എന്നത്തെയുംപോലെ രാവിലെ ഭര്‍ത്താവിനോടും മകനോടും ഷൂട്ടിംഗിന് പോയിട്ടു വരാം എന്ന് പറഞ്ഞ് വീട്ടില്‍നിന്നിറങ്ങുമ്പോള്‍ ഇത്തരമൊരു ദുഃഖവാര്‍ത്ത കേള്‍ക്കേണ്ടി വരും എന്ന് കരുതിയില്ല.
അഭിനയിക്കുന്നതിനായി മേക്കപ്പ് ഇട്ടുകൊണ്ടിരിക്കെയാണ് മാരിമുത്തു സാര്‍ കുഴഞ്ഞു വീണുവെന്നും ആശുപത്രിയില്‍ കൊണ്ടുപോയെന്നും അറിയുന്നത്. ആദ്യം പ്രാർഥിച്ചത് വ്യാജ വാര്‍ത്തയാകണേ എന്നായിരുന്നു.
വാര്‍ത്ത ശരിയാണെങ്കില്‍ അദ്ദേഹത്തിന് ഒന്നും സംഭവിക്കരുതേ എന്നും പ്രാര്‍ഥിച്ചു. എന്നാല്‍ പിന്നാലെ അദ്ദേഹത്തിന്‍റെ മരണവാര്‍ത്ത എത്തി. ആര്‍ക്കും ഉള്‍ക്കൊള്ളാന്‍ പറ്റുന്നതായിരുന്നില്ല ആ വാര്‍ത്ത.
രണ്ട് വര്‍ഷമായി ഒരുമിച്ച് അഭിനയിക്കുന്നു. എതിര്‍നീച്ചല്‍ ടീം ഞങ്ങള്‍ക്ക് ഒരു കുടംബംപോലെയാണ്. ഏത് വിഷയത്തെക്കുറിച്ചും നല്ല അറിവുള്ള വ്യക്തിയായിരുന്നു മാരിമുത്തു. രാഷ്ട്രീയം, സിനിമ, സാഹിത്യം എല്ലാത്തിനെയും കുറിച്ച് അദ്ദേഹത്തിന് അറിവുണ്ടായിരുന്നു.
-കനിഹ
