കോഴിക്കോട്: എന്സിയിലെ ആഭ്യന്തര കലാപത്തിനിടയില് മന്ത്രി എ.കെ. ശശീന്ദ്രന് സ്ഥാനമൊഴിയാന് സാധ്യത. പകരം തോമസ് കെ. തോമസ് മന്ത്രിയാകും. മന്ത്രിസ്ഥാനം നിലനിര്ത്താന് ശശീന്ദ്രന് വിഭാഗം ശക്തമായ നീക്കം നടത്തുന്നുണ്ട്. കോഴിക്കോട് ജില്ലാ കമ്മിറ്റി ശശീന്ദ്രനൊപ്പമാണെന്ന് ഇതിനകം പ്രഖ്യാപിച്ചിട്ടുണ്ട്. തോമസ് കെ. തോമസിന്റെ ഗ്രൂപ്പും പരമാവധി ജില്ലാ കമ്മിറ്റികളുടെ പിന്തുണ സമാഹരിക്കാനുള്ള ശ്രമത്തിലാണ്. മന്ത്രിസ്ഥാനം ഒഴിയുന്നതു സംബന്ധിച്ച് പാര്ട്ടിയില് ചര്ച്ചകളൊന്നും നടന്നിട്ടില്ലെന്ന് എ.കെ. ശശീന്ദ്രന് പ്രതികരിച്ചു. മന്ത്രിസ്ഥാനത്തു മാറ്റം വരുത്തുന്നതു സംബന്ധിച്ച് എന്സിപി സംസ്ഥാന പ്രസിഡന്റ് പി.സി. ചാക്കോ ജില്ലാ പ്രസിഡന്റുമാരുമായി ചര്ച്ച നടത്തിയിരുന്നു. ഭൂരിഭാഗം ജില്ലാ പ്രസിഡന്റുമാരും മാറ്റത്തിനു അനുകൂലമായാണ് പ്രതികരിച്ചത്. ഈ വികാരം ദേശീയ പ്രസിഡന്റ് ശരദ്പവാറിനെ അറിയിച്ച് മന്ത്രിയെ മാറ്റാനുള്ള നടപടികളുമായി മുന്നോട്ടുപോകാനാണ് ചാക്കോയുടെ തീരുമാനമെന്നാണ് വിവരം. മന്ത്രിയെ മാറ്റുമെന്ന സൂചന ലഭിച്ചയുടന് ശശീന്ദ്രനെ അനുകൂലിക്കുന്ന മുതിര്ന്ന നേതാക്കള് പവാറിനെ കണ്ട് നിലപാട് അറിയിച്ചിരുന്നു.…
Read MoreCategory: Edition News
തെരുവുനായയെ പേടിച്ച് നാലാംക്ലാസുകാരൻ തോട്ടിൽ ചാടി; മുങ്ങിത്താണ കൂട്ടുകാരനെ രക്ഷിച്ച് അഭിനവ്; അനുമോദിച്ച് എംഎൽഎ
അമ്പലപ്പുഴ: തെരുവുനായയിൽനിന്ന് രക്ഷപ്പെടാൻ തോട്ടിൽ ചാടി മുങ്ങിത്താണ കൂട്ടുകാരനെ രക്ഷിച്ച അഭിനവിനെ എച്ച്. സലാം എംഎൽഎ അനുമോദിച്ചു. പുറക്കാട് പഞ്ചായത്ത് ഏഴാം വാർഡ് തോട്ടപ്പള്ളി പുത്തൻവീട്ടിൽ പ്രവീൺ – സോളി ദമ്പതികളുടെ മകൻ അഭിനവി(11) നെയാണ് എച്ച്. സലാം എംഎൽഎ വീട്ടിലെത്തി അനുമോദിച്ചത്. മാന്നാർ പാവുക്കര കരയോഗം യുപി സ്കൂളിലെ ആറാം ക്ലാസ് വിദ്യാർഥിയാണ് അഭിനവ്. മൂന്നുവർഷമായി അമ്മ സോളിയുടെ മാന്നാറിലുള്ള മേൽപ്പാടം കോയിപ്പള്ളി വിരുത്തിൽ വീട്ടിൽനിന്നാണ് അഭിനവ് പഠിക്കുന്നത്. ഓഗസ്റ്റ് 23ന് വൈകിട്ട് ഇതേ സ്കൂളിലെ നാലാം ക്ലാസ് വിദ്യാർഥിയും അഭിനവിന്റെ സുഹൃത്തുമായ സിദ്ധാർഥ് അഭിനവിന്റെ വീട്ടിലേക്ക് എത്തുമ്പോഴാണ് സംഭവം. ഭയന്നോടിയ സിദ്ധാർഥ് രക്ഷയ്ക്കായി സമീപത്തെ തോട്ടിലേക്കു ചാടി. ഇതുകണ്ടു അഭിനവ് സിദ്ധാർഥിനെ രക്ഷിക്കാനായി ചാടുകയായിരുന്നു.
Read Moreമരത്തിന്റെ ശിഖരം മുറിക്കുന്നതിനിടെ ഏണി തെന്നി വീണത് വൈദ്യുതി ലൈനിൽ; ഉടൻ ആശുപത്രിയിലെത്തിച്ചെങ്കിലും തടിവ്യാപാരിക്ക് ദാരുണാന്ത്യം
മരങ്ങാട്ടുപിള്ളി: മരത്തിന്റെ ശിഖരം മുറിക്കുന്നതിനിടയിൽ ഏണി തെന്നിമാറി വൈദ്യുതി വിതരണ കമ്പിയിൽ തട്ടി ഷോക്കേറ്റ തടി വ്യാപാരി മരിച്ചു. മരങ്ങാട്ടുപിള്ളി ഉപ്പാശേരിൽ സുനിൽ ഫ്രാൻസിസ് (സുനു -51) ആണ് മരിച്ചത്. ഇന്നലെ വൈകുന്നേരം അഞ്ചോടെ മരങ്ങാട്ടുപിള്ളി പോലീസ് സ്റ്റേഷന് മുന്നിലെ കൃഷിയിടത്തിലായിരുന്നു സംഭവം. തടിവ്യാപാരം നടത്തിയിരുന്ന സുനിൽ തൊഴിലാളികൾക്കൊപ്പം മരം മുറിക്കുകയായിരുന്നു. ഏണി ഉപയോഗിച്ച് കയറിയാണ് ശിഖരം മുറിച്ച് ഇറക്കിയിരുന്നത്. ഇതിനിടയിൽ ഏണി തെന്നി വൈദ്യുതി വിതരണ കമ്പിയിൽ തട്ടുകയായിരുന്നു. വൈദ്യുതാഘാതമേറ്റ് നിലത്ത് വീണ സുനിലിനെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: സിന്ധു (നിരപ്പേൽ കൂടല്ലൂർ). മക്കൾ: അനു (നഴ്സിംഗ് വിദ്യാർഥിനി, ബംഗളൂരു), ആൻ മരിയ, ട്രീസ. സംസ്കാരം ഇന്ന് വൈകുന്നേരം നാലിന് സഹോദരൻ ബിജു ഫ്രാൻസീസിന്റെ വസതിയിലെ ശുശ്രൂഷകൾക്കു ശേഷം മരങ്ങാട്ടുപിള്ളി സെന്റ് ഫ്രാൻസിസ് അസീസി പള്ളി സെമിത്തേരിയിൽ.
Read Moreഅച്ചടക്കത്തോടെ കുട്ടിസല്യൂട്ട്… മുഖ്യമന്ത്രിക്ക് സല്യൂട്ട് നല്കി ധ്രുവൻ സമ്മാനിച്ചു, താൻ വരച്ച ചിത്രവും; അച്ഛനെപ്പോലെ എനിക്കും പോലീസാകണം
കോട്ടയം: അച്ഛന് സല്യൂട്ട് നല്കുന്ന മുഖ്യമന്ത്രിക്ക് സല്യൂട്ട് നല്കി മകന് ധ്രുവനും. കേരള പോലീസ് അസോസിയേഷന്റെ സംസ്ഥാനസമ്മേളനത്തിന്റെ പ്രതിനിധിസമ്മേളന ഉദ്ഘാടന വേദിയിലാണ് ഡിജിപിയെയും നൂറുകണക്കിനു പോലീസുകാരെയും സാക്ഷിനിര്ത്തി ധ്രുവന് മുഖ്യമന്ത്രിക്ക് സല്യൂട്ട് നല്കിയത്. സമ്മേളന പ്രതിനിധിയും കേരള നിയമസഭയില് ഡെപ്യൂട്ടേഷനില് വാച്ച് ആന്ഡ് വാർഡ് ആയി ജോലി ചെയ്യുന്നയാളുമായ കൊട്ടാരക്കര വെട്ടുചോല ചക്കുവരയ്ക്കല് സജി ഭവനില് എസ്. സന്തോഷ്കുമാറിന്റെയും ദേവുവിന്റെയും മകനാണ് ധ്രുവന് സന്തോഷ്. ചിത്രകലയില് പ്രാവീണ്യമുള്ള ധ്രുവന് മുഖ്യമന്ത്രി പിണറായി വിജയന്റെ ചിത്രം വരച്ചിരുന്നു. ഇതു സമ്മാനിക്കുന്നതിനായിട്ടാണ് ധ്രുവനെ വേദിയിലേക്ക് ക്ഷണിച്ചത്. ചിത്രവുമായി മുഖ്യമന്ത്രിക്ക് അരികിലെത്തിയ ധ്രുവന് ആദ്യം സല്യൂട്ട് നല്കി. ധ്രുവനെ മുഖ്യമന്ത്രിയും സദസിലുള്ളവരും അഭിനന്ദിച്ചു. ഫോട്ടോയെടുത്തശേഷം മടങ്ങാന് തുടങ്ങുംമുമ്പ് ധ്രുവന് മുഖ്യമന്ത്രിക്ക് സല്യൂട്ട് നല്കി. ഭാവിയില് അച്ഛനെപ്പോലെ പോലീസാകാനാണ് ധ്രുവനും ആഗ്രഹം. അച്ഛന്റെ പോലീസ് ജോലിയെക്കുറിച്ചും പോലീസ് ഡിപ്പാര്ട്ടുമെന്റിനെക്കുറിച്ചും നല്ല അറിവാണ് ധ്രുവനുള്ളത്.…
Read Moreകോണ്ഗ്രസ് പ്രവര്ത്തകര് തലസ്ഥാനത്ത് ഒന്നിച്ചുനിന്നാല് കോർപറേഷൻ ഭരണം പിടിക്കാമെന്ന് പി.സി.വിഷ്ണുനാഥ് എംഎൽഎ
നേമം: കോണ്ഗ്രസ് പ്രവര്ത്തകര് തലസ്ഥാനത്ത് ഒന്നിച്ചുനിന്നാല് കോർപറേഷൻ ഭരണം പിടിക്കാമെന്നും കോര്പറേഷനില് കോണ്ഗ്രസ് പ്രതിനിധി യുഡിഎഫ് മേയറായി സത്യപ്രതിജ്ഞ ചെയ്യുമെന്നും എഐസിസി സെക്രട്ടറി പി.സി.വിഷ്ണുനാഥ് എംഎല്എ.കര്ണാടകവും തെലങ്കാനയും അതിന് ഉദാഹരണമാണ്. വാര്ഡുകള് അശാസ്ത്രീയമായി പുനര്നിര്ണയിച്ചും വോട്ടര് പട്ടികയില് വ്യാപകമായി ക്രമക്കേടുകള് നടത്തിയും തദ്ദേശസ്വയംഭരണ സ്ഥാപനങ്ങളിലെ തെരഞ്ഞെടുപ്പ് അട്ടിമറിക്കാന് ഇടതുമുന്നണി നടത്തുന്ന ശ്രമങ്ങളെ ജാഗ്രതയോടെ പ്രതിരോധിക്കണമെന്നും അദ്ദേഹം പറഞ്ഞു. നേമം നിയോജകമണ്ഡലം ക്യാമ്പ് എക്സിക്യൂട്ടീവ് തിരുമല സുശീലന്നായര് നഗറില് ഉദ്ഘാടനം ചെയ്തുകൊണ്ട് പ്രസംഗി ക്കുകയായിരുന്നു എംഎൽഎ. വയനാട് കെപിസിസി ക്യാമ്പ് എക്സിക്യൂട്ടീവ് അംഗീകരിച്ച മിഷന് 25 രേഖ ഡിസിസി പ്രസിഡന്റ് പാലോട് രവി അവതരിപ്പിച്ചു. പാര്ട്ടിസ്ഥാനങ്ങള് അലങ്കാരമായി കൊണ്ടു നടക്കാന് ആരെയും അനുവദിക്കില്ലെന്നും ഏതാവശ്യത്തിനും ഒപ്പമുണ്ടെന്ന് വാര്ഡിലെ ജനങ്ങളെ ബോധ്യപ്പെടുത്താന് കഴിയുന്ന ഒരു ടീമായി പ്രവര്ത്തിക്കണമെന്നും പാലോട് രവി പറഞ്ഞു. നേമം ബ്ലോക്ക് കോണ്ഗ്രസ് പ്രസിഡന്റ് കെ.പി.അജിത്ത്ലാല് അധ്യക്ഷം…
Read Moreഗുരുവായൂർ കണ്ണന് മുന്നിൽ റിക്കാർഡ് വിവാഹം; ഇതുവരെ ശീട്ടാക്കിയത് 328 വിവാഹങ്ങൾ; ക്രമീകരണം ഏർപ്പെടുത്തി ദേവസ്വം
ഗുരുവായൂർ: ചിങ്ങമാസത്തിലെ വിവാഹമുഹൂർത്തം കൂടുതലുള്ള എട്ടിന് ക്ഷേത്ര സന്നിധിയിൽ 328 വിവാഹങ്ങളാണ് ഇതുവരെ ശീട്ടാക്കിയിട്ടുള്ളത്. ഇത് ഗുരുവായൂരിലെ റിക്കാർഡ് വിവാഹമാകും. ഇതിനുമുമ്പ് 277 വിവാഹങ്ങൾ നടന്നതാണ് റിക്കാർഡ്. 318 വിവാഹങ്ങൾ ഭംഗിയായി നടത്താനുള്ള ക്രമീകരണങ്ങൾ ഒരുക്കാൻ ദേവസ്വം നടപടികൾ ആരംഭിച്ചു. വിഷുക്കണി ദർശനദിവസം ഒരുക്കുന്ന ക്രമീകരണങ്ങൾക്കു സമാനമായ ക്രമീകരണങ്ങളാണ് ഒരുക്കുന്നത്. അഞ്ച് വിവാഹമണ്ഡപങ്ങളിലായി ഒരേസമയം അഞ്ച് വിവാഹങ്ങൾ നടത്തും. കിഴക്കേനടയിൽ വൺവെ സംവിധാനം ഏർപ്പെടുത്തും. മേൽപ്പത്തൂർ ഓഡിറ്റോറിയത്തിന്റെ രണ്ട് ഭാഗത്തായി ദർശനത്തിനും വിവാഹപാർട്ടിക്കർക്കും സംവിധാനങ്ങൾ ഏർപ്പെടുത്തും. വിവാഹം കഴിയുന്നവരെ തെക്കേ ഭാഗത്തേക്ക് കടത്തിവിടും. ദീപസ്തംഭത്തിന് മുന്നിൽ ഫോട്ടോ എടുക്കുന്നതിന് നിയന്ത്രണം ഏർപ്പെടുത്തും. വിവാഹ മണ്ഡപത്തിലേക്ക് പ്രവേശവിക്കുന്നവരുടെ എണ്ണത്തിലും നിബന്ധനകൾ കർശനമാക്കും. അന്നത്തെദിവസം വാഹന പാർക്കിംഗിനായി ശ്രീകൃഷ്ണ സ്കൂൾ ഗ്രൗണ്ട് ഉൾപ്പെടെയുള്ള കേന്ദ്രങ്ങൾ തുറന്നുകൊടുക്കും. ദേവസ്വം, പോലീസ്, നഗരസഭ എന്നിവർ ഒരുമിച്ച് തിരക്ക് ലഘൂകരിക്കുന്നതിനുള്ള സംവിധാനങ്ങൾ ഒരുക്കുമെന്ന് ദേവസ്വം…
Read Moreനാലാം ക്ലാസിൽ തുടങ്ങിയ ആഗ്രഹം ഒടുവിൽ സഫലമായി; ഗോകാർട്ടിംഗ് കാർ ഉണ്ടാക്കി ഒമ്പതാം ക്ലാസുകാരൻ; ഞങ്ങളുടെ അഭിമാനമെന്ന് നാട്ടുകാർ
കൈപ്പറമ്പ്: കൈപ്പറമ്പിന് അഭിമാനമായി ഗോകാർട്ടിംഗ് കാർ ഉണ്ടാക്കി ഒമ്പതാം ക്ലാസുകാരൻ. തൃശൂർ കൈപ്പറമ്പ് സ്വദേശിയായ മമ്പറമ്പിൽ ഗിരീഷ്-ദിനി ദമ്പതികളുടെ മകൻ ആര്യദേവ് ആണ് ഗോകാർട്ടിംഗ് കാർ ഉണ്ടാക്കിയ ആ കൊച്ചു മിടുക്കൻ. ഒരു കാറിന് ആവശ്യമായതെല്ലാം ഗോ കാർട്ടിംഗ് കാറിൽ ഘടിപ്പിച്ചിട്ടുണ്ട്. ബാറ്ററിയിൽ പ്രവർത്തിക്കുന്ന രീതിയിലാണ് നിർമാണം. സ്റ്റിയറിംഗ്, ആക്സിലേറ്റർ, ഗീർ, റിവേഴ്സ് ഗിയർ, ബ്രേക്ക്, ലൈറ്റ്, ഹോൺ, സീറ്റ് ബെൽറ്റ് തുടങ്ങിയ എല്ലാവിധ സംവിധാനങ്ങളും ഘടിപ്പിച്ചിട്ടുണ്ട്. വളരെ ചുരുങ്ങിയ ചെലവിലാണ് കാർ നിർമിച്ചിട്ടുള്ളത്. പട്ടാളത്തിൽ നിന്ന് വാങ്ങിയ മെറ്റീരിയസ് ഉപയോഗിച്ചാണ് ഏകദേശം ഇരുപതിനായിരം രൂപ ചെലവിൽ ഈ കാർ ഉണ്ടാക്കിയത്. നാലാം ക്ലാസിൽ തുടങ്ങിയ ആഗ്രഹമാണ് ഒമ്പതാം ക്ലാസിൽ പൂർത്തീകരിച്ചതെന്ന് ആര്യദേവ് പറഞ്ഞു. ഏകദേശം രണ്ടാഴ്ചത്തെ കഠിനപരിശ്രമം കൊണ്ടാണ് കാർ നിർമാണം പൂർത്തീകരിച്ചത്. മഴുവഞ്ചേരി ഭാരതീയ വിദ്യ വിഹാർ സ്കൂളിൽ ഒമ്പതാം ക്ലാസ് വിദ്യാർഥിയായ ആര്യദേവ്…
Read Moreകൗതുകം ലേശം കൂടുതലാ… വയനാട്ടില് കൈക്കൂലി വാങ്ങുന്നതിനിടെ വില്ലേജ് ഓഫീസര് പിടിയിൽ
കല്പ്പറ്റ: വയനാട്ടില് കൈക്കൂലി വാങ്ങുന്നതിനിടെ വില്ലേജ് ഓഫീസര് പിടിയിൽ. വൈത്തിരി താലൂക്കിലെ കുപ്പാടിത്തറ വില്ലേജ് ഓഫീസർ കൊല്ലം സ്വദേശിയായ അഹമ്മദ് നിസാറാണ് പിടിയിലായത്. മുണ്ടക്കുറ്റി സ്വദേശി ഉസ്മാന്റെ കയ്യിൽ നിന്ന് 4500 രൂപ കൈക്കൂലി വാങ്ങുന്പോഴാണ് ഇയാളെ പിടികൂടിയത്. ഉസ്മാൻ ആധാരത്തിലെ സര്വേ നമ്പര് തിരുത്തുന്നതിനു വേണ്ടി വില്ലേജ് ഓഫീസറുടെ സര്ട്ടിഫിക്കറ്റിന് അപേക്ഷിച്ചിരുന്നു. ഇത് അനുവദിക്കുന്നതിനായാണ് അഹമ്മദ് നിസാർ കൈക്കൂലി വാങ്ങിയത്. കൈക്കൂലി ആവശ്യപ്പെട്ട കാര്യം പരാതിക്കാരൻ വിജിലന്സിൽ വിവരം അറിയിച്ചതിനെത്തുടർന്ന് വിജിലന്സ് സംഘം നല്കിയ നോട്ടുകള് സഹിതം പരാതിക്കാരൻ വില്ലേജ് ഓഫീസിലെത്തി. പണം കൈപ്പറ്റുന്നതിനിടയിൽ വിജിലന്സ് സംഘം ഉദ്യോഗസ്ഥനെ കയ്യോടെ പിടികൂടുകയായിരുന്നു.
Read More‘ഭരണകക്ഷി എംഎല്എയുടെ വെളിപ്പെടുത്തല് പോലീസ് സേനയുടെ അധഃപതനം’; മുഖ്യമന്ത്രി രാജിവച്ചു ഒഴിയണമെന്ന് ജോസഫ് എം. പുതുശേരി
തിരുവല്ല: അധോലോക സംഘങ്ങളെപ്പോലും നാണിപ്പിക്കും വിധം നടത്തുന്ന അഥമ പ്രവര്ത്തനങ്ങളുടെ ആശാന്മാരായി പോലീസ് സേനയിലെ ചില ഉന്നതര് അധപതിച്ചു എന്നാണ് സിപിഎം എംഎല്എയുടെ വെളിപ്പെടുത്തല് വ്യക്തമാക്കുന്നതെന്നു കേരളാ കോണ്ഗ്രസ് വൈസ് ചെയര്മാന് ജോസഫ് എം. പുതുശേരി. ആരോപണവിധേയനായ എഡിജിപിയെ പോലീസ് സേനയുടെ തലപ്പത്തുവച്ചിരിക്കുന്നതെന്തിനെന്നു മുഖ്യമന്ത്രിയും പാര്ട്ടിയും വ്യക്തമാക്കണം. പോലീസ് സേനയെ രാഷ്ട്രീയവത്കരിച്ച് പാര്ട്ടി താത്പര്യങ്ങള്ക്കും അനധികൃത വ്യക്തിതാത്പര്യങ്ങള്ക്കും ദുരുപയോഗപ്പെടുത്തിയതിന്റെ ദൂഷ്യഫലമാണ് ഞെട്ടിപ്പിക്കുന്ന ഈ സംഭവവികാസങ്ങള്. സ്ഫോടനാത്മകമായ ഈ സ്ഥിതി വിശേഷം മുഖ്യമന്ത്രിയുടെ ഭരണ പരാജയമാണ് വെളിവാക്കുന്നതെന്നും യഥാര്ഥത്തില് മുഖ്യമന്ത്രി രാജിവച്ചു ഒഴിയുകയാണ് വേണ്ടതെന്നും പുതുശേരി പറഞ്ഞു.
Read Moreഎന്റെ ഉപജീവനമാർഗം മുട്ടിക്കരുതേ… മേയാൻ വിടുന്ന ആടുകൾ മോഷണം പോകുന്നത് പതിവാകുന്നു; പരാതിയുമായി കുമരകത്തെ വീട്ടമ്മ
കുമരകം: കുമരകം നാലുപങ്കുഭാഗത്ത് ആടുമോഷണം പതിവാകുന്നു. ഒരു വീട്ടിലെ രണ്ടു ആടുകളാണ് മോഷണം പോയത്. മൂലംങ്കുത്ര അന്നമ്മയുടെ ആടുകളാണു നഷ്ടപ്പെട്ടത്. ഏഴു വർഷങ്ങളായി ആടുകളെ വളർത്തിയാണ് ഈ വീട്ടമ്മ ഉപജീവനം നടത്തുന്നത്. 30 ആടുകളെ വരെ ഒരുമിച്ച് വളർത്തിയിരുന്നു. എന്നാൽ കഴിഞ്ഞ മാസം ഒരാട്ടിൻ കുട്ടിയെ പട്ടാപ്പകൽ കാണാതായി. കഴിഞ്ഞ ദിവസം നാലുവയസുള്ള ഗർഭിണിയായ മറ്റൊരാടിനെയും കാണാതായി. നാലുപങ്കുപ്രദേശത്ത് പകൽ സമയങ്ങളിൽ ആടിനെ അഴിച്ചുവിടുക പതിവായിരുന്നു. കൂട്ടമായി മേഞ്ഞുനടന്ന ശേഷം സന്ധ്യയോടെ ഇവയെല്ലാം തിരികെയെത്തി കൂട്ടിൽ കയറുകയും ചെയ്തു കൊണ്ടിരുന്നു. എന്നാൽ ആടുകൾ മോഷണം പോകാൻ തുടങ്ങിയതോ മേയാൻ വിടാൻ പറ്റാതായി. ആടുകളെ കാണാതാകുന്നത് പതിവായതോടെ കൂട്ടിൽ തന്നെ തീറ്റ കൊടുത്ത് വളർത്തേണ്ട സാഹചര്യമാണിപ്പോൾ. കുമരകം പോലീസിൽ പരാതി നൽകിയിട്ടുണ്ടെന്നു വീട്ടമ്മ പറഞ്ഞു.
Read More