ജര്‍മ്മന്‍ ഏകാധിപതിയായിരുന്ന അഡോള്‍ഫ് ഹിറ്റ്‌ലറുടെ റെഡ്‌ഫോണ്‍ ലേലത്തിന്. ഒരു ലക്ഷം യുഎസ് ഡോളറാണ് അടിസ്ഥാന വില. നാസി മുദ്ര പതിച്ചിട്ടുള്ള ഫോണില്‍ ഹിറ്റ്‌ലര്‍ എന്ന് ആലേഖനം ചെയ്തിട്ടുമുണ്ട്. രണ്ടാം ലോക മഹായുദ്ധ കാലത്തു സംഖ്യ സേനാംഗങ്ങളുമായി ഹിറ്റ്‌ലര്‍ ബന്ധപ്പെട്ടിരുന്നത് ഈ ഫോണിലൂടെയായിരുന്നു.
യുദ്ധ കാലത്തു 10 ലക്ഷത്തിലധികം ആളുകളുടെ ജീവനെടുക്കാന്‍ ഹിറ്റ്‌ലര്‍ നിര്‍ദ്ദേശം നല്‍കിയിരുന്നതും ഈ ഫോണിലൂടയായിരുന്നു. റഷ്യന്‍ സൈനീക ഉദ്യോഗസ്ഥന്‍ റാല്‍ഫ് റെയിനര്‍ ബെര്‍ലിനിലുള്ള ഹിറ്റലറുടെ ബങ്കറില്‍ നിന്നാണ് ഫോണ്‍ കണ്ടെടുത്തത്. ഇദ്ദേഹത്തിന്‍റെ മകനാണ് ഇപ്പോള്‍ ഫോണ്‍ ലേലത്തിനു വച്ചിരിക്കുന്നത്. അമേരിക്കയിലെ അലക്‌സാഡര്‍ ഹൗസിലാണ് ലേലം നടക്കുക.
