നടന്‍,സംവിധായകന്‍ എന്നീ നിലകളില്‍ മലയാളികളുടെ പ്രിയപ്പെട്ട താരമാണ് കലാഭവന്‍ ഷാജോണ്‍. ഇപ്പോള്‍ നടന്‍ സുരാജ് വെഞ്ഞാറമ്മൂടിനെക്കുറിച്ച് ഷാജോണ്‍ നടത്തിയ ഒരു തുറന്നു പറച്ചിലാണ് വൈറലാകുന്നത്. കൊച്ചിയില്‍ ഒരേ അപ്പാര്‍ട്ട്‌മെന്റില്‍ അയല്‍വാസികളായാണ് ഇരുവരും താമസിക്കുന്നത്.
എന്തെങ്കിലും ഒരു പ്രശ്‌നം ഉണ്ടാകുന്നു എന്നു തോന്നുമ്പോഴേ സുരാജ് കുടുംബത്തേയും കൂട്ടി വെഞ്ഞാറമൂട്ടിലേക്ക് ഒറ്റ മുങ്ങലാണ്. പണ്ട് പ്രളയത്തിനു മുന്‍പും ഇപ്പോള്‍ കൊറോണ വരുന്നു എന്നു കേട്ടപ്പോഴും നാട്ടിലേക്ക് ഓടി എന്നും ഷാജോണ്‍ പറയുന്നു.
‘പലരും എന്തെങ്കിലും പ്രശ്‌നമുണ്ടാകുമ്പോള്‍ നാട്ടില്‍നിന്ന് ഒളിച്ചോടുകയല്ലേ പതിവ്. ഞാന്‍ പക്ഷേ, പ്രശ്‌നങ്ങളുണ്ടായപ്പോള്‍നാട്ടിലേക്ക് ഓടുകയാണ് ചെയ്തത്. അതൊരു പ്രതീക്ഷയാണ്. പ്രതിസന്ധിയുണ്ടായാല്‍ നാട് കൈവിടില്ല എന്ന വിശ്വാസം. വെഞ്ഞാറുംമൂട്ടില്‍ ഞാന്‍ എന്നും സാധാരണക്കാരനാണ്. അവരൊന്നും എന്നെ സിനിമാനടനായല്ല കാണുന്നത്. പക്ഷേ, കൊച്ചിയില്‍ ഞാന്‍ അതിഥിയാണ്. അവിടെ പലരുടെയും മുന്നില്‍ സിനിമാനടന്‍ ആണ്. കൊറോണ വന്നപ്പോള്‍ പ്രവാസി സഹോദരങ്ങള്‍ പോലും സ്വന്തം നാട്ടിലേക്ക് തിരിച്ചു വന്നില്ലേ. നാട് അവര്‍ക്ക് ആശ്വാസവും പ്രതീക്ഷയും ആണ്. എനിക്കും അതു തന്നെയാണ്” എന്നും സുരാജ് പറയുന്നു.
