ചേര്ത്തല: ന്യൂനപക്ഷമാണ് നാട്ടിലെ സമ്പത്ത് കൈയടക്കുന്നതെന്ന് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ പറഞ്ഞു. ചേര്ത്തലയില് നടന്ന എസ്എൻഡിപി നേതൃസംഗമം ഉദ്ഘാടനം ചെയ്യുകയായിരുന്നു അദ്ദേഹം. ഈ സത്യം തുറന്നുപറഞ്ഞതിന്റെ പേരിൽ ഒരു വിഭാഗം തന്നെ ക്രൂശിക്കാൻ ശ്രമിച്ചു. മുസ്ലീം സമുദായം കൂടുമ്പോൾ ഒന്നാണ്. പാർലമെന്റ് തിരഞ്ഞെടുപ്പിൽ മോഡിയെ എതിർക്കാൻ രാജ്യത്തെ മുസ്ലീങ്ങൾ ഒറ്റക്കെട്ടായിനിന്നു. ഇടതു പക്ഷത്തിന്റെ സ്വന്തക്കാരനായ കാന്തപുരത്തിന്റെ അനുനായികൾ വരെ ലീഗ് സ്ഥാനാർഥിക്കാണ് വോട്ട് ചെയ്തത്. സർക്കാർ സാധാരണക്കാരുടെ പ്രശ്നങ്ങൾ പരിഗണിക്കാതിരുന്നതും ജനങ്ങളെ മറന്ന് പലസ്തീൻക്കാർക്ക് ജയ് വിളിക്കാൻ പോയതും കുഴപ്പമായെന്ന് വെള്ളാപ്പള്ളി പറഞ്ഞു.പ്രസിഡന്റ്് ഡോ.എം.എൻ. സോമൻ അധ്യക്ഷത വഹിച്ചു. വൈസ് പ്രസിഡനന്റ് തുഷാർ വെള്ളാപ്പള്ളി സ്വാഗതം പറഞ്ഞു.
Read MoreCategory: Edition News
വൈദ്യുതി മുടങ്ങി; തോട്ടയ്ക്കാട് ഹെല്ത്ത് സെന്റര് രണ്ടു ദിവസമായി ഇരുട്ടില്
തോട്ടയ്ക്കാട്: കാറ്റിലും മഴയിലും വൈദ്യുതിബന്ധം നിലച്ചതോടെ തോട്ടയ്ക്കാട് പ്രൈമറി ഹെല്ത്ത് സെന്റര് കഴിഞ്ഞ രണ്ടു ദിവസമായി ഇരുട്ടില്. അഞ്ഞുറോളം രോഗികള് ദിനംപ്രതി ഒപി വിഭാഗത്തില് ചികിത്സയ്ക്കെത്തുന്ന ആശുപത്രിയിലാണു പ്രതിസന്ധി. പുതുപ്പള്ളി, തോട്ടയ്ക്കാട്, മീനടം, കുറുമ്പനാടം എന്നീ പ്രദേശങ്ങളില് നിന്നുള്ള രോഗികളാണ് തോട്ടയ്ക്കാട് ആശുപത്രിയില് ചികിത്സയ്ക്കെത്തുന്നത്. വൈദ്യുതിബന്ധം നിലച്ചതോടെ ആശുപ്രതിയുടെ പ്രവര്ത്തനം താളം തെറ്റിയിരിക്കുകയാണ്. ഡോക്ടര്മാരും നഴ്സുമാരും രോഗികളെ പരിശോധിക്കുന്നത് ടോര്ച്ചിന്റെയും ലാമ്പിന്റെയും വെളിച്ചത്തിലാണ്. വൈദ്യുതി മുടങ്ങി വെള്ളവും വെളിച്ചവും ഇല്ലാതായതോടെ കിടപ്പുരോഗികളും കൂട്ടിരിപ്പുകാരും ദുരിതത്തിലാണ്. പ്രാഥമിക കൃത്യങ്ങള്ക്കുള്ള വെള്ളംപോലും കിട്ടാനില്ലെന്നാണ് രോഗികള് പറയുന്നത്. ആശുപത്രിയില് ഇന്വെര്ട്ടര് സംവിധാനവും പ്രവര്ത്തിക്കുന്നില്ല. ജനറേറ്ററും മറ്റു സംവിധാനങ്ങളും ഇല്ലാത്ത ആശുപത്രിയുടെ പ്രവര്ത്തനം ദൈനംദിനം ദുരിതത്തിലാണ്. ബ്രിട്ടീഷ്കാരുടെ കാലത്തുനിര്മിച്ച ഈ ആശുപത്രി അതേ അവസ്ഥയില് ആണ് ഇപ്പോഴും നിലനില്ക്കുന്നത്.സംസ്ഥാന സര്ക്കാരും മറ്റ് അധികാരികളും തോട്ടയ്ക്കാട് ആശുപത്രിയുടെ ശോചനീയവസ്ഥയ്ക്കു പരിഹാരം കാണാന് നടപടികള് സ്വീകരിക്കണമെന്ന്…
Read Moreജോലികഴിഞ്ഞു പോകുകയായിരുന്ന യുവതിക്കുനേരേ ലൈംഗികാതിക്രമം; യുവാവിനു രണ്ടു വർഷം തടവുംപിഴയും
ചേര്ത്തല: ജോലികഴിഞ്ഞു വീട്ടിലേക്കു പോകുകയായിരുന്ന യുവതിക്കുനേരേ ലൈംഗികാതിക്രമം കാട്ടിയെന്ന കേസില് യുവാവിനെ രണ്ടുവര്ഷം തടവും 20,000 പിഴയും ശിക്ഷ. പാണാവള്ളി പഞ്ചായത്ത് നാലാം വാര്ഡില് തൃച്ചാറ്റുകുളം ജിതിന് നിവാസില് അഖിലി(31)നെയാണ് ചേര്ത്തല പ്രത്യേക അതിവേഗ കോടതി ജഡ്ജി ശിക്ഷിച്ചത്. 2022 ജനുവരിയിലാണ് കേസിനാസ്പദമായ സംഭവം. ജോലി കഴിഞ്ഞ് സന്ധ്യക്ക് വീട്ടിലേക്കു പോകുകയായിരുന്ന യുവതിയെ പ്രതി ആളൊഴിഞ്ഞ വഴിയില് വച്ച് കണ്ടത്തിലേക്ക് തള്ളി ഇടുകയും ശരീര ഭാഗങ്ങളില് പിടിച്ച് അപമാനിക്കുകയും വസ്ത്രം കീറാനിടവരുത്തുകയും ചെയ്തതായാണ് കേസ്. പൂച്ചാക്കല് പോലീസാണ് കേസ് രജിസ്റ്റര് ചെയ്തത്.
Read Moreഅന്താരാഷ്ട്ര വിപണിയിൽ റിക്കാര്ഡ് ഭേദിച്ച് സ്വര്ണവില;കേരളത്തില് പവന് 55,000 രൂപ
സീമ മോഹന്ലാല്കൊച്ചി: അന്താരാഷ്ട്ര വിപണിയിൽ റിക്കാര്ഡ് ഭേദിച്ച് സ്വര്ണവില. അന്താരാഷ്ട്ര സ്വര്ണ വില ഔണ്സിന് 2,450 ഡോളര് റിക്കാര്ഡ് തകര്ത്ത് 2,482 ഡോളറിലേക്ക് കുതിച്ചെങ്കിലും നേരിയ കുറവോടെ 2,472 ഡോളറില് തുടരുകയാണ്. അന്താരാഷ്ട്ര സ്വര്ണവില 1.6 ശതമാനം കൂടിയപ്പോള് ഇന്ത്യന് വിപണിയില് ഒരു ശതമാനത്തിന് അടുത്ത് മാത്രമാണ് വര്ധന ഉണ്ടായത്. ബജറ്റ് പ്രതീക്ഷയാണ് കാരണം. അതേസമയം കേരള വിപണിയില് സ്വര്ണവില പവന് 55,000 രൂപയിലെത്തി. ഗ്രാമിന് 90 രൂപയും പവന് 720 രൂപയുമാണ് ഇന്ന് വര്ധിച്ചത്. ഇതോടെ സ്വര്ണവില ഗ്രാമിന് 6,875 രൂപയും പവന് 55,000 രൂപയുമായി. സംസ്ഥാനത്തെ റിക്കാര്ഡ് വില വര്ധന കഴിഞ്ഞ ഏപ്രില് 20 ന് രേഖപ്പെടുത്തിയ ഗ്രാമിന് 6,890 രൂപയും പവന് 55,120 രൂപയുമാണ്. യുഎസില് പണപ്പെരുപ്പം കുറയുകയും, പണപ്പെരുപ്പം തങ്ങളുടെ ലക്ഷ്യമായ രണ്ടു ശതമാനത്തിലേക്ക് കുറയാന് കാത്തിരിക്കേണ്ടതില്ലെന്ന ഫെഡറൽ റിസർവ് ചെയർമാൻ…
Read More‘അപ്പയോടുള്ള സ്നേഹവും ആദരവും മരിക്കുന്നില്ല’;പുതുപ്പള്ളി വീട്ടിലും കബറിടത്തിങ്കലെത്തുന്ന ആള്ക്കൂട്ടമാണ് തന്റെ ശക്തിയെന്ന് ചാണ്ടി ഉമ്മൻ
കോട്ടയം: അപ്പയോടുള്ള സ്നേഹവും ആദരവും മരിക്കുന്നില്ലെന്നുള്ളതിന്റെ സൂചനയാണു കബറിങ്കലെത്തുന്ന ആള്ക്കൂട്ടം. അപ്പയുടെ അഭാവം വലിയ ശൂന്യതയുണ്ടാക്കിയെങ്കിലും ഈ ആള്ക്കൂട്ടം കാണുമ്പോള് അപ്പയുടെ അഭാവം മറക്കുകയാണ്. ഞായറാഴ്ചകളിലെ പുതുപ്പള്ളി വീട്ടിലെ ആള്ക്കൂട്ടം പോലെ തന്നെയാണു കബറിടത്തിങ്കലെത്തുന്ന ആള്ക്കൂട്ടം. ഇതാണെന്റെ ശക്തിയും. മുന് മുഖ്യമന്ത്രി ഉമ്മന് ചാണ്ടി അന്തരിച്ചിട്ട് നാളെ ഒരു വര്ഷം തികയുമ്പോള് മകനും എംഎല്എയുമായ ചാണ്ടി ഉമ്മന് അപ്പയെ അനുസ്മരിക്കുന്നു.ഒരു വര്ഷം പെട്ടെന്ന് കടന്നുപോയി. അപ്പ ഇല്ലാത്ത ഒരു വര്ഷം വലിയ ശൂന്യതയാണ് സമ്മാനിച്ചത്. എങ്കിലും ഓരോ മിനിറ്റിലും ഓരോ ശ്വാസത്തിലും അപ്പയും അപ്പയുടെ ഓര്മകളുമായിരുന്നു എന്റെയുള്ളില്. വിലാപയാത്രയായിരുന്നു അപ്പയ്ക്ക് കേരളവും മലയാളിയും തന്ന ഏറ്റവും വലിയ ആദരവ്. അതിന്റെ തുടര്ച്ചയെന്നവണ്ണം ഇന്നും പുതുപ്പള്ളി പള്ളിയിലെ കബറിടത്തിങ്കലേക്ക് ജനപ്രവാഹമാണ്. ഇന്നലെ ഞാന് കബറിടത്തിങ്കല് ചെല്ലുമ്പോഴും അവിടെ സ്ത്രീകളും കുട്ടികളുമടക്കം നിരവധിയാളുകളാണ് എത്തിക്കൊണ്ടിരിക്കുന്നത്. കാസര്കോഡ് മുതല് പാറശാല വരെയുള്ള…
Read Moreചിന്നക്കനാലില് ചക്കക്കൊമ്പന് കാര് തകര്ത്തു; ആര്ആര്ടി സംഘം ഏറെ പണിപ്പെട്ട് ആനയെ കാടുകയറ്റി
ഇടുക്കി: ചിന്നക്കനാല് മേഖലയില് വീണ്ടും ചക്കക്കൊമ്പന്റെ ആക്രമണം. ചിന്നക്കനാല് വിലക്ക് ഭാഗത്തെത്തിയ ചക്കക്കൊമ്പന് അവിടെ പാര്ക്ക് ചെയ്തിരുന്ന കാര് തകര്ത്തു. ഇന്നലെ രാത്രിയാണ് ചിന്നക്കനാല് സ്വദേശി ഞാറോട്ടിപറമ്പില് എന്. കെ.മണിയുടെ കാര് കാട്ടാന തകര്ത്തത്. ചിന്നക്കനാല് ഗവ.സ്കൂള് വളപ്പില് പാര്ക്ക് ചെയ്തിരുന്ന ടാക്സി കാറിന് നേരേയാണ് ഒറ്റയാന്റെ ആക്രമണം ഉണ്ടായത്. സ്കൂളിന്റെ ഗേറ്റ് തകര്ത്ത് അകത്ത് കടന്നാണ് ചക്കക്കൊമ്പന് വാഹനം തകര്ത്തത്. വാഹനം കുത്തി നശിപ്പിക്കുകയായിരുന്നു. ഇതിനു ശേഷം സ്ഥലത്ത് തമ്പടിച്ച ചക്കക്കൊമ്പനെ ആര്ആര്ടി സംഘമെത്തി വേസ്റ്റുകുഴി ഭാഗത്തേക്കു തുരത്തി. ഏതാനും ദിവസങ്ങളായി ചക്കക്കൊമ്പന് മേഖലയില് ചുറ്റിത്തിരിയുന്നുണ്ട്. കഴിഞ്ഞ ദിവസം പൂപ്പാറ ടൗണിന് തൊട്ടടുത്ത് ആനയെത്തിയത് പരിഭ്രാന്തി പരത്തിയിരുന്നു. ആനയെ കാണാനും ഫോട്ടോയെടുക്കാനും ആളുകള് തടിച്ചു കൂടിയത് പോലീസിനും വനംവകുപ്പിനും തലവേദനയായി. ആര്ആര്ടി സംഘം ഏറെ പണിപ്പെട്ടാണ് ആനയെ ഇവിടെ നിന്നും കാടുകയറ്റിയത്.
Read Moreസിപിഎം നിയന്ത്രണത്തിലുള്ള ഇരിവേരി സഹകരണ ബാങ്കിൽ വായ്പാത്തട്ടിപ്പ്; ജീവനക്കാർക്ക് സസ്പെൻഷൻ
കണ്ണൂർ: സിപിഎം നിയന്ത്രണത്തിലുള്ള ഇരിവേരി സർവീസ് സഹ. ബാങ്കിൽ നടന്ന വായ്പാത്തട്ടിപ്പുമായി ബന്ധപ്പെട്ട് സെക്രട്ടറിയെയും മാനേജരെയും ഭരണ സമിതി സസ്പെൻഡ് ചെയ്തു.ഭരണ സമിതി യോഗത്തിന്റെ അനുമതി വാങ്ങാതെ വലിയ തോതിൽ വായ്പ അനുവദിച്ച് തട്ടിപ്പ് നടത്തിയതായാണ് പ്രാഥമിക പരിശോധനയിൽ കണ്ടെത്തിയത്. ഒറ്റ ദിവസം കൊണ്ട് പത്തു ലക്ഷം രൂപ വീതം പത്തുപേർക്ക് വായ്പയായി അനുവദിക്കുകയും ഇത് മറ്റൊരാൾക്കു മാത്രമായി നൽകിയുമാണു തട്ടിപ്പ് നടത്തിയത്.ജാമ്യക്കാരെന്ന് തെറ്റിദ്ധരിപ്പിച്ച് പത്തുപേരെ ബാങ്കിൽ വിളിപ്പിച്ച് രേഖകളിൽ ഒപ്പുവയ്പ്പിച്ച് അവരറിയാതെ വായ്പ എന്ന നിലയിൽ മറ്റൊരാൾക്ക് നൽകുകയായിരുന്നു. ഇത്തരത്തിൽ വായ്പ നൽകിയ ഒരു കോടിയുടെ തിരിച്ചടവ് മുടങ്ങിയതോടെയാണ് ഭരണ സമിതി വായ്പയുടെ വ്യാപ്തി അറിയുന്നതും അന്വേഷണം നടത്തുന്നതും.വായ്പ നൽകിയയാൾ തിരിച്ചടക്കാതെ വന്നതോടെ ബാങ്ക് പ്രസിഡന്റ് പോലീസിൽ പരാതി നൽകിയിരുന്നു. ബാങ്കിന്റെ പ്രവർത്തനപരിധിക്കുള്ള സ്ഥാപനത്തിനാണ് വായ്പ നൽകിയതെന്ന് കണ്ടെത്തിയിട്ടുണ്ട്. തിരിച്ചടവ് മുടങ്ങിയതോടെ ബാങ്ക് ജീവനക്കാരിൽ നിന്നു…
Read Moreമൊബൈല്ഷോപ്പ് ഉടമയെ തട്ടിക്കൊണ്ടുപോയ കേസ്: രണ്ടുപേര് കസ്റ്റഡിയിൽ; പിടിയിലായവർക്ക് പരാതിക്കാരനുമായി അടുത്തബന്ധമെന്ന് പോലീസ്
കോഴിക്കോട്: മൊബൈല്ഷോപ്പ് ഉടമയെ തട്ടിക്കൊണ്ടുപോയ സംഭവത്തില് രണ്ടുപേര് കസ്റ്റഡിയിലെന്നു സൂചന. ഇവരെ പോലീസ് വിശദമായി ചോദ്യം ചെയ്യുകയാണ്. കഴിഞ്ഞ വെള്ളിയാഴ്ചയാണ് മൂഴിക്കൽ സ്വദേശി ഹർഷാദിനെ തട്ടിക്കൊണ്ടുപോയത്. തട്ടിക്കൊണ്ടുപോയ സംഘം വൈത്തിരിയിൽ ഒരു ബൈക്ക് കടയ്ക്കു സമീപം ഇന്നലെ യുവാവിനെ ഇറക്കിവിടുകയായിരുന്നു. തട്ടിക്കൊണ്ടുപോയവർ തന്നെയാണ് വൈത്തിരിയിൽ ഇറക്കിവിട്ടെന്ന് ഫോണിലൂടെ അറിയിച്ചത്. പിടിയിലായ രണ്ടുപേര്ക്കും ഹര്ഷാദുമായി അടുത്ത ബന്ധമുള്ളതായാണു വിവരം. ബിസിനസുമായി ബന്ധപ്പെട്ട തര്ക്കമാണ് തട്ടിക്കൊണ്ടുപോകലിലേക്കു കലാശിച്ചത്. ഹർഷാദിന്റെ കാർ തട്ടിക്കൊണ്ടുപോയതിന്റെ തൊട്ടടുത്ത ദിവസം കണ്ടെത്തിയിരുന്നു. കാറിന്റെ മുൻഗ്ലാസ് തകർത്ത നിലയിലായിരുന്നു. തട്ടിക്കൊണ്ടുപോയ സംഘം 10 ലക്ഷം രൂപ മോചനദ്രവ്യം ആവശ്യപ്പെട്ടിരുന്നു. എന്നാല് പോലീസ് അന്വേഷണം ശക്തമാക്കിയതോടെയാണ് ഹർഷാദിനെ വഴിയില് ഉപേക്ഷിച്ചതെന്നാണു വിവരം. ആരുടെയോ ഫോൺകോളിനെത്തുടർന്നാണ് ഹർഷദ് വീട്ടിൽ നിന്നു പുറത്തേക്കു പോയതെന്നു ഭാര്യ പറയുന്നു. സാന്പത്തിക ഇടപാടുകളൊന്നും ഉള്ളതായി അറിയില്ലെന്നും കുടുംബം പറഞ്ഞു.
Read Moreജൂനിയര് വിദ്യാര്ഥിക്ക് ക്രൂരമര്ദനം; രണ്ടു നഴ്സിംഗ് വിദ്യാര്ഥികള് അറസ്റ്റിൽ
കൊച്ചി: ജൂനിയര് വിദ്യാര്ഥിയെ റാഗ് ചെയ്ത് ക്രൂരമായി മര്ദിച്ച കേസില് രണ്ട് നഴ്സിംഗ് വിദ്യാര്ഥികള് അറസ്റ്റില്. ഇടപ്പള്ളി അമൃത ഇന്സ്റ്റിറ്റ്യൂട്ട് ഓഫ് മെഡിക്കല് കോളജിലെ നഴ്സിംഗ് വിദ്യാര്ഥികളായ ഗോവിന്ദ് (20), സുജിത്ത്(20) എന്നിവരെയാണ് എറണാകുളം സെന്ട്രല് പോലീസ് ഇന്സ്പെക്ടര് സി.ജയകുമാറിന്റെ മേല്നോട്ടത്തില് ചേരാനല്ലൂര് എസ്ഐ സുനില് ഇന്ന് രാവിലെ അറസ്റ്റ് ചെയ്തത്. കോളജിനു പുറത്ത് വീടെടുത്തു താമസിക്കുന്ന പ്രതികള് ഒന്നാം വര്ഷ വിദ്യാര്ഥിയെ അവിടേക്ക് വിളിച്ചുവരുത്തിയാണ് ക്രൂരമായി മര്ദിച്ചത്. കൊന്നു കളയുമെന്ന് ഭീഷണിപ്പെടുത്തി ഹാങ്കര്കൊണ്ടും കൈ കൊണ്ടും മര്ദിക്കുകയായിരുന്നു. മര്ദനത്തില് അവശ നിലയിലായ വിദ്യാര്ഥി ആശുപത്രിയില് ചികിത്സ തേടി. കഴിഞ്ഞ വര്ഷം നവംബറില് പ്രതികളുടെ സുഹൃത്തുക്കള്ക്കെതിരേ ഇപ്പോള് മര്ദനത്തിന് ഇരയായ വിദ്യാര്ഥി പരാതി നല്കിയിരുന്നു. റാഗിംഗ് തന്നെയായിരുന്നു അന്നും പരാതിക്ക് ആസ്പദമായത്. ഇതിന്റെ വൈരാഗ്യം തീര്ക്കാനാണ് ജൂനിയര് വിദ്യാര്ഥിയെ പ്രതികളുടെ താമസ സ്ഥലത്തേക്ക് വിളിച്ചുവരുത്തി ക്രൂരമായി…
Read Moreമരണക്കുറിപ്പെഴുതി ലിഫ്റ്റിൽ തൂക്കി; രക്ഷപ്പെടാൻ പല പ്രാവശ്യം ശ്രമിച്ചെന്ന് രവീന്ദ്രൻ നായർ
തിരുവനന്തപുരം: ലിഫ്റ്റ് തകരാറിലാണെന്ന മുന്നറിയിപ്പ് ബോർഡ് ഇല്ലായിരുന്നുവെന്ന് തിരുവനന്തപുരം മെഡിക്കൽ കോളജാശുപത്രിയിലെ ലിഫ്ടിൽ ഒന്നരദിവസം കുടുങ്ങിയ രോഗി രവീന്ദ്രൻ നായർ. മുന്നറിയിപ്പ് ബോർഡ് ഉണ്ടായിരുന്നുവെങ്കിൽ ലിഫ്റ്റിൽ കയറില്ലായിരുന്നു. രക്ഷപ്പെടാൻ പല പ്രാവശ്യം ശ്രമിച്ചു. രക്ഷപ്പെടില്ലെന്ന് തോന്നിയപ്പോൾ മരണക്കുറിപ്പെഴുതി ലിഫ്റ്റിൽ തൂക്കിയിട്ടുവെന്നും അദ്ദേഹം പറഞ്ഞു. മരണകാരണം എന്താണെന്ന് പൊതുജനങ്ങളെ ബോധ്യപ്പെടുത്താനാണ് മരണക്കുറിപ്പെഴുതിയത്. ആരോഗ്യമന്ത്രി വീണ ജോർജ് തന്നെ വീട്ടിലെത്തി സന്ദർശിച്ചുവെന്നും ഇനി ആർക്കും തന്റെ ഗതികേട് വരാതിരിക്കാനുള്ള നടപടി ഉണ്ടാകണമെന്ന് ആവശ്യപ്പെട്ടെന്നും രവീന്ദ്രൻ നായർ പറഞ്ഞു. ഒരു സ്വകാര്യ ചാനലിന് നൽകിയ അഭിമുഖത്തിലാണ് അദ്ദേഹം ഇക്കാര്യങ്ങൾ വ്യക്തമാക്കിയത്.
Read More