അടൂർ: പതിനാലുകാരി പെൺകുട്ടിയെ പീഡിപ്പിച്ച കേസിൽ പ്രതിക്ക് ജീവപര്യന്തം തടവും 11 വർഷം അധിക കഠിനതടവും 1,21,000 രൂപ പിഴയും. അടൂർ അതിവേഗത കോടതി ജഡ്ജി റ്റി. മഞ്ജിത്തിന്റേതാണ് വിധി. ഏനാദിമംഗലം സ്വദേശിയും പുനലൂർകരവാളൂർ മാത്രയിൽ ഫൗസിയ മാൻസിലിൽ വാടകയ്ക്കു താമസിക്കുന്നയാളുമായ ആർ. അജിത്തിനെയാണ് (23) കോടതി ശിക്ഷിച്ചത്. വിവാഹ വാഗ്ദാനം നൽകി അതിജീവിതയെ ദിവസ ങ്ങളോളം പീഡിപ്പിച്ചുവെന്നാണ് കേസ്. അടൂർ എസ്എച്ച്ഒ ആയിരുന്ന റ്റി.ഡി. പ്രജീഷ് എഫ്ഐആർ രജിസ്റ്റർ ചെയ്തത്. ഡിവൈഎസ്പി ആർ. ബിനു അന്വേഷണം നടത്തി കുറ്റപത്രം സമർപ്പിച്ചു. പ്രോസിക്യൂഷൻ ഭാഗത്തുനിന്ന് 21 സാക്ഷികളെയും 45 രേഖകളും ഹാജരാക്കി. പ്രതി പിഴ ഒടുക്കുന്ന പക്ഷം അതിജീവിതയ്ക്കു ഈടാക്കി നാൽകാൻ ലീഗൽ സർവീസസ് അഥോറിറ്റിക്കു നിർദേശം നൽകി. ഇയാൾ നിലവിൽ അടൂർ പോലീസിലെ മറ്റൊരു കേസിൽ തിരുവനന്തപുരം സെൻട്രൽ ജയിൽ ജുഡീഷൽ കസ്റ്റഡിയിൽ ജീവപര്യന്തം തടവും…
Read MoreCategory: Edition News
ലാസ്റ്റ് ഗ്രേഡ് ജീവനക്കാര് ലാസ്റ്റ് തന്നെ… ജലസേചന വകുപ്പിൽ റേഷ്യോ പ്രൊമോഷനായി കാത്തിരിപ്പു തുടങ്ങിയിട്ട് 32 വര്ഷം; ഒന്നും ചെയ്യാതെ സർക്കാർ
ചേര്ത്തല: ജലസേചനവകുപ്പില് കഴിഞ്ഞ 32 വര്ഷമായി റേഷ്യോ പ്രൊമോഷനായി സര്ക്കാരിന്റെ കനിവിനായി കാത്തിരിക്കുകയാണ് ലാസ്റ്റ് ഗ്രേഡ് ജീവനക്കാര്. അര്ഹതപ്പെട്ട പ്രൊമോഷനുവേണ്ടി മുട്ടാത്ത വാതിലുകളില്ല. ജീവനക്കാര്ക്ക് അര്ഹതപ്പെട്ട ആനുകൂല്യം അനുവദിക്കണമെന്ന് കോടതിവരെ ആവശ്യപ്പെട്ടിട്ടും യാതൊരു നടപടിയും ഉണ്ടായില്ല. ഇതിനിടയില് ഈ ലിസ്റ്റില്പ്പെട്ട പലരും പെന്ഷന് പറ്റിയതും ജീവനക്കാര്ക്ക് തിരിച്ചടിയായിരിക്കുകയാണ്. പ്രമോഷന് ലഭിക്കാതെ പിരിഞ്ഞതിനാല് പലര്ക്കും യഥാര്ഥ ആനുകൂല്യം ലഭിക്കാതെ തുച്ചമായ വരുമാനം കൊണ്ടു കഴിയേണ്ട അവസ്ഥയിലാണ്.ലാസ്റ്റ് ഗ്രേഡ് ജീവനക്കാർക്ക് ലഭിക്കുന്ന ഏക ആനുകൂല്യമാണ് റേഷ്യോ പ്രോമോഷൻ. എന്നാൽ, 1992 നുശേഷം ജലസേചനവകുപ്പിൽ അനുവദിച്ചു നൽകിയിട്ടില്ല. ഇതിനെതിരേ ചില ജീവനക്കാർ അഡ്മിനിസ്ട്രേറ്റീവ് ട്രൈബ്യൂണലിനെ സമീപിച്ചു. രണ്ടുമാസത്തിനുള്ളിൽ റേഷ്യോ പ്രമോഷൻ അനുവദിച്ചു നൽകാൻ ട്രൈബ്യൂണല് ഉത്തരവായി. എന്നാൽ, രണ്ടുമാസത്തിനുശേഷവും ഉത്തരവ് നൽകാത്തതിനാൽ കോർട്ട് അലക്ഷ്യത്തിന് ജീവനക്കാര് കേസ് ഫയൽ ചെയ്തു. തുടര്ന്ന് 2022ൽ ഇറക്കിയ ഉത്തരവില് 2006 വരെയുള്ള 391 ജീവനക്കാർക്ക്…
Read Moreശ്രുതിവായനക്കാരനായ താൽക്കാലിക ജീവനക്കാരൻ സ്ഥിരമായി ജോലിക്കെത്താറില്ല; പുറത്താക്കി ദേവസ്വം ഓഫീസർ; തിരിച്ചെടുക്കാൻ സമ്മർദവുമായി സിപിഎം
അമ്പലപ്പുഴ: ജോലിയിൽനിന്ന് പറഞ്ഞുവിട്ട ദേവസ്വം ജീവനക്കാരനെ തിരിച്ചെടുക്കാൻ സിപിഎം സമ്മർദം. അമ്പലപ്പുഴ ശ്രീകൃഷ്ണസ്വാമി ക്ഷേത്രത്തിലെ ശ്രുതി വായനക്കാരനായ താത്കാലിക ജീവനക്കാരനെയാണ് ദേവസ്വം അഡ്മിനിസ്ട്രേറ്റീവ് ഓഫീസർ ഏതാനും ദിവസം മുൻപ് പിരിച്ചുവിട്ടത്. സ്ഥിരമായി ജോലിക്ക് എത്താതിരുന്നതിനെത്തുടർന്ന് ഇത് ചോദ്യം ചെയ്ത അഡ്മിനിസ്ട്രേറ്റീവ് ഓഫീസറോട് മോശമായി പെരുമാറുകയും തട്ടിക്കയറുകയും ചെയ്തു. തുടർന്നാണ് ജീവനക്കാരനെ ജോലിയിൽനിന്ന് പറഞ്ഞുവിട്ടത്. ഇപ്പോൾ ജീവനക്കാരനെ തിരിച്ചെടുക്കാൻ സിപിഎം നേതൃത്വം ദേവസ്വം അഡ്മിനിസ്ട്രേറ്റീവ് ഓഫീസർക്കുമേൽ സമ്മർദം ചെലുത്തുകയാണ്. ദേവസ്വം ബോർഡ് പ്രസിഡന്റിന്റെ ഉൾപ്പെടെയുള്ള മൗനാനുവാദത്തോടെ ബോർഡിലെ ചിലരും ജീവനക്കാരനെ തിരിച്ചെടുക്കുന്നതിനായി സമ്മർദം ചെലുത്തുകയാണ്. എന്നാൽ, ജീവനക്കാരനെ തിരിച്ചെടുക്കില്ലെന്ന നിലപാടിൽത്തന്നെയാണ് ദേവസ്വം അഡ്മിനിസ്ട്രേറ്റീവ് ഓഫീസർ.
Read Moreഓണക്കാലം: ലഹരി വന്തോതില് എത്തുന്നു; പിടിയിലാകുന്നതു ചെറുമീനുകള്; പുതുതലമുറ എംഡിഎംഎയ്ക്കു പിന്നാലെ
കോട്ടയം: ഓണാഘോഷങ്ങള്ക്കു മുമ്പായി സംസ്ഥാനത്തേക്ക് ലഹരിക്കടത്ത് വന്തോതില് വര്ധിക്കുന്നു. കഞ്ചാവ്, എംഡിഎംഎ, ഹാഷിഷ് ഓയില്, ബ്രൗണ്ഷുഗര്, എല്എസ്ഡി സ്റ്റാമ്പ് തുടങ്ങിയവയുടെ കടത്തലും ഉപയോഗവും മുമ്പെങ്ങുമില്ലാത്ത വിധം നാട്ടില് വ്യാപകമാകുകയാണെന്ന ആരോപണമുണ്ട്. പോലീസും എക്സൈസും പരിശോധന ശക്തമാക്കുന്നതായി അവകാശപ്പെടുമ്പോഴും പുതുവഴികളിലൂടെ യുവാക്കളിലേക്കു ലഹരി നിര്ബാധം ഒഴുകിയെത്തുകയാണ്. ഓരോദിവസവും ലഹരിക്കടത്തില് പിടികൂടുന്നവരുടെ എണ്ണം വര്ധിച്ചുവരികയാണ്. ഓണക്കാലം മുന്നില് കണ്ട് ചില സംഘങ്ങള് വന്തോതില് ലഹരി സംഭരിക്കുന്നതായാണ് സൂചന. അന്തര്സംസ്ഥാന ബസുകള്, ലോഡ്ജ് മുറികള് എന്നിവ കേന്ദ്രീകരിച്ചാണ് ഇപ്പോള് ലഹരിക്കടത്ത് വ്യാപകമാകുന്നത്. ജോലിക്കും പഠനത്തിനുമായി ബംഗളൂരു, മൈസൂരു എന്നിവിടങ്ങളിലെത്തി അവധിക്കാലത്ത് നാട്ടിലേക്കു മടങ്ങുന്നുവെന്ന വ്യാജേനയാണ് കാരിയര്മാര് ബസില് കയറുന്നത്. പരിശോധന പേടിച്ച് ഇടയ്ക്കുള്ള സ്റ്റോപ്പുകളിലാണ് ഇവര് ഇറങ്ങുന്നത്. പിന്നീടു മറ്റ് ബസുകള് കയറിയാണ് ലക്ഷ്യസ്ഥാനത്തേക്ക് എത്തുന്നത്. ഇതര സംസ്ഥാന തൊഴിലാളികള് വഴിയും പച്ചക്കറി, മറ്റു ചരക്കു വാഹനങ്ങള് വഴിയുമാണ് കഞ്ചാവ് എത്തുന്നത്.…
Read Moreഇതര സംസ്ഥാന തൊഴിലാളി ക്യാമ്പുകള് ഇതര സംസ്ഥാന തൊഴിലാളികളെ ഉപയോഗിച്ച് കഞ്ചാവ് വില്പന! ലഹരി സംഘങ്ങൾക്കിടയിലെ ബാബ പോലീസ് പിടിയിൽ
പത്തനംതിട്ട: ഇതര സംസ്ഥാന തൊഴിലാളി ക്യാമ്പുകള് കേന്ദ്രീകരിച്ച് കഞ്ചാവ് വില്പന. പരിശോധനകളുമായി പോലീസ്. കേരളത്തില് ജോലിക്കായി വരുന്ന ഇതര സംസ്ഥാനക്കാരെ ഉപയോഗിച്ച് കഞ്ചാവ് വിപണനം നടത്തുന്ന സംഘമാണ് സജീവമായിരിക്കുന്നത്. കഴിഞ്ഞദിവസം പന്തളത്തു നടത്തിയ റെയ്ഡില് കുടുങ്ങിയത് ഈ സംഘത്തിലെ മുഖ്യകണ്ണിയാണെന്നും പോലീസ് പറഞ്ഞു. പശ്ചിമ ബംഗാള് ജല്പൈഗുരി സ്വദേശി കാശിനാഥ് മൊഹന്താണ് (56 ) മൂന്നര കിലോ കഞ്ചാവുമായി അറസ്റ്റിലായത്. പന്തളം കടക്കാട് തെക്ക് ഭാഗത്തെ ലേബര് ക്യാമ്പിന് സമീപത്തുനിന്നാണ് ഇയാളെ കസ്റ്റഡിയിലെടുത്തത്. ലഹരിവസ്തുക്കളുടെ കടത്തിനും വില്പനയ്ക്കുമെതിരെ പോലീസ് പരിശോധന തുടര്ന്നുവരുന്നതിനിടെയാണ് ഈ കഞ്ചാവ് വേട്ട. ജില്ലാ പോലീസ് മേധാവി എസ് സുജിത് ദാസിന്റെ നിര്ദേശപ്രകാരം ഓപ്പറേഷന് ഡി ഹണ്ട് എന്നപേരില് പോലീസ് റെയ്ഡ്, അതിഥിതൊഴിലാളികള് താമസിക്കുന്ന ക്യാമ്പുകളും, സ്കൂള് പരിസരങ്ങളടക്കമുള്ള മേഖലകള് കേന്ദ്രീകരിച്ചും ജില്ലയില് നടന്നുവരികയാണ്.ജില്ലയിലെ തന്നെ പ്രധാനപ്പെട്ട ലഹരി ഇടപാട് സംഘത്തിന്റെ കണ്ണിയാണ് ഇപ്പോള്…
Read Moreതൃശൂരിൽ വിരിഞ്ഞത് താമരയല്ല ചെന്പരത്തിപ്പൂവ്; എം പിക്ക് ആ പൂവ് ചൂടി നടക്കേണ്ട ഗതികേടെന്ന് ടി.എൻ പ്രതാപൻ
അയ്യന്തോൾ: തൃശൂരിൽ വിരിഞ്ഞത് താമരയല്ല ചെന്പരത്തിപ്പൂവാണെന്നും ആ ചെന്പരത്തിപ്പൂ തലയിൽ വെച്ച് നടക്കേണ്ട ഗതികേടിലാണ് ആ എംപിയെന്നും കെപിസിസി വർക്കിംഗ് പ്രസിഡന്റ് ടി.എൻ.പ്രതാപൻ. ഹേമ കമ്മിറ്റി റിപ്പോർട്ടിൽ കുറ്റക്കാരായി പറയുന്നവരെ സംരക്ഷിക്കുന്ന നിലപാടിൽ നിന്ന് സംസ്ഥാന സർക്കാർ പിൻമാറണമെന്നും കുറ്റക്കാർക്ക് നിയമം അനുശാസിക്കുന്ന ശിക്ഷ ലഭ്യമാക്കാൻ വേണ്ട നടപടി കൈക്കൊള്ളണമെന്നുമാവശ്യപ്പെട്ട് സംസ്ഥാന വ്യാപകമായി നടന്ന സമരത്തിന്റെ ഭാഗമായി തൃശൂർ ജില്ല കോണ്ഗ്രസ് കമ്മിറ്റി തൃശൂർ കളക്ടറേറ്റിനു മുന്നിൽ നടത്തിയ പ്രതിഷേധ കൂട്ടായ്മ ഉദ്ഘാടനം ചെയ്യുകയായിരുന്നു പ്രതാപൻ. തൃശൂർ ഡിസിസി പ്രസിഡന്റ് വി.കെ.ശ്രീകണ്ഠൻ അധ്യക്ഷത വഹിച്ചു. എം.പി.വിൻസന്റ്, ഒ.അബ്ദുറഹ്മാൻകുട്ടി, ജോസ് വള്ളൂർ, അനിൽ അക്കര, ടി.വി.ചന്ദ്രമോഹൻ, ഐ.പി.പോൾ, എൻ.കെ.സുധീർ, ജോസഫ് ചാലിശേരി, ജോസഫ് ടാജറ്റ്, ഷാജി കോടങ്കണ്ടത്ത് തുടങ്ങിയവർ പങ്കെടുത്തു.
Read Moreഓണം വിപണിയിലെ വ്യാജന്മാർ; ഉത്പന്നങ്ങളുടെ ഗുണനിലവാരം ഉറപ്പുവരുത്താൻ സെപ്റ്റംബര് രണ്ടുമുതൽ വ്യാപക പരിശോധന
കോഴിക്കോട്: ഓണം വിപണിയിലെ വ്യാജന്മാരെ പിടികൂടാനും ഗുണനിലവാരം ഉറപ്പാക്കാനും കർശന പരിശോധനയ്ക്കു ഭക്ഷ്യസുരക്ഷാവകുപ്പ്. പ്രത്യേക സ്ക്വാഡുകൾ രൂപീകരിച്ച് സെപ്റ്റംബർ രണ്ടുമുതൽ പരിശോധന ആരംഭിക്കുമെന്ന് ഭക്ഷ്യസുരക്ഷാ വകുപ്പ് അസി. കമ്മീഷണർ എ. സക്കീർ ഹുസൈൻ അറിയിച്ചു. ഓണം വിപണിയിലെ മുതലെടുപ്പിനു മായം കലർത്താൻ സാധ്യത കൂടുതലുള്ള പാൽ, പാലട, ധാന്യങ്ങൾ, മസാലപ്പൊടികൾ, ശർക്കര, വെളിച്ചെണ്ണ, ഭക്ഷ്യ എണ്ണകൾ, ഉപ്പേരി, പായസം മിക്സ്, പപ്പടം, നെയ്യ്, പഴം, പച്ചക്കറികൾ, അരി എന്നിവ ഉൾപ്പെടെയുള്ള ഭക്ഷ്യവസ്തുക്കളുടെ പരിശോധിക്കും. പലചരക്കുകടകൾ, മൊത്തവിതരണ കേന്ദ്രങ്ങൾ, ഹോട്ടലുകൾ റസ്റ്റാറന്റുകൾ, ബേക്കറി, പച്ചക്കറി സ്റ്റാളുകൾ എന്നിവിടങ്ങളിലായിരിക്കും പ്രധാനമായും പരിശോധന നടത്തുക. കടകളിൽനിന്നു ശേഖരിക്കുന്ന വസ്തുക്കൾ ലാബിൽ പരിശോധനയ്ക്ക് അയക്കും. വിപണിയിൽ വിൽപ്പനയ്ക്കു വയ്ക്കുന്ന ഉത്പന്നങ്ങളുടെ ഗുണനിലവാരം ഉറപ്പുവരുത്താനാണു പരിശോധന. ഗുണനിലവാരത്തകർച്ച ശ്രദ്ധയിൽപ്പെട്ടാൽ കർശന നടപടി സ്വീകരിക്കും. പാക്കറ്റുകളിൽ കൃത്യമായി മുദ്രപതിപ്പിക്കൽ, ഉത്പന്നങ്ങളുടെ രജിസ്ട്രേഷൻ, പാക്കറ്റുകളിൽ വിവരങ്ങൾ രേഖപ്പെടുത്തൽ,…
Read Moreമന്ത്രിപദം ഒഴിഞ്ഞ് ഒരു പതിറ്റാണ്ട് ; ‘വത്സരാജ് പുതുച്ചേരിക്കാർക്ക് ഇപ്പോഴും മന്ത്രി’; വത്സരാജിന്റെ ചിത്രം വച്ചുള്ള വിവാഹക്ഷണക്കത്ത് വൈറലാകുന്നു
തലശേരി: മന്ത്രിപദം ഒഴിഞ്ഞ് ഒരു പതിറ്റാണ്ട് പിന്നിട്ടിട്ടും പുതുച്ചേരിക്കാർക്ക് ഇ. വത്സരാജ് എന്ന ജനനേതാവ് ഇപ്പോഴും മന്ത്രി തന്നെ. പുതുച്ചേരി കരുവാടിക്കുപ്പം ശ്രീ ശിവ വിഷ്ണു ഹാളിൽ സെപ്റ്റംബർ അഞ്ചിനു നടക്കുന്ന വിവാഹത്തിൽ മുൻ പുതുച്ചേരി ആഭ്യന്തര-ടൂറിസം മന്ത്രി ഇ. വത്സരാജിന്റെ ചിത്രം അടങ്ങിയ ക്ഷണക്കത്താണ് അടിച്ചിട്ടുള്ളത്. വത്സരാജിനെ മന്ത്രി എന്നു തന്നെയാണ് വിവാഹക്ഷണക്കത്തിൽ രേഖപ്പെടുത്തിയിട്ടുള്ളത്. തലൈവർ ഞങ്ങൾക്ക് അന്നും ഇന്നും എന്നും മന്ത്രിയാണെന്നാണ് ഗോപിനാഥന്റെ കുടുംബം പറയുന്നത്. കത്തിപ്പോൾ നവ മാധ്യമങ്ങളിലും വൈറലാണ്. ഗോപിനാഥും ധനശ്രീയുമാണ് അടുത്തമാസം അഞ്ചിന് വിവാഹിതരാകുന്നത്. ഗോപിനാഥ് ബിടെക്കുകാരനും ധനശ്രീ എംകോംകാരി യുമാണ്. കഴിഞ്ഞ ദിവസം പുതുച്ചേരിയിൽനിന്ന് നേരിട്ടെത്തിയാണ് ഗോപിനാഥ് തലൈവരെ വിവാഹത്തിനു ക്ഷണിച്ചത്. ഗോപിനാഥും കുടുംബവും ഇ. വത്സരാജിന്റെ ആരാധകരാണ്. 25 വർഷം പൊതു പ്രവർത്തനരംഗത്ത് സജീവമായിരുന്ന ചിത്രകാരൻ കൂടിയായ വത്സരാജ് 2011 ലാണ് മന്ത്രി പദം ഒഴിഞ്ഞത്.…
Read Moreതെറ്റ് ചെയ്ത ആരെയും സർക്കാർ സംരക്ഷിക്കില്ല; സിനിമാ രംഗത്തെ സംശുദ്ധമാക്കാൻ ശക്തമായ നടപടികൾ സ്വീകരിക്കുമെന്ന് ഇ.പി. ജയരാജൻ
തിരുവനന്തപുരം: തെറ്റ് ചെയ്ത ആരെയും സർക്കാർ സംരക്ഷിക്കില്ലെന്ന് എൽഡിഎഫ് കണ്വീനർ ഇ.പി. ജയരാജൻ. സിനിമാ രംഗത്തെ സംശുദ്ധമാക്കാൻ ശക്തമായ നടപടികളാണ് സർക്കാർ സ്വീകരിച്ചിരിക്കുന്നത്. ഏഴ് ഐപിഎസ് ഉദ്യോഗസ്ഥരെയാണ് ചലച്ചിത്ര രംഗത്ത് ദുരനുഭവം ഉണ്ടായെന്ന് വെളിപ്പെടുത്തിയവരുടെ പരാതികൾ അന്വേഷിക്കാൻ ചുമതലപ്പെടുത്തിയിരിക്കുന്നത്. മുകേഷിന്റെ രാജിക്കാര്യം ചോദിച്ച മാധ്യമപ്രവർത്തകരോട് മറു ചോദ്യം ചോദിച്ച് ഇ.പി. ജയരാജൻ പ്രതിരോധം തീർത്തു. കോണ്ഗ്രസ് എംഎൽഎമാർ ആരോപണം നേരിട്ടപ്പോൾ രാജിവച്ചില്ലെന്നും അദ്ദേഹം പറഞ്ഞു. സർക്കാർ ഇരകളോടൊപ്പമാണ്. മാധ്യമങ്ങൾ വേട്ടക്കാർക്കൊപ്പമാണെന്നും അദ്ദേഹം പറഞ്ഞു. സിപിഐ നേതാവ് ആനിരാജ മുകേഷിന്റെ രാജി ആവശ്യപ്പെട്ട കാര്യം ചൂണ്ട ിക്കാട്ടിയപ്പോൾ ആർക്കും എന്തും ആവശ്യപ്പെടാമെന്നും അതെല്ലാം സിപിഐയോട് ചോദിക്കുവെന്നും അദ്ദേഹം പറഞ്ഞു. മുകേഷിനെ കാണാനില്ലെന്നും അദ്ദേഹം എവിടെയാണെന്നുമുള്ള ചോദ്യത്തിനും ഇ.പി. മറുപടി പറഞ്ഞില്ല. അതെല്ലാം മുകേഷിനോട് ചോദിക്കുവെന്നും അദ്ദേഹം വ്യക്തമാക്കി. മാധ്യമപ്രവർത്തകരുടെ ചോദ്യങ്ങൾക്ക് മറുപടിയായാണ് അദ്ദേഹം ഇക്കാര്യങ്ങൾ വ്യക്തമാക്കിയത്.
Read Moreപ്രായപൂർത്തിയാകാത്ത പെൺകുട്ടിക്ക് നേരെ ലൈംഗികാതിക്രമം; കരാട്ടെ പരിശീലകൻ പിടിയിൽ
ചവറ: കരാട്ടെ പഠിക്കാനെത്തിയ പതിമൂന്നുകാരിയെ ലൈംഗിക പീഡനത്തിന് ഇരയാക്കിയ പരിശീലകൻ പിടിയിൽ. നീണ്ടകര സ്വദേശി രതീഷിനെയാണ് ചവറ പോലീസ് അറസ്റ്റ് ചെയ്തത്. കരാട്ടെ ക്ലാസിൽ ചേർന്നതിന് പിന്നാലെ രതീഷ് പെൺകുട്ടിയോട് അടുപ്പം സ്ഥാപിച്ചു. തുടർന്ന് കുട്ടിയെ ഇയാൾ ലൈംഗിക പീഡനത്തിന് ഇരയാക്കുകയായിരുന്നു. പീഡന വിവരം പറഞ്ഞ് ഭീഷണിപ്പെടുത്തി പെൺകുട്ടിയുടെ വീട്ടിൽ വച്ചും ഇയാൾ ലൈംഗികാതിക്രമം നടത്തിയിരുന്നു. ഈ ദൃശ്യങ്ങൾ പ്രതി മൊബൈൽ ഫോണിൽ പകർത്തുകയും ചെയ്തു. കുട്ടിയുടെ പെരുമാറ്റത്തിൽ വ്യത്യാസം പ്രകടമായതിനെ തുടർന്ന് രക്ഷിതാക്കൾ നടത്തിയ അന്വേഷണത്തിലാണ് സംഭവം പുറത്തറിഞ്ഞത്. പിന്നാലെ പോലീസിൽ വിവരമറിയിക്കുകയായിരുന്നു. തുടർന്ന് പെൺകുട്ടിയുടെ മൊഴിയുടെ അടിസ്ഥാനത്തിൽ ചവറ പൊലീസ് കേസെടുത്ത് അന്വേഷണം ആരംഭിച്ചു. രതീഷിനെതിരെ പോക്സോ ഉൾപ്പടെയുള്ള വകുപ്പുകൾ ചുമത്തിയാണ് കേസെടുത്തിരിക്കുന്നത്. മൈസൂരുവിലായിരുന്ന പ്രതി ട്രെയിനിൽ കൊല്ലത്ത് എത്തിയ ഉടൻ പോലീസ് അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Read More