മന്ത്രിതല യോഗത്തിലേക്കു നിര്ദേശങ്ങള് സമര്പ്പിക്കാന് മുനമ്പം ഭൂസംരക്ഷണ സമിതിയോടു സര്ക്കാര് നിര്ദേശിച്ചിട്ടുണ്ട്. പ്രശ്ന പരിഹാരത്തിനുള്ള നിര്ദേശങ്ങളും മുനമ്പം നിവാസികളുടെ ആവശ്യങ്ങളും ഉള്പ്പെടുത്തി സര്ക്കാരിനു നിവേദനം നല്കുമെന്നു സമിതി നേതാക്കള് അറിയിച്ചു. മുനമ്പം വിഷയത്തില് കോടതികളില് നിലവിലുള്ള കേസുകള്ക്കും വഖഫിന്റേതുള്പ്പടെ മറ്റു നിയമപ്രശ്നങ്ങള്ക്കും രമ്യമായ പരിഹാരവും ഒത്തുതീര്പ്പിനുമുള്ള ശ്രമങ്ങളാകും സര്ക്കാര് നടത്തുക. മുനമ്പത്തെ നിര്ദിഷ്ട ഭൂമി വഖഫ് അല്ലെന്നു, വഖഫ് ബോര്ഡും സംസ്ഥാന സര്ക്കാരും നിലപാടെടുക്കുകയാണു പ്രധാനം. ആ നിലയിലുള്ള ചര്ച്ചകളാകും സര്ക്കാരിന്റെ ഭാഗത്തു നിന്നുണ്ടാവുകയെന്നാണു മുനമ്പം നിവാസികളുടെ പ്രതീക്ഷ. വി.എസ്.…
Read Moreകൊടകര കുഴൽപ്പണക്കേസ്; സതീഷിന്റെ വെളിപ്പെടുത്തലിന് പിന്നിൽ ആന്റോ അഗസ്റ്റിനെന്ന് ശോഭാ സുരേന്ദ്രൻ
തൃശൂർ: തിരൂർ സതീഷിന്റെ വെളിപ്പെടുത്തലിനു പിന്നിൽ ആന്റോ അഗസ്റ്റിനെന്ന് ശോഭ സുരേന്ദ്രൻ.ആന്റോ അഗസ്റ്റിനെതിരെയും തിരൂർ സതീഷിനെതിരെയും മാനനഷ്ടക്കേസ് കൊടുക്കുമെന്നും ശോഭ സുരേന്ദ്രൻ തൃശൂരിൽ നടത്തിയ പത്രസമ്മേളനത്തിൽ പറഞ്ഞു. ഉന്നയിക്കപ്പെട്ട ആരോപണങ്ങളിൽ തെളിവ് പുറത്തുവിടണമെന്നും അവർ ആവശ്യപ്പെട്ടു. ആന്റോ പറഞ്ഞത് അഞ്ഞൂറു തവണയെങ്കിലും താനവരുടെ വീട്ടിൽ പോയെന്നാണ്, എന്നാൽ രണ്ടു പൂജ്യം വെട്ടി അഞ്ചു തവണയെങ്കിലും വന്നെന്ന് തെളിയിക്കാൻ താൻ വെല്ലുവിളിക്കുന്നുവെന്ന് ശോഭ പറഞ്ഞു. ആന്റോ അഗസ്റ്റിൻ മാംഗോ ഫോണുമായി ബന്ധപ്പെട്ട് മലപ്പുറം ജില്ലകളിൽ നിന്ന് കോടികൾ തട്ടിയിട്ടുണ്ടെന്നും എത്ര കേസുകൾ ഉണ്ടെന്ന് അന്വേഷിക്കണമെന്നും പൊന്നാനി പീഡനക്കേസ് ആന്റോ അഗസ്റ്റിൻ കെട്ടിച്ചമച്ചതാണെന്നും ശോഭ ആരോപിച്ചു. പൊന്നാനി കേസിൽ ആരോപണം ഉന്നയിക്കാൻ ആന്റോ പണം വാഗ്ദാനം ചെയ്തുവെന്നും ആന്റോ കളിക്കുന്നത് നിലവാരമില്ലാത്ത കളിയാണെന്നും ശോഭ പറഞ്ഞു.ബിജെപി പ്രവേശനം ആവശ്യപ്പെട്ട് തന്നെ ആന്റോ അഗസ്റ്റിൻ സമീപിച്ചുവെന്ന് പറഞ്ഞ ശോഭ സുരേന്ദ്രൻ ആന്റോയ്ക്ക്…
Read Moreറിയൽ എസ്റ്റേറ്റ് ഉടമയുടെ കൊലപാതകം; തെളിവെടുപ്പിനിടയിൽ പ്രതി ഓടിരക്ഷപ്പെട്ടു; സ്വത്ത് തട്ടിയെടുക്കാൻ രണ്ടാം ഭാര്യ ചെയ്ത ആസൂത്രണം
ഇരിട്ടി: ഹൈദരാബാദ് സ്വദേശിയായ റിയൽഎസ്റ്റേറ്റ് ഉടമ രമേഷ്കുമാറിനെ കൊന്നശേഷം കുടകിലെ സുണ്ടികുപ്പ പോലീസ് സ്റ്റേഷൻ പരിധിയിലെ കാപ്പിത്തോട്ടത്തിൽ പെട്രോൾ ഒഴിച്ച് കത്തിച്ച കേസിലെ മുഖ്യപ്രതി അങ്കൂർ റാണ തെളിവെടുപ്പിനിടയിൽ പോലീസ് കസ്റ്റഡിയിൽ നിന്നും രക്ഷപ്പെട്ടു. തെലങ്കാനയിലെ ഉപ്പൽ പോലീസ് സ്റ്റേഷൻ പരിധിയിലെ താമസസ്ഥലത്തു നിന്നാണ് പ്രതി രക്ഷപ്പെട്ടത്. കുടക് പോലീസിന് ഏറെ പ്രശംസ ലഭിച്ച കേസ് അന്വേഷണത്തിലെ പ്രതിയാണ് രാത്രിയിൽ കാവലിൽ ഉണ്ടായിരുന്ന പോലീസിനെയും കബിളിപ്പിച്ച് ജനൽ വഴി ചാടി രക്ഷപെട്ടത്.കുറ്റകൃത്യം നടന്ന സ്ഥലത്ത് ഹൈദരാബാദിൽ നിന്ന് 30 കിലോമീറ്റർ അകലെ ഉപ്പലിന് സമീപം, ഉഡുപ്പി ഗാർഡൻ ഹോട്ടലിന്റെ മൂന്നാം നിലയിലാണ് പ്രതികൾ ഉൾപ്പെടെ എല്ലാവരും താമസിച്ചിരുന്നത്. രക്ഷപ്പെടുമ്പോൾ പ്രതി പോലീസിന്റെ പക്കലുണ്ടായിരുന്ന ആശയവിനിമയ ഉപകരണവും കൈക്കലാക്കി കടന്നുകളഞ്ഞതായാണ് ലഭിക്കുന്ന വിവരം. ചെവ്വാഴ്ചയാണ് പ്രതികളെയും കൊണ്ട് 13 അംഗ പോലീസ് സംഘം ബാംളുരുവിൽ നിന്നു തെലങ്കാനയിലേക്കു പോകുന്നത്.…
Read Moreമുനമ്പം ഭൂമി തര്ക്കം: സര്വകക്ഷി യോഗം വിളിക്കാന് സര്ക്കാര് തയാറാവണം; പ്രതിപക്ഷ നേതാവ് മുഖ്യമന്ത്രിക്കു കത്തു നല്കി
തിരുവനന്തപുരം: മുനമ്പം ഭൂമി തര്ക്കം പരിഹരിക്കാന് സര്വകക്ഷി യോഗം വിളിക്കാന് സര്ക്കാര് തയാറാകണമെന്ന് ആവശ്യപ്പെട്ട് പ്രതിപക്ഷ നേതാവ് വി.ഡി. സതീശൻ മുഖ്യമന്ത്രിക്ക് കത്ത് നല്കി. ഒരു മുസ്ലിം മത സംഘടനയും മുനമ്പത്തേത് വഖഫ് ഭൂമിയാണെന്ന അവകാശവാദം ഉന്നയിച്ചിട്ടില്ല. ഈ സാഹചര്യത്തില് നിലവിലെ താമസക്കാര്ക്ക് ഉപാധികളില്ലാതെ ഭൂമി നല്കണം. വിഷയത്തില് സര്ക്കാര് അടിയന്തരമായി ഇടപെടണമെന്നും പ്രതിപക്ഷ നേതാവ് ആവശ്യപ്പെട്ടു. മുനമ്പത്തെ 404 ഏക്കര് ഭൂമി തിരിച്ചു പിടിക്കാന് വഖഫ് ബോര്ഡ് നിയമനടപടികളുമായി മുന്നോട്ടു വന്നതാണ് തീരദേശത്തെ ജനവിഭാഗങ്ങള്ക്കിടയില് ആശങ്ക സൃഷ്ടിച്ചിരിക്കുന്നത്.മുനമ്പത്തെ ഭൂമിയുടെ കഴിഞ്ഞ കാലങ്ങളിലെ ക്രയവിക്രയങ്ങള് പരിശോധിച്ചാല് പ്രസ്തുത ഭൂമി വഖഫിന്റെ പരിധിയില് പെടുന്നതല്ലെന്നു മനസിലാക്കാവുന്നതാണ്. 2006-11 കാലത്ത് വി.എസ് അച്യുതാനന്ദന് സര്ക്കാര് നിയോഗിച്ച നിസാര് കമ്മിഷനാണ് ഭൂമി വഖഫ് ആണെന്ന അവകാശവാദം ആദ്യമായി ഉന്നയിച്ചത്. കമ്മിഷന് ഈ വിഷയം ആഴത്തില് പഠിച്ചിട്ടില്ല എന്ന് അവര് തന്നെ സമ്മതിക്കുന്നുണ്ട്.…
Read Moreഇനിയാരുടെയും പണം നഷ്ടമാകരുത്; വ്യാജകോളുകൾ തിരിച്ചറിയാൻ സൈബർ വാൾ ഒരുങ്ങുന്നു
തിരുവനന്തപുരം: ഫോണ്നമ്പരുകളും വെബ്സൈറ്റുകളും മറ്റും വ്യാജമാണോയെന്ന് സാധാരണക്കാർക്ക് തന്നെ പരിശോധിച്ച് ഉറപ്പാക്കാനുള്ള സൈബര് വാള് സംവിധാനമൊരുക്കാൻ പോലീസ്. വ്യാജ ഫോണ്കോളുകൾക്കും വെബ്സൈറ്റുകൾക്കും ഇരയായി ആളുകൾക്ക് പണം നഷ്ടമാകുന്നത് തടയാൻ ആണ് പുതിയ സംവിധാനമൊരുങ്ങുന്നത്. സംസ്ഥാന പൊലീസിന്റെ സൈബര് ഡിവിഷന് ആണ് പുതിയ സംവിധാനം തയ്യാറാക്കുന്നത്.കേരള സ്റ്റാര്ട്ടപ്പ് മിഷന്റെ കീഴിലുള്ള ഒരു കമ്പനിയെ ഇതിനുള്ള മൊബൈല് ആപ്പ് തയ്യാറാക്കാനായി തെരഞ്ഞെടുത്തുകഴിഞ്ഞു. ഫോണ്നമ്പരുകള്, സോഷ്യൽ മീഡിയ പ്രൊഫൈലുകള്, വെബ്സൈറ്റുകള് എന്നിവ നിര്മിതബുദ്ധി സാങ്കേതികതയുടെ അടിസ്ഥാനത്തിൽ പരിശോധിച്ച് ഉറപ്പാക്കാനാകും. ആന്ഡ്രോയിഡ്, ഐഒഎസ് പ്ലാറ്റ്ഫോമുകളില് പ്രവര്ത്തിക്കുന്ന തരത്തിലാണ് ആപ്ലിക്കേഷന് സജ്ജമാക്കുക.ഒരു കൊല്ലത്തിനിടയില് ആപ്പ് വികസിപ്പിച്ച് പരിശോധനകള് പൂര്ത്തിയാക്കി പൊതുജനങ്ങള്ക്ക് ലഭ്യമാക്കുമെന്നും കേരള പൊലീസിന്റെ സൈബർ ഡിവിഷൻ വ്യക്തമാക്കി. ഓണ്ലൈന് തട്ടിപ്പുകളെക്കുറിച്ച് അറിയിക്കാനായി സജ്ജമാക്കിയിട്ടുള്ള 1930 എന്ന ടോള്ഫ്രീ നമ്പരിലൂടെയും ചില ഫോണ്നമ്പറുകളുടെയും വെബ്സൈറ്റ് വിലാസങ്ങളുടെയും ആധികാരികത പരിശോധിക്കാനുള്ള സൗകര്യവുമുണ്ട്.
Read Moreകെഎസ്ആർടിസി ദീർഘദൂര ബസുകൾ ഭക്ഷണത്തിനായി ജീവനക്കാർക്ക് ഇഷ്ടമുള്ളിടത്ത് നിർത്തരുതെന്നു നിർദേശം
ചാത്തന്നൂർ: കെഎസ്ആർടിസിയുടെ ദീർഘദൂര സർവീസുകൾ യാത്രക്കാർക്ക് ഭക്ഷണത്തിനായി ഇനി ഓപ്പറേറ്റിംഗ് സ്റ്റാഫിന് ഇഷ്ടമുള്ളിടത്ത് നിർത്തരുത്. ഭക്ഷണത്തിനും ചായയ്ക്കുമായി ജീവനക്കാർ ഇനി കെ എസ് ആർ ടി സി നിശ്ചയിച്ചിട്ടുള്ള ഹോട്ടലുകളിൽ മാത്രമേ നിർത്താവൂ. ഇത്തരത്തിൽ 24 ഇടത്താവളങ്ങളാണ് കേരളത്തിൽ കെഎസ്ആർടിസിയുടെ എസ്റ്റേറ്റ് വിഭാഗം അംഗീകരിച്ച് നിർദ്ദേശിച്ചിട്ടുള്ളത്. കായംകുളത്തിനടുത്ത കെടിഡിസിയുടെ ആഹാർ ഹോട്ടലും പട്ടികയിലുണ്ട് മറ്റ് 23 – ഉം സ്വകാര്യ ഹോട്ടലുകളാണ്. നിലവിൽ അംഗീകൃതവും അംഗീകാരവുമില്ലാത്ത ഹോട്ടലുകളാണ് ജീവനക്കാർ ഇടത്താവളമായി ബസ് നിർത്തിയിരുന്നത്. ഇത്തരം ഹോട്ടലുകളെക്കുറിച്ച് യാത്രക്കാർ പരാതി ഉന്നയിച്ചിരുന്നു. പരാതികളുടെ അടിസ്ഥാനത്തിൽ എസ്റ്റേറ്റ് വിഭാഗം സമഗ്രമായ പഠനം നടത്തുകയും താല്പര്യപത്രം ക്ഷണിക്കുകയും ചെയ്തതിൻ്റെ അടിസ്ഥാനത്തിലാണ് പുതിയ ഇടത്താവളങ്ങൾ നിശ്ചയിച്ചിരിക്കുന്നത്. ദീർഘദൂര ബസുകളിൽ ഇടത്താവളങ്ങളുടെ പേരും നിർത്തുന്നസമയവും യാത്രക്കാർക്ക് കാണത്തക്കവിധം എഴുതി വയ്ക്കും. പ്രഭാതഭക്ഷണത്തിന് രാവിലെ 7.30 മുതൽ 9 വരെയും ഉച്ചയൂണിന് 12.30 മുതൽ 2…
Read Moreമറക്കല്ലേ, മഴക്കാലമാണ്… തൊമ്മൻകുത്ത് വെള്ളച്ചാട്ടത്തിലേക്ക് മലവെള്ളം ഇരച്ചെത്തി; തുരുത്തിൽ കുടുങ്ങിയ സഞ്ചാരികളെ രക്ഷിച്ചു
തൊടുപുഴ: കനത്ത മഴയിൽ വെള്ളം കുത്തിയൊലിച്ചെത്തിയതിനെത്തുടർന്ന് തൊമ്മൻകുത്ത് വെള്ളച്ചാട്ടത്തിന് സമീപം സഞ്ചാരികൾ കുടുങ്ങി.ഇവരെ പിന്നീട് വനംവകുപ്പും ടൂറിസ്റ്റ് ഗൈഡുകളും നാട്ടുകാരും ചേർന്ന് രക്ഷപ്പെടുത്തി.ഇന്നലെ വൈകുന്നേരം നാലരയോടെ തൊമ്മൻകുത്ത് ഏഴുനില കുത്തിന് സമീപമാണ് സംഭവം. അവധിദിനമായിരുന്നതിനാൽ വെള്ളച്ചാട്ടം കാണാൻ സഞ്ചാരികളുടെ വലിയ തിരക്കുണ്ടായിരുന്നു. അപകട സമയം നൂറിലധികം ആളുകൾ വെള്ളച്ചാട്ടത്തിന് സമീപമുണ്ടായിരുന്നതായി ദൃക്സാക്ഷികൾ പറഞ്ഞു. വെള്ളച്ചാട്ടത്തിന് സമീപം മഴയില്ലായിരുന്നെങ്കിലും ഇവിടേക്കുള്ള വെള്ളം ഒഴുകിയെത്തുന്ന മലനിരകളായ വെണ്മണി, പാൽക്കുളംമേട്, മനയത്തടം എന്നിവിടങ്ങളിൽ ശക്തമായ മഴ പെയ്തിരുന്നു. ഇവിടങ്ങളിൽനിന്നുള്ള മലവെള്ളം അപ്രതീക്ഷിതമായി കുത്തിയൊലിച്ച് വെള്ളച്ചാട്ടത്തിലേക്കെത്തി. ഈ സമയം വെള്ളച്ചാട്ടത്തിന് താഴെയുള്ള ചെറിയ തുരുത്തിൽ ഫോട്ടോ എടുക്കുന്നതിനും മറ്റുമായി നിരവധിസഞ്ചാരികളുണ്ടായിരുന്നു.മലവെള്ളത്തിന്റെ ശക്തി കൂടി വരുന്നതിനിടെ ചിലർ വസ്ത്രങ്ങൾ കൂട്ടിക്കെട്ടി മറുകരയിൽ നിന്നവരുടെ സഹായത്തോടെ രക്ഷപ്പെട്ടു. എന്നാൽ അവിടെയുണ്ടായിരുന്ന യുവാവും യുവതിയും കുടുങ്ങിപ്പോയി. ഉടൻ തന്നെ വനം വകുപ്പുദ്യോഗസ്ഥരും സ്ഥലത്തുണ്ടായിരുന്ന ടൂറിസ്റ്റ് ഗൈഡുകളും സ്ഥലത്തെത്തി…
Read More