കോട്ടയം: ആകാശപാതയില് കോണ്ഗ്രസും സിപിഎമ്മും നേര്ക്കുനേര് പോര്മുഖം തുറന്നു. ആകാശപാതയുടെ നിര്മാണം സംസ്ഥാന സര്ക്കാര് ഇടപെട്ട് ഉടന് പൂര്ത്തിയാക്കണമെന്നാവശ്യപ്പെട്ട് കോണ്ഗ്രസ് കോട്ടയം ഈസ്റ്റ്, വെസ്റ്റ് ബ്ലോക്ക് കമ്മിറ്റികളുടെ ആഭിമുഖ്യത്തില് ശീമാട്ടി റൗണ്ടാനയ്ക്കുസമീപം തിരുവഞ്ചൂര് രാധാകൃഷ്ണന് എംഎല്എയുടെ നേതൃത്വത്തില് ഉപവാസ സമരം ആരംഭിച്ചു. കോണ്ഗ്രസ് പ്രവര്ത്തക സമിതിയംഗം രമേശ് ചെന്നിത്തല ഉപവാസ സമരം ഉദ്ഘാടനം ചെയ്തു. കേരള കോണ്ഗ്രസ് ചെയര്മാന് പി. ജെ. ജോസഫ് എംഎല്എ, ഫ്രാന്സിസ് ജോര്ജ് എംപി, എംഎല്എമാരായ മാണി സി. കാപ്പന്, മോന്സ് ജോസഫ് എന്നിവര് ഉപവാസ സമരത്തെ അഭിസംബോധ ചെയ്തു പ്രസംഗിച്ചു. വൈകുന്നേരം ആറിനു നടക്കുന്ന സമാപന സമ്മേളത്തില് ആന്റോ ആന്റണി എംപി, ചാണ്ടി ഉമ്മന് എംഎല്എ തുടങ്ങിയവര് പങ്കെടുക്കും. ഉപവാസ സമരത്തിനിടിയില് തന്നെ സുരക്ഷാ ഭീഷണിയുയര്ത്തി നില്ക്കുന്ന ആകാശപ്പാതയുടെ അസ്ഥികൂടത്തിലേക്ക് സിപിഎം കോട്ടയം ഏരിയ കമ്മിറ്റിയുടെ നേതൃത്വത്തില് ജനകീയ മാര്ച്ച് നടത്തും.…
Read MoreCategory: Edition News
ആകാശപാത എന്നുമുണരുമിടമായോ; ആകാശപാതയ്ക്ക് ചുവട്ടില് പടവലത്തൈ നട്ട് യൂത്ത് ഫ്രണ്ട് -എം പ്രതിഷേധം
കോട്ടയം: വിവാദ ആകാശപാതയ്ക്ക് ചുവട്ടില് പടവലത്തെ നട്ട് യൂത്ത് ഫ്രണ്ട് എം പ്രവര്ത്തകര് പ്രതിഷേധിച്ചു. ഇരുമ്പ് പടവലപ്പന്തല് പോലെയാണ് നഗര ഹൃദയത്തില് ഈ നിര്മിതി ഇപ്പോള് നിലകൊള്ളുന്നതെന്ന് ആക്ഷേപിച്ചാണ് പടവലത്തെ നട്ടത്. നിയമപരമായും സാങ്കേതികമായും ഒരു കാരണവശാലും പണിപൂര്ത്തിയാക്കാന് സാധിക്കാത്ത കോട്ടയം പട്ടണത്തിലെ ആകാശപാത അപകടപാതയായി മാറിയിരിക്കുന്ന പശ്ചാത്തലത്തില് അത് എത്രയും വേഗം പൊളിച്ചു നീക്കണമെന്ന് കേരള കോണ്ഗ്രസ് എം കോട്ടയം ജില്ലാ പ്രസിഡണ്ട് പ്രഫ. ലോപ്പസ് മാത്യു ആവശ്യപ്പെട്ടു. യൂത്ത് ഫ്രണ്ട് എം ജില്ലാ പ്രസിഡന്റ് ചാക്കോയുടെ നേതൃത്വത്തില് സാജന് തൊടുക, മാലേത്ത് പ്രതാപചന്ദ്രന്, ബിറ്റു വൃന്ദാവന്, റോണി വലിയപറമ്പില്, ചാര്ളി ഐസക്, സുനില് പയ്യപ്പള്ളി, മിഥിലാജ് മുഹമ്മദ്, റെനീഷ് കാരിമറ്റം, ജോ ജോസേഫ്, പിക്കു ഫിലിപ്പ് മാത്യു, രൂപേഷ് എബ്രഹാം, ജീന്സ് കുര്യന്, ബിബിന് വെട്ടിയാനി, തോമസ്കുട്ടി വരിക്കയില്, ഷാനോ വൈക്കം, ലിജുമോന് ജോസഫ്,…
Read Moreവിലക്കയറ്റം; വ്യാപാര സ്ഥാപനങ്ങളിൽ പരിശോധന നടത്തി; വിലവിവര പട്ടിക ഇല്ലാത്ത കടകൾക്ക് താക്കീത് നൽകി
ചേർത്തല: അമിത വിലക്കയറ്റത്തെ തുടർന്ന് ചേർത്തല മുട്ടം മാർക്കറ്റിലെ വ്യാപാര സ്ഥാപനങ്ങളിൽ പരിശോധന നടത്തി. സിവിൽ സപ്ലൈസ്, ലീഗൽ മെട്രോളജി, ഫുഡ് ആന്റ് സേഫ്ടി വകുപ്പ് ഉദ്യോഗസ്ഥരുടെ നേതൃത്വത്തില് സംയുക്തമായാണ് നഗരത്തിൽ പരിശോധന നടത്തിയത്. ചേർത്തല മുട്ടം മാർക്കറ്റിലെയും വടക്കേ അങ്ങാടിയിലുമുള്ള ഹോട്ടൽ, സൂപ്പർ മാർക്കറ്റ്, പഴം-പച്ചക്കറി, വിവിധ സ്റ്റോറുകൾ തുടങ്ങി 22 സ്ഥാപനങ്ങളിലാണ് പരിശോധ നടത്തിയത്. വിലവിവര പട്ടിക ഇല്ലാത്ത കടകൾക്ക് താക്കീത് നൽകി. അടുത്ത ദിവസങ്ങളിലും പരിശോധനകൾ ഉണ്ടാവുമെന്നും ഉദ്യോഗസ്ഥർ പറഞ്ഞു. പരിശോധനയിൽ ചേർത്തല താലൂക്ക് സപ്ലൈ ഓഫീസർ വി.സുരേഷ്, ഫുഡ് ആന്റ് സേഫ്റ്റി ഓഫീസർ കൃഷ്ണപ്രിയ, ലീഗൽ മെട്രോളജി ഇൻസ്പെക്ടർ മഹേഷ് ബാബു, ഇൻസ്പെക്ടിംഗ് അസിസ്റ്റന്റ് അജി, റേഷനിംഗ് ഇൻസ്പെക്ടർമാരായ ബിജില കുമാരി, ജിനി, കെ.ജി ശാന്ത എന്നിവര് പങ്കെടുത്തു.
Read Moreവെട്ടിലായി സിപിഎം; കാപ്പ ചുമത്തിയ ആള്ക്കും പാര്ട്ടി അംഗത്വം
പത്തനംതിട്ട: ക്രിമിനല് കേസുകളിലെ പ്രതിയെ പാര്ട്ടി അംഗത്വം നല്കി സ്വീകരിച്ച് സിപിഎം വെട്ടിലായി. കാപ്പ ചുമത്തി ജയിലില് അടച്ചിരുന്ന മലയാലപ്പുഴ സ്വദേശി ശരണ് ചന്ദ്രന് ജാമ്യത്തിലിറങ്ങിയതിനു പിന്നാലെയാണ് ഇന്നലെ സിപിഎം സമ്മേളനവേദിയില് പാര്ട്ടി അംഗത്വം സ്വീകരിച്ചത്. സിപിഎം ജില്ലാ സെക്രട്ടറി കെ.പി. ഉദയഭാനുവിന്റെയും മന്ത്രി വീണാ ജോര്ജിന്റെയും നേതൃത്വത്തില് നടന്ന യോഗത്തിലാണ് ശരണ് ചന്ദ്രനും പാര്ട്ടി അംഗത്വം സ്വീകരിച്ചത്. കഴിഞ്ഞ വര്ഷം ശരണ് ചന്ദ്രനെതിരേ കാപ്പ ചുമത്തിയിരുന്നു. എന്നാല്, നാടു കടത്തിയില്ല. പകരം കാപ്പ 15(3) പ്രകാരം താക്കീത് നല്കി വിട്ടു. ഇനി കുറ്റകൃത്യത്തില് ഉള്പ്പെട്ടാല് നാടു കടത്തുമെന്നായിരുന്നു താക്കീത്. അതിനുശേഷം പത്തനംതിട്ട സ്റ്റേഷനിലെ ഒരു 308 കേസില് ഇയാള് പ്രതിയായി. ഇതോടെ കാപ്പ ലംഘിച്ചുവെന്ന പേരില് മലയാലപ്പുഴ പോലീസ് കേസെടുത്ത് അറസ്റ്റ് ചെയ്തു. കോടതിയില് ഹാജരാക്കിയെങ്കിലും ജാമ്യം അനുവദിച്ചു. ജാമ്യം ലഭിച്ചു പുറത്തിറങ്ങിയ ശരണിനെ കോടതിക്ക്…
Read Moreകാക്കിയുടെ ബലവും, സാധാരണക്കാരന്റെ പുറവും; യുവാവിനെ മർദിച്ച പോലീസുകാർക്കെതിരേ അച്ചടക്ക നടപടിക്കു നിർദേശം
അന്പലപ്പുഴ; പോലീസിന് എന്തും ചെയ്യാമെന്ന് കരുതിയാല് നിയന്ത്രിക്കാന് നിയമങ്ങള് ഉണ്ടെന്നുള്ളതാണ് കഴിഞ്ഞ ദിവസത്തെ പോലീസ് കംപ്ലൈന്റ് അഥോറിറ്റിയുടെ വിധി സൂചിപ്പിക്കുന്നത്. കാക്കിയുടെ ബലത്തില് അകാരണമായി കൈകാര്യം ചെയ്യപ്പെട്ടതില് മനംനൊന്ത് യുവാവ് നല്കിയ പരാതിയിലാണ് വിധി. ദേഹോപദ്രവം ഏല്പ്പിച്ച പോലീസ് ഉദ്യോഗസ്ഥര്ക്കെതിരെ അച്ചടക്ക നടപടി സ്വീകരിക്കാനാണ് നിര്ദ്ദേശം. പുന്നപ്ര തെക്ക് ആറാം വാര്ഡില് കളരിക്കൽ വീട്ടിൽ മനോജിന്റെ പരാതിയുടെ അടിസ്ഥാനത്തിലാണ് നടപടി. ആലപ്പുഴ സൗത്ത് എസ്.ഐ ആയിരുന്ന എൻ. കെ രാജേഷ്, പ്രൊബഷൻ എസ്.ഐ യായിരുന്ന സാഗര് എന്നിവര് ചേര്ന്നാണ് മനോജിനെ ദേഹോപദ്രവം ഏല്പ്പിച്ചത്. 2017 ലാണ് സംഭവം. മനോജ് മത്സ്യകൃഷി നടത്തിവരികയായിരുന്നു. ആലപ്പുഴയിലെ ഒരു കുളത്തില് കൃഷി ചെയ്ത മീനുകളെ ബൈപ്പാസിലെ ക്വട്ടേഷന് സംഘം പിടിക്കുന്നതായ വിവരം അറിഞ്ഞ് മനോജ് സ്ഥലത്തെത്തി. വിവരം അറിയിച്ചതിനെ തുടര്ന്ന് സൗത്ത് എസ്.ഐ ആയിരുന്ന രാജേഷും സംഘവും എത്തി മാരകായുധങ്ങള് ഉള്പ്പെടെ സംഘത്തെ…
Read Moreപാലിന് ഇനി പഞ്ഞമില്ല; തിരുവഞ്ചൂരിൽ ഇനി 24 മണിക്കൂറും പാൽ
തിരുവഞ്ചൂര്: തിരുവഞ്ചൂര് ക്ഷീരവ്യവസായ സഹകരണ സംഘത്തില് മില്ക്ക് എടിഎം നാളെ മുതല് പ്രവര്ത്തനമാരംഭിക്കും. പാമ്പാടി ബ്ലോക്ക് പഞ്ചായത്തിന്റെ 2023-24 വാര്ഷിക പദ്ധതിയുടെ ഭാഗമായാണ് തിരുവഞ്ചൂര് ക്ഷീരസംഘത്തില് മില്ക്ക് എടിഎം സ്ഥാപിക്കുന്നത്. സംഘത്തിലെ കര്ഷകരില്നിന്നു സംഭരിക്കുന്ന പാല് ഗുണനിലവാര പരിശോധന നടത്തിയാണ് ഓട്ടോമാറ്റിക് വെന്ഡിങ് മെഷീനിലൂടെ വില്പനയ്ക്കു സജ്ജമാക്കുന്നത്. 200 ലിറ്റര് സംഭരണശേഷിയുള്ളതാണ് ശീതീകരണ സംഭരണി. ദിവസം രണ്ടുനേരം പാല് നിറയ്ക്കും. ഈ സംവിധാനത്തിലൂടെ നാടന്പാല് 24 മണിക്കൂറും ഉപഭോക്താക്കള്ക്ക് ലഭ്യമാകും. സംഘം അങ്കണത്തില് രാവിലെ 9.30ന് പാമ്പാടി ബ്ലോക്ക് പഞ്ചായത്ത് പ്രസിഡന്റ് മറിയാമ്മ ഏബ്രഹാം അധ്യക്ഷത വഹിക്കുന്ന ചടങ്ങില് മന്ത്രി വി.എന്. വാസവന് ഉദ്ഘാടനം ചെയ്യും. പാമ്പാടി ബ്ലോക്ക് പഞ്ചായത്ത് വൈസ് പ്രസിഡന്റ് പ്രഫ. എം.കെ. രാധാകൃഷ്ണന് ആദ്യ പാല്വില്പന സ്വീകരണവും റീചാര്ജ് കാര്ഡ് വില്പന ഉദ്ഘാടനം ജില്ലാ പഞ്ചായത്തംഗം നിബു ജോണും നിര്വഹിക്കും. പാമ്പാടി ബ്ലോക്ക്…
Read Moreഒരുക്കങ്ങൾ പൂർത്തിയാകുന്നു; വിഴിഞ്ഞത്ത് 12ന് ആദ്യകപ്പലെത്തും
വിഴിഞ്ഞം: കേരളത്തിന്റെ സ്വപ്നപദ്ധതിയായ വിഴിഞ്ഞം അന്താരാഷ്ട്ര തുറമുഖം വർഷങ്ങളുടെ കാത്തിരിപ്പിനൊടുവിൽ യാഥാർഥ്യമാകുന്നു. കണ്ടെയ്നറുകളുമായ ആദ്യ കൂറ്റൻകപ്പൽ തീരത്തടുക്കാൻ ഇനി ഒരാഴ്ച മാത്രം.12ന് ഉച്ചയ്ക്കുശേഷം ആദ്യമായി എത്തുന്ന ചരക്കുകപ്പലിനെ വരവേൽക്കാനുള്ള തയാറെടുപ്പുകൾ ആരംഭിച്ചതായി അധികൃതർ അറിയിച്ചു. പുറംകടലിൽ നങ്കൂരമിടുന്ന കപ്പലിനെ ബർത്തിൽ അടുപ്പിക്കാൻ നിയോഗിക്കപ്പെട്ട നാല് ടഗ്ഗുകളും തയാറായി. ചൈനയിൽനിന്നു കൊണ്ടുവന്ന വലുതും ചെറുതുമായ അത്യാധുനിക ക്രെയിനുകളുടെ ശേഷി പരിശോധനയും ഏതാണ്ട് പൂർത്തിയായി. അന്താരാഷ്ട്ര തുറമുഖത്തിനാവശ്യമായ 800 മീറ്റർ ബർത്തും സുരക്ഷയ്ക്കായുള്ള മൂന്നു കിലോമീറ്റർ പുലിമുട്ടും പൂർത്തിയാക്കിയാണ് ഒരു തലമുറയുടെ സ്വപ്നസാക്ഷാത്കാരത്തിനായി അധികൃതരുടെ കാത്തിരിപ്പ്. ചൈനയിൽനിന്നു ക്രെയിനുമായി തുറമുഖത്ത് ആദ്യമെത്തിയ ഷെൻഹുവാ -15ന് നൽകിയതിന് സമാനമായ വരവേൽപ്പാകും അധികൃതർ ചരക്കുകപ്പലിനും നൽകുക. ക്രെയിനുമായി ഷെൻഹുവ തീരത്തടുത്തതും കൂറ്റൻ കപ്പലുകൾ അടുപ്പിച്ച് ക്രൂ ചേഞ്ചിംഗ് നടത്തിയും ലോക ഭൂപടത്തിൽ ഇടം നേടിയ വിഴിഞ്ഞത്തിന് ഒരു പൊൻതൂവൽ ചാർത്തലാകും 12ന് നടക്കുന്ന…
Read Moreആർടി ഓഫീസുകളിൽ കാമറ സ്ഥാപിക്കും; മയക്കുമരുന്ന് കണ്ടെത്താൻ മെഷീൻ വാങ്ങുമെന്ന് ഗതാഗത മന്ത്രി
ചാത്തന്നൂർ: മോട്ടോർ വാഹന വകുപ്പ് ഓഫീസുകളിലെ അഴിമതി കണ്ടെത്താൻ എല്ലാ ഓഫീസുകളിലും കാമറ സ്ഥാപിക്കുമെന്ന് ഗതാഗത വകുപ്പുമന്ത്രി കെ.ബി. ഗണേശ് കുമാർ. പുറത്തു നിന്നുള്ള വ്യക്തികൾ സെക്ഷനുകളിൽ കയറുകയോ ഉദ്യോഗസ്ഥരുടെ കമ്പ്യൂട്ടറുകൾ ഉപയോഗിക്കുകയോ ചെയ്യേണ്ട ആവശ്യമില്ലെന്നും മന്ത്രി വീഡിയോ സന്ദേശത്തിൽ പറഞ്ഞു. പുറത്തു നിന്നുള്ള ഒരാൾ ഒരു ഉദ്യോഗസ്ഥന്റെ കമ്പ്യൂട്ടർ പ്രവർത്തിപ്പിച്ച വിവരം ലഭിച്ചിട്ടുണ്ട്. പാസ്വേഡ് നല്കിയ ഈ ഉദ്യോഗസ്ഥനെതിരെ കർശനനടപടി ഉണ്ടാകും. പുറത്തുള്ള നിന്നുള്ളവർ ഓഫീസ് കൈകാര്യം ചെയ്യാൻ അനുവദിക്കില്ല. ട്രാൻസ്പോർട്ട് കമ്മീഷണർക്ക് ഓരോ ഓഫീസിന്റെയും പ്രവർത്തനം നേരിട്ട് കാണത്തക്ക രീതിയിലായിരിക്കും കാമറകൾ സജ്ജമാക്കുന്നത്. വാഹനം ഓടിക്കുന്ന സമയത്ത് മയക്കുമരുന്ന് ഉപയോഗിച്ചിട്ടുണ്ടോ എന്ന് കണ്ടെത്താൻ റോഡ് സേഫ്റ്റി അതോറിറ്റി ഇതിനുള്ള മെഷീൻ ഉടൻ വാങ്ങും. നിലവിൽ ഇത് പോലീസിന് ഉണ്ട്. മോട്ടോർ വാഹന വകുപ്പ് ഏത് ലഹരിയാണ് ഉപയോഗിച്ചത് എന്നുകൂടി കണ്ടെത്താൻ ശേഷിയുള്ള മെഷീനാണ് വാങ്ങുന്നത്.…
Read Moreഫിസിയോ തെറാപ്പി ചെയ്യാനെത്തിയ യുവതിയെ പീഡിപ്പിച്ച സംഭവം; ഇരയ്ക്കെതിരേ നവമാധ്യമ പ്രചാരണം; കേസെടുക്ക് പോലീസ്
പയ്യന്നൂര്: ഫിസിയോ തെറാപ്പി ചെയ്യാനെത്തിയ യുവതിയെ പീഡനത്തിനിരയാക്കിയ സംഭവത്തില് പ്രതിയെ അറസ്റ്റ് ചെയ്തതിനു പിന്നാലെ ഇരയെ നവമാധ്യമങ്ങളിലൂടെ അപമാനിക്കാന് ശ്രമിച്ച സംഭവത്തില് പയ്യന്നൂര് പോലീസ് കേസെടുത്തു. അതിജീവിതയുടെ പരാതിയില് അറസ്റ്റ് ചെയ്തതിനെ തുടര്ന്ന് റിമാൻഡില് കഴിയുന്ന ശരത് നമ്പ്യാരുടെ ഭാര്യ രേഷ്മ ശരത്, സഹോദരന് ഡോ. വരുണ് നമ്പ്യാര് എന്നിവരെ ഒന്നും രണ്ടും പ്രതികളാക്കിയാണു കേസെടുത്തത്. ഇരയെ അപകീര്ത്തിപ്പെടുത്തും വിധമുള്ള ചില നവമാധ്യമ പ്രചാരണം സംബന്ധിച്ച് മുഖ്യമന്ത്രിക്കും ജില്ലാ പോലീസ് മേധാവിക്കും പയ്യന്നൂര് ഡിവൈഎസ്പിക്കും അതിജീവിത പരാതി നല്കി മണിക്കൂറുകള്ക്കകമാണ് പോലീസിന്റെ നടപടിയുണ്ടായത്. പീഡനത്തിനിരയായ യുവതിയുടെ ദൃശ്യങ്ങള് ഇരയെ തിരിച്ചറിയും വിധത്തില് സാമൂഹ്യ മാധ്യമങ്ങള് വഴിയും മറ്റും പ്രചരിപ്പിച്ചതിനും സ്ത്രീത്വത്തെ അപമാനിച്ചതിനുമാണു കേസെടുത്തിരിക്കുന്നത്. തന്നെയും കുടുംബത്തെയും സ്ത്രീത്വത്തെയും അപമാനിക്കുന്ന രീതിയില് നടക്കുന്ന പ്രചാരണത്തിനെതിരെയായിരുന്നു അതിജീവിതയുടെ പരാതി. ക്ലിനിക്കില്നിന്നു യുവതിയും പിതാവും പുറത്തിറങ്ങുന്ന സിസിടിവി ദൃശ്യങ്ങള് പ്രചരിപ്പിച്ച ഫേസ്…
Read Moreസ്ഥാപനത്തിന്റെ പങ്കാളിയാക്കാമെന്ന് വിശ്വസിപ്പിച്ചു; 12 ലക്ഷം രൂപ തട്ടിയെടുത്ത യുവാവ് അറസ്റ്റില്
കൊച്ചി: വിദേശയാത്ര നടത്താമെന്നും സ്ഥാപനത്തിന്റെ പങ്കാളിയാക്കാമെന്ന് വിശ്വസിപ്പിച്ചും 12,06,513 രൂപ തട്ടിയെടുത്തയാൾ അറസ്റ്റില്. എറണാകുളം വാഴക്കുളം കളത്തില്പ്പറമ്പില് സിജു വര്ഗീസി(37)നെയാണ് എറണാകുളം നോര്ത്ത് പോലീസ് അറസ്റ്റ് ചെയ്തത്. കലൂര് സ്വദേശിയായ 50കാരനാണ് തട്ടിപ്പിന് ഇരയായത്. കലൂരിലുള്ള ഹോളിഡേ മേക്കര് എന്ന ടൂറിസ്റ്റ് സ്ഥാപനത്തിന്റെ നടത്തിപ്പുകാരനായ പ്രതി പരാതിക്കാരനെ വിദേശത്ത് ടൂര് കൊണ്ടുപോകാമെന്നും വിശ്വസിപ്പിച്ച് 6,05,000 രൂപ ആദ്യം തട്ടിയെടുത്തു. പിന്നീട് സ്ഥാപനത്തിന്റെ പാര്ട്ണര് ആക്കാമെന്നു പറഞ്ഞ് 6,01,513 രൂപ കൂടി തട്ടിയെടുക്കുകയായിരുന്നു. 2023 ഫെബ്രുവരി ഒന്നു മുതല് ഇന്നലെ വരെയായിരുന്നു തട്ടിപ്പ് നടത്തിയത്. എറണാകുളം നോര്ത്ത് പോലീസ് ഇന്സ്പെക്ടര് കെ.ജി. പ്രതാപ് ചന്ദ്രന്, എസ്ഐമാരായ ടി.എസ്.രതീഷ്, പി.ജെ സന്തോഷ്കുമാര് എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്.
Read More