ശരീരഭാരം എങ്ങനെയും പെട്ടെന്ന് കുറഞ്ഞാൽ മതിയെന്ന് ചിന്തിക്കുന്ന കുറച്ചെങ്കിലും ആളുകൾ നമുക്ക് ചുറ്റിനുമുണ്ട്. കൂട്ടുകാരിയുടെ കല്യാണത്തിനു ബ്രൈഡ്മേഡ് ആകുന്നതിനു വേണ്ടി 65 കിലോ ശരീരഭാരം കുറയ്ക്കുന്നതിനായി യുവതി കടുത്ത ഡയറ്റും അമിത വ്യായാമവും ചെയ്തു. അവസാനം അത് അവളെ രോഗിയാക്കി. അശാസ്ത്രീയമായ ഡയറ്റ് എടുത്ത യുവതിക്ക് രക്തസമ്മർദം കുറയുകയും രക്തത്തിലെ പഞ്ചസാരയുടെ അളവ് കൂടുകയും ചെയ്തു. അതോടെ ആശുപത്രി കിടക്കയിൽ കഴിയേണ്ടി വന്നു.
പച്ചക്കറികളും ചിക്കൻ ബ്രെസ്സ്റ്റും മാത്രമായിരുന്നു അവൾ ഡയറ്റിൽ ഉൾപ്പെടുത്തിയത്. പഞ്ചസാര പൂർണമായും ഒഴിവാക്കി. ഡെവിൾ ഡയറ്റ് എന്നാണ് അവൾ അതിനെ വിളിച്ചത്. യുവതിയുടെ ദിനചര്യകൾ തീർത്തും അശാസ്ത്രീയമായിരുന്നു എന്നാണ് വിദഗ്ദർ അഭിപ്രായപ്പെടുന്നത്. ദിവസവും 10 കിലോമീറ്ററോളം ഓട്ടവും നടത്തവും, അന്നജം ഭക്ഷണത്തിൽ നിന്ന് പൂർണമായും ഒഴിവാക്കി. ഹാംഗ്ഷൗ ഹോസ്പിറ്റൽ ഓഫ് ട്രഡീഷണൽ ചൈനീസ് മെഡിസിനിൽ നടത്തിയ പരിശോധനയിൽ, യുവതിക്ക് പ്രീ-ഡയബറ്റിസ് സ്ഥിരീകരിച്ചു.
കാർബോഹൈഡ്രേറ്റ് പൂർണമായും ഒഴിവാക്കി കഠിനമായ വ്യായാമം ചെയ്തത് സിയാവോയുവിന്റെ ഇൻസുലിൻ ഉൽപാദനത്തെയും ഉപാപചയ പ്രവർത്തനങ്ങളെയും ദോഷകരമായി ബാധിച്ചു എന്ന് ഡോ. ചെങ് ബോണിംഗ് വ്യക്തമാക്കി.
