തിരുവനന്തപുരം: മെഡിക്കല് കോളേജ് ഒപി ബ്ലോക്കിലെ ലിഫ്റ്റില് കുടുങ്ങിയ രോഗിയെ ആരോഗ്യ മന്ത്രി വീണാ ജോര്ജ് മെഡിക്കല് കോളേജില് സന്ദര്ശിച്ചു. രോഗിയുടെ ആരോഗ്യ നില തൃപ്തികരമാണെന്ന് ഡോക്ടര്മാര് അറിയിച്ചു. വീഴ്ച പറ്റിയവര്ക്കെതിരേ ചട്ടപ്രകാരമുള്ള കര്ശന നടപടികള് സ്വീകരിക്കുന്നതാണെന്നും അതില് യാതൊരു ദയയും ഉണ്ടാകില്ലെന്നും മന്ത്രി അറിയിച്ചു. മന്ത്രി വന്നത് തനിക്ക് വലിയ ആശ്വാസമാണെന്ന് രോഗി അറിയിച്ചു. രോഗിയുടെ ബന്ധുക്കളുമായും മന്ത്രി സംസാരിച്ചു. സംഭവം ശ്രദ്ധയില്പ്പെട്ടയുടന് തന്നെ അടിയന്തര അന്വേഷണത്തിന് മന്ത്രി ഉത്തരവിട്ടിരുന്നു. മെഡിക്കല് വിദ്യാഭ്യാസ വകുപ്പ് ജോ. ഡയറക്ടറുടെ നേതൃത്വത്തിലുള്ള അന്വേഷണ സംഘത്തിന്റെ പ്രാഥമിക അന്വേഷണത്തെ തുടര്ന്ന് മൂന്ന് ജീവനക്കാരെ സസ്പെന്ഡ് ചെയ്തിരുന്നു. വിശദമായ അന്വേഷണം നടത്തിയ ശേഷം തുടര്നടപടികള് സ്വീകരിക്കുന്നതാണ്. മെഡിക്കല് വിദ്യാഭ്യാസ വകുപ്പ് ജോ. ഡയറക്ടര് ഡോ. വിശ്വനാഥനും മന്ത്രിയോടൊപ്പമുണ്ടായിരുന്നു.
Read MoreCategory: Edition News
കനത്ത മഴ; പാലക്കാട് വീട് ഇടിഞ്ഞുവീണ് അമ്മയും മകനും മരിച്ചു; തകർന്ന വീടിന്റെ അടിയിൽപ്പെട്ട ഇരുവരേയും ആശുപത്രിയിൽ എത്തിച്ചെങ്കിലും രക്ഷിക്കാനായില്ല
പാലക്കാട്: ശക്തമായ കാറ്റിലും മഴയിലും വീട് ഇടിഞ്ഞുവീണ് അമ്മയും മകനും മരിച്ചു. കോടക്കുന്ന് വീട്ടില് സുലോചന(53), മകന് രജ്ഞിത്ത്(33) എന്നിവരാണ് മരിച്ചത്. തിങ്കളാഴ്ച രാത്രിയോടെയാണ് അപകടം. ശക്തമായ കാറ്റിലും മഴയിലും വീടിന്റെ പുറകുവശം ഇടിഞ്ഞ് വീഴുകയായിരുന്നു. രാവിലെ വീട് തകര്ന്ന് കിടക്കുന്നത് ശ്രദ്ധയില്പെട്ട നാട്ടുകാര് അടുത്ത് ചെന്ന് നോക്കിയപ്പോഴാണ് ഇരുവരെയും കണ്ടെത്തിയത്. ഉടന് ആശുപത്രിയില് എത്തിച്ചെങ്കിലും മരിച്ചിരുന്നു. സ്വകാര്യ ബസിലെ കണ്ടക്ടറാണ് മരിച്ച രഞ്ജിത്ത്. ഇവർ താമസിച്ച വീട് അതീവ ശോചനീയാവസ്ഥയിലായിരുന്നെന്നാണ് വിവരം.
Read Moreകനത്ത മഴ: പെരിയാറിൽ ജലനിരപ്പ് ഉയർന്നു; ആലുവ ശിവക്ഷേത്രവും മണപ്പുറവും വെള്ളത്തിനടിയിൽ
ആലുവ: കനത്ത മഴയെ തുടർന്ന് പെരിയാറിൽ ജലനിരപ്പ് ഉയർന്നതിന് പിന്നാലെ ആലുവ ശിവക്ഷേത്രവും മണപ്പുറവും വെള്ളത്തിനടിയിലായി. മണപ്പുറം നടപ്പാലത്തിന്റെ പടിക്കെട്ടുകളും വെള്ളത്തിനടിയിലാണ്. ഇന്ന് അഞ്ച് ജില്ലകളിലാണ് ഓറഞ്ച് അലർട്ട് പ്രഖ്യാപിച്ചിരിക്കുന്നത്. മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ് ജില്ലകളിലാണ് ഓറഞ്ച് അലർട്ട്. നാളെ കോഴിക്കോട്, കണ്ണൂർ, കാസറഗോഡ് ജില്ലകളിലും 18ന് കോഴിക്കോട്, കണ്ണൂർ, കാസറഗോഡ് എന്നീ ജില്ലകളിലും കേന്ദ്ര കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചിട്ടുണ്ട്. ഇന്ന് പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട് ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്. നാളെ പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, വയനാട് ജില്ലകളിലും 18ന് എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, വയനാട് ജില്ലകളിലും 19ന് മലപ്പുറം, കോഴിക്കോട്, കണ്ണൂർ, കാസറഗോഡ് എന്നീ ജില്ലകളിലും മഞ്ഞ അലർട്ടാണ്.
Read More28 വര്ഷമായി മുടങ്ങാത്ത സര്വീസ് നിർത്തി കെഎസ്ആർടിസി നിർത്തി; പ്രതിഷേധിച്ച് യാത്രക്കാർ
പാലാ: ഇരുപത്തിയെട്ടു വര്ഷമായി മുടങ്ങാതെ സര്വീസ് നടത്തിയിരുന്ന പാലാ-ചേര്പ്പുങ്കല്പള്ളി-ചെമ്പിളാവ്-പാദുവ-കിടങ്ങൂര്-കോട്ടയം കെഎസ്ആര്ടിസി ബസ് നിര്ത്തലാക്കിയതിനെതിരേ വ്യാപക പ്രതിഷേധം. പാലായില്നിന്നു രാവിലെ എട്ടിന് ആരംഭിച്ച് മുത്തോലി, മുത്തോലിക്കടവ്, ചേര്പ്പുങ്കല്പള്ളി, ചെമ്പിളാവ്, പാദുവ, കിടങ്ങൂര് എന്ജിനീയറിംഗ് കോളജ്, കിടങ്ങൂര് ക്ഷേത്രം, കിടങ്ങൂര്, ഏറ്റുമാനൂര് വഴി കോട്ടയത്തിനു സര്വീസ് നടത്തിക്കൊണ്ടിരുന്ന ജനപ്രിയ ബസ് സര്വീസ് കഴിഞ്ഞ ഒന്പത് മാസമായി സര്വീസ് നടത്തുന്നില്ല. വിദ്യാര്ഥികളും ഉദ്യോഗസ്ഥരും തൊഴിലാളികളും നാട്ടുകാരും ആശ്രയിച്ചിരുന്ന ബസ് വൈകുന്നേരം കോട്ടയത്തുനിന്നു നാലിന് പുറപ്പെട്ട് ഇതേ റൂട്ടില് പാലായില് എത്തുന്ന രീതിയിലായിരുന്നു സമയക്രമം. യാത്രാസൗകര്യം കുറഞ്ഞ ഈ റൂട്ടില് രാവിലെയും വൈകുന്നേരവും നിരവധി യാത്രക്കാര്ക്കു പ്രയോജനപ്പെടുന്നതായിരുന്നു സര്വീസ്. കഴിഞ്ഞ ശബരിമല സീസണ് ആരംഭിച്ചപ്പോള് ബസുകളുടെ കുറവു പറഞ്ഞ് ഈ സര്വീസ് പിന്വലിക്കുകയായിരുന്നു. എന്നാല്, ശബരിമല സീസണ് കഴിഞ്ഞ് അടുത്ത ശബരിമല സീസണ് ആരംഭിക്കാന് മാസങ്ങള്മാത്രം ശേഷിക്കേ ഇനിയും സര്വീസ് പുനരാരംഭിക്കാന് അധികൃതര്ക്കായിട്ടില്ല.…
Read Moreപട്ടികജാതി-വർഗ ഫണ്ട് തിരിമറി; സർക്കാരിനെതിരേ ശാഖതലങ്ങളിൽ പ്രതിഷേധ സമരം സംഘടിപ്പിക്കുമെന്ന് ചേരമർ ഹിന്ദു മഹാസഭ
ഏറ്റുമാനൂർ: രണ്ടു വർഷക്കാലമായി കേരളത്തിലെ പട്ടികജാതി-വർഗ വിദ്യാർഥികൾക്ക് പ്രഫഷണൽ കോഴ്സ് ഉൾപ്പെടെയുള്ള ആനുകൂല്യങ്ങൾ ലഭിക്കാത്തതിൽ പ്രതിഷധിച്ച് 19ന് യൂണിയൻ, ശാഖാ തലങ്ങളിൽ പ്രതിഷേധ സമരം സംഘടിപ്പിക്കുമെന്ന് അഖില കേരള ചേരമർ ഹിന്ദു മഹാസഭ. ഇതേ ആവശ്യമുന്നയിച്ച് സെക്രട്ടേറിയറ്റിന് മുന്നിൽ നിരവധി സമരങ്ങൾ നടത്തിയിട്ടുണ്ട്. പട്ടിക വിഭാഗങ്ങളുടെ ഫണ്ട് തിരിമറി നടത്തി മന്ത്രിമാർക്ക് കാറുകൾ വാങ്ങാനും മറ്റ് ആവശ്യങ്ങൾക്കും വകമാറ്റി ചെലവാക്കിയത് പട്ടികവിഭാഗങ്ങളോടുള്ള അവഗണനയെന്ന് വടക്കൻ മേഖലാ സമ്മേളനം കുറ്റപ്പെടുത്തി. ഏറ്റുമാനൂർ സഹകരണ ബാങ്ക് ഹാളിൽ ചേർന്ന സമ്മേളനം സംസ്ഥാന ജനറൽ സെക്രട്ടറി ഡോ. കല്ലറ പ്രശാന്ത് ഉദ്ഘാടനം ചെയ്തു. പ്രസിഡന്റ് എം.കെ. അപ്പുക്കുട്ടൻ അധ്യക്ഷത വഹിച്ചു. സംസ്ഥാന വൈസ് പ്രസിഡന്റ് തങ്കച്ചൻ മ്യാലിൽ, സെക്രട്ടറി പി.ജി. അശോക് കുമാർ, ട്രഷറർ കെ. കുട്ടപ്പൻ, എക്സിക്യൂട്ടീവ് അംഗളായ ഒ.കെ. സാബു, രാജൻ നാല്പാത്തിമല എന്നിവർ പ്രസംഗിച്ചു. വടക്കൻ മേഖലയുടെ…
Read Moreകടവന്ത്രയില് അച്ഛനെയും മകനെയും മര്ദിച്ച കേസ്; സംഘത്തിലെ ഒരാള്ക്കൂടി അറസ്റ്റില്
കൊച്ചി: കടവന്ത്രയില് അച്ഛനേയും മകനേയും മര്ദിച്ച അയല്വാസികളുടെ സംഘത്തിലെ ഒരാള് അറസ്റ്റില്. കടവന്ത്ര മട്ടമ്മല് സ്വദേശി ഹരികുമാറി(30)നെയാണ് എറണാകുളം സൗത്ത് പോലീസ് അറസ്റ്റ് ചെയ്തത്. ഇയാളുടെ ബന്ധുക്കളായ രണ്ടു പേരെ പിടികൂടുന്നതിനായി പോലീസ് അന്വേഷണം ആരംഭിച്ചു. കഴിഞ്ഞ 12 നായിരുന്നു സംഭവം. പരാതിക്കാരനായ റിട്ട. നേവി ഉദ്യോഗസ്ഥന് അഭിഷേക് ഘോഷ് റോയിയുടെ രണ്ടുമക്കള് വളര്ത്തുനായയുമായി നടക്കാനിറങ്ങിയപ്പോള് പ്രതികളിലൊരാളെ നോക്കി നായ കുരച്ചതിനെ തുടര്ന്ന് തര്ക്കം ഉണ്ടായി. മക്കള് വീട്ടില് അറിയിച്ചതിനെ തുടര്ന്ന് അഭിഷേക് ഘോഷ് അയല്ക്കാരായ ഇവരോട് ഇക്കാര്യം ചോദിക്കാനെത്തിയപ്പോള് ഹരികുമാറും മറ്റു രണ്ടു ബന്ധുക്കളും ചേര്ന്ന് പരാതിക്കാരനെയും മകനെയും മര്ദിക്കുകയായിരുന്നുവെന്ന് പോലീസ് പറഞ്ഞു.
Read Moreപ്രായപൂര്ത്തിയാകാത്ത കുട്ടികളെ 13 വര്ഷം ജയിലിലടച്ച സംഭവം; നഷ്ടപരിഹാരം നല്കുന്നതുമായി ബന്ധപ്പെട്ട വിഷയം ഹൈക്കോടതിയില്
കൊച്ചി: കൊലക്കേസില് പ്രതികളാക്കി പ്രായപൂര്ത്തിയാകാത്ത രണ്ടുപേരെ 13 വര്ഷം ജയിലിലടച്ച സംഭവത്തില് നഷ്ടപരിഹാരം നല്കുന്നതുമായി ബന്ധപ്പെട്ട വിഷയം ഹൈക്കോടതി ഇന്ന് പരിഗണിക്കും. പ്രതികളുടെ ഭരണഘടനാപരവും നിയമപരവുമായ അവകാശങ്ങള് ലംഘിക്കപ്പെട്ടതിനാല് നഷ്ടപരിഹാരം വിധിക്കാവുന്നതാണെന്നാണ് കോടതി നിലപാട്. ഇതിനായി സംസ്ഥാന സര്ക്കാര്, പോലീസ് ഉദ്യോഗസ്ഥര് എന്നിവരുടെ ഭാഗം കേള്ക്കാനായിട്ടാണ് ഹര്ജി ഇന്ന് വീണ്ടും പരിഗണിക്കുന്നത്. 2011ല് ഇടുക്കി ദേവികുളം കുണ്ടല സാന്റോസ് കോളനിയില് താമസിച്ചിരുന്ന തമിഴ്നാട് സ്വദേശി പളനിസ്വാമിയെയും അന്ന് 16ഉം 17ഉം വയസ് മാത്രം പ്രായമുണ്ടായിരുന്ന രണ്ട് ആണ്കുട്ടികളെയുമാണ് അറസ്റ്റ് ചെയ്ത് ജയിലിലാക്കിയത്. പരിശോധന നടത്താതെ ഇരുവര്ക്കും പ്രായത്തിന്റെ ആനുകൂല്യം നിഷേധിച്ച അന്വേഷണ ഉദ്യോഗസ്ഥരായ സിഐമാര്ക്കെതിരേ നടപടിയെടുക്കാനും ജസ്റ്റിസ് രാജ വിജയരാഘവന്, ജസ്റ്റിസ് ജി.ഗിരീഷ് എന്നിവരടങ്ങിയ ഡിവിഷന് ബെഞ്ച് നിര്ദേശിച്ചിട്ടുണ്ട്.
Read Moreപിഎസ്സി അംഗത്വത്തിനു കോഴ, പോലീസ് അന്വേഷണം വരും; വെട്ടിലാകും സിപിഎം നേതൃത്വം; പുറത്താക്കിയ നേതാവ് പരാതി നൽകും
കോഴിക്കോട്: പിഎസ് സി അംഗത്വ നിയമനതിന് സിപിഎം യുവനേതാവ് കോഴ വാങ്ങിയെന്ന ആരോപണം പുതിയ തലത്തിലേക്ക്. സംഭവത്തില് പാര്ട്ടിയില്നിന്നു പുറത്താക്കപ്പെട്ട സിപിഎം ടൗണ് എരിയാകമ്മറ്റി അംഗം പ്രമോദ് കോട്ടൂളി കോഴ ആരോപണം അന്വേഷിക്കണമെന്നാവശ്യപ്പെട്ട്പോലീസില് പരാതി നല്കും. ഇന്ന് ഉച്ചയ്ക്ക് കോഴിക്കോട് കമ്മീഷണര് ഓഫീസില് എത്തി പരാതി നല്കുമെന്നാണ് അറിയിച്ചിരിക്കുന്നത്. ഇതു പാര്ട്ടിക്കു വലിയ വെല്ലുവിളിയാണ് സൃഷ്ടിക്കുക. പാര്ട്ടി ഒതുക്കി തീര്ത്ത പരാതി ഇനി പോലീസ് അന്വേഷിക്കുമ്പോള് പ്രതിക്കൂട്ടിലാകുക പാര്ട്ടി നേതാക്കള് തന്നെയാകുമെന്നാണ് വിവരം. പ്രമോദിനെതിരേ നടപടി വൈകിപ്പിച്ചത് ഇതുകൂടിമുന്നില് മുന്നില് കണ്ടാണ്. എന്നാല് മന്ത്രി പി.എ. മുഹമ്മദ് റിയാസിന്റെയും സംസ്ഥാന നേതൃത്വത്തിന്റെയും കടുത്ത സമ്മര്ദ്ദത്തെതുടര്ന്നാണ് ജില്ലാകമ്മിറ്റി നടപടിയെടുക്കാന് നിര്ബന്ധിതനായത്. അതേസമയം കോഴ ആരോപണത്തില് തന്നെ കുടുക്കുകയായിരുന്നുവെന്നു പ്രമോദ് പറയുന്ന ു. വിഷയത്തില് പാര്ട്ടി തെറ്റിദ്ധരിപ്പിക്കപ്പെട്ടതായും മറ്റുള്ളവര്ക്കു വേണ്ടി താന് രക്തസാക്ഷിയാവുകയാണെന്നുമാണ് പ്രമോദ് കോട്ടൂളി പറയുന്നത്. പാര്ട്ടിയില് തന്നെ…
Read Moreകൊങ്കൺ പാതയിൽ വീണ്ടും മണ്ണിടിച്ചിൽ: കേരളത്തിലേക്കുള്ള അഞ്ച് ട്രെയിനുകൾ വഴി തിരിച്ചുവിട്ടു
കൊല്ലം: കൊങ്കൺ പാതയിൽ രത്നഗിരി മേഖലയിലെ ദിവാൻ ഖവതി – വിൻഹരെ സെക്ഷനിൽ മണ്ണിടിച്ചിൽ ഉണ്ടായതിനെത്തുടർന്ന് കേരളത്തിലേക്കുള്ള അഞ്ച് ട്രെയിനുകൾ വഴി തിരിച്ചു വിട്ടു. ഇന്നലെ വൈകുന്നേരമാണ് മണ്ണിടിച്ചിൽ ഉണ്ടായത്. മൂന്ന് മണിക്കൂറിനുള്ളിൽ ഗതാഗതം പുനഃസ്ഥാപിക്കുമെന്നായിരുന്നു അറിയിപ്പ്. പക്ഷേ ഇക്കാര്യത്തിൽ റെയിൽവേയുടെ ഔദ്യോഗിക അറിയിപ്പ് ഇതുവരെ വന്നിട്ടില്ല. ലോകമാന്യ തിലകിൽ നിന്ന് ഇന്നലെ പുറപ്പെട്ട തിരുവനന്തപുരത്തേക്കുള്ള നേത്രാവതി എക്സ്പ്രസ് കല്യാൺ, ലോണാവാല, ഗുണ്ടക്കൽ, റെനിഗുണ്ട , ജോലാർപ്പേട്ട്, ‘പാലക്കാട്, ഷൊർണൂർ വഴിയാണ് എത്തുക. ഹസ്രത് നിസാമുദീൻ – തിരുവനന്തപുരം 12432 രാജധാനി എക്സ്പ്രസ് പൻവേൽ, ‘ലോണാവാല, ദൗണ്ട് ജംഗ്ഷൻ വഴിയാണ് തിരിച്ചു വിട്ടിട്ടുള്ളത്. ഈ വണ്ടി വാടി, ഗുണ്ടക്കൽ, റെനിഗുണ്ട , ജോലാർപേട്ട, പാലക്കാട്, ഷൊർണൂർ വഴി തിരുവനന്തപുരത്ത് എത്തും. 12618 ഹസ്രത്ത് നിസാമുദീൻ – എറണാകുളം എക്സ്പ്രസ് ഭുസാവൽ ജംഗ്ഷൻ വഴിയാണ് തിരിച്ച് വിട്ടിട്ടുള്ളത്. മൻമദ്…
Read Moreആരോടു പറയും… ആരു നല്കും; പത്തനംതിട്ടയിലെ സര്ക്കാര് സ്ഥാപനങ്ങളുടെ വൈദ്യുതിബിൽ കുടിശിക 20 കോടി
പത്തനംതിട്ട: ജില്ലയില് സര്ക്കാര് സ്ഥാപനങ്ങള് വരുത്തിയ വൈദ്യുതബിൽ കുടിശിക 20 കോടി രൂപ കടന്നു. മാസങ്ങളായി ഒരു രൂപപോലും വൈദ്യുതബില്ല് അടയ്ക്കാത്ത നിരവധി സര്ക്കാര് സ്ഥാപനങ്ങളുണ്ട്. പോലീസ്, വില്ലേജ് ഓഫീസുകള്, പഞ്ചായത്ത് ഓഫീസുകള്, ആശുപത്രികള്, ജലഅഥോറിറ്റി തുടങ്ങിയവയാണ് പ്രധാനമായും കുടിശിക വരുത്തിയിരിക്കുന്നത്. സര്ക്കാരിന്റെ അവശ്യസേവന വിഭാഗമെന്ന ഒറ്റ പരിഗണനയിലാണ് കെഎസ്ഇബി ഈ സ്ഥാപനങ്ങളുടെ ഫ്യൂസ് ഊരാതിരിക്കുന്നത്. സര്ക്കാര് ഗ്രാന്റ് ലഭിച്ചാലും വൈദ്യുതിബിൽ അടയ്ക്കാത്തത് പോലീസ് വകുപ്പാണെന്ന് പറയുന്നു. 2.3 കോടി രൂപ കുടിശികയുണ്ട്. എന്നാല് വിവിധ ആവശ്യങ്ങള്ക്കു വരുന്നപണം തികയാറില്ലെന്നാണ് വകുപ്പിന്റെ വിശദീകരണം. ജനറല് ആശുപത്രിയും ആരോഗ്യവകുപ്പും പോലീസും കഴിഞ്ഞാല് മറ്റ് സര്ക്കാര് ഓഫീസുകള് എല്ലാംകൂടി 4.5 കോടി രൂപയാണ് കുടിശികയായി നല്കാനുള്ളത്. കുടിശികയില് അല്പമെങ്കിലും പിന്നിലുള്ളത് വില്ലേജ്, പഞ്ചായത്ത് ഓഫീസുകളാണ്. ഈ ഓഫീസുകള്ക്ക് രണ്ടു മാസത്തിലധികം കുടിശിക ഉണ്ടാകാറില്ല. ജല അഥോറിറ്റി നല്കേണ്ടത് ഒമ്പതു കോടിവൈദ്യുതി…
Read More