ഐഐടി മദ്രാസിൽ എംബിഎ വിദ്യാർഥിനിയായ പല്ലവി പങ്കുവച്ച വീഡിയോ ആണിപ്പോൾ സോഷ്യൽ മീഡിയയിൽ ആളുകൾ ഏറ്റെടുത്തിരിക്കുന്നത്. ചെന്നൈയിലെ ഗിണ്ടി നാഷണൽ പാർക്കിനോട് ചേർന്നാണ് ഐഐടി മദ്രാസ് ക്യാമ്പസ്. വന്യമൃഗങ്ങളുടെയും പക്ഷികളുടെയും പ്രിയപ്പെട്ട ഇടം കൂടിയാണിത്. പല്ലവിയും മാനുകളും തമ്മിലുള്ള ചങ്ങാത്തത്തിന്റെ കഥയാണിത്. വെറും കെട്ട്കഥയല്ല, കണ്ടറിയേണ്ട ഒന്നുതന്നെയാണിത്.
‘എംബിഎ പഠിക്കാൻ വന്നു, മടങ്ങിപ്പോകുന്നത് മാനുകളുമായുള്ള ചങ്ങാത്തവുമായാണ്’ എന്ന അടിക്കുറിപ്പോടെ പല്ലവി വീഡിയോ പങ്കുവച്ചിരിക്കുന്നത്.
കാന്പസിനുള്ളിൽ തെല്ലും ഭയമില്ലാതെ മാനിനെ താലോലിക്കുകയാണ് പല്ലവി. മാനും പല്ലവിയുടെ സീപത്ത് നന്നേ അനുസരണയോടെ നിൽക്കുന്നതുമാണ് വീഡിയോ. വീഡിയോ കണ്ടതോടെ കമന്റ് ബോക്സ് മുഴുവൻ ആളുകൾ കൊണ്ടുപോയി എന്ന് തന്നെ പറയാം. വളരെ രസകരമായ കമന്റാണ് ആളുകൾ ചെയ്തിരിക്കുന്നത്. എംബിഎ വിത്ത് വൈൽഡ്ലൈഫ് സ്പെഷ്യലൈസേഷൻ’, പിജിക്കൊപ്പം വനവാസവും ഇങ്ങനെ പോകുന്നു കമന്റുകൾ.
