കോഴിക്കോട്: പിഎസ് സി അംഗത്വം വാഗ്ദാനം ചെയ്ത് സിപിഎം നേതാവ് 22 ലക്ഷം രൂപ കോഴ വാങ്ങിയ സംഭവം 13ന് ചേരുന്ന സിപിഎം കോഴിക്കോട് ജില്ലാ കമ്മിറ്റി യോഗം ചര്ച്ച ചെയ്യും. ഇന്നലെ ചേര്ന്ന ജില്ലാ സെക്രട്ടേറിയറ്റ് യോഗം ആരോപണ വിധേയനായ ടൗണ് എരിയാകമ്മിറ്റി അംഗവും സിഐടിയു ജില്ലാ സെക്രട്ടറിയുമായ പ്രമോദ് കോട്ടൂളിയോട് വിശദീകരണം തേടാന് തീരുമാനിച്ചിട്ടുണ്ട്. ജില്ലാ കമ്മിറ്റിയോഗം പ്രമോദിന്റെ വിശദീകരണം ചര്ച്ച ചെയ്യും. സ്ഥാനങ്ങളില്നിന്ന് നീക്കം ചെയ്യുന്നതിനപ്പുറത്തേക്കുള്ള കടുത്ത നടപടികള് ഉണ്ടാകുമെന്നാണ് സൂചന. കോഴ വാങ്ങിയ സംഭവത്തില് കര്ശന നടപടിവേണമെന്ന് സംസ്ഥാന നേതൃത്വം നിര്ദേശിച്ചിട്ടുണ്ട്. പ്രതിപക്ഷം നിയമസഭയിലും പുറത്തും സിപിഎമ്മിനെതിരേ ആഞ്ഞടിക്കാനുള്ള ആയുധമായി കോഴ വിവാദം ഉയര്ത്തിക്കൊണ്ടുവന്ന സാഹചര്യത്തില് മുഖം രക്ഷിക്കാനുള്ള വഴി തേടുകയാണ് പാര്ട്ടി. കോഴ ആരോപണം സംബന്ധിച്ച് സിപിഎം സംസ്ഥാന നേതൃത്വം കഴിഞ്ഞ ദിവസം കോഴിക്കോട് ജില്ലാ കമ്മിറ്റിയോട് വിശദീകരണം തേടിയിരുന്നു.…
Read MoreCategory: Edition News
“ഇങ്ങനെ പോയാൽ ബംഗാളിലേക്ക് ദൂരം കുറയും’; വിമർശനങ്ങൾ ചൊരിഞ്ഞ് സിപിഐ സംസ്ഥാന കൗൺസിൽ
തിരുവനന്തപുരം: ലോക്സഭാ തെരഞ്ഞെടുപ്പിൽ ഇടതുമുന്നണിക്കേറ്റ കനത്ത ആഘാതത്തിന്റെ അലയൊലികൾ വിമർശനങ്ങളും ആവശ്യങ്ങളുമായി സിപിഐ സംസ്ഥാന കൗൺസിലിൽ തുടരുന്നു. ഇടതുമുന്നണി കൺവീനറെന്ന നിലയിൽ ഇ.പി. ജയരാജനെയും പേറി ഈ മുന്നണി മുന്നോട്ട് പോകുന്നത് രാഷ്ട്രീയമായി ഭൂഷണമല്ലെന്നും സര്ക്കാരും മുന്നണിയുമെല്ലാം ഒരാളിലേക്ക് ചുരുങ്ങിയതിന്റെ അപകടമാണ് ലോക്സഭാ തെരഞ്ഞെടുപ്പില് സംഭവിച്ചതെന്നുമാണ് സിപിഐ സംസ്ഥാന കൗണ്സിലില് കഴിഞ്ഞ ദിവസം വിമര്ശനം ഉയര്ന്നത്. ഇങ്ങനെ പോയാല് ബംഗാളിലേക്ക് ദൂരം കുറയുമെന്നാണ് അഭിപ്രായം ഉയര്ന്നത്.അതേസമയം നിരവധി ആവശ്യങ്ങളും യോഗത്തിൽ ഉയർന്നു. സംസ്ഥാന എക്സിക്യൂട്ടീവ് പുനഃസംഘടിപ്പിക്കണം, മന്ത്രിമാരെ സംഘടനാ ചുമതലയിൽനിന്ന് ഒഴിവാക്കണം, തൃശൂര് മേയര് എം.കെ.വര്ഗീസിനെ മാറ്റാൻ മുന്നണി നേതൃത്വത്തിനു കത്ത് നൽകണം എന്നീ ആവശ്യങ്ങളാണ് കൗൺസിലിൽ ഉയർന്നത്. പാർട്ടിയിലെ മന്ത്രിമാർ എക്സിക്യൂട്ടീവിൽ നിന്ന് മാറണം. സംഘടനാ പ്രവർത്തനവും ഭരണവും ഒരുമിച്ച് നടക്കില്ലെന്നും അംഗങ്ങൾ ചൂണ്ടിക്കാട്ടി. തെരഞ്ഞടുപ്പ് അവലോകന റിപ്പോർട്ട് തയാറാക്കുന്നതിൽ വീഴ്ച വന്നുവെന്നും വിമർശനമുയര്ന്നു. ഇ.പി.…
Read Moreവാടക വീടെടുത്ത് മയക്കുമരുന്ന് കച്ചവടം; യുവാക്കൾ എക്സൈസ് പിടിയിൽ
അടിമാലി: വാടകവീടെടുത്ത് മയക്കുമരുന്നുകച്ചവടം നടത്തിയ അഞ്ച് യുവാക്കൾ അറസ്റ്റിൽ. നാർക്കോട്ടിക് എൻഫോഴ്സ്മെന്റ് സ്ക്വാഡിലെ സർക്കിൾ ഇൻസ്പെക്ടർ കെ.രാജേന്ദ്രനും പാർട്ടിയും ചേർന്ന് രാജകുമാരി ഭാഗത്ത് നടത്തിയ പരിശോധനയിലാണ് 10 ഗ്രാമിൽ അധികം മെത്താംഫിറ്റാമിനും 17.3 ഗ്രാം ഹാശിഷ് ഓയിലുമായി 5 യുവാക്കളെ അറസ്റ്റ് ചെയ്തത്. ഇവർക്ക് വീട് വാടകയ്ക്കെടുത്ത് മയക്കുമരുന്ന് എത്തിച്ചു കൊടുത്ത കൂട്ടുപ്രതിയായ രാജകുമാരി കളച്ചിറ സ്വദേശി അനന്തു പി.ആർ എന്നയാൾക്കുള്ള തെരച്ചിൽ ശക്തമാക്കി.കൊച്ചി സ്വദേശികളായ പുതിയനികത്തിൽ വീട്ടിൽ അജിത്ത് ബാബു(25), കൈതവളപ്പിൽ ജോൺസൻ മകൻ ജോമോൻ കെ ജെ (24), തിട്ടേത്തറ വീട്ടിൽ ഷാജി മകൻ ആശിഷ് റ്റി എസ്സ് (22) , കാരോത്ത് വീട്ടിൽ പ്രദീപ് മകൻ അഖിൽ പ്രദീപ് (26), കല്ലുമഠത്തിൽ വീട്ടിൽ ആന്റണി രാജു മകൻ ആശിഷ് കെ എ (27)എന്നിവരെയാണ് അറസ്റ്റ് ചെയ്തത്. അനന്തു എത്തിച്ചു കൊടുക്കുന്ന മയക്കുമരുന്ന്…
Read Moreമൂന്നുവയസുകാരിയുടെ അന്നനാളത്തിൽ കുടുങ്ങിയ നാണയം പുറത്തെടുത്തു; കുട്ടി സുഖമായിരിക്കുന്നെന്ന് ഡോക്ടർമാർ
തൊടുപുഴ: മൂന്നു വയസുകാരിയുടെ അന്നനാളത്തിൽ കുടുങ്ങിയ നാണയം സ്മിത മെമ്മോറിയൽ ആശുപത്രിയിൽ നടത്തിയ ശസ്ത്രക്രിയയിലൂടെ പുറത്തെടുത്തു. മൂവാറ്റുപുഴ സ്വദേശിനിയായ മൂന്നുവയസുകാരിയെ വയറുവേദനയും ശ്വാസംമുട്ടലും അനുഭവപ്പെട്ടതിനെത്തുടർന്നാണ് ആശുപത്രിയിൽ എത്തിച്ചത്. തുടർന്നു നടത്തിയ വിശദ പരിശോധനയിലാണ് രണ്ടര സെന്റിമീറ്റർ വലിപ്പമുള്ള നാണയം അന്നനാളത്തിൽ കുടുങ്ങിയതായി കണ്ടെത്തിയത്. എൻഡോസ്കോപ്പിയിലൂടെ അന്നനാളത്തിൽ കുടുങ്ങിയ ഒരു രൂപ നാണയം പുറത്തെടുത്തു. ഗാസ്ട്രോ എന്ററോളജി വിഭാഗത്തിലെ ഡോ. ബോണി ജോർജ്, അനസ്തേഷ്യ വിഭാഗത്തിലെ ഡോ. ആനന്ദ് മാത്യു മാമ്മൻ, എൻഡസ്കോപ്പി ടെക്നീഷൻ ഡി. ബൈജു, അനസ്തേഷ്യ ടെക്നീഷൻ വിഷ്ണു എന്നിവരുടെ നേതൃത്വത്തിലാണ് അന്നനാളത്തിൽനിന്നു നാണയം പുറത്തെടുത്തത്. കുട്ടി സുഖം പ്രാപിച്ചതായി ആശുപത്രി അധികൃതർ അറിയിച്ചു.
Read Moreവാഹന പരിശോധനയ്ക്കിടെ എൻഫോഴ്സ്മെന്റ് സ്ക്വാഡിന്റെ വാഹനം ഇടിച്ചുതെറിപ്പിച്ചു; 2 പേർക്കെതിരേ കേസ്
കണ്ണൂർ: വാഹന പരിശോധനയ്ക്കിടെ എൻഫോഴ്സ്മെന്റ് സ്ക്വാഡിന്റെ വാഹനം ഇടിച്ചുതെറിപ്പിച്ച് കടന്നുപോയ സംഭവത്തിൽ വാഹനത്തെയും ഡ്രൈവറെയും കസ്റ്റഡിയിലെടുത്തു. ചക്കരക്കൽ പോലീസ് സ്റ്റേഷൻ പരിധിയിലെ കോമത്ത്കുന്നിൽ ഇന്നലെ വൈകുന്നേരം അഞ്ചോടെയായിരുന്നു സംഭവം. കണ്ണൂർ എൻഫോഴ്സമെന്റ് സ്ക്വാഡ് വാഹന പരിശോധന നടത്തുന്നതിനിടെയാണ് മാരുതി എസ് ക്രോസ് കാർ എത്തിയത്.എൻഫോഴ്സ്മെന്റ് സ്ക്വാഡ് കൈകാണിച്ചപ്പോൾ വാഹനം നിർത്താതെ സ്ക്വാഡിന്റെ വാഹനത്തിൽ ഇടിച്ചശേഷം കടന്നുകളയുകയായിരുന്നു. തുടർന്ന് സ്ക്വാഡ് ചക്കരക്കൽ പോലീസിൽ വിവരം അറിയിച്ചു. വാഹനത്തിന്റെ ഉടമ കീഴ്മാടം സ്വദേശി റാഷിദിനെതിരേയും വാഹനം ഓടിച്ച ഡ്രൈവർക്കെതിരേയും കേസെടുത്തിട്ടുണ്ട്. വാഹനത്തിന് ഇൻഷ്വറൻസ് ഇല്ലായിരുന്നുവെന്ന് എൻഫോഴ്സമെന്റ് സ്ക്വാഡ് അറിയിച്ചു.
Read Moreപടയപ്പ വീണ്ടും ജനവാസ മേഖലയില്; കൃഷികൾ വ്യാപകമായി നശിപ്പിച്ചു; ആനയെതുരത്താൻ ആർആർടിസംഘം
ഇടുക്കി: കാട്ടുകൊമ്പന് പടയപ്പ വീണ്ടും ജനവാസ മേഖലയില്. മൂന്നാര് ചെണ്ടുവരൈ എസ്റ്റേറ്റില് തൊഴിലാളികള് താമസിക്കുന്ന ലയങ്ങള്ക്കടുത്താണ് കാട്ടാന ഇറങ്ങിയത്. ഇവിടെ കൃഷി ചെയ്തിരുന്ന വാഴകളും മറ്റ് കൃഷികളും ആന വ്യാപകമായി നശിപ്പിച്ചു. ഏതാനും ദിവസങ്ങളായി ചെണ്ടുവരൈ മേഖലയില് പടയപ്പയുടെ സാന്നിധ്യമുണ്ട്. വിവരമറിഞ്ഞ് ആനയെ കാട്ടിലേയ്ക്കു തുരത്താന് ആര്ആര്ടി സംഘം സ്ഥലത്തെത്തിയിട്ടുണ്ട്. കഴിഞ്ഞ ഏതാനും ദിവസങ്ങളിലായി തലയാര്, വാഗുവാര, മറയൂര് എന്നിവടങ്ങളില് ചുറ്റിത്തിരിഞ്ഞ പടയപ്പ വീണ്ടും എത്തിയതോടെ മൂന്നാറിലെ എസ്റ്റേറ്റുകളില് ജനവാസ മേഖലകളില് താമസിക്കുന്ന തൊഴിലാളികള് ജാഗ്രതയോടെയാണ് യാത്ര.
Read Moreകണ്ണൂരിൽ ഓൺലൈൻ തട്ടിപ്പുസംഘംകവർന്നത് 7.2 കോടി രൂപ; പൊതുജനങ്ങള് ജാഗ്രത പാലിക്കണമെന്ന് പോലീസ് മേധാവി എം. ഹേമലത
തളിപ്പറന്പ്: കണ്ണൂര് റൂറൽ ജില്ലയിൽ സമീപകാലത്തായി ഓൺലൈൻ തട്ടിപ്പുസംഘം കവർന്നത് 7.2 കോടിയോളം രൂപയെന്ന് കണ്ണൂർ റൂറൽ ജില്ലാ പോലീസ് മേധാവി എം. ഹേമലത. ഓൺലൈൻ ട്രേഡിംഗിലൂടെയും നിക്ഷേപത്തിലൂടെയും ലക്ഷങ്ങൾ ലാഭമുണ്ടാക്കാമെന്നു പറഞ്ഞ് 2.5 കോടി രൂപയും വ്യാജ അന്വേഷണസംഘം ചമഞ്ഞ് 13.75 ലക്ഷം രൂപയുമാണ് തട്ടിയത്. ഓൺലൈൻ ട്രേഡിംഗിലൂടെയും നിക്ഷേപത്തിലൂടെയും ലക്ഷങ്ങൾ ലാഭമുണ്ടാക്കാമെന്നു പറഞ്ഞ് തളിപ്പറമ്പ് സ്വദേശിയില്നിന്ന് 64 ലക്ഷം രൂപയും ഓണ്ലൈന് ജോലി വാഗ്ദാനം ചെയ്ത് തളിപ്പറമ്പ് സ്വദേശിയില്നിന്ന് 32 ലക്ഷം രൂപയും ആമസോണ് ഓണ്ലൈന് ഷോപ്പിംഗ് ആപ്പില് പ്രോഡക്ട് കാര്ട്ട് ചെയ്താല് പണം ലഭിക്കുമെന്നു പറഞ്ഞ് മാട്ടൂല് സ്വദേശിയില്നിന്ന് 16 ലക്ഷം രൂപയുമാണ് തട്ടിയത്. മുംബൈ പോലീസ് സ്റ്റേഷനിൽ രജിസ്റ്റർ ചെയ്ത കേസിൽ സുപ്രീംകോടതി വാറണ്ടുണ്ടെന്ന് പറഞ്ഞ് പയ്യന്നൂരിലെ ഡോക്ടറില്നിന്നു പത്ത് ലക്ഷം രൂപ തട്ടി. ഉയർന്ന ഉദ്യോഗസ്ഥന്റെ യൂണിഫോം ധരിച്ച് വാട്സാപ്പിലൂടെയാണ്…
Read Moreഅഞ്ചലില് വിദ്യാര്ഥിക്ക് സഹപാഠികളുടെ ക്രൂരമര്ദനം; പോലീസിൽ പരാതി നൽകി വീട്ടുകാർ
അഞ്ചല് : അഞ്ചലില് പ്ലസ് വണ് വിദ്യാര്ഥിക്ക് സഹപാഠികളുടെ ക്രൂര മര്ദനം. കഴിഞ്ഞ ദിവസം വൈകിട്ടോടെയാണ് സംഭവം. അഞ്ചല് വെസ്റ്റ് സര്ക്കാര് ഹയര്സെക്കന്ഡറി സ്കൂളിലെ വിദ്യാര്ഥിയായ 17കാരനാണ് സഹപാഠികളുടെ മര്ദനത്തില് പരിക്കേറ്റത്. സ്കൂള് വിട്ടു വരവേ ഒപ്പം പഠിക്കുന്ന മൂന്ന് കുട്ടികള് സംഘം ചേര്ന്ന് ചന്തമുക്കിന് സമീപം വച്ച് ക്രൂരമായി മര്ദിക്കുകയായിരുന്നു. ക്രൂര മര്ദനത്തിന്റെ ദൃശ്യങ്ങള് വിദ്യാര്ഥികളില് ചിലര് തന്നെ മൊബൈല് ഫോണില് ചിത്രീകരിക്കുകയും ചെയ്തു. ഇതുപിന്നീട് സോഷ്യല് മീഡിയ വഴി പ്രചരിക്കുകയായിരുന്നു. ക്രൂരമായി മര്ദനമേറ്റ വിദ്യാർഥി വീട്ടില് എത്തിയെങ്കിലും മാതാപിതാക്കളോട് വിവരം പറഞ്ഞിരുന്നില്ല. പിന്നീട് കുട്ടി പുറത്തിറങ്ങാതെ റൂമില് തന്നെ ഇരുന്നതോടെ വീട്ടുകാര് എത്തി വിവരങ്ങള് തിരക്കുകയായിരുന്നു. ഇതോടെയാണ് മര്ദന വിവരം പുറത്തറിയുകയും ചെയ്തത്. ഉടന്തന്നെ വിദ്യാർഥിയെ അഞ്ചലിലെ സ്വകാര്യാശുപത്രിയില് എത്തിച്ചു ചികിത്സ നല്കി. അഞ്ചല് പോലീസില് മാതാപിതാക്കള് പരാതി നല്കിയിട്ടുണ്ട്. സ്കൂള് അധികൃതര്ക്കും പരാതി…
Read Moreസിപിഎം പ്രവർത്തകൻ ദളിത് പെൺകുട്ടിയെ മർദിച്ചസംഭവം; സാക്ഷര കേരളത്തിന് അപമാനമെന്ന് കൊടിക്കുന്നിൽ സുരേഷ് എംപി
ചെങ്ങന്നൂർ: ചേർത്തലയിൽ പത്തൊൻപതുകാരിയായ ദളിത് പെൺകുട്ടി പട്ടാപ്പകൽ നടുറോഡിൽ മർദനേമേറ്റ സംഭവം സാക്ഷര കേരളത്തിന് അപമാനമാണെന്ന് കൊടിക്കുന്നിൽ സുരേഷ് എംപി. ചേർത്തല താലൂക്കിൽ തൈക്കാട്ടുശേരി പഞ്ചായത്തിലെ മണിയാതൃക്കൽ ജംഗ്ഷനു സമീപം അഞ്ചുപുരയ്ക്കൽ താമസിക്കുന്ന ദളിത് വിദ്യാർഥിനിയായ നിലാവിനെ (19) സിപിഎം പ്രവർത്തകനായ ഷൈജുവും സഹോദരനും ചേർന്ന് കഴിഞ്ഞദിവസം പട്ടാപ്പകൽ നടുറോഡിൽ ക്രൂരമായി മർദിക്കുകയായിരുന്നു. കുറ്റവാളികളെ എത്രയും വേഗം അറസ്റ്റ് ചെയ്ത് നിയമത്തിനുമുൻപിൽ കൊണ്ടുവരണമെന്നും നിലാവിന്റെ സഹോദരങ്ങളായ ആര്യാനിധി, ദയാനിധി എന്നിവരെ ഷൈജു നേരത്തേ മർദിച്ചതിന് പൂച്ചാക്കൽ പോലീസ് സ്റ്റേഷനിൽ പരാതി നൽകിയതിലുള്ള വിരോധമാണ് മർദനത്തിനു കാരണമെന്നും ഇത്തരത്തിലുള്ള സംഭവങ്ങൾ ആവർത്തിക്കാൻ പാടില്ലെന്നും കൊടിക്കുന്നിൽ കൂട്ടിച്ചേർത്തു. മഹിളാ കോണ്ഗ്രസ് പ്രതിഷേധിച്ചു പൂച്ചാക്കല്: പോലീസ് സ്റ്റേഷനില് പരാതി നല്കാനെത്തിയ പെണ്കുട്ടിക്കു നേരിട്ട അവഗണനയിലും പിന്നീട് നടുറോഡില് പരസ്യമായി നേരിട്ട ക്രൂര മര്ദനങ്ങളിലെ പോലീസ് നിഷ്ക്രിയത്വത്തിലും മഹിളാ കോണ്ഗ്രസ് ആലപ്പുഴ ജില്ലാ…
Read Moreനെഹ്റു ട്രോഫിയില് മുത്തമിടാന് തയാറെടുത്ത് ചങ്ങനാശേരി ബോട്ട് ക്ലബ്; കൈക്കരുത്ത് തെളിയിക്കാന് വലിയ ദിവാന്ജി ഇറങ്ങും
ചങ്ങനാശേരി: ജലമാമാങ്കമായ നെഹ്റു ട്രോഫിയില് മുത്തമിടാനൊരുങ്ങി അഞ്ചുവിളക്കിന്റെ നാട്. ഓഗസ്റ്റ് പത്തിനു പുന്നമടക്കായലിന്റെ ഓളപ്പരപ്പില് അരങ്ങേറുന്ന 70-ാമത് നെഹ്റുട്രോഫിയില് മാറ്റുരയ്ക്കാനാണ് ചങ്ങനാശേരി ബോട്ട് ക്ലബിന്റെ (സിബിസി) പേരില് തകൃതിയായ ഒരുക്കങ്ങള് ആരംഭിച്ചത്. ആയാപറമ്പ് എന്എസ്എസ് കരയോഗത്തിന്റെ ഉടമസ്ഥതയിലുള്ള വലിയ ദിവാന്ജി എന്ന പ്രസിദ്ധമായ ചുണ്ടന്വള്ളത്തിലാണ് സിബിസി ജലമാമാങ്കത്തില് കൈക്കരുത്ത് തെളിയിക്കുന്നത്. സിബിസി ഭാരവാഹികള് എന്എസ്എസ് കരയോഗവുമായി എഗ്രിമെന്റില് ഒപ്പുവച്ചു. ചങ്ങനാശേരി റേഡിയോ മീഡിയാ വില്ലേജാണ് മുഖ്യസംഘാടകര്. ഇക്കഴിഞ്ഞ ചമ്പക്കുളം മൂലം വള്ളംകളിയില് ആലപ്പുഴ വില്ലേജ് ക്ലബ് തുഴഞ്ഞ വലിയദിവാന്ജി ട്രോഫി സ്വന്തമാക്കിയിരുന്നു. 101 തുഴച്ചില്ക്കാരെയും അഞ്ച് പങ്കായക്കാരെയും പത്ത് നിലക്കാരെയും ചുണ്ടന്വള്ളത്തില് അണിനിരത്തും. ഇവര് കിടങ്ങറ പള്ളി ഓഡിറ്റോറിയത്തില് പത്തുദിവസം ക്യാമ്പ് ചെയ്ത് പുളിങ്കുന്ന് ആറ്റിൽ പരിശീലനം നടത്തും. ജോബ് മൈക്കിള് എംഎല്എ രക്ഷാധികാരിയും മുന് പോലീസ് എഐജി ജേക്കബ് ജോബ് (പ്രസിഡന്റ്), വിനു ജോബ് (സെക്രട്ടറി),…
Read More