ഇവളാണ് പുലിക്കുട്ടി, പ്രണയിച്ചു വഞ്ചിച്ച കാമുകനെ വിവാഹവേദിയില്‍ നിന്ന് കാമുകി തട്ടിക്കൊണ്ടുപോയി, തോക്കു ചൂണ്ടി കൊണ്ടുപോയ യുവാവ് എവിടെയാണെന്ന് വീട്ടുകാര്‍ക്കുപോലും വിവരമില്ല!

gun-girlവിവാഹ വാഗ്ദാനം നല്‍കി വഞ്ചിച്ചെന്ന് ആരോപിച്ച് വിവാഹവേദിയില്‍ നിന്ന് വരനെ തോക്കിന്‍മുനയില്‍ നിര്‍ത്തിയാണ് യുവതി കടത്തി കൊണ്ടുപോയത്. സിനിമാക്കഥയെ വെല്ലുന്ന യാഥാര്‍ത്ഥ്യത്തിനു മുന്നില്‍ ഏവരും ആദ്യം സ്തംഭിച്ചുപോയി. ബുന്ദേല്‍ഖണ്ഡ് സ്വദേശിയായ അശോക് യാദവിനെയാണ് ഇരുപത്തിയഞ്ചുകാരിയായ യുവതി തട്ടിക്കൊണ്ടു പോയത്.

മാസങ്ങള്‍ക്കു മുമ്പാണ് അശോക് യാദവും യുവതിയും തമ്മില്‍ പരിചയത്തിലായത്. സൗഹൃദം പ്രണയത്തിലേക്ക് വഴിമാറി. ഇതറിഞ്ഞ യാദവിന്റെ വീട്ടുകാര്‍ മകനെ മറ്റൊരു പെണ്‍കുട്ടിയെ കൊണ്ട് വിവാഹം കഴിപ്പിക്കാന്‍ തീരുമാനിച്ചു. മാതാപിതാക്കളുടെ സമ്മര്‍ദ്ദത്തെ തുടര്‍ന്ന് യാദവും വിവാഹത്തിന് സമ്മതിച്ചു. കാര്യങ്ങള്‍ പെട്ടന്ന് നടത്തിതീര്‍ക്കാനായി ഇന്നലെ രാത്രി വൈകി വിവാഹം നടത്താന്‍ തീരുമാനിച്ചു.

എന്നാല്‍, യാദവിന്റെ വിവാഹ വാര്‍ത്ത അറിഞ്ഞെത്തിയ കാമുകി തോക്കുമായെത്തി യാദവിനെയും കൂട്ടികൊണ്ട് പോകുകയായിരുന്നു. സംഭവത്തെ തുടര്‍ന്ന് വധുവിന്റെ വീട്ടുകാര്‍ യാദവിനും കുടുംബത്തിനുമെതിരെ പോലീസില്‍ പരാതി നല്‍കിയിട്ടുണ്ട്. തന്റെ അവസ്ഥ ലോകത്ത് മറ്റൊരു സ്ത്രീക്കും ഉണ്ടാകാതിരിക്കട്ടെയെന്ന പ്രാര്‍ത്ഥനയാണ് പ്രതിശ്രുത വധു ഭാരതി യാദവ് പങ്കുവെച്ചത്.

Related posts