കോട്ടയം: കോവിഡ് 19 രോഗവ്യാപനവുമായി ബന്ധപ്പെട്ടു കോട്ടയം ജില്ലാ പോലീസ് ഓഫീസിൽ പോലീസ് കൊറോണ കണ്ട്രോൾ റൂം തുറന്നു. ജില്ല സ്പെഷൽ ബ്രാഞ്ച് ഓഫീസിലാണ് കണ്ട്രോൾ റൂം പ്രവർത്തിക്കുന്നത്.
വീട്ടിൽ നിരീക്ഷണത്തിൽ കഴിയുന്നവർക്ക് ഏതെങ്കിലും തരത്തിലുള്ള സഹായം ആവശ്യമുണ്ടെങ്കിലും നിരീക്ഷണത്തിൽ കഴിയുന്നവർ നിർദേശം ലംഘിക്കുന്നതായി ശ്രദ്ധയിൽപ്പെട്ടാലും രോഗബാധിത പ്രദേശങ്ങളിൽ നിന്നും പുതിയതായി ആരെങ്കിലും എത്തിചേർന്നതായി വിവരം ലഭിച്ചാലും കണ്ട്രോൾ റൂമിൽ വിവരം അറിയിക്കാം. 1090, 04812-563388, 9497975312 എന്നീ നന്പറുകളിൽ കണ്ട്രോൾ റൂമിലേക്കു ബന്ധപ്പെടാം.
