തൃശൂർ: കേന്ദ്രസഹമന്ത്രി സുരേഷ് ഗോപിയെ തടഞ്ഞു കൈയേറ്റത്തിനു ശ്രമിച്ചെന്നും സുരക്ഷാ ഉദ്യോഗസ്ഥരുടെ കൃത്യനിർവഹണം തടസപ്പെടുത്തിയെന്നുമുള്ള പരാതിയിൽ മാധ്യമ പ്രവർത്തകർക്കെതിരേ കേസ്. റിപ്പോർട്ടർ ചാനൽ, മനോരമ ചാനൽ, മീഡിയ വണ് എന്നീ ചാനലുകളുടെ റിപ്പോർട്ടർമാരും കാമറസംഘവും ചേർന്ന ഒരുകൂട്ടം പ്രതികൾ 27ന് ഉച്ചയ്ക്കു 12.45ന് സംസ്ഥാന ഗസ്റ്റ് ഹൗസ് ആയ തൃശൂർ രാമനിലയത്തിലേക്ക് അനുവാദമില്ലാതെ പ്രവേശിച്ച് ഒൗദ്യോഗിക സന്ദർശനത്തിനിടെ വിശ്രമത്തിനെത്തിയ കേന്ദ്ര മന്ത്രി സുരേഷ് ഗോപിയെ കാറിൽ കയറാതെ തടഞ്ഞെന്നും മന്ത്രിയുടെ സുരക്ഷാ ഉദ്യോഗസ്ഥനായ വിഷ്ണു രാജിനെ ഭീഷണിപ്പെടുത്തി തള്ളിമാറ്റിയെന്നുമാണു കേസ്. ഭാരതീയ ന്യായ സംഹിതയിലെ 329 (3), 126(2), 132 എന്നീ വകുപ്പുകൾ പ്രകാരമാണു കേസ്. അനധികൃത കടന്നുകയറ്റം, കൃത്യനിർവഹണം തടസപ്പെടുത്തൽ തുടങ്ങിയ വകുപ്പുകളാണിത്. സിറ്റി പോലീസ് കമ്മീഷണർ ആർ. ഇളങ്കോയ്ക്കു സുരേഷ് ഗോപി നൽകിയ പരാതിയുടെ അടിസ്ഥാനത്തിലാണു നടപടി. സംഭവത്തിൽ കേന്ദ്ര ആഭ്യന്തര മന്ത്രാലയവും റിപ്പോർട്ട്…
Read MoreCategory: Edition News
മുകേഷിന്റെ രാജിക്കായി സമ്മർദ്ദം; രാജി വച്ചില്ലെങ്കിൽ ചോദിച്ചു വാങ്ങണമെന്ന് ആനിരാജയും കെ. സുരേന്ദ്രനും
തിരുവനന്തപുരം: മുകേഷിനെതിരേ ബലാത്സംഗക്കുറ്റം ചുമത്തി കേസെടുത്തതോടെ മുകേഷിന്റെ രാജിക്കായുള്ള ആവശ്യം ശക്തമായി. മുകേഷിനെതിരേയുള്ള ലൈംഗിക പീഡനക്കേസിൽ സിപിഐ ഉച്ചയ്ക്കു ശേഷം നിലപാടു വ്യക്തമാക്കുമെന്ന് സിപിഐ നേതാവ് പ്രകാശ് ബാബു. പാർട്ടി നേതൃത്വം ഇതു സംബന്ധിച്ചു കൂടിയാലോചന നടത്തുകയാണ്. ഉച്ചയ്ക്ക് ശേഷം സിപിഐ സംസ്ഥാന സെക്രട്ടറി ബിനോയ് വിശ്വം നിലപാടു വ്യക്തമാക്കും. അതേസമയം മുകേഷ് പ്രതിനിധാനം ചെയ്യുന്ന പാർട്ടിയെയും മുന്നണിയെയും പ്രതിസന്ധിയിലാക്കുന്ന നിലപാടു സ്വീകരിക്കരുതെന്നും കേസിന്റെ ഗൗരവം കണക്കിലെടുത്ത് ഉചിതമായ തീരുമാനം കൈക്കൊള്ളണമെന്നുമാണ് തന്റെ അഭിപ്രായമെന്നും അദ്ദേഹം വ്യക്തമാക്കി. മാധ്യമ പ്രവർത്തകരുടെ ചോദ്യങ്ങൾക്കു മറുപടിയായാണ് അദ്ദേഹം ഇക്കാര്യങ്ങൾ വ്യക്തമാക്കിയത്. എന്നാൽ മുകേഷ് രാജിവയ്ക്കണമെന്നാണ് സിപിഐ ദേശീയ നേതാവ് ആനിരാജ ആവശ്യപ്പെട്ടത്. മുകേഷിനു പദവിയിൽ തുടരാൻ അർഹത നഷ്ടപ്പെട്ടെന്നും എത്രയും പെട്ടെന്ന് എംഎൽഎ സ്ഥാനം രാജിവയ്ക്കണമെന്നും ആനിരാജ ആവശ്യപ്പെട്ടു. ഇടതുപക്ഷത്തിന്റെ നിലപാട് സ്ത്രീപക്ഷ നിലപാടാണെന്നും അവർ അഭിപ്രായപ്പെട്ടു. അതേസമയം മുകേഷ്…
Read Moreഇതര സംസ്ഥാന തൊഴിലാളികളെ ഉപയോഗിച്ച് കഞ്ചാവ് വില്പന! അന്വേഷണം ആരംഭിച്ച് പോലീസ്
പത്തനംതിട്ട: ഇതര സംസ്ഥാന തൊഴിലാളി ക്യാമ്പുകള് കേന്ദ്രീകരിച്ച് കഞ്ചാവ് വില്പന. പരിശോധനകളുമായി പോലീസ്. കേരളത്തില് ജോലിക്കായി വരുന്ന ഇതര സംസ്ഥാനക്കാരെ ഉപയോഗിച്ച് കഞ്ചാവ് വിപണനം നടത്തുന്ന സംഘമാണ് സജീവമായിരിക്കുന്നത്. കഴിഞ്ഞദിവസം പന്തളത്തു നടത്തിയ റെയ്ഡില് കുടുങ്ങിയത് ഈ സംഘത്തിലെ മുഖ്യകണ്ണിയാണെന്നും പോലീസ് പറഞ്ഞു. പശ്ചിമ ബംഗാള് ജല്പൈഗുരി സ്വദേശി കാശിനാഥ് മൊഹന്താണ് (56 ) മൂന്നര കിലോ കഞ്ചാവുമായി അറസ്റ്റിലായത്. പന്തളം കടക്കാട് തെക്ക് ഭാഗത്തെ ലേബര് ക്യാമ്പിന് സമീപത്തുനിന്നാണ് ഇയാളെ കസ്റ്റഡിയിലെടുത്തത്. ലഹരിവസ്തുക്കളുടെ കടത്തിനും വില്പനയ്ക്കുമെതിരെ പോലീസ് പരിശോധന തുടര്ന്നുവരുന്നതിനിടെയാണ് ഈ കഞ്ചാവ് വേട്ട. ജില്ലാ പോലീസ് മേധാവി എസ്. സുജിത് ദാസിന്റെ നിര്ദേശപ്രകാരം ഓപ്പറേഷന് ഡി ഹണ്ട് എന്നപേരില് പോലീസ് റെയ്ഡ്, അതിഥിതൊഴിലാളികള് താമസിക്കുന്ന ക്യാമ്പുകളും, സ്കൂള് പരിസരങ്ങളടക്കമുള്ള മേഖലകള് കേന്ദ്രീകരിച്ചും ജില്ലയില് നടന്നുവരികയാണ്. ജില്ലയിലെ തന്നെ പ്രധാനപ്പെട്ട ലഹരി ഇടപാട് സംഘത്തിന്റെ കണ്ണിയാണ്…
Read Moreരഹസ്യവിവരം ശരിയായി; ന്യൂജൻ മയക്കുമരുന്നുമായി യുവതിയടക്കം രണ്ടുപേരെ കുടുക്കി പോലീസ്
തിരുവമ്പാടി: രഹസ്യവിവരത്തെ തുടർന്ന് തിരുവമ്പാടി പോലീസ് നടത്തിയ പരിശോധനയിൽ കാറിൽ കടത്തുകയായിരുന്ന ന്യൂജൻ മയക്കുമരുന്നുമായി യുവതിയടക്കം രണ്ടുപേരെ അറസ്റ്റ് ചെയ്തു. വാവാട് സ്വദേശി ഡാനിഷ് (29), കൈതപ്പൊയിൽ സ്വദേശി ജിൻഷ (25) എന്നിവരാണ് പിടിയിലായത്. ഇവരിൽ നിന്ന് 6.32 ഗ്രാം മയക്കുമരുന്ന് പോലീസ് കണ്ടെടുത്തു. പിടികൂടിയ ഡാനിഷിന്റെ പേരിൽ കൊടുവള്ളി പോലീസില് നിരവധി കേസുകളുണ്ട്. താമരശേരി പോലീസ് സബ്ഡിവിഷനു കീഴിൽ ഡിവൈഎസ്പി പ്രമോദിന്റെ നേതൃത്വത്തിൽ മയക്കുമരുന്നു മാഫിയകൾക്കെതിരെ ശക്തമായ നടപടി തുടർന്നു വരികയാണ്.ജനകീയ പങ്കാളിത്തത്തോടെ നടപ്പാക്കുന്ന പ്രവർത്തനങ്ങൾക്ക് സമൂഹത്തിൽ നിന്നും വൻ പിന്തുണയാണ് ലഭിക്കുന്നത്.
Read Moreകേരള മോഡൽ വേണ്ട… സ്കൂൾ പാചകത്തൊഴിലാളികളുടെ ഓണം കുന്പിളിൽതന്നെ; സത്യഗ്രഹസമരം സെപ്റ്റംബർ ഏഴിന്
തൃശൂർ: ഇത്തവണയെങ്കിലും ഓണത്തിനുമുന്പേ ശന്പളക്കുടിശിക നേടിയെടുക്കാൻ സത്യഗ്രഹസമരത്തിനൊരുങ്ങി സ്കൂൾ പാചകത്തൊഴിലാളികൾ. സമരം നടത്തിയാലെ സർക്കാർ ശന്പളക്കുടിശിക നല്കൂവെന്നു തിരിച്ചറിഞ്ഞ് ഇടതുപക്ഷ സംഘടനയായ സ്കൂൾ പാചകത്തൊഴിലാളി യൂണിയനാണ് (എഐടിയുസി) സമരം നടത്തുന്നത്. സെപ്റ്റംബർ ഏഴിന് എല്ലാ ഡിഡി ഓഫീസുകൾക്കും ഡിഐജി ഓഫീസുകൾക്കും മുന്പിലാണു സത്യഗ്രഹമിരിക്കുക. നിലവിൽ ജൂലെെ മാസത്തെ ശന്പളം കുടിശികയുള്ള പാചകത്തൊഴിലാളികൾ ഓണത്തിനുമുന്പേ ഓഗസ്റ്റിലെ ശന്പളവും കിട്ടാൻ സാധ്യതയില്ലെന്ന് അറിയാവുന്നതിനാലാണ് അത്തപ്പിറ്റേന്ന് സത്യഗ്രഹമിരിക്കുന്നത്. പണിയെടുത്താൽ ശന്പളവും ആനുകൂല്യങ്ങളും നേരാവണ്ണം തരാത്ത കേരള മോഡൽ വേണ്ട, തൊഴിലാളികളെ സർക്കാർ ജീവനക്കാരായി അംഗീകരിച്ച് പെൻഷനും ഗ്രാറ്റുവിറ്റിയടക്കമുള്ള ആനുകൂല്യങ്ങളും കൊടുക്കുന്ന തമിഴ്നാട് മോഡൽ മതിയെന്നാണു മുദ്രാവാക്യം. വർഷങ്ങളായി ശന്പളം കൃത്യമായി നല്കാത്ത ഇടതുസർക്കാരിന്റെ തൊഴിലാളിദ്രോഹ നടപടിയിൽ സഹികെട്ടാണ് രാഷ്ട്രീയം നോക്കാതെ എഐടിയുസി സമരത്തിനിറങ്ങിയത്. 22 പ്രവൃത്തിദിവസങ്ങളുള്ള സ്കൂൾ പാചകത്തൊഴിലാളിക്ക് മാസം പരമാവധി 13,200 രൂപയാണു കേന്ദ്രസർക്കാരും സംസ്ഥാന സർക്കാരും സംയുക്തമായി നല്കുന്നത്.…
Read Moreവിദ്യാർഥികൾ വാടകയ്ക്ക് താമസിച്ചിരുന്ന പുരയിടത്തിൽ കഞ്ചാവുചെടി; കേസെടുത്ത് അന്വേഷണം ആരംഭിച്ച് വൈക്കം എക്സൈസ്
കടുത്തുരുത്തി: സ്വകാര്യവ്യക്തിയുടെ പുരയിടത്തില് വളര്ന്നുനിന്നിരുന്ന കഞ്ചാവുചെടി എക്സൈസ് സംഘമെത്തി പിഴുതെടുത്തു. ഇന്നലെ ആപ്പാഞ്ചിറ ചെറിയപാലത്തിനു സമീപത്തെ പറമ്പില്നിന്നാണ് കഞ്ചാവുചെടി കണ്ടെത്തിയത്. സമീപത്തെ ജെ ജെ ഹോണ്ട ഷോറൂമില് വാഹന സര്വീസിനെത്തിയ ആളില്നിന്നും ലഭിച്ച വിവരമനുസരിച്ചാണ് എക്സൈസ് സ്ഥലത്തെത്തി പരിശോധന നടത്തിയത്. ഷോറൂമിനു പടിഞ്ഞാറുവശത്തായി 1.25 മീറ്റര് ഉയരത്തിലായിരുന്നു കഞ്ചാവു ചെടി. സംഭവത്തില് കേസെടുത്തതായി വൈക്കം എക്സൈസ് സര്ക്കിള് ഇന്സ്പെക്ടര് അറിയിച്ചു. മുമ്പ് ഷോറൂമിനു മുകളില് സമീപത്തെ പോളിടെക്നിക് വിദ്യാര്ഥികള് വാടകയ്ക്കു താമസിച്ചിരുന്നു. മാസങ്ങല്ക്കു മുമ്പ് എക്സൈസ് സംഘം ഇവിടെയെത്തി നടത്തിയ പരിശോധനയില് വിദ്യാര്ഥികളില്നിന്നു കഞ്ചാവ് പിടികൂടുകയും ചെയ്തിരുന്നു. കഞ്ചാവുചെടി ഇവിടെ നട്ടുവളര്ത്തി പരിപാലിച്ചതാണോയെന്നും എക്സൈസ് അന്വേഷിക്കുന്നുണ്ട്.
Read Moreപൂച്ച മാന്തിയതിനു വാക്സിനെടുത്ത യുവതിക്ക് അലർജി: ഒറ്റപ്പാലം താലൂക്ക് ആശുപത്രിക്കെതിരേ പരാതിയുമായി കുടുംബം
പാലക്കാട്: പൂച്ച മാന്തിയതിനെ തുടർന്ന് കുത്തിവയ്പെടുത്ത യുവതിക്ക് അലർജിയും ക്ഷീണവും തളർച്ചയുമെന്ന് പരാതി. ആശുപത്രിയുടെ ചികിത്സപിഴവെന്ന് ആരോപിച്ച് ആരോഗ്യമന്ത്രിക്കും പാലക്കാട് ഡിഎംഒയ്ക്കും പരാതി നൽകി. ഒറ്റപ്പാലം താലൂക്ക് ആശുപത്രിക്കെതിരേ പാലപ്പുറം കോട്ടത്ര വലിയപറന്പിൽ നൗഷാദിന്റെ മകൾ ഫാത്തിമ റിതം (24) ആണ് പരാതി നൽകിയിരിക്കുന്നത്. കഴിഞ്ഞ 16 നാണ് കൈയിൽ പൂച്ചമാന്തിയതിനെ തുടർന്ന് ഫാത്തിമ റിതത്തെ ഒറ്റപ്പാലം താലൂക്ക് ആശുപത്രിയിൽ കൊണ്ടുവന്നത്. സാധാരണ എടുക്കാറുള്ള റാബിസ് വാക്സിനും ടിടിയും ആശുപത്രിയിൽ നിന്നെടുത്തു. തിരികെ വീട്ടിലെത്തിയപ്പോൾ ക്ഷീണവും ഇൻജക്ഷനെടുത്ത സ്ഥലത്ത് ചൊറിച്ചിലും അനുഭവപ്പെട്ടെന്നും തുടർന്ന് വീണ്ടും താലൂക്ക് ആശുപത്രിയിലെത്തിയപ്പോൾ വീണ്ടും ഒരു ഇൻജക്ഷൻ കൂടിയെടുത്തെന്നും എന്നാൽ തിരികെ വീട്ടിലെത്തിയിട്ടും അസ്വസ്ഥകൾ മാറിയില്ലെന്നും വീട്ടുകാർ പറയുന്നു. ദേഹാസ്വാസ്ഥ്യം വർധിച്ചതോടെ ഫാത്തിമയെ തൃശൂർ മെഡിക്കൽ കോളജ് ആശുപത്രിയിലേക്ക് കൊണ്ടുപോയി. അവിടെ നൽകിയ ചികിത്സയെ തുടർന്ന് ഫാത്തിമയ്ക്ക് അസുഖം അൽപം ഭേദപ്പെട്ടു. എങ്കിലും…
Read Moreകണ്ണപുരത്ത് ബിജെപി പ്രവർത്തകന് വെട്ടേറ്റ സംഭവം: ബ്രാഞ്ച് സെക്രട്ടറി അടക്കും മൂന്ന് സിപിഎമ്മുകാർ അറസ്റ്റിൽ
പഴയങ്ങാടി: കണ്ണപുരത്ത് ശോഭായാത്ര കഴിഞ്ഞ് മടങ്ങുകയായിരുന്ന ബിജെപി പ്രവർത്തകനെ വെട്ടി പരിക്കേൽപ്പിച്ച സംഭവത്തിൽ സിപിഎം ബ്രാഞ്ച് സെക്രട്ടറി ഉൾപ്പെടെ മൂന്ന് പേർ അറസ്റ്റിൽ. കല്യാശേരി മണ്ഡലം കരിക്കാട്ടെ ബിജെപി ബൂത്ത് പ്രസിഡന്റ് ബാബുവിനായിരുന്നു (32) തിങ്കളാഴ്ച രാത്രി വെട്ടേറ്റത്. കണ്ണപുരം സിപിഎം ബ്രാഞ്ച് സെക്രട്ടറി അരുൺ ബാബു, സബിൻ, റിതിൻ എന്നിവരെയാണ് കണ്ണപുരം സിഐയും സംഘവും അറസ്റ്റ് ചെയ്തത്. ശ്രീകൃഷ്ണ ജയന്തി ആഘോഷവുമായി ബന്ധപ്പെട്ട ഘോഷയാത്ര തുടങ്ങുന്നതിന് തൊട്ടുമുന്പ് കോലത്ത് വയലിൽ വച്ച് ഒരു സംഘം അനൗൺസ്മെന്റ് വാഹനം അടിച്ചു തകർക്കുകയും പ്രവർത്തകരെ മർദിക്കുകയും ചെയ്തിരുന്നു. ഇതിനു ശേഷം ഘോഷയാത്ര കഴിഞ്ഞ് വീട്ടിലേക്ക് മടങ്ങുന്നതിനിടെ ബാബുവിനെ തടഞ്ഞുവെച്ച് വെട്ടിപരിക്കേൽപ്പിക്കകുയായിരുന്നു. സംഭവവുമായി ബന്ധപ്പെട്ട് 15 പേർക്കെതിരെ വധശ്രമത്തിനാണ് പോലീസ് കേസെടുത്തത്.പ്രതികളെ ഇന്ന് കണ്ണൂർ കോടതിയിൽ ഹാജരാക്കും.
Read Moreവെമ്പായം പഞ്ചായത്ത് ഓഫീസിൽ തീപിടിത്തം: ഓവർസീയറുടെ കാര്യാലയം പൂർണമായും കത്തി നശിച്ചു
വെമ്പായം: വെമ്പായം പഞ്ചായത്ത് ഓഫീസിൽ തീപിടുത്തം. ഓവർസീയറുടെ കാര്യാലയം പൂർണമായും കത്തി നശിച്ചു.ഇന്ന് പുലർച്ചെ നാലിനാണ് വേറ്റിനാട് പ്രവർത്തിക്കുന്ന ഓഫീസിൽ തീയും പുകയും ഉയരുന്നത് സമീപത്ത് റബർ ടാപ്പിംഗിന് എത്തിയവരുടെ ശ്രദ്ധയിൽ പെട്ടത്. തുടർന്ന് ഫയർഫോഴ്സിൽ വിവരം അറിയിക്കുകയായിരുന്നു.വിവിധ സ്ഥലങ്ങളിൽ നിന്നും എത്തിയ അഗ്നി രക്ഷാസേനാംഗങ്ങൾ തീ അണയ്ക്കുകയായിരുന്നു. ഓഫീസ് റൂമിൽ ഉണ്ടായിരുന്ന ഫയലുകൾ ഉൾപ്പെടെയുള്ളവ പൂർണമായും കത്തി നശിച്ചു.ചുവരുകൾ വിണ്ട് കീറി നിലം പൊത്താറായ നിലയിലാണ്. ഷോട്ട് സർക്യൂട്ട് ആകാം തീപിടുത്തത്തിന് കാരണമെന്നാണ് പ്രാഥമിക നിഗമനം. ഈ കെട്ടിടത്തിനോട് ചേർന്നുള്ള പ്രധാന ഓഫീസ് കെട്ടിടത്തിലേക്കും ആശുപത്രിയകെട്ടിടത്തിലേക്ക്ക്കും തീ പടരാതിരുന്നത് വലിയൊരു അപകടം ഒഴിവാക്കുന്നതിന് കാരണമായി.
Read Moreസ്പെഷല് ട്രെയിനും അധികം കോച്ചുമായി ഓണത്തിരക്ക് കുറയ്ക്കാൻ റെയിൽവേ; സ്പെഷൻ സർവീസുകൾ ഒരുക്കാതെ കെഎസ്ആർടിസി
കോട്ടയം: ഓണത്തിരക്കിന് ആശ്വാസമായി റെയില്വേ മൂന്നു സ്പെഷല് ട്രെയിനുകള് ഓടിക്കുന്നതിനു പുറമെ പ്രധാന ട്രെയിനുകളില് ഒന്നോ രണ്ടോ വീതം അധികം കോച്ചുകളും ഘടിപ്പിക്കും. കൊച്ചുവേളി-ബംഗളൂരു (വിശ്വേശ്വരയ്യ), കൊച്ചുവേളി- ചെന്നൈ (താമ്പരം), കൊച്ചുവേളി- മാംഗളൂരു റൂട്ടുകളിലാണ് വീക്ക്ലി സ്പെഷല് ആരംഭിച്ചിരിക്കുന്നത്. നിസാമുദ്ദീന്, മംഗള, കേരള, ശബരി, ജയന്തി, മലബാര് ഉള്പ്പെടെ പത്ത് ട്രെയിനുകള്ക്കാണ് അധികം കോച്ചിന് അനുമതിയായിരിക്കുന്നത്. നിലവില് ഡല്ഹി, മുംബൈ, ബംഗളൂരു, ചെന്നൈ എന്നിവിടങ്ങളില്നിന്ന് നാട്ടിലേക്ക് റിസര്വേഷന് കിട്ടില്ല.തിരക്കു പരിഗണിച്ചു കൊച്ചുവേളി -മംഗളൂരു സ്പെഷല് ട്രെയിന് സെപ്റ്റംബര് 28 വരെ നീട്ടിയിട്ടുണ്ട്. വ്യാഴം, ശനി ദിവസങ്ങളില് രാത്രി 7.30ന് മംഗളൂരുവില് നിന്ന് പുറപ്പെട്ടു പിറ്റേന്ന് രാവിലെ എട്ടിന് കൊച്ചുവേളിയിലെത്തും. തിരികെ വെള്ളി, ഞായര് ദിവസങ്ങളില് വൈകുന്നേരം 6.40നു കൊച്ചുവേളിയില് നിന്നു പുറപ്പെട്ടു പിറ്റേന്ന് രാവിലെ ഏഴിന് മംഗളൂരുവിലെത്തും. കൊല്ലം, കായംകുളം, ആലപ്പുഴ, എറണാകുളം, ആലുവ, തൃശൂര്, ഷൊര്ണൂര്,…
Read More