വൈപ്പിൻ: മത്സ്യ ബന്ധന ബോട്ടിൽനിന്ന് കടലിൽ വീണ് കാണാതായ മത്സ്യത്തൊഴിലാളിയെ കണ്ടെത്തിയില്ല. കോസ്റ്റൽ പോലീസും മറ്റു ബോട്ടുകളും ഇന്നു രാവിലെ മുതൽ വീണ്ടും കടലിൽ തെരിച്ചിൽ ആരംഭിച്ചിട്ടുണ്ട്. പള്ളിപ്പുറം സ്വദേശി ഡിക്സന്റെ ഉടമസ്ഥതയിലുള്ള ഫ്രൻഡ്സ് എന്ന ബോട്ടിലെ തൊഴിലാളി കുളച്ചിൽ മാതാ കോളനിയിൽ താമസിക്കുന്ന മരിയാ ഹെൻട്രി കാർലോസി – (62) നെയാണ് കാണാതായത്. മുനമ്പത്തുനിന്ന് മത്സ്യ ബന്ധനത്തിനു പോയ ബോട്ട് ഇന്നലെ രാവിലെ തൃശൂർ ബ്ലാങ്ങാട് ഭാഗത്ത് 34 നോട്ടിക്കൽ മൈൽ അകലെ മത്സ്യ ബന്ധനം നടത്തിക്കൊണ്ടിരിക്കെയാണ് അപകടം ഉണ്ടായത്.
Read MoreCategory: Edition News
കൊച്ചി ബ്ലൂ ടൈഗേഴ്സിനെതിരേ നിയമ നടപടിക്ക് ആടുജീവിതം നിര്മാതാക്കള്
കൊച്ചി: കേരളാ ക്രിക്കറ്റ് ലീഗിലെ കൊച്ചി ബ്ലൂ ടൈഗേഴ്സിനെതിരേ നിയമ നടപടിക്കൊരുങ്ങി ആടുജീവിതം സിനിമയുടെ നിര്മാതാക്കള്. ആടുജീവിതം പ്രമോഷന് എ.ആര്. റഹ്മാന് ഒരുക്കിയ പാട്ട് എഡിറ്റ് ചെയ്ത് ടീം ആന്തമായി ഉപയോഗിച്ചെന്നാണ് ആരോപണം. ആട് ജീവിതത്തിന്റെ നിര്മാതാക്കളായ വിഷ്വല് റൊമാന്സ് ആണ് നിയമ നടപടിക്കൊരുങ്ങുന്നത്. ആടുജീവിതത്തിന്റെ പ്രമോഷനുമായി ബന്ധപ്പെട്ട് ഹോപ്പ് എന്ന ഗാനത്തില് എ.ആര്. റഹ്മാന് പാടി അഭിനയിച്ചിരുന്നു. ഈ ഗാനം എഡിറ്റ് ചെയ്ത് ബ്ലൂ ടൈഗേഴ്സ് പ്രമോഷനായി ഉപയോഗിച്ചെന്നാണ് ആരോപണം. ഗാനത്തിന്റെ പകര്പ്പവകാശം ബ്ലൂ ടൈഗേഴ്സിന്റെ ഉടമസ്ഥതയിലുള്ള യുകെ കമ്പനിക്ക് കൈമാറിയെങ്കിലും ഏതെങ്കിലും തരത്തില് എഡിറ്റ് ചെയ്യാന് ഉടമസ്ഥതാവകാശം കൈമാറിയിരുന്നില്ലെന്നാണ് നിര്മാതാക്കള് പറയുന്നത്. എ.ആര്. റഹ്മാനാണ് ടീമിന്റെ ബ്രാന്ഡ് അംബാസിഡറാണെന്ന തരത്തിലാണ് ഗാനത്തിന്റെ ചിത്രീകരണമെന്നുമാണ് വിഷ്വല് റൊമാന്സിന്റെ ആരോപണം. അനധികൃതമായി ഗാനത്തില് മാറ്റങ്ങള് വരുത്തിയത് ചൂണ്ടിക്കാട്ടി ആ ഭാഗം മാറ്റണമെന്ന് ആവശ്യപ്പെട്ട് യുകെ ആസ്ഥാനമായ കമ്പനിയെ…
Read Moreനാളികേര ദിനാചരണം; പുതുതലമുറയ്ക്കിത് അത്ഭുതകാഴ്ച..! തെങ്ങോലകൊണ്ട് നിർമിച്ച കളിപ്പാട്ടങ്ങളെ പരിചയപ്പെടുത്തി പ്രമാടം സ്കൂളിലെ ഭൂമിത്രസേന
പ്രമാടം: പത്തനംതിട്ട പ്രമാടം നേതാജി ഹയര് സെക്കന്ഡറി സ്കൂളിലെ ഭൂമിത്ര സേന, ബയോഡൈവേഴ്സിറ്റി ക്ലബുകള് ലോക നാളികേര ദിനത്തോടനുബന്ധിച്ച് തെങ്ങോല, വെള്ളയ്ക്ക, ഈര്ക്കില് തുടങ്ങിയവ ഉപയോഗിച്ചുകൊണ്ടുള്ള വിവിധതരം കളിപ്പാട്ടങ്ങളുടേയും മറ്റ് ഉത്പന്നങ്ങളുടെയും പ്രദര്ശനം സംഘടിപ്പിച്ചു. അന്പതില്പരം ക്ലബംഗങ്ങള് തങ്ങള് നിര്മിച്ച ഉത്പന്നങ്ങളുമായി പ്രദര്ശനത്തില് പങ്കെടുത്തു.പണ്ടുകാലത്ത് കുട്ടികൾ ഉപയോഗിച്ചിരുന്ന ഓലപ്പന്ത്, പമ്പരം, ഓലപ്പാമ്പ് , കണ്ണാടി, പക്ഷി, വാച്ച് തുടങ്ങി നിരവധി കളിപ്പാട്ടങ്ങളും പണ്ടുകാലത്തെ നിത്യോപയോഗ വസ്തുക്കളായ വല്ലം, കുട്ട, പൂക്കൂട തുടങ്ങിയവയുമെല്ലാം പ്രദര്ശനത്തിന്റെ ഭാഗമായി ക്രമീകരിച്ചു. യുപി, ഹൈസ്കൂള് വിഭാഗങ്ങളിലെ കുട്ടികള് പ്രദര്ശനം കാണാനെത്തിയിരുന്നു. മൊബൈലിലും കംപ്യൂട്ടറിലുമായി സമയം ചെലവഴിക്കുന്ന പുതുതലമുറയ്ക്ക് പ്രദര്ശനം വ്യത്യസ്ത അനുഭവം പകര്ന്നു നല്കി. പ്രിന്സിപ്പല് പി.കെ. അശ്വതി പ്രദര്ശനം ഉദ്ഘാടനം ചെയ്തു. ക്ലബ് കോ-ഓര്ഡിനേറ്റര് ടി.ആര്. ഗീതു, അധ്യാപകരായ അരുണ് മോഹന്, കെ.ജെ. ഏബ്രഹാം എന്നിവര് പ്രസംഗിച്ചു.
Read Moreപ്രതിഷേധം അലയടിച്ചു; നെഹ്റു ട്രോഫി വള്ളംകളി ഉപേക്ഷിച്ചിട്ടില്ലെന്ന് മന്ത്രി റിയാസ്; വള്ളംകളി ഒരു നാടിന്റെ വികാരമെന്ന് മന്ത്രി വി.എന്. വാസവന്
ആലപ്പുഴ: നെഹ്റു ട്രോഫി വള്ളംകളി ഉപേക്ഷിച്ചിട്ടില്ലെന്ന് ടൂറിസം മന്ത്രി മുമ്മദ് റിയാസ്. വള്ളകളിക്ക് എല്ലാ പിന്തുണയും നല്കാന് ടൂറിസം വകുപ്പ് തയാറാണെന്നും അദ്ദേഹം പറഞ്ഞു. ഫേസ്ബുക്ക് പോസ്റ്റിലൂടെയാണ് അദ്ദേഹം ഇക്കാര്യം അറിയിച്ചത്. നേരത്തേ വള്ളംകളി നടത്തുന്നതിനെപ്പറ്റി സര്ക്കാര് ആലോചിച്ചിട്ടില്ലെന്നു മുഖ്യമന്ത്രിയും സര്ക്കാര് സഹായം ലഭിക്കില്ലെന്നു മന്ത്രി മുഹമ്മദ് റിയാസും പറഞ്ഞതിനെതിരേ വ്യാപക പ്രതിഷേധം ഉയര്ന്ന സാഹചര്യത്തിലാണ് പുതിയ പ്രസ്താവനയുമായി മന്ത്രി രംഗത്തെത്തിയത്. ആലപ്പുഴ എംഎല്എ പി. പി. ചിത്തരഞ്ജനും ഓണത്തിനു ശേഷം വള്ളംകളി നടത്തുമെന്ന് വ്യക്തമാക്കിയിരുന്നു. ഭരണകക്ഷിയായ സിപിഐയും നെഹ്റു ട്രോഫി വള്ളംകളി നടത്തണമെന്ന നിലപാടിലാണ്. ഇക്കാര്യം പാര്ട്ടി ജില്ലാ സെക്രട്ടറി ടി. ജെ. ആഞ്ചലോസ് അറിയിച്ചു. നെഹ്റു ട്രോഫി വള്ളംകളി ടൂറിസം വകുപ്പല്ല സംഘടിപ്പിക്കുന്നതെന്നു പറഞ്ഞാണു മന്ത്രി റിയാസിന്റെ ഫെയ്സ്ബുക്ക് കുറിപ്പ് ആരംഭിച്ചത്. ജില്ലാ കളക്ടര് ചെയര്മാനായുള്ള നെഹ്റു ട്രോഫി ബോട്ട് റേസ് സൊസൈറ്റിയാണു വള്ളംകളിയുടെ…
Read Moreആരോപണങ്ങൾ ഉന്നയിക്കുന്നത് പ്രതിപക്ഷ പാർട്ടിയിലെ നേതാവല്ല, ഭരണകക്ഷിയുടെ എംഎൽഎയാണ്: പി.വി. അന്വറിന്റെ വെളിപ്പെടുത്തലില് അന്വേഷണം വേണം; കെ.കെ. രമ
കോഴിക്കോട്: എഡിജിപി എം.ആർ. അജിത്ത് കുമാറിനും മുഖ്യമന്ത്രിയുടെ പൊളിറ്റിക്കൽ സെക്രട്ടറി പി. ശശിക്കുമെതരെ പി.വി. അൻവർ എല്എല്എ നടത്തിയ നടത്തിയ വെളിപ്പെടുത്തലുകൾ ഗൗരവത്തിലെടുത്ത് ശക്തമായ അന്വേഷണം നടത്തണമെന്ന് കെ.കെ. രമ എല്എല്എ ആവശ്യപ്പെട്ടു. ആരോപണങ്ങൾ ഉന്നയിക്കുന്നത് പ്രതിപക്ഷ പാർട്ടിയിലെ നേതാവല്ല, ഭരണകക്ഷിയുടെ എംഎൽഎ തന്നെയാണ്. പ്രതിപക്ഷം ഏറെ കാലങ്ങളായി ജനങ്ങളോട് ആവർത്തിക്കുന്ന വിഷയങ്ങളെ ശരിവയ്ക്കുന്നത് പോലെയാണ് അൻവറിന്റെ പരാമർശങ്ങളെന്നും എല്എല്എ കൂട്ടിച്ചേർത്തു. ആരോപണം ഉന്നയിച്ച് മണിക്കൂറുകൾ പിന്നിട്ടിട്ടും ആഭ്യന്തര മന്ത്രിയുൾപ്പെടെ ആരും വിശദീകരണവുമായോ വാദങ്ങൾ തള്ളിയോ രംഗത്തെത്തിയിട്ടില്ല. ഇതിനർഥം ആരോപണങ്ങൾ ശരിയാണെന്ന് തന്നെയാണെന്നും രമ പറഞ്ഞു.
Read Moreഎല്ലാ നടപടികളും വേഗത്തിൽ, അർജുന്റെ ഭാര്യ ജോലിയിൽ പ്രവേശിച്ചു; വേങ്ങേരി സഹകരണ ബാങ്കിൽ ക്ലാർക്കായി നിയമനം
കോഴിക്കോട്: ഷിരൂർ മണ്ണിടിച്ചിലിൽ കാണാതായ ലോറി ഡ്രൈവർ അർജുന്റെ ഭാര്യ കൃഷ്ണപ്രിയ വേങ്ങേരി സഹകരണ ബാങ്കിൽ ജോലിയിൽ പ്രവേശിച്ചു. ജുനിയർ ക്ലാർക്ക് തസ്തികയിലാണ് കൃഷ്ണപ്രിയയ്ക്ക് നിയമനം ലഭിച്ചത്. അർജുന്റെ ഭാര്യയ്ക്ക് സഹകരണ ബാങ്കിൽ ജോലി നൽകുമെന്ന് സംസ്ഥാന സർക്കാർ നേരത്തെ അറിയിച്ചിരുന്നു. പിന്നാലെ കഴിഞ്ഞ ദിവസം സഹകരണ വകുപ്പ് ഇത് സംബന്ധിച്ച് ഉത്തരവും പുറത്തിറക്കിയിരുന്നു. അതേസമയം കർണാടക മുഖ്യമന്ത്രി സിദ്ധരാമയ്യയുമായി അർജുന്റെ ബന്ധു കഴിഞ്ഞ ദിവസം കൂടിക്കാഴ്ച നടത്തിയിരുന്നു. തെരച്ചിലിനായി ഡ്രെഡ്ജർ എത്തിക്കുമെന്നും ഇതിനായി ആവശ്യമായിവരുന്ന തുക കർണാടക സർക്കാർ വഹിക്കുമെന്നും സിദ്ധരാമയ്യ അറിയിച്ചിരുന്നു.
Read Moreനിര്ത്തിയിട്ട കാറിനുള്ളിലെ മദ്യപാനം; ചോദ്യം ചെയ്ത വനിതാ എസഐക്കും പോലീസുകാര്ക്കും മര്ദനം; അടൂർ സ്വദേശികളായ മൂന്ന് പേർ അറസ്റ്റിൽ
അടൂര്: നിര്ത്തിയിട്ട കാറിനുള്ളിലെ മദ്യപാനം ചോദ്യം ചെയ്ത വനിതാ എസ്ഐ ഉള്പ്പെടെ പോലീസുകാര്ക്ക് മര്ദനം, മൂന്നു പേര് അറസ്റ്റില്. സംഭവത്തില് അടൂര് വനിതാ എസഐ കെ.എസ്.ധന്യ, സിപിഒമാരായ വിജയ് ജി.കൃഷ്ണ, ആനന്ദ് ജയന്, റാഷിക് എം.മുഹമ്മദ് എന്നിവര്ക്കു പരിക്കേറ്റു. ഇവരെ മര്ദിച്ച സംഭവത്തില് അടൂര് സ്വദേശികളായ ഉണ്ണി, പ്രേംജിത്ത്, അനൂപ് എന്നിവരെ അടൂര് പോലീസ് കസ്റ്റഡിയില് എടുത്തു. ഇന്നലെ രാത്രി എട്ടോടെ അടൂര് വട്ടത്തറപ്പടി ജംഗ്ഷനു സമീപമായിരുന്നു സംഭവം. നിര്ത്തിയിട്ടിരുന്ന പോലീസ് ജീപ്പിനു സമീപം വാഹന പരിശോധന നടത്തുകയായിരുന്നു വനിതാ എസ്ഐയും സംഘവും. ഇതിനിടെ പോലീസ് ജീപ്പിനു പിറകില് കസ്റ്റഡിയിലായവര് സഞ്ചരിച്ച കാര് നിര്ത്തി കാറിനുള്ളില് ഇരുന്ന് മദ്യപിച്ചു. ഇതുകണ്ട വനിതാ എസ്ഐ സംഘത്തോടു പുറത്തിറങ്ങാന് ആവശ്യപ്പെട്ടു. പുറത്തിറങ്ങിയ സംഘം എസ്ഐയെ മര്ദ്ദിക്കുകയായിരുന്നു. എസ്ഐയെ മര്ദിക്കുന്നതുകണ്ട് തടസം പിടിക്കാന് എത്തിയ പോലീസുകാരെയും കസ്റ്റഡിയിലായവര് മര്ദിക്കുകയായിരുന്നുവെന്നാണ് പറയുന്നത്.
Read Moreപ്രകൃതിവിരുദ്ധ പീഡനം: അന്വേഷ സംഘത്തിലെ ഐജിക്ക് മുന്നിൽ മൊഴികൊടുത്ത് യുവാവ്; കസബ പോലീസ് രഞ്ജിത്തിനെതിരേ കേസെടുത്തു
കോഴിക്കോട്: സംവിധായകന് രഞ്ജിത്തിനെതിരേ പ്രകൃതിവിരുദ്ധ പീഡനത്തിനു കസബ പോലീസ് കേസ് രജിസ്റ്റര് ചെയ്തു. രഞ്ജിത്ത് തന്നെ പീഡിപ്പിച്ചെന്നു കാണിച്ച് കോഴിക്കോട്ടുകാരനായ യുവാവ് ഇന്നെല പ്രത്യേക അന്വേഷണ സംഘത്തിലെ എഐജി ഐശ്വര്യ ഡോഗ്രെക്ക് നല്കിയ മൊഴിയുടെ അടിസ്ഥാനത്തിലാണ് കേസ്. മാലൂര്കുന്ന് എആര് ക്യാമ്പില് വച്ചാണ് മൊഴി രേഖപ്പെടുത്തിയത്. നഗ്നചിത്രം ഇലക്ട്രോണിക് മാധ്യമം വഴി അയച്ചുകൊടുത്തതിനും എഫ്ഐആര് രജിസ്റ്റര് ചെയ്തിട്ടുണ്ട്. കോഴിക്കോട്ട് സ്വകാര്യ സ്ഥാനത്തില് ജോലി ചെയ്യുകയാണ് യുവാവ്. സിനിമയില് അഭിനയിക്കണമെന്ന ആഗ്രഹം കാരണമാണ് രഞ്ജിത്തുമായി ബന്ധെപ്പട്ടതെന്ന് യുവാവ് മൊഴി നല്കി. 2012ല് ബംഗളൂരുവിലെ നക്ഷത്ര ഹോട്ടലിലേക്ക് രഞ്ജിത്ത് വിളിപ്പിച്ചു. അവിടെ എത്തിയപ്പോള് നഗ്നചിത്രം വേണമെന്നും അതൊരു നടിക്ക് അയച്ചുകൊടുക്കണമെന്നും പറഞ്ഞു. നഗ്ന ചിത്രം പകര്ത്തി. നടിക്ക് ഇഷ്ടപ്പെട്ടതായി രഞ്ജിത്ത് പറഞ്ഞു. പിന്നീട് രഞ്ജിത്ത് തന്നെ ലൈംഗികമായി പീഡിപ്പിച്ചു. ഹേമ കമ്മിറ്റി റിപ്പോര്ട്ട് പുറത്തുവന്ന സാഹചര്യത്തിലാണ് പോലീസില് പരാതി നല്കിയതെന്ന്…
Read Moreപരാതി പിൻവലിച്ചാൽ എന്നും കടപ്പെട്ടിരിക്കും; അന്വറുമായുള്ള ഫോണ് സംഭാഷണം വിവാദത്തില്; എസ്പിക്കെതിരേ വകുപ്പുതല അന്വേഷണം
കോഴിക്കോട്: പി.വി. അന്വര് എംഎല്എയും പത്തനംതിട്ട എസ്പി എസ്. സുജിത്ദാസും തമ്മിലുള്ള ഫോണ് സംഭാഷണം വിവാദത്തില്. ക്രമസമാധാന ചുമതലയുള്ള എഡിജിപി എം.ആര്. അജിത്കുമാറിനെതിരേ സുജിത്ദാസ് ഉന്നയിച്ച ആരോപണങ്ങള് ഗൗരവത്തോടെയാണ് ആഭ്യന്തര വകുപ്പ് കാണുന്നത്. ആഭ്യന്തര വകുപ്പില് കാര്യങ്ങള് തീരുമാനിക്കുന്നത് അജിത്കുമാറാണെന്ന ഗുരുതരമായ കുറ്റപ്പെടുത്തലാണ് മേലുദ്യോഗസ്ഥനെതിരേ സുജിത്ദാസ് ഉന്നയിച്ചിട്ടുള്ളത്. സുജിത്ദാസിനെതിരേ വകുപ്പുതല അന്വേഷണത്തിനു സാധ്യതയുണ്ട്. അന്വേഷണം ആവശ്യപ്പെട്ട് ഡിജിപിക്കു നിരവധി പരാതികള് ലഭിച്ചിട്ടുണ്ട്.സാമ്പത്തിക ആരോപണങ്ങളെക്കുറിച്ച് അന്വേഷണം ആവശ്യപ്പെട്ട് അജിത്കുമാര് ഡിജിപിക്ക് പരാതി നല്കുമെന്ന് സൂചനയുണ്ട്.മലപ്പുറം എസ്പി ഓഫീസ് കാമ്പസിലെ മരംമുറിയുമായി ബന്ധപ്പെട്ടാണ് അന്വറും മുന് മലപ്പുറം എസ്പിയായിരുന്ന സുജിത്ദാസും തമ്മിലുള്ള ഫോണ് സംഭാഷണം പുറത്തുവന്നത്. മുഖ്യമന്ത്രിയുടെ പൊളിറ്റിക്കല് സെക്രട്ടറി പി. ശശിയുടെ കാര്യങ്ങള് എല്ലാം നടത്തികൊടുക്കുന്നതിനാല് അജിത്കുമാര് പോലീസില് സര്വശക്തനാണെന്ന് സുജിത്ദാസ് പറയുന്നു.പോലീസില് ശക്തനായിരുന്ന ഐജി പി. വിജയനെ തകര്ത്തത് അജിത്കുമാറാണ്. എഡിജിപിയുടെ ഭാര്യാസഹോദരന്മാര്ക്ക് എന്താണ് ജോലിയെന്ന് അന്വേഷിക്കണമെന്നും…
Read Moreറിപ്പോര്ട്ട് പൂര്ണമായും പുറത്ത് വിടണം; നിലപാടുള്ളവര് വേണം സംഘടനകളുടെ തലപ്പത്ത് വരാന്; അഭിപ്രായങ്ങൾ തുറന്ന് പറഞ്ഞ് ലാലു അലക്സും ഷീലുവും
കൊച്ചി: അമ്മ സംഘടനയിലെ പ്രശ്നങ്ങള് ശരിയായി പറയാന് ഹേമ കമ്മിറ്റി റിപ്പോര്ട്ട് പൂര്ണമായും പുറത്ത് വിടണമെന്ന് നടന് ലാലു അലക്സ്. ഉള്ളടക്കം ശരിയായി മനസിലായാലേ ആരാണ് നല്ലതെന്ന് പറയാന് സാധിക്കൂ. വിവരങ്ങള് പുഴ്ത്തിവക്കുന്നത് ശരിയല്ലെന്നും അദ്ദേഹം പറഞ്ഞു. കൊച്ചി: നിഷ്പക്ഷമായി നിന്ന് നിലപാടോടുകൂടി സംസാരിക്കുന്നവര് വേണം സംഘടനകളുടെ തലപ്പത്ത് വരാനെന്ന് നടിയും നിര്മാതാവുമായ ഷീലു ഏബ്രഹാം. പുതിയൊരു മാറ്റത്തിനുള്ള തുടക്കമാണ് ഹേമ കമ്മിറ്റി റിപ്പോര്ട്ട്. തനിക്ക് സിനിമയില്നിന്ന് മോശമായ അനുഭവം നേരിട്ടിട്ടില്ലെന്നു കരുതി ഇത്തരം സംഭവങ്ങള് സിനിമയിലില്ലെന്ന് പറയുന്നത് ഇരകളോട് ചെയ്യുന്ന അപമാനമാണെന്നും അവര് പറഞ്ഞു.
Read More