അറവുശാലയിൽ യുവതി കഴുത്തറുത്തു കൊല്ലപ്പെട്ട നിലയിൽ; കടയിൽ ആളില്ലെന്ന്​ പറഞ്ഞ്​ നിസാമുദ്ദീൻ ഇവരെ കടയിലേക്ക്​ കൂട്ടിക്കൊണ്ടു പോവുകയായിരുന്നെന്ന്​ പോലീസ്​; സംഭവം മലപ്പുറത്ത്‌

deathhnd_02307017

മലപ്പുറം: അറവുശാലയിൽ യുവതിയെ കഴുത്തറുത്ത് കൊലപ്പെടുത്തിയ നിലയിൽ കണ്ടെത്തി. ഇറച്ചി വ്യാപാരി പി. നിസാമുദീന്‍റെ ഭാര്യ കോഴിക്കോട്​ നരിക്കുനി കുട്ടംപൂർ സ്വദേശിനി റഹീന(30)ആണ്​ കൊല്ലപ്പെട്ടത്​. മലപ്പുറം പരപ്പനങ്ങാടി അഞ്ചുപുരയിലെ ഇറച്ചി വ്യാപാര കേന്ദ്രത്തിലാണ് ദാരുണ സംഭവം ഉണ്ടായത്.

പുലർച്ചെ, കടയിൽ ആളില്ലെന്ന്​ പറഞ്ഞ്​ നിസാമുദ്ദീൻ ഇവരെ കടയിലേക്ക്​ കൂട്ടിക്കൊണ്ടു പോവുകയായിരുന്നെന്ന്​ പോലീസ്​ പറഞ്ഞു. നാലു മണിയോടെ തൊഴിലാളികൾ എത്തിയപ്പോഴാണ്​ യുവതിയെ ​കൊല്ലപ്പെട്ട നിലയിൽ കണ്ടെത്തിയത്​. നിസാമുദ്ദീൻ ഒളിവിലാണെന്നാണ് വിവരം. സംഭവത്തിൽ പോലീസ്​ അന്വേഷണം തുടങ്ങി.

Related posts