ആറന്മുള: പാര്ഥസാരഥി ക്ഷേത്രത്തിലെ വള്ളസദ്യകള്ക്ക് നാളെ തുടക്കമാകും. ഒരുക്കങ്ങള്ക്ക് തുടക്കംകുറിച്ച് പാചകപ്പുരയിലെ അടുപ്പില് ഇന്നു രാവിലെ അഗ്നിപകര്ന്നു. ക്ഷേത്ര ശ്രീകോവിലില് നിന്നും കൊളുത്തുന്ന ഭദ്രദീപം ഊട്ടുപുരയില് എത്തിച്ച് പള്ളിയോട സേവാസംഘം പ്രസിഡന്റ് കെ.വി. സാംബദേവന് നിലവിളക്കു കൊളുത്തുകയും തുടര്ന്ന് മുതിര്ന്ന പാചകക്കാരന് അടുപ്പിലേക്ക് അഗ്നി പകരുകയും ചെയ്യും. നാളെ ആരംഭിക്കുന്ന വള്ളസദ്യ വഴിപാട് ഒക്ടോബര് രണ്ടുവരെ നീളും. തിരുവിതാംകൂര് ദേവസ്വം ബോര്ഡിന്റെയും ഭക്തജനങ്ങളുടെയും സഹകരണത്തിലാണ് പള്ളിയോട സേവാസംഘം വള്ളസദ്യ ക്രമീകരിക്കുന്നത്. ഹൈക്കോടതിയുടെ നിര്ദ്ദേശപ്രകാരം രൂപവത്കരിച്ചിട്ടുള്ള നിര്വഹണ സമിതിയാണ് വള്ളസദ്യകള്ക്ക് നേതൃത്വം നല്കുന്നത്. പള്ളിയോട സേവാസംഘം പ്രസിഡന്റ്, സെക്രട്ടറി, ദേവസ്വം അസിസ്റ്റന്റ് കമ്മീഷണര്, അഡ്മിനിസ്ട്രേറ്റീവ് ഓഫീസര്, ക്ഷേത്ര ഉപദേശക സമിതി പ്രസിഡന്റ്, ഭക്തജന പ്രതിനിധികളായ ഡോ. കെ.ജി. ശശിധരന് പിള്ള (കോഴഞ്ചേരി), രവീന്ദ്രനായര് (മാലക്കര) എന്നിവരാണ് ഇക്കൊല്ലത്തെ നിര്വഹണ സമിതി അംഗങ്ങള്. ക്ഷേത്രത്തില് പത്തുവള്ളസദ്യകളും സമീപത്തുള്ള സദ്യാലയങ്ങളിലായി അഞ്ചു…
Read MoreCategory: Edition News
അലർജിക്ക് ഇഞ്ചക്ഷൻ എടുത്ത യുവതി അവശനിലയിൽ; ചികിത്സാപ്പിഴവെന്നു പരാതി; പോലീസ് കേസെടുത്തു
നെയ്യാറ്റിന്കര: നെയ്യാറ്റിൻകര താലൂക്ക് ആശുപത്രിയിൽ അലര്ജി പരിശോധന നടത്താതെ യുവതിക്ക് ഇഞ്ചക്ഷന് നല്കിയെന്ന് ആരോപണം. ഗുരുതരാവസ്ഥയിലായ യുവതിയെ തിരുവനന്തപുരം മെഡിക്കല് കോളജ് ആശുപത്രിയിലെ സൂപ്പര് സ്പെഷാലിറ്റി ഐസിയിലേക്ക് മാറ്റി. മലയന്കീഴ് മച്ചേല് സ്വദേശി ശരത്തിന്റെ ഭാര്യ കൃഷ്ണ (28) യാണ് ഗുരുതരാവസ്ഥയില് ചികിത്സയില് തുടരുന്നത്. വയറുവേദന അനുഭവപ്പെട്ടതിനെ തുടര്ന്ന് തൈക്കാട് ഗവ. ആശുപത്രിയില് ചികിത്സയ്ക്കായെത്തിയ കൃഷ്ണയെ പരിശോധിച്ചപ്പോള് കിഡ്നി സ്റ്റോണ് ആണെന്ന് കണ്ടെത്തി. തൈക്കാട് ആശുപത്രിയില് സര്ജന് ഇല്ലാത്തതിനാല് വീടിനു സമീപത്തെ ജനറല് ആശുപത്രിയിലേയ്ക്ക് റഫര് ചെയ്തു. നെയ്യാറ്റിന്കര ഗവ. ജനറല് ആശുപത്രിയില് ഡോക്ടറെ കാണുകയും വിവരങ്ങള് കൈമാറുകയുമുണ്ടായി. അലര്ജിയുടെ ബുദ്ധിമുട്ട് തനിക്കുള്ളതായി കൃഷ്ണ വെളിപ്പെടുത്തിയെന്നും പറയുന്നു. ശരത് ഇതിനിടയില് പുറത്തു പോയി. തിരികെ വരുന്നതിനു മുന്പ് കൃഷ്ണയ്ക്ക് ടെസ്റ്റ് ഡോസ് നല്കാതെ ഇഞ്ചക്ഷന് നല്കിയെന്നാണ് പരാതി. അതോടെ അവശയായ കൃഷ്ണയെ ഡ്യൂട്ടിയിലുണ്ടായിരുന്ന എല്ലാ ഡോക്ടര്മാരും പരിശോധിക്കുകയും…
Read Moreകാട്ടാക്കടയിൽ യുവതിയുടെയും യുവാവിന്റെയും മരണം; പിന്നിൽ സംശയരോഗമെന്നു നിഗമനം; കുടുംബകലഹം ഉണ്ടായിരുന്നതായി നാട്ടുകാർ
കാട്ടാക്കട: കാട്ടാക്കടയിൽ രണ്ടു പേർ മരിച്ച സംഭവത്തിൽ കൂടുതൽ അന്വേഷണത്തിന് പോലീസ്. ഇന്ന് ഇവരുടെ വീട്ടിൽ പോലീസ് എത്തി പോസ്റ്റ്മാർട്ടം നടപടികളിലേക്ക് കടന്നു. ഫോറൻസിക് സംഘം ഇന്ന് എത്തും. കുരുതംകോട് പാലയ്ക്കൽ വെട്ടുവിള വീട്ടിൽ പ്രമോദ്(35), കുരുതംകോട് പാലയ്ക്കൽ ഞാറവിളവീട്ടിൽ റീജ(43)യെ കഴുത്തറുത്ത് കൊന്ന ശേഷം ആത്മഹത്യ ചെയ്യുകയായിരുന്നുവെന്നാണ് പോലീസിന്റെ പ്രാഥമിക നിഗമനം. കൊലയ്ക്ക് പിന്നിൽ പ്രമോദിന്റെ സംശയരോഗമാണെന്നും പോലീസ് സംശയിക്കുന്നു. ഇന്നലെ രാത്രിയിലാണ് നാടിനെ നടുക്കിയ സംഭവം നടക്കുന്നത്. ഭർത്താവ് ഉപേക്ഷിച്ചു പോയ റീജയ്ക്കൊപ്പം താമസിക്കുകയായിരുന്നു പ്രമോദ്. ഒരു കളക്ഷൻ ഏജന്റായി ജോലി ചെയ്തിരുന്ന റീജയുമായി ഇയാൾ പലപ്പോഴും വഴക്ക് കൂടിയിരുന്നതായും അത് മർദനത്തിൽ കലാശിച്ചിരുന്നതായും നാട്ടുകാർ പറഞ്ഞു. വർഷങ്ങൾക്ക് മുൻപ് റീജയുടെ ഭർത്താവ് തമിഴ്നാട് സ്വദേശി വാസു ഇവരെ ഉപേക്ഷിച്ച് പോവുകയായിരുന്നു.ഇതിൽ രണ്ട് മക്കളുമുണ്ട്. ഇപ്പോൾ അയൽവാസിയായ പ്രമോദിന്റെ വീട്ടിലായിരുന്നു ഇവരുടെ താമസം. അടുത്തിടെ…
Read Moreഅമീബിക് മസ്തിഷ്ക് ജ്വരം; കാരക്കുണ്ട് വെള്ളച്ചാട്ടത്തിൽ നിന്നെന്ന് സംശയം; സന്ദർശകർക്ക് നിരോധനം ഏർപ്പെടുത്തി ആരോഗ്യവകുപ്പ്
പരിയാരം: മൂന്നര വയസുകാരന് അമീബിക് മസ്തിഷ്ക ജ്വരം ബാധിച്ചതിന്റെ ഉറവിടം കാരക്കുണ്ട് വെള്ളച്ചാട്ടത്തിൽനിന്നാണെന്നു സംശയം. കഴിഞ്ഞ ഞായറാഴ്ച പരിയാരം ഗ്രാമ പഞ്ചായത്തിൽപ്പെട്ട കുട്ടിയും കുടുംബവും കാരക്കുണ്ട് വെള്ളച്ചാട്ടം സന്ദർശിച്ച് കുളിച്ചിരുന്നു. വെള്ളച്ചാട്ടത്തിന് കീഴെയായി ചെറിയൊരു തോടും ഒഴുകുന്നുണ്ട്. കുട്ടിക്ക് അമീബിക് മസ്തിഷ്ക ജ്വരം ബാധിച്ചത് ഇവിടെനിന്നാണെന്ന സംശയത്താൽ ഇന്ന് ജില്ലാ ആരോഗ്യവകുപ്പ് സംഘം സ്ഥലം സന്ദർശിച്ച് ഇവിടത്തെ വെള്ളം പരിശോധിക്കാനായി എടുക്കും. പരിശോധനാ ഫലം വരുന്നതു വരെ കാരക്കുണ്ട് വെള്ളച്ചാട്ടത്തിലേക്കുള്ള പ്രവേശനം നിരോധിച്ചതായി കടന്നപ്പള്ളി-പാണപ്പുഴ ഗ്രാമപഞ്ചായത്ത് ആരോഗ്യ വകുപ്പ് വ്യക്തമാക്കി.
Read Moreസ്ത്രീകളെ ശല്യപ്പെടുത്തിയത് ചോദ്യം ചെയ്തു; ട്രെയിനില് യാത്രക്കാരന് കുത്തേറ്റു; പരാതിയില്ലാത്തതിനാൽ യുവാവിനെ വെറുതേവിട്ടു
കോഴിക്കോട്: ട്രെയിനിനുള്ളില് സ്ത്രീകളെ ശല്യപ്പെടുത്തിയത് ചോദ്യം ചെയ്ത യാത്രക്കാരനു കുത്തേറ്റു. ആലപ്പുഴ -കണ്ണൂര് എക്സിക്യൂട്ടീവ് എക്സ്പ്രസിന്റെ ജനറല് കോച്ചില് പയ്യോളിക്കും വടകരയ്ക്കുമിടയിൽ ഇന്നലെ രാത്രി 11.25നായിരുന്നു സംഭവം. അക്രമി സ്ക്രൂഡ്രൈവര്കൊണ്ട് യാത്രക്കാരന്റെ നെറ്റിക്കു കുത്തുകയായിരുന്നു. ശല്യം ചെയ്ത യാത്രക്കാരനോട് മാറിനില്ക്കാന് സ്ത്രീകള് ആവശ്യപ്പെട്ടിരുന്നു. എന്നാല് ഇയാള് അത് അനുസരിക്കാന് തയാറായില്ല. ഇതുകണ്ടുകൊണ്ടിരുന്ന മറ്റൊരു യാത്രക്കാരന് ഇയാളോടു മാറിനില്ക്കാന് പറഞ്ഞു. അപ്പോള് അക്രമി സ്ക്രൂഡ്രൈവറെടുത്തു നെറ്റിക്കു കുത്തുകയായിരുന്നു. വടകര സ്റ്റേഷനില് എത്തിയപ്പോള് അ്രകമിയെ ആര്പിഎഫ് കസ്റ്റഡിയില് എടുത്തു. ചോദ്യം ചെയ്തശേഷം ആര്ക്കും പരാതി ഇല്ലാത്തിനാല് വിട്ടയച്ചു.
Read Moreനിപയെന്ന് സംശയിച്ച 15കാരന് ചെള്ള് പനി സ്ഥിരീകരിച്ചു
കോഴിക്കോട്: നിപ ബാധയെന്ന് സംശയിക്കുന്ന 15 വയസുകാരന് ചെള്ള് പനി സ്ഥിരീകരിച്ചു. നഗരത്തിലെ സ്വകാര്യ ആശുപത്രിയിലാണ് പതിനാലുകാരന് ചികില്സയില് കഴിയുന്നത്. മലപ്പുറം പെരിന്തല്മണ്ണ സ്വദേശിയായ കുട്ടിയാണ് ചികില്സയിലുള്ളത്. നിപബാധയുടെ ലക്ഷണങ്ങളോടെയാണ് പെരിന്തല്മണ്ണയിലെ സ്വകാര്യ ആശുപത്രിയില് ഇന്നലെ കുട്ടിയെ പ്രവേശിപ്പിച്ചത്. അവിടനിന്നാണ് കോഴിക്കോട്ടെ സ്വകാര്യ ആശുപത്രിയിലേക്ക് എത്തിച്ചത്. നേരത്തെ നിപ രോഗം കണ്ടെത്തിയ ആശുപത്രിയാണിത്. കുട്ടിയുടെ ആരോഗ്യനില തൃപ്തികരമാണെന്ന് ഡോക്ടര്മാര് പറഞ്ഞു. കുട്ടിയുടെ സ്രവ സാമ്പിള് പൂനെയിലെ വൈറോളജി ലബോറട്ടറിയിലേക്ക് പരിശോധനയ്ക്ക് അയച്ചിട്ടുണ്ട്. ഇന്ന് വൈകിട്ടോടെ പരിശോധനാ ഫലം എത്തും. റിസള്ട്ട് കിട്ടിയാലുടനെ ആരോഗ്യമന്ത്രി പെരിന്തല്മണ്ണയില് യോഗം വിളിക്കുമെന്നാണ് സൂചന. ആരോഗ്യ മന്ത്രി ഇന്നുതന്നെ മലപ്പുറത്ത് എത്താനും സാധ്യതയുണ്ട്. 2018ലുണ്ടായ നിപ രോഗബാധയിൽ കോഴിക്കോട്, മലപ്പുറം ജില്ലകളിലായി 18 പേർ മരിച്ചിരുന്നു.
Read Moreപൊതുജനാരോഗ്യ നിയമം; കൊതുക് വളർത്താൻ സാഹചര്യമൊരുക്കിയാൽ 10,000 രൂപ പിഴ
പത്തനംതിട്ട: കൊതുക് ജന്യ രോഗങ്ങൾ വ്യാപകമാകുന്ന സാഹചര്യത്തിൽ കൊതുക് മുട്ടയിടുന്ന സാഹചര്യങ്ങള് സൃഷ്ടിക്കുന്നത് 2023-ലെ കേരള പൊതുജനാരോഗ്യ നിയമപ്രകാരം കുറ്റകരവും ശിക്ഷാര്ഹവുമാണെന്ന് ആരോഗ്യ വകുപ്പ്. ഓരോ കുറ്റത്തിനും നിയമത്തിലെ വകുപ്പുകള് പ്രകാരം 10,000 രൂപ വരെ പിഴ ചുമത്താം. തങ്ങളുടെ ഉടമസ്ഥതയിലുളള ഓരോ വീടിന്റെയും സ്ഥാപനത്തിനന്റെയും അകത്തും, പരിസരത്തും കൊതുകിന്റെ പ്രജനനത്തിനുളള സാഹചര്യമില്ലെന്ന് ഉറപ്പുവരുത്തണമെന്ന് ഡിഎംഒ ഡോ. എൽ. അനിതാകുമാരി നിർദേശിച്ചു. വീടുകളിലും കടകള് ഉള്പ്പെടെയുളള സ്ഥാപനങ്ങളിലും വിദ്യാലയങ്ങളിലും തോട്ടങ്ങളിലും കൊതുകുകള് മുട്ടയിട്ട് വളരുന്ന തരത്തിലുളള മാലിന്യങ്ങള്, പാഴ്വസ്തുക്കള്, ചിരട്ടകള്, പാളകള്, ടയറുകള്, ചെടിച്ചട്ടികള്, തുറന്ന ടാങ്കുകള് തുടങ്ങിയവ ഇല്ല എന്ന് ഉടമസ്ഥര് ഉറപ്പുവരുത്തണം. റബർ പാല് ശേഖരിക്കുന്ന ചിരട്ടകള്, പാത്രങ്ങള്, ഫ്രിഡ്ജിന്റെ പിറകിലെ ട്രേ, ഇന്ഡോര് പ്ലാന്റുകള് എന്നിവയിലും വെളളം കെട്ടിനില്ക്കാതിരിക്കാന് ശ്രദ്ധിക്കണം. എല്ലാ വെളളിയാഴ്ചയും വിദ്യാഭ്യാസ സ്ഥാപനങ്ങളിലും ശനിയാഴ്ച സ്ഥാപനങ്ങളിലും ഞായറാഴ്ച വീടുകളിലും ഡ്രൈ…
Read Moreകോട്ടയംകാരെ ഏറെ ഇഷ്ടപ്പെട്ടു, സത്യസന്ധത കോട്ടയത്തിന്റെ കൈമുതല്; കളക്ടറേറ്റിന്റെ പടിയിറങ്ങുമ്പോൾ കളക്ടർ വി. വിഗ്നേശ്വരിക്ക് പറയാനേറെയുണ്ട്…
കോട്ടയം: കോട്ടയം ജില്ലക്കാര് ഏറെ ഉത്തരവാദിത്വത്തോടും സത്യസന്ധതയോടും ജീവിക്കുന്നവരാണെന്ന് സ്ഥലംമാറുന്ന ജില്ലാ കളക്ടര് വി. വിഗ്നേശ്വരി. ഒരു വര്ഷവും ഒരു മാസവും നീണ്ട ചുമതലയില് സങ്കീര്ണ പ്രതിസന്ധികളൊന്നും ഉണ്ടായില്ലെന്ന് വിഗ്നേശ്വരി . കോട്ടയംകാരെ ഏറെ ഇഷ്ടപ്പെട്ടു. എന്തു നിര്ദേശിച്ചാലും സന്തോഷത്തോടെ ഏറ്റെടുക്കുന്നതാണു ഇവിടത്തെ സ്വഭാവമെന്നത് പ്രവര്ത്തനങ്ങൾ എളുപ്പമാക്കി. പ്രഫഷണല് രാഷ്ട്രീയക്കാരാണ് ഇവിടെയുള്ളത്. അനധികൃത ഇടപെടല് ആരും നടത്തിയിട്ടില്ല. നിയമ പരിരക്ഷ ഉറപ്പാക്കാന് മാത്രമാണ് രാഷ്ട്രീയ ഇടപെടല് ഉണ്ടായിട്ടുള്ളത്. മഴ ശക്തമായി പെയ്താല് അവധി അവകാശമാണെന്ന തോന്നല് കുട്ടികളില് കൂടിവരുന്നതായി തോന്നുന്നു. മഴ അവധി പ്രതീക്ഷിച്ച് ഒട്ടേറെ ഫോണ് കോളുകള് വരുമെങ്കിലും സുരക്ഷാ ഭീഷണി ഉണ്ടാകാവുന്ന ഘട്ടത്തില് മാത്രമാണ് അവധി നല്കാറുള്ളതെന്നും കളക്ടര് വ്യക്തമാക്കി. മറ്റുള്ളവര്ക്ക് കരുതലൊരുക്കാന് വോള് ഓഫ് ലവ് പദ്ധതി കളക്ടറേറ്റില് തുടങ്ങാമെന്ന ആശയം മുന്നോട്ടുവച്ചപ്പോള് ഏറ്റെടുത്തത് സമൂഹം ഒന്നാകെയായിരുന്നു. ഇന്ന് സ്കൂള്, ബാങ്കുകള്, ഓഫീസുകള്,…
Read Moreപകര്ച്ചവ്യാധി കണക്കുകള് പുറത്തുവിടുന്നതില് വിലക്ക്
പത്തനംതിട്ട: ജില്ലയില് പകര്ച്ച വ്യാധികള് പിടിവിട്ട് മുന്നേറുമ്പൊഴും കണക്കുകള് പുറത്തുവിടാതെ ആരോഗ്യവകുപ്പ്. അടിക്കടി ജാഗ്രതാ നിര്ദേശം നല്കുമെങ്കിലും എവിടെയൊക്കെ ഏതെല്ലാം രോഗങ്ങള്ക്കെതിരേ ജാഗ്രത പാലിക്കണമെന്നു മാത്രം പുറത്തുപറയാന് ജില്ലയിലെ ആരോഗ്യ വകുപ്പ് ഉദ്യോഗസ്ഥര്ക്ക് അവകാശമില്ല. രോഗനിരക്ക് കൂടുകയാണോ കുറയുകയാണോ എന്നു പോലും മാധ്യമങ്ങളോടു പറയാന് പാടില്ലെന്നാണ് ആരോഗ്യ വകുപ്പ് ഉന്നതരുടെ നിര്ദേശം. പകര്ച്ച വ്യാധികള് നിയന്ത്രണ വിധേയമായിട്ടില്ലെന്ന തോന്നല് പൊതുജനങ്ങളില് ഉണ്ടാകാന് പാടില്ലെന്നും ആരോഗ്യ വകുപ്പിനെ മാനക്കേടിലെത്തിക്കരുതെന്നുമാണ് ഉത്തരവ്. ഡെങ്കിപ്പനിക്കു പിന്നാലെ എച്ച്1 എന്1 ജാഗ്രതാ നിര്ദേശവും നല്കിയിരിക്കുകയാണ്. ജില്ലയില് എച്ച്1 എന്1 റിപ്പോര്ട്ട് ചെയ്യപ്പെട്ട സാഹചര്യത്തിലാണ് ജാഗ്രതാ നിര്ദേശം നല്കിയിരിക്കുന്നത്. കഴിഞ്ഞ ദിവസം പ്രമാടത്തുണ്ടായ ഒരു മരണം എച്ച്1 എന്1 മൂലമാണെന്നു സംശയിച്ചിരുന്നുവെങ്കിലും നെഗറ്റീവ് ആയതിനുശേഷം മറ്റ് ആരോഗ്യ പ്രശ്നങ്ങള് ഉണ്ടായെന്നാണ് മെഡിക്കല് റിപ്പോര്ട്ട്. ഡെങ്കിയും വൈറല്പ്പനിയും വിടാതെ പിടികൂടുന്നുണ്ട്. ഇതിനൊപ്പം എലിപ്പനിയും ജില്ലയില് റിപ്പോര്ട്ട്…
Read Moreഎറണാകുളത്ത് പനി ബാധിച്ച് നാലു വയസുകാരന് മരിച്ചു; എച്ച് വണ് എന്വണ് പനിയെന്ന് സംശയം
ആലങ്ങാട്: എറണാകുളത്ത് പനി ബാധിച്ച് നാലു വയസുകാരന് മരിച്ചു. വരാപ്പഴ ഒളനാട് ഇളവുംതുരുത്തില് ലിബുവിന്റെ മകന് ലിയോണ് ലിബുവാണ് ഇന്നലെ രാത്രി എറണാകുളത്തെ സ്വകാര്യ ആശുപത്രിയില് ചികിത്സയിലിരിക്കെ മരിച്ചത്. എച്ച് വണ് എന് വണ് പനിയാണെന്ന് സംശയിക്കുന്നു. കഴിഞ്ഞ നാലു ദിവസമായി കുട്ടിക്ക് പനി ഉണ്ടായിരുന്നു. എന്നാല് ഇന്നലെ രോഗം മൂര്ച്ഛിച്ചതിനെത്തുടര്ന്ന് എറണാകുളത്തെ സ്വകാര്യ ആശുപത്രിയില് പ്രവേശിപ്പിക്കുകയായിരുന്നു. സംസ്കാരം ഇന്ന് വൈകിട്ട് നാലിന് കൊങ്ങോര്പ്പിള്ളി സെന്റ് ആന്റണീസ് ദേവാലയത്തില് നടക്കും. അമ്മ: നയന. രണ്ടര വയസുള്ള സഹോദരിയുണ്ട്. പാനായിക്കുളം ലിറ്റില് ഫ്ളവര് എല്പി സ്കൂളിലെ എല്കെജി വിദ്യാര്ഥിയായിരുന്നു ലിയോണ്. അതേസമയം കുട്ടിക്ക് എച്ച് വണ് എന്വണ് പനിയാണോയെന്നത് സംബന്ധിച്ചുള്ള പരിശോധനകള് നടക്കുകയാണെന്നും ഫലം ലഭ്യമായിട്ടില്ലെന്നും ആരോഗ്യവകുപ്പ് അധികൃതര് അറിയിച്ചു.
Read More