കോതമംഗലം: കനത്ത മഴയില്‍ നേര്യമംഗലത്തിന് സമീപം ചെമ്പന്‍കുഴിയിൽ ഉരുള്‍പൊട്ടിയതിനെ തുടർന്നു അഞ്ച് കുടുംബങ്ങളെ നീണ്ടപാറ സെന്‍റ് മേരീസ് സ്കൂളിലെ ക്യാമ്പിലേക്ക് മാറ്റി. ചെമ്പൻകുഴി പമ്പ്ഹൗസ് റോഡിന് സമീപം ചെമ്പൻകുഴി മലയിലാണ് ഉരുള്‍പൊട്ടിയത്. ഇന്നലെ രാത്രി ഏഴോടെയായിരുന്നു സംഭവം. രണ്ട് വീടുകള്‍ക്ക് തകർന്നെങ്കിലും ആളപായമില്ല. കൊച്ചു തൊട്ടിയിൽ സണ്ണി, കിഴക്കേടത്ത് വേലപ്പൻനായർ എന്നിവരുടെ വീടുകൾക്കാണ് നാശനഷ്ടം സംഭവിച്ചത്. ഈ രണ്ട് കുടുംബങ്ങളെക്കൂടാതെ കൊച്ചുകുന്നേൽ പൗലോസ്, പണ്ടാരത്തിൽ ഷിബു, ഇല്ലത്തുകുടി ജോളി എന്നീ മൂന്ന് കുടുബങ്ങൾകൂടിയാണ് ഈ പ്രദേശത്ത് താമസിക്കുന്നത്. ഉരുൾപൊട്ടലിൽ റോഡ് തകർന്നിട്ടുണ്ട്. മലവെള്ളപ്പാച്ചിലിൽ സമീപത്തെ തോട്ടിൽ കല്ലും മണ്ണും നിറഞ്ഞ് തോട് ഗതിമാറി ഒഴുകുന്നതിനാൽ അഞ്ച് കുടുംബങ്ങളും ഒറ്റപ്പെട്ട നിലയിലാണ്. രാവിലെയും വെളളത്തിന്‍റെ ഒഴുക്ക് നിലച്ചിട്ടില്ല. കൊച്ചുതൊട്ടിയില്‍ സണ്ണിയുടെ വീടിന്‍റെ പിൻഭാഗവും മേൽക്കൂരയും തൊഴുത്തും കല്ലും മണ്ണും വീണ് തകർന്നു.സണ്ണിയുടെ തൊഴുത്തിൽ കെട്ടിയിട്ടിരുന്ന പശു മലവെള്ളം കയറി…
Read Moreനേര്യമംഗലത്തിന് സമീപം ചെമ്പൻകുഴിയിൽ ഉരുള്‍പൊട്ടൽ; അഞ്ച് കുടുംബങ്ങളെ ക്യാമ്പിലേക്ക് മാറ്റി
