തിരുവനന്തപുരം: പി.വി അൻവറിനെതിരേ വിമർശനവുമായി വീണ്ടും സിപിഎം. പി.വി. അൻവർ സാമാന്യമര്യാദ പാലിക്കാതെയാണ് പരസ്യ പ്രസ്താവനകൾ നടത്തിയതെന്ന് സിപിഎം സംസ്ഥാനസെക്രട്ടറി എം.വി. ഗോവിന്ദൻ ആരോപിച്ചു. കോടിയേരി ബാലകൃഷ്ണന്റെ അനുസ്മരണദിനമായ ഇന്ന് കോടിയേരിയെ അനുസ്മരിച്ച് പാർട്ടി മുഖപത്രത്തിലെഴുതിയ ലേഖനത്തിന്റെ അവസാനഭാഗത്താണ് എം.വി.ഗോവിന്ദൻ പി.വി.അൻവറിനെതിരെ വിമർശനമുന്നയിക്കുന്നത്. പി.വി.അൻവർ പാർട്ടിക്കും സർക്കാരിനുമെതിരായി അടിസ്ഥാനരഹിതങ്ങളായ ആരോപണങ്ങൾ ഉന്നയിക്കുകയാണ്. ഇടതുപക്ഷ സ്വതന്ത്ര എംഎൽഎ എന്ന നിലയിൽ സാമാന്യ മര്യാദ പാലിക്കാതെ പരസ്യമായി പ്രസ്താവന നടത്തുകയും പാർട്ടിക്കും മുഖ്യമന്ത്രിക്കും ഇടതുപക്ഷത്തിനുമെതിരായി നീങ്ങുകയാണ് അൻവർ ചെയ്യുന്നത്. സിപിഎമ്മിനെയും എൽഡിഎഫിനെയും അപകീർത്തിപ്പെടുത്താൻ ശ്രമിക്കുന്നതിനു പിന്നിൽ സ്ഥാപിത താൽപര്യമാണെന്ന് വ്യക്തമാണെന്നും എം.വി.ഗോവിന്ദൻ ലേഖനത്തിൽ ആരോപിക്കുന്നു. ഇതിലൂടെയൊന്നും പാർട്ടിയെയും സർക്കാരിനെയും തകർക്കാൻ ആവില്ലെന്നും എം.വി. ഗോവിന്ദൻ പറയുന്നു.
Read MoreCategory: Edition News
വിവാദ വിഷയങ്ങളില് ചര്ച്ചയില്ല; സിപിഎം ബ്രാഞ്ച് സമ്മേളനങ്ങളില് തണുപ്പന് പ്രതികരണം
കോഴഞ്ചേരി: പാര്ട്ടിയിലെ വിവാദ വിഷയങ്ങളില് ചര്ച്ച അനുവദിക്കാതെയും നേതാക്കളുടെ താത്പര്യങ്ങള് സംരക്ഷിച്ചും നിയന്ത്രണങ്ങള് ഉണ്ടായതോടെ സിപിഎം ബ്രാഞ്ച് സമ്മേളനങ്ങളില് തണുപ്പന് പ്രതികരണം. മുന്കാലങ്ങളില് ബ്രാഞ്ച് സമ്മേളനങ്ങള് ആവേശത്തോടെയാണ് താഴെത്തട്ടിലുള്ള പ്രവര്ത്തകര് ഏറ്റെടുത്തിരുന്നത്. ഇതിനോടൊപ്പം പാര്ട്ടി അനുഭാവികളും വര്ഗ ബഹുജന സംഘടനകളുടെ പ്രവര്ത്തകരും സമ്മേളത്തില് പങ്കെടുക്കുമായിരുന്നു. ഇപ്പോള് നടന്നുവരുന്ന സമ്മേളനങ്ങളില് പാര്ട്ടി മെംബര്മാര് മാത്രമാണ് പലയിടത്തുമുള്ളത്. ഇതോടെ പങ്കെടുക്കുന്നവരുടെ എണ്ണം വളരെ കുറഞ്ഞു. ബ്രാഞ്ച് സമ്മേളനങ്ങളില് ഉദ്ഘാടന സമയത്ത് പാര്ട്ടി അനുഭാവികളും പ്രദേശവാസികളുമുള്പ്പെടെ കുറഞ്ഞത് 50 പേര് പങ്കെടുക്കണമെന്നാണ് സംസ്ഥാന കമ്മിറ്റിയുടെ നിര്ദ്ദേശമെങ്കിലും പല സ്ഥലങ്ങളിലും 20 പേര് മാത്രമാണ് പങ്കെടുക്കുന്നതെന്നും, ചില സ്ഥലങ്ങളില് ഇതിലും കുറവാണെന്നും ജില്ലയിലെ ഒരു മുതിര്ന്ന സിപിഎം നേതാവ് ചൂണ്ടിക്കാട്ടി. മേല്ഘടകങ്ങളില് നിന്നു നിയന്ത്രണം ഉണ്ടായിട്ടും ബ്രാഞ്ച് സമ്മേളനങ്ങളില് സംസ്ഥാന സര്ക്കാരിനെതിരേ രൂക്ഷ വിമര്ശനമാണ് പ്രതിനിധികള് നടത്തുന്നത്. എന്നാല് സംഘടനാ രംഗത്തുള്ള തെറ്റുകളും…
Read Moreഅപകടവഴിയായി അടൂര് ബൈപാസ്; വേഗനിയന്ത്രണ സംവിധാനങ്ങള് ഇല്ല
അടൂര്: ബൈപാസില് വാഹനങ്ങളുടെ അമിത വേഗം അപകടങ്ങള്ക്കു കാരണമാകുന്നു. എംസി റോഡില് നെല്ലിമൂട്ടില്പടി മുതല് ബൈപാസ് അവസാധിക്കുന്ന കരുവാറ്റ ഭാഗം വരെ അഞ്ചിലധികം വളവുകളും പത്തിലധികം ഉപറോഡുകളുമാണ് ഉള്ളത്. ബൈപാസ് നിര്മിച്ച ഘട്ടത്തില് പ്രദേശം ജനവാസമേഖലയായിരുന്നില്ല. അതിനാല് വളവുകള് പരമാവധി ഒഴിവാക്കി നിര്മാണം നടത്തുന്നതിലേക്ക് കൂടുതല് സ്ഥലം ഏറ്റെടുക്കാനാകുമായിരുന്നു. എന്നാല് ഇതിലുണ്ടായ വീഴ്ചയാണ് ഇപ്പോള് പ്രശ്നമായിരിക്കുന്നത്. ഉപറോഡുകളില് നിന്നു ബൈപാസിലേക്കു കയറുന്ന വാഹനങ്ങള്ക്ക് ഇരുഭാഗത്തു നിന്നും വരുന്ന വാഹനങ്ങള് കാണാന് കഴിയുന്നില്ല. അതേപോലെ വാഹനങ്ങള്ക്ക് പാര്ക്കിംഗിനു സ്ഥലം ഇല്ലാത്തതും അപകടങ്ങള്ക്ക് കാരണമാകുന്നു. നിരവധി അപകടവളവുകളാണ് ബൈപാസിലുള്ളത്. വളവുകളുള്ള ഭാഗത്ത് ഹോട്ടലുകളും മറ്റ് സ്ഥാപനങ്ങളും തുടങ്ങിയതും കൂടുതല് അപകടങ്ങള്ക്ക് കാരണമാകുന്നു. സ്ഥാപനങ്ങളിലെത്തുന്നവരുടെ വാഹനങ്ങള് വളവുകള്ക്കരികില് പാര്ക്ക് ചെയ്യുന്നതും സ്ഥാപനങ്ങളില് കയറിയശേഷം അശ്രദ്ധമായി വാഹനങ്ങള് മുമ്പോട്ടെടുക്കുന്നതുമെല്ലാം അപകടങ്ങള്ക്കു കാരണമാകുന്നു. ബൈപാസിലെ തുടര്ച്ചയായ വളവുകള് കാരണം ഡ്രൈവര്മാര്ക്ക് ദൂരക്കാഴ്ച ലഭിക്കാറില്ല. ഇതിനൊപ്പം…
Read Moreപോക്സോ കേസില് മോണ്സണ് മാവുങ്കലിനെ വെറുതെവിട്ടു; മാനേജർ ജോഷി കുറ്റക്കാരനെന്ന് കോടതി വിധി
കൊച്ചി: പോക്സോ കേസില് പുരാവസ്തു തട്ടിപ്പു കേസിലെ പ്രതി മോണ്സണ് മാവുങ്കലിനെ വെറുതെ വിട്ടു. പെരുമ്പാവൂര് പോക്സോ കോടതിയുടേതാണ് വിധി. മോണ്സന്റെ വീട്ടിലെ ജോലിക്കാരിയുടെ പ്രായപൂര്ത്തിയാകാത്ത മകളെ പീഡിപ്പിച്ചുവെന്നായിരുന്നു കേസ്. ഒന്നാം പ്രതിയും മോണ്സന്റെ മാനേജരുമായ ജോഷിയാണ് കുറ്റക്കാരനെന്ന് കോടതി വിധിച്ചു. മോണ്സനെതിരേ പ്രേരണാകുറ്റമാണ് ചുമത്തിയിരിക്കുന്നത്. കേസില് രണ്ടാം പ്രതിയായിരുന്നു മോണ്സണ്.
Read Moreഹേമ കമ്മറ്റി റിപ്പോര്ട്ട്: കോട്ടയത്ത് ആദ്യ കേസ് രജിസ്റ്റര് ചെയ്തു; മേക്കപ്പ് ആർട്ടിസ്റ്റ് പരാതി നൽകിയത് മേക്കപ്പ് മാനേജർക്കെതിരെ
കോട്ടയം: ഹേമ കമ്മറ്റി റിപ്പോര്ട്ടിന്റെ അടിസ്ഥാനത്തില് ആദ്യ കേസ് കോട്ടയത്ത് രജിസ്റ്റര് ചെയ്തു.കൊല്ലം സ്വദേശിയായ മേക്കപ്പ് ആര്ട്ടിസ്റ്റ്, മേക്കപ്പ് മാനേജര്ക്കെതിരേ നല്കിയ മൊഴിയുടെ അടിസ്ഥാനത്തിലാണ് കേസെടുത്തത്. അപമര്യാദയായി പെരുമാറിയെന്ന് കാണിച്ച് കൊരട്ടി സ്വദേശിയായ സജീവിനെതിരേയാണ് എഫ് ഐ ആര് രജിസ്റ്റര് ചെയ്തത്. പൊന്കുന്നം പോലീസ് രജിസ്ട്രര് ചെയ്ത കേസ് സ്പെഷല് ഇന്വെസ്റ്റിഗേഷന് ടീമിന് കൈമാറി. പരാതിക്കാരി നേരത്തെ ഹേമ കമ്മിറ്റിക്ക് മുന്പില് മൊഴി നല്കിയിരുന്നു. പിന്നാലെ പോലീസിലും പരാതി നല്കുകയായിരുന്നു. ആദ്യമായാണ് ഹേമ കമ്മിറ്റിക്ക് മൊഴി നല്കിയ ഒരാള് പൊലീസില് പരാതിയുമായെത്തുന്നത്. കൊല്ലം പുയബ്ലിളിയിലും, കോട്ടയം പൊന്കുന്നത്തും നല്കിയ പരാതികളില് കേസ് രജിസ്റ്റര് ചെയ്തിട്ടുണ്ട്.
Read Moreവില്പനയ്ക്കെത്തിച്ച 1.600 ഗ്രാം കഞ്ചാവുമായി രണ്ടു പേര് അറസ്റ്റില്
കൊച്ചി: വില്പനയ്ക്കെത്തിച്ച 1.600 ഗ്രാം കഞ്ചാവുമായി രണ്ടു പേര് അറസ്റ്റില്. ഒറീസ സ്വദേശി അബാ സലാം, കലൂര് കതൃക്കടവ് എ.പി. വര്ക്കി കോളനിയില് താമസിക്കുന്ന ഓട്ടോ ഡ്രൈവര് രാഘവന് എന്നിവരെയാണ് എറണാകുളം സെന്ട്രല് പോലീസ് അറസ്റ്റ് ചെയ്തത്. സംഘത്തിലെ ഒരാള് പോലീസിനെ കണ്ട് ഓടി രക്ഷപ്പെട്ടു. ഇയാളെ കണ്ടെത്തുന്നതിനായി അന്വേഷണം ആരംഭിച്ചു. ഇന്നലെ രാത്രി ഈയാട്ടുമുക്ക് ജംഗ്ഷനിലായിരുന്നു സംഭവം. നൈറ്റ് പട്രോളിംഗ് സംഘമാണ് ഇവരെ സംശയാസ്പദമായ രീതിയില് കണ്ടത്. പോലീസ് ജീപ്പ് വരുന്നതുകണ്ട് ഒരാള് ഓടി രക്ഷപ്പെട്ടു. മറ്റു രണ്ടുപേര് ഓട്ടോറിക്ഷയ്ക്ക് അരുകിലായിരുന്നു. അബാ സലാം ഒറീസയില്നിന്ന് കഞ്ചാവ് എത്തിച്ച് വില്പന നടത്തുകയായിരുന്നുവെന്നാണ് പോലീസ് സംശയിക്കുന്നത്. ഒരാഴ്ച മുമ്പാണ് ഇയാള് ഒറീസയില് നിന്ന് കൊച്ചിയില് എത്തിയത്. സൗത്ത് റെയില്വേ സ്റ്റേഷനു സമീപത്തെ പാര്ക്കിംഗിലും മറ്റുമായി കഴിഞ്ഞുവരുകയായിരുന്നു. രാഘവന്റെ ഓട്ടോറിക്ഷയിലായിരുന്നു ആവശ്യക്കാര്ക്ക് കഞ്ചാവ് എത്തിച്ചിരുന്നതെന്നാണ് പോലീസ് നിഗമനം. ഓട്ടോറിക്ഷയില്…
Read Moreഎന്നു നന്നാക്കും ജനറൽ ആശുപത്രി റോഡ്? ദുരിതത്തിലായി രോഗികൾ
കാഞ്ഞിരപ്പള്ളി: ജനറൽ ആശുപത്രിയിലേക്കുള്ള റോഡ് തകർന്നത് ആശുപത്രിയിലെത്തുന്നവരെയും രോഗികളെയും ദുരിതത്തിലാക്കുന്നു. ആശുപത്രി കവാടം മുതൽ റോഡിലെ ടാറിംഗ് ഇളകി കുഴികൾ രൂപപ്പെട്ട നിലയിലാണ്. പഴയ അത്യാഹിത വിഭാഗംവരെ ഇന്റർ ലോക്ക് ഇട്ടിട്ടുണ്ടെങ്കിലും മുന്നോട്ട് പുതിയ ആശുപത്രി കെട്ടിടത്തിലേക്ക് പോകുന്ന റോഡ് തകർന്ന നിലയിലാണ്. ഈ ഭാഗങ്ങളിലും ചെറിയ കുഴികൾ രൂപപ്പെട്ടിട്ടുണ്ട്. കിടപ്പുരോഗികളെ കൊണ്ടുവരുന്ന വാഹനങ്ങളും ആംബുലൻസും ഈ കുഴികളിൽ ചാടി വേണം പോകാൻ. ഇത് രോഗികളെ ഏറെ ബുദ്ധിമുട്ടിലാക്കുകയാണ്. ആശുപത്രിയിലെത്തുന്നവർ അധികൃതരോട് പരാതി അറിയിച്ചിട്ടും ഒരു നടപടിയും സ്വീകരിക്കുന്നില്ലെന്ന ആക്ഷേപവും ഇതോടൊപ്പം ഉയർന്നിട്ടുണ്ട്. രോഗികളുടെ നടുവൊടിക്കുന്ന ദുരിതയാത്രയ്ക്ക് ഉടൻ പരിഹാരം കാണണമെന്ന് ആശുപത്രിയിലെത്തുന്നവർ ആവശ്യപ്പെട്ടു.
Read Moreബീറ്റ്റൂട്ടിട്ട മസാല ദോശകൾ ഇനി രുചിയോർമ മാത്രം; ചങ്ങനാശേരി കുരിശുംമൂട്ടിലെ ഇന്ത്യന് കോഫി ഹൗസ് പൂട്ടും
ചങ്ങനാശേരി: കുരിശുംമൂട്ടിലെ ഇന്ത്യന് കോഫി ഹൗസ് ഇന്നു പൂട്ടും. ഇന്ന് രാത്രി ഒമ്പതിന് പ്രവര്ത്തനം അവസാനിപ്പിക്കുമെന്നും നാളെ മുതല് പ്രവര്ത്തനം ഉണ്ടായിരിക്കില്ലെന്നും കാണിച്ച് മാനേജര് കോഫി ഹൗസിന്റെ വാതിലില് നോട്ടീസ് പതിപ്പിച്ചു. ചങ്ങനാശേരി കെഎസ്ആർടിസി ജംഗ്ഷനിര് പ്രവര്ത്തിച്ചിരുന്ന ഇന്ത്യന് കോഫി ഹൗസ് 12വര്ഷങ്ങള്ക്കുമുമ്പ് പൂട്ടിയിരുന്നു. പെരുന്ന സലിം കോംപ്ലക്സില് പ്രവര്ത്തിച്ചിരുന്ന ഇന്ത്യന് കോഫി ഹൗസാണ് കുരിശുംമൂട്ടിലേക്കു മാറ്റി പ്രവര്ത്തിച്ചുവന്നിരുന്നത്. നഷ്ടമാണെന്ന കാരണത്താലാണ് ഈ കോഫിഹൗസ് പ്രവര്ത്തനം നിർത്തുന്നതെന്നാണ് അധികൃതരുടെ വിശദീകരണം. കോഫി ഹൗസ് പ്രവര്ത്തനം നിര്ത്തുന്നതോടെ ഇവിടുത്തെ വലിയ ഒരു സൗഹൃദ കൂട്ടായ്മയുടെ ഇരിപ്പിടമാണു നഷ്ടമാകുന്നത്.
Read Moreവളർത്തുമത്സ്യങ്ങള് കൂട്ടത്തോടെ ചത്തുപൊങ്ങി; അയല്വാസി കുളത്തില് വിഷം കലക്കിയെന്ന് കര്ഷകന്
വൈക്കം: വളർത്തുമത്സ്യങ്ങള് കൂട്ടത്തോടെ ചത്തുപൊങ്ങി. അയല്വാസി കുളത്തില് വിഷം കലക്കിയതാണെന്ന സംശയത്തില് കര്ഷകന് പോലീസില് പരാതി നല്കി. വൈക്കം വടക്കേമുറി നെടിയാഴത്ത് ബി. ജയശങ്കറിന്റെ കുളത്തിലെ കരിമീന് മത്സ്യങ്ങളാണ് ചത്തുപൊങ്ങിയത്. പശുക്കളെയും പക്ഷികളെയും വളര്ത്തിയാണ് ജയശങ്കര് ഉപജീവനം നടത്തുന്നത്. കന്നുകാലികള്ക്കും പക്ഷികള്ക്കും കുടിക്കാൻ ഈ കുളത്തിലെ വെള്ളമാണു നല്കുന്നത്. മത്സ്യങ്ങള് ചത്തതിനെത്തുടര്ന്ന് സംശയം തോന്നിയതിനാല് പശുക്കള്ക്കും പക്ഷികള്ക്കും കുളത്തിലെ വെള്ളം നല്കിയില്ല. മത്സ്യങ്ങള് ഇല്ലാതിരുന്നെങ്കില് വിഷം കലര്ന്ന വെള്ളം കുടിച്ച് പശുക്കളും പക്ഷികളും ചത്ത് തന്റെ ജീവിതം വഴിമുട്ടുമായിരുന്നെന്ന് ജയശങ്കര് പറഞ്ഞു. പ്രദേശത്ത് ഗതാഗതയോഗ്യമായ വഴിയില്ലാതിരുന്നതിനാല് തന്റെ 13 സെന്റ് സ്ഥലം കൂടി വിട്ടു നല്കിയാണ് വഴി തീര്ത്തത്. തന്റെ പുരയിടത്തിലേക്ക് ടിപ്പര് ലോറിയില് പൂഴി കൊണ്ടുവന്നപ്പോള് വഴിയോരത്ത് താമസിക്കുന്ന അയല്വാസിയുടെ പത്തലുകള് ലോറി തട്ടി ചാഞ്ഞിരുന്നു. ഇതേ തുടര്ന്ന് അയല്വാസി തന്നെയും കുടുംബത്തെയും അസഭ്യം പറഞ്ഞിരുന്നു.…
Read Moreശാരീരികമായി ഉപദ്രവിച്ചു, പരാതി കൊടുത്താൽ ചിത്രം മോർഫ് ചെയ്ത് പ്രചരിപ്പിക്കുമെന്ന് ഭീഷണിപ്പെടുത്തലും; ഗ്രാമപഞ്ചായത്ത് അംഗത്തിനെതിരെ പരാതിയുമായി യുവതി
അടൂര്: സ്ത്രീയോടു മോശമായി പെരുമാറിയെന്ന പരാതിയില് ഗ്രാമപഞ്ചായത്തംഗത്തിനെതിരേ കേസ്. കടമ്പനാട് ഗ്രാമപഞ്ചായത്തംഗം ജോസ് തോമസി(45)നെതിരേയാണ് കേസ്. കടമ്പനാട് സ്വദേശിനിയാണ് പരാതിക്കാരി. ശാരീരികമായി ഉപദ്രവിച്ചെന്നും അപമാനിക്കാന് ശ്രമിച്ചെന്നും പരാതിക്കാരിയുടെ ചിത്രം മോര്ഫ് ചെയ്ത് പ്രചരിപ്പിക്കുമെന്നു ഭീഷണിപ്പെടുത്തിയെന്നും ഏനാത്ത് പോലീസിനു നൽകിയ പരാതിയില് പറയുന്നു. പരാതിക്കാരിയെ കൈയേറ്റം ചെയ്ത സംഭവത്തില് ജോസ് തോമസിനെതിരേ കേസ് എടുത്തതായി ഏനാത്ത് പോലീസ് പറഞ്ഞു.
Read More