പാലക്കാട്: അടുത്ത തവണ താൻ പാലക്കാട് മത്സരിക്കില്ലെന്ന് ഷാഫി പറന്പിൽ. പാലക്കാട്ടേക്കു തിരിച്ച് വരാൻ രാഹുൽ മാങ്കൂട്ടത്തിലിനെ നിർത്തുന്നു എന്ന ആരോപണം തെറ്റാണെന്നും ഷാഫി പറന്പിൽ പ്രതികരിച്ചു. രാഹുൽ മാങ്കൂട്ടത്തിൽ പാലക്കാടിന്റെയും ഓരോ പാർട്ടി പ്രർത്തകരുടെയും ചോയ്സാണ്. സരിന്റെ ആരോപണങ്ങൾ യുക്തിയില്ലാത്തതാണെന്നും ഷാഫി പറന്പിൽ കൂട്ടിച്ചേർത്തു. സരിന്റെ പിന്നാലെ പോകാതെ ഞങ്ങൾ ജനങ്ങൾക്കിടയിലേക്കിറങ്ങും. ഇ.ശ്രീധരൻ ഇറങ്ങിയിട്ട് നടക്കാത്തത് ഇനി ബിജെപിക്ക് കഴിയില്ലെന്നും ഷാഫി പറന്പിൽ പറഞ്ഞു.
Read MoreCategory: Edition News
കളക്ടര് നിര്ബന്ധിച്ച് യാത്രയയപ്പൊരുക്കി, ദിവ്യയെ വിളിച്ചുവരുത്തി; അന്വേഷണം വേണമെന്നു സിഐടിയു നേതാവ്
പത്തനംതിട്ട: എഡിഎം നവീന് ബാബുവിന്റെ മരണവുമായി ബന്ധപ്പെട്ട് കണ്ണൂര് ജില്ലാ കളക്ടര്ക്കെതിരേ ഗുരുതര ആരോപണവുമായി നവീനിന്റെ ബന്ധുവും സിഐടിയു നേതാവുമായ മലയാലപ്പുഴ മോഹനന്. യാത്രയയപ്പ് വേണ്ടെന്നു നവീൻ പറഞ്ഞിട്ടും കളക്ടര് അരുണ് കെ. വിജയൻ നിര്ബന്ധിച്ച് ചടങ്ങൊരുക്കി. അത് പി.പി. ദിവ്യക്ക് ആക്ഷേപം ഉന്നയിക്കാന് അവസരം ഒരുക്കി നൽകാനായിരുന്നോ എന്ന് അന്വേഷിക്കണം. അവിടെനടന്നത് വലിയ ഗൂഢാലോചനയാണെന്നും മോഹനൻ പറഞ്ഞു. ദിവ്യയുടെ സൗകര്യപ്രകാരം ചടങ്ങിന്റെ സമയം കളക്ടർ മാറ്റിയെന്നാണ് കരുതുന്നത്. കളക്ടര്ക്കെതിരേ പരാതി നല്കുന്ന കാര്യം പാര്ട്ടിയുമായി ആലോചിച്ച് തീരുമാനിക്കും. നവീന് ബാബുവിന് യാത്രയയപ്പ് യോഗം നടത്തുന്നതില് യോജിപ്പില്ലായിരുന്നു. സര്വീസില്നിന്ന് വിരമിക്കുകയല്ലല്ലോ അതിനാല് യാത്രയയപ്പ് വേണ്ട എന്നായിരുന്നു നവീനിന്റെ നിലപാട്. അത് കേള്ക്കാന് തയാറാകാതിരുന്ന കളക്ടര് രാവിലെ യാത്രയപ്പ് സമ്മേളനം വയ്ക്കുകയായിരുന്നു. പിന്നീട് കളക്ടര് തന്നെ ഇടപെട്ടാണ് പരിപാടി ഉച്ചയ്ക്കുശേഷമാക്കി മാറ്റിയത്. രാവിലെ പങ്കെടുക്കാന് കളക്ടർക്കോ നവീനിനോ പ്രശ്നങ്ങളൊന്നും…
Read Moreബാറിൽ പണമിടപാടിനെ ചൊല്ലി ഗുണ്ടാ സംഘങ്ങൾ ഏറ്റുമുട്ടി: മൂന്ന് പ്രതികൾ കൂടി അറസ്റ്റിൽ
കോതമംഗലം: കോതമംഗലത്തെ ബാറിൽ പണമിടപാടിനെ ചൊല്ലി ഗുണ്ടാ സംഘങ്ങൾ ഏറ്റുമുട്ടിയ സംഭവത്തിൽ ഒളിവിലായിരുന്ന മൂന്ന് പ്രതികൾ കൂടി അറസ്റ്റിലായി. സംഭവത്തിൽ ഇനിയും മൂന്ന് പ്രതികളെ കൂടി പിടികൂടാനുണ്ട്. ഇതോടെ അറസ്റ്റിലായവരുടെ എണ്ണം ഏഴായി. ആലുവ കീഴ്മാട് ചാലക്കൽ മനാഫ് (36), നെല്ലിക്കുഴി ഇരമല്ലൂർ വികാസ് കോളനി കുഴിക്കാട്ടിൽ ജിജോ ജോഷി(20), വികാസ് കോളനി കണ്ണുങ്കേരിപറന്പിൽ ഹരികൃഷ്ണൻ (21) എന്നിവരാണ് പിടിയിലായത്. കറുകടം സ്വദേശി അൻവറും ഓടക്കാലി സ്വദേശി റഫീക്കും ചേർന്ന് അമ്യൂസ് പാർക്ക് ലേലത്തിൽ പിടിച്ചതുമായി ബന്ധപ്പെട്ട തർക്കത്തെത്തുടർന്ന് ചൊവ്വാഴ്ച രാത്രിയാണ് ബാറിൽ ഗുണ്ടാ സംഘങ്ങൾ ഏറ്റുമുട്ടിയത്. പത്ത് പേരിൽ നാലുപേരെ കഴിഞ്ഞ ദിവസം പോലീസ് അറസ്റ്റ് ചെയ്തിരുന്നു. അറസ്റ്റിലായ മനാഫ് ആശുപത്രിയിൽ ചികിത്സയിലായിരുന്നു. നെല്ലിക്കുഴി കമ്മത്തുകുടി നാദിർഷയും ആശുപത്രിയിൽ ചികിത്സയിലാണ്. നാദിർഷയെ കൂടാതെ രണ്ടു പേരെ കൂടി പിടികൂടാനുണ്ട്. സിഐ പി.ടി. ബിജോയി, എസ്ഐമാരായ ഷാഹുർ…
Read Moreആലുവയിൽ വീട്ടുമുറ്റത്ത് ജിം ട്രെയിനർ കുത്തേറ്റ് മരിച്ചു: സുഹൃത്തുക്കളെ കേന്ദ്രീകരിച്ച് പോലീസ് അന്വേഷണം
ആലുവ: ചുണങ്ങംവേലിയിൽ വീട്ടുമുറ്റത്ത് ജിംനേഷ്യം ട്രെയിനർ കുത്തേറ്റ് മരിച്ചു. കണ്ണൂർ സ്വദേശി സാബിത്ത് (35) ആണ് ചുണങ്ങംവേലി സെന്റ് ജോസഫ് സ്കൂളിന് സമീപമുള്ള വാടകവീടിന്റെ മുറ്റത്ത് ഇന്ന് രാവിലെ 8.30ഓടെ കുത്തേറ്റ് മരിച്ചത്. ആലുവ ചൂണ്ടിയിൽ പ്രവർത്തിക്കുന്ന കെപി ജിംനേഷ്യത്തിലെ ട്രെയിനറാണ്. മരിച്ച സാബിത്തിനൊപ്പം രണ്ട് പേർ കൂടി വീട്ടിൽ താമസിക്കുന്നുണ്ട്. രാവിലെ ശബ്ദം കേട്ട് വാതിൽ തുറന്നപ്പോഴാണ് സാബിത്ത് കുത്തേറ്റ് നിലത്തു കിടക്കുന്നത് കണ്ടതെന്നാണ് ഇവർ പോലീസിനോട് പറഞ്ഞത്. കുത്തേറ്റ സാബിത്തിനെ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചിരുന്നു. ദേഹത്ത് ഒന്നിലധികം കുത്തുകളേറ്റിട്ടുണ്ട്. സാബിത്തിന്റെ ഏതാനും സുഹൃത്തുക്കളെ കേന്ദ്രീകരിച്ചാണ് പോലീസ് അന്വേഷണം. ഇവരുടെ ഫോൺ സ്വിച്ച് ഓഫ് ആയ നിലയിലാണ്. ജിംനേഷ്യം ഉടമ പ്രതാപിനെ സംഭവുമായി ബന്ധപ്പെട്ട് പോലീസ് കസ്റ്റഡിയൽ എടുത്തിട്ടുണ്ട്. സാബിത്തിന്റെ മൃതദേഹം ആലുവ മോർച്ചറിയിലേക്കു മാറ്റി. എടത്തല പോലീസാണ് കേസ് അന്വേഷിക്കുന്നത്.
Read Moreകെഎസ്ആർടിസി എന്ജിനീയർമാരെ താത്കാലികമായി നിയമിക്കും: ഭിന്നശേഷിക്കാരെ പരിഗണിക്കില്ല
ചാത്തന്നൂർ: കെഎസ്ആര്ടിസിയില് സൂപ്പര് വൈസറി തസ്തികയിലേക്ക് അസിസ്റ്റന്റ് എൻജിനീയർമാരെ താത്കാലികമായി നിയമിക്കുന്നു. മെക്കാനിക്കല് വിഭാഗം ജീവനക്കാര്ക്കുള്ള പ്രമോഷന് തസ്തികയായ അസി. ഡിപ്പോ എന്ജിനീയര് (എഡിഇ) തസ്തികയിലേക്കാണ് താല്ക്കാലിക നിയമനത്തിന് നീക്കം നടക്കുന്നത്. ബിടെക് ബിരുദമുള്ള ഉദ്യോഗാര്ഥികളെ ദിവസവേതനത്തില് നിയമിക്കുന്നതിനുള്ള ഉത്തരവ് കഴിഞ്ഞദിവസം പുറത്തിറങ്ങി. ഓട്ടോമൊബൈല്, മെക്കാനിക്കല് ബിടെക് ബിരുദം ഉള്ളവരെയാണ് പരിഗണിക്കുന്നത്. ഓട്ടോമൊബൈല് മേഖലയില് രണ്ട് വര്ഷത്തെ പ്രവര്ത്തന പരിചയവും വേണം. ഭിന്നശേഷിക്കാരെ പരിഗണിക്കില്ല. നിലവില് 25 ഒഴിവുകളിലേയ്ക്കാണ് നിയമനം, ജോലിയില് പ്രവേശിക്കുന്ന ഉദ്യോഗാര്ഥികള് 10,000 രൂപ സെക്യൂരിറ്റി ഡെപ്പോസിറ്റ് ആയി നല്കണം. ഈ തുക ജോലിയില് പിരിഞ്ഞുപോകുമ്പോള് തിരികെ ലഭിക്കും. 1,200 രൂപ ദിവസവേതനവും നിയമനം നേടുന്നവര്ക്ക് ലഭിക്കും. സ്ഥിരം ജീവനക്കാരെ നിയമിക്കുമ്പോഴുള്ളത് പോലുള്ള സാമ്പത്തിക ബാധ്യതയും ഉണ്ടാവില്ല. അതേസമയം, പത്ത് വര്ഷം മുതല് പഴക്കം ചെന്ന ബസുകള് പരിപാലിക്കാന് പ്രാപ്തരായ സൂപ്പര്വൈസറി ഉദ്യോഗസ്ഥരില്ലാത്ത അവസ്ഥയില്…
Read Moreഇന്നലെ വരെ സിപിഎമ്മിനെ കൊത്തിവലിച്ചവൻ; സരിനെ സ്ഥാനാർഥിയാക്കുന്ന സിപിഎമ്മിനോട് ലജ്ജ തോന്നുന്നുവെന്ന് കെ. സുധാകരൻ
തൃശൂർ: സരിനെ സ്ഥാനാർഥിയാക്കുന്ന സിപിഎമ്മിനോട് ലജ്ജ തോന്നുന്നുവെന്ന് കെപിസിസി അധ്യക്ഷൻ കെ.സുധാകരൻ. പി സരിനെ പിന്തുണയ്ക്കാൻ സിപിഎം തീരുമാനിച്ചാൽ അവർക്ക് എന്ത് വൃത്തികേടും കാണിക്കാൻ പറ്റുമെന്നാണ് അർഥമെന്നും സുധാകരൻ പത്രസമ്മേളനത്തിൽ പറഞ്ഞു. ഇന്നലെ വരെ സിപിഎമ്മിനെ കൊത്തിവലിച്ച നാവാണ് പി. സരിന്റേതെന്നും അതെടുത്ത് വായിൽ വയ്ക്കുന്നത് സിപിഎമ്മിന്റ ഗതികേടാണെന്നും സുധാകരൻ പറഞ്ഞു. സരിനെ സ്ഥാനാർഥിയാക്കാനുള്ള നീക്കം സിപിഎമ്മിന്റെ ഗതികേടാണെന്നും കെ. സുധാകരൻ പറഞ്ഞു.ചേലക്കരയിൽ എൻ.കെ.സുധീർ മത്സരിക്കുന്നത് ഒരു വിഷയമല്ലെന്നും കെ. സുധാകരൻ പറഞ്ഞു. എൻ.കെ. സുധീർ ആടിയുലഞ്ഞ് നിൽക്കുന്ന ആളാണ്. സുധീറിൽ ഞങ്ങൾക്ക് പ്രതീക്ഷയുമില്ല. കോണ്ഗ്രസിനെ പോലുള്ള പാർട്ടിയിൽ ഇതുപോലുള്ള ആളുകൾ ഉണ്ടാകും. സ്വാർഥ താത്പര്യങ്ങൾ സംരക്ഷിക്കാൻ സാധിക്കുന്നില്ല എന്ന് പറയുന്പോൾ ആരെങ്കിലും കൊടുക്കുന്ന ഓഫർ സ്വീകരിച്ചു പുറത്തുപോകും. കോണ്ഗ്രസിനോട് ആഭിമുഖ്യം ഉണ്ടെങ്കിൽ കോണ്ഗ്രസിൽ നിൽക്കണം. പോകുന്നവർ പോകട്ടെയെന്ന് പറയാൻ അല്ലാതെ ആരെയും പിടിച്ചുകെട്ടി നിർത്താൻ പറ്റില്ല.…
Read Moreസ്ഥാനമാനങ്ങൾ കിട്ടാത്തതിൽ ആദ്യം പ്രതിഷേധിക്കേണ്ടത് താനെന്ന് ചെന്നിത്തല; താൽകാലിക നേട്ടത്തിന് കോണ്ഗ്രസ് വിടുന്നവർ പശ്ചാത്തപിക്കും
ഗുരുവായൂർ: സ്ഥാനമാനങ്ങൾ കിട്ടാത്തതിൽ പ്രതിഷേധിക്കുകയാണെങ്കിൽ ആദ്യം പ്രതിഷേധിക്കേണ്ടത് താനായിരുന്നുവെന്ന് മുൻ പ്രതിപക്ഷ നേതാവ് രമേശ് ചെന്നിത്തല.പാലക്കാട് സരിനെതിരെയുള്ള നടപടി തീരുമാനിക്കേണ്ടത് പാർട്ടിയാണെന്നും ചെന്നിത്തല ഗുരുവായൂരിൽ മാധ്യമപ്രവർത്തകരോടു പറഞ്ഞു. സരിൻ വിഷയം പാലക്കാട് തെരഞ്ഞെടുപ്പിൽ പ്രതികൂലമായി ബാധിക്കില്ല. എല്ലാ തെരഞ്ഞെടുപ്പിലും എല്ലാവരേയും പരിഗണിക്കാൻ സാധിക്കില്ല. പാലക്കാട് രാഹുൽ മാങ്കൂട്ടത്തിൽ വിജയിക്കും. നിർണായക തെരഞ്ഞെടുപ്പിൽ സരിൻ കോണ്ഗ്രസിനൊപ്പം നിൽക്കേണ്ടതായിരുന്നു. സരിനുമായി സംസാരിച്ചിരുന്നുവെന്നും ചെന്നിത്തല പറഞ്ഞു. താൽക്കാലിക നേട്ടത്തിനായി കോണ്ഗ്രസ് വിടുന്നവർ പിന്നീട് പശ്ചാത്തപിക്കുമെന്നും അദ്ദേഹം പറഞ്ഞു. പാലക്കാട് സിപിഎമ്മിന് ഒരു പ്രസക്തിയുമില്ല. അവർക്ക് ആരെയങ്കിലും സ്ഥാനാർഥിയായി കിട്ടിയാൽ മതി. രാഹുലിനൊപ്പം ചാണ്ടി ഉമ്മൻ ഉമ്മൻചാണ്ടിയുടെ കല്ലറയിൽ പോകാതെ മാറിനിന്നതിനെക്കുറിച്ച് അറിയില്ലെന്നും ചിലപ്പോൾ തിരക്കുകൊണ്ടാകാമെന്നും ചെന്നിത്തല പ്രതികരിച്ചു. രാഹുൽ മാങ്കൂട്ടത്തിൽ ഷാഫി പറന്പിലിന്റെ സ്ഥാനാർഥിയല്ല കോണ്ഗ്രസിന്റെ സ്ഥാനാർഥിയാണെന്നും സംസ്ഥാനത്തെ മൂന്ന് ഉപതെരഞ്ഞെടുപ്പുകളിലും കോണ്ഗ്രസ് വിജയിക്കുമെന്നും യുവാക്കൾക്കും സ്ത്രീകൾക്കും സ്ഥാനമാനങ്ങൾ കൊടുക്കുന്ന പാർട്ടി…
Read Moreതിരുവനന്തപുരം നോർത്ത്-മുംബൈ ദീപാവലി സ്പെഷൽ ട്രെയിൻ; ഡ്വാൻസ് റിസർവേഷൻ ഉണ്ടായിരിക്കും
കൊല്ലം: ദീപാവലി പ്രമാണിച്ചുള്ള തിരക്ക് ഒഴിവാക്കാൻ തിരുവനന്തപുരം നോർത്ത് – (പഴയ കൊച്ചുവേളി ) മുംബൈ റൂട്ടിൽ പ്രതിവാര സ്പെഷൽ ട്രെയിൻ സർവീസ് നടത്താൻ റെയിൽവേ മന്ത്രാലയം തീരുമാനിച്ചു. ട്രെയിൻ നമ്പർ 01463 മുംബൈ ലോകമാന്യ തിലക് ടെര്മിനസ് -തിരുവനന്തപുരം നോര്ത്ത് ദീപാവലി സ്പെഷൽ ട്രെയിൻ 24 വ്യാഴാഴ്ച സർവീസ് ആരംഭിക്കും.നവംബർ 14 വരെ എല്ലാ വ്യാഴാഴ്ചയും വൈകുന്നേരം നാലിന് മുംബൈ ലോകമാന്യ തിലക് ടെര്മിനസ് സ്റ്റേഷനില് നിന്ന് പുറപ്പെടുന്ന ട്രെയിന് അടുത്ത ദിവസം രാത്രി 8.45 ന് തിരുവനന്തപുരം നോര്ത്ത് സ്റ്റേഷനില് എത്തും. കൊങ്കണ് റെയില്വേ, മംഗലാപുരം ജംഗ്ഷന്, ഷൊർണൂര്, കോട്ടയം, കൊല്ലം വഴി ആണ് സർവീസ്. തിരികെയുള്ള ട്രെയിൻ നമ്പർ 01464 തിരുവനന്തപുരം നോര്ത്ത് – ലോകമാന്യ തിലക് ടെർമിനസ് സ്പെഷൽ ട്രെയിൻ ശനിയാഴ്ച വൈകുന്നേരം 4.20 ന് തിരുവനന്തപുരം നോർത്തിൽ നിന്ന് പുറപ്പെട്ട്…
Read Moreവേണാട് എക്സ്പ്രസിലെ തിരക്ക്; കൊല്ലം-എറണാകുളം മെമു ശനിയാഴ്ചയും സർവീസ് നടത്തും
കൊല്ലം: വേണാട് എക്സ്പ്രസിലെ തിരക്ക് ഒഴിവാക്കാൻ ആരംഭിച്ച കൊല്ലം- എറണാകുളം മെമു ട്രെയിൻ ശനിയാഴ്ചയും സർവീസ് നടത്തും. ഇതു സംബന്ധിച്ച റെയിൽവേയുടെ ഉത്തരവ് ഉടൻ പുറത്തിറങ്ങുമെന്നാണ് വിവരം. ഈ വണ്ടിയെ ആശ്രയിക്കുന്ന ആയിരക്കണക്കിന് യാത്രക്കാർക്ക് ഇത് ഏറെ ആശ്വാസം നൽകും. താത്കാലിക സംവിധാനം എന്ന നിലയിൽ ആഴ്ചയിൽ തിങ്കൾ മുതൽ വെള്ളി വരെയാണ് മെമു ഇപ്പോൾ സർവീസ് നടത്തുന്നത്. മാത്രമല്ല ഈ ട്രെയിൻ നവംബർ 29 വരെ മാത്രമാണ് ഇപ്പോൾ പ്രഖ്യാപിച്ചിട്ടുള്ളത്. ഇതിൻ്റെ കാലാവധിയും ദീർഘിപ്പിക്കും.മെമു റേക്കിന്റെ അഭാവമാണ് കൂടുതൽ ട്രെയിനുകൾ അനുവദിക്കുന്നതിന് തടസമാകുന്നതെന്ന് കഴിഞ്ഞ ദിവസം ന്യൂഡൽഹിയിൽ നടന്ന കൂടിക്കാഴ്ചയിൽ കൊടിക്കുന്നിൽ സുരേഷ് എംപിയെ റെയിൽവേ സഹമന്ത്രി വി. സോമണ്ണ അറിയിക്കുകയുണ്ടായി. പുനലൂരിൽനിന്ന് കൊല്ലം വഴി എറണാകുളത്തേയ്ക്ക് മെമു സർവീസ് ആരംഭിക്കണമെന്നാണ് യാത്രക്കാരുടെയും ഫ്രണ്ട്സ് ഓൺ റെയിൽസ് അടക്കമുള്ള സംഘടനകളുടെയും പ്രധാന ആവശ്യം.ഇത് റെയിൽവേ ബോർഡിന്റെ…
Read Moreസ്വാമിയേ ശരണമയ്യപ്പാ… അരുണ്കുമാര് നമ്പൂതിരി ശബരിമല മേല്ശാന്തി; വാസുദേവന് നമ്പൂതിരി മാളികപ്പുറത്ത്
ശബരിമല: ശബരിമല ശ്രീധര്മശാസ്താ ക്ഷേത്രത്തിലെ പുതിയ മേല്ശാന്തിയായി അരുണ്കുമാര് നമ്പൂതിരിയും മാളികപ്പുറം മേല്ശാന്തിയായി വാസുദേവന് നമ്പൂതിരിയും തെരഞ്ഞെടുക്കപ്പെട്ടു. ഇന്നു രാവിലെ ശബരിമലയില് നടന്ന നറുക്കെടുപ്പിലൂടെയാണ് ഇരുവരും അടുത്ത ഒരുവര്ഷത്തേക്കുള്ള മേല്ശാന്തിമാരായി തെരഞ്ഞെടുക്കപ്പെട്ടത്. മണ്ഡലകാലം ആരംഭിക്കുന്ന വൃശ്ചികം ഒന്നിന് പുതിയ മേല്ശാന്തിമാര് ചുമതലയേല്ക്കും. പിന്നീടുള്ള ഒരുവര്ഷം ഇരുവരും ശബരിമലയില് താമസിച്ചു പൂജാകര്മങ്ങള് നടത്തണം. തുലാം 30നു രാത്രിയാണ് ഇവരുടെ അഭിഷേക ചടങ്ങുകള്. പുതുതായി തെരഞ്ഞെടുക്കപ്പെട്ട ശബരിമല മേല്ശാന്തി അരുണ്കുമാര് നമ്പൂതിരി കൊല്ലം ശക്തികുളങ്ങര നാരായണീയം തോട്ടത്തില് മഠം കുടുംബാംഗമാണ്. കൊല്ലം ലക്ഷിമനടയിലെ മേല്ശാന്തിയാണ് നിലവില്. 24 പേരുകളാണ് ഇത്തവണ ശബരിമല മേല്ശാന്തി പട്ടികയില് അന്തിമ പരിഗണനയിലുണ്ടായിരുന്നത്. ഈ പേരുകള് എഴുതി ഒരു വെള്ളിക്കുടത്തിലും മറ്റൊരു വെള്ളിക്കുടത്തില് 23 ശൂന്യപേപ്പറുകളും ശബരിമല മേല്ശാന്തി എന്നെഴുതിയ ഒരു കുറിപ്പും ഇട്ടായിരുന്നു നറുക്കെടുപ്പ്. ശബരിമല സോപാനത്ത് ഉഷ പൂജയേ തുടര്ന്നായിരുന്നു ചടങ്ങുകള്. പന്തളം…
Read More