കൊച്ചി: സിനിമ, സീരിയൽ മേഖലകളിൽ ഐഎൻടിയുസി സംഘടന രൂപീകരിക്കുന്നു. ഇന്ത്യൻ നാഷണൽ ഫിലിം ടെക്നീഷ്യൻ ആൻഡ് ആർട്ടിസ്റ്റ്സ് അസോസിയേഷൻ (ഇഫ്റ്റ) എന്നാണ് സംഘടനയുടെ പേര്.
സംഘടനയുടെ രൂപീകരണ യോഗം ഐഎൻടിയുസി സംസ്ഥാന പ്രസിഡന്റ് ആർ. ചന്ദ്രശേഖരന്റെ സാന്നിധ്യത്തിൽ കൊച്ചിയിൽ നടന്നു. 28നു മുൻപു മൂന്നു മേഖലാ കണ്വൻഷനുകൾ നടത്തുമെന്നും തുടർന്നു ഭാരവാഹികളെ പ്രഖ്യാപിക്കുമെന്നും ചന്ദ്രശേഖരൻ അറിയിച്ചു.
അമ്മ, മാക്ട, ഫെഫ്ക സംഘടനകൾക്ക് ബദലല്ല ഇഫ്റ്റ. സമരം നടത്തുകയോ ആരെയെങ്കിലും ഭീഷണിപ്പെടുത്തുകയോ അല്ല ലക്ഷ്യം. തൊഴിലാളികളുടെ ന്യായമായ അവകാശങ്ങൾ സംരക്ഷിക്കാൻ സംഘടന ശ്രമിക്കും.