തിരുവനന്തപുരം: തിരുവനന്തപുരം കാട്ടാക്കടയിൽ സിപിഎം പ്രവർത്തകനെ വെട്ടിക്കൊലപ്പെടുത്താൻ ശ്രമം. ബ്രാഞ്ച് കമ്മിറ്റി അംഗവും ദേശാഭിമാനി ഏജന്‍റുമായ ശശികുമാറിനെയാണ് ആക്രമികൾ വെട്ടിയത്. കാട്ടാക്കട ബസ്റ്റാൻഡിന് സമീപത്താണ് സംഭവം നടന്നത്.
പത്രക്കെട്ടുമായി രാവിലെ ബൈക്കിൽ പോകുകയായിരുന്ന ശശി കുമാറിനെ രണ്ടംഗസംഘം ചവിട്ടി വീഴുത്തുകയായിരുന്നു. തുടർന്ന് വടിവാളുമായി അക്രമിസംഘം ശശികുമാറിനെ ഓടിച്ചിട്ടുവെട്ടാനും ശ്രമിച്ചു. എന്നാൽ ആളുകൾ എത്തിയതോടെ അക്രമികൾ രക്ഷപ്പെടുകയായിരുന്നു. പരിക്കേറ്റ കുമാറിനെ ആശുപത്രിയിലേക്കു മാറ്റി.
പ്രദേശത്തു കഴിഞ്ഞ കുറച്ചു ദിവസങ്ങളായി എസ്ഡിപിഐ-സിപിഎം സംഘർഷം തുടരുന്നുണ്ട്. ഇതിന്‍റെ തുടർച്ചയായാണ് ആക്രമമമെന്ന് പോലീസ് പറഞ്ഞു. കാട്ടാക്കട പോലീസ് കേസെടുത്ത് അന്വേഷണം തുടങ്ങി.
