ആറന്മുള: മന്ത്രി വീണാ ജോർജ് പ്രചാരണ സമാപന ദിവസം കുളനടയിലെ പരിപാടികളിൽ പങ്കെടുത്തു. ജില്ലാ പഞ്ചായത്ത് മണ്ഡലം എൽഡിഎഫ് സ്ഥാനാർഥിയും മന്ത്രിയുടെ പേഴ്സണൽ സ്റ്റാഫിൽ അംഗവുമായിരുന്ന സവിത അജയകുമാറിനൊപ്പമാണ് ഇന്നലെ തുറന്ന വാഹനത്തിൽ മണ്ഡലത്തിൽ പര്യടനം നടത്തിയത്.
ബ്ലോക്ക്, ഗ്രാമപഞ്ചായത്ത് എൽഡിഎഫ് സ്ഥാനാർഥികൾക്കുവേണ്ടിയും വോട്ടഭ്യർഥന നടത്തി.വീണാ ജോർജ് പ്രചാരണ പരിപാടികളിൽനിന്നു വിട്ടുനിൽക്കുന്നതായ ആക്ഷേപം എൽഡിഎഫിൽ ഉയർന്നിരുന്നു. യുഡിഎഫ് ഇത് പ്രചാരണായുധമാക്കുകകൂടി ചെയ്തതോടെയാണ് ഇന്നലെ വീണാ ജോർജ് പ്രചാരണത്തിനിറങ്ങിയത്.
