കൂത്തുപറമ്പ്: ധർമടം പ്രദേശത്തെ അധാർമികതയുടെ കേന്ദ്രമാക്കി മാറ്റാനുള്ള നീക്കമാണ് സിപിഎം നടത്തുന്നതെന്ന് തിരുവനന്തപുരം കോർപ്പറേഷൻ മേയർ വി.വി. രാജേഷ്. സിപിഎമ്മിന്റെ ചരിത്രത്തിൽ ഇതുവരെ കാണാത്ത വിഭാഗീയ പ്രവർത്തനങ്ങളാണ് നടക്കുന്നതെന്നും അദ്ദേഹം പറഞ്ഞു.
ധർമ്മടം നിയോജക മണ്ഡലം എൻഡിഎ സ്ഥാനാർഥി കെ. രഞ്ജിത്തിന്റെ തെരഞ്ഞെടുപ്പ് പ്രചാരണാർഥം പടുവിലായിയിൽ സംഘടിപ്പിച്ച കുടുംബ സംഗമത്തിൽ പ്രസംഗിക്കുകയായിരുന്നു അദ്ദേഹം. കെ.പി.ഹരീഷ് ബാബു അധ്യക്ഷത വഹിച്ചു.
എൻഡിഎ ധർമ്മടം നിയോജകമണ്ഡലം സ്ഥാനാർഥി കെ.രഞ്ജിത്ത്, ഒബിസി മോർച്ച സംസ്ഥാന സെക്രട്ടറി വിജയൻ വട്ടിപ്രം, വിപിൻ ഐവർകുളം, ആർ. ഷംജിത്ത്, അജയകുമാർ മീനോത്ത്, പി.അജയൻ, സജേഷ് പടുവിലായി, സജേഷ് എന്നിവർ പ്രസംഗിച്ചു. പടുവിലായി ഷാജിയുടെ സ്മൃതി കുടീരത്തിൽ പുഷ്പാർച്ചനയും നടത്തി.
