വീട്ടിലെ റഫ്രിജറേറ്ററിന്‍റെ കംപ്രസർ പൊട്ടിത്തെറിച്ച് അപകടം. മൂന്ന് കുട്ടികളടക്കം ഒരു കുടുംബത്തിലെ അഞ്ച് പേരാണ് അപകടത്തിൽ മരിച്ചത്. പഞ്ചാബിലെ ജലന്ധർ ജില്ലയിലാണ് സംഭവം.
ഞായറാഴ്ച രാത്രിയാണ് സ്‌ഫോടനത്തെ തുടർന്ന് വീടിന് തീപിടിച്ചത്. യശ്പാൽ ഘായ് (70), രുചി ഘായ് (40), മൻഷ (14), ദിയ (12), അക്ഷയ് (10) എന്നിവരാണ് അപകടത്തിൽ മരിച്ചത്.
സ്‌ഫോടനത്തിന്‍റെ കൃത്യമായ കാരണം കണ്ടെത്തുന്നതിന് സാമ്പിളുകൾ ശേഖരിക്കാൻ ഫോറൻസിക് വിദഗ്ധരുടെ സംഘത്തെ വിളിച്ചിട്ടുണ്ടെന്ന് പോലീസ് അറിയിച്ചു.
