ഗ​ൾ​ഫ് രാ​ഷ്ട്ര​ങ്ങ​ളി​ൽ പ​ട​ർ​ന്നു​പി​ടി​ച്ച കോ​വി​ഡ് വൈ​റ​സി​നു വ്യ​ത്യാ​സ​ങ്ങ​ൾ എ​ന്തെ​ങ്കി​ലു​മു​ണ്ടോ ? ജനിതകമാറ്റമുണ്ടാകാന്‍ സാധ്യതയുണ്ടെന്നു വിലയിരുത്തല്‍; ആശങ്കയിൽ വൈദ്യശാസ്ത്ര ലോകം

സ്വ​ന്തം ലേ​ഖ​ക​ൻ

തൃ​ശൂ​ർ: മ​റ്റു രാ​ഷ്ട്ര​ങ്ങ​ളി​ൽ​നി​ന്നു വ്യ​ത്യ​സ്ത​മാ​യി അ​ബു​ദാ​ബി​യ​ട​ക്ക​മു​ള്ള ഗ​ൾ​ഫ് രാ​ഷ്ട്ര​ങ്ങ​ളി​ൽ പ​ട​ർ​ന്നു​പി​ടി​ച്ച കോ​വി​ഡ് വൈ​റ​സി​നു വ്യ​ത്യാ​സ​ങ്ങ​ൾ എ​ന്തെ​ങ്കി​ലു​മു​ണ്ടോ എ​ന്ന അ​ന്വേ​ഷ​ണ​ത്തി​ലാ​ണ് വൈ​ദ്യ​ശാ​സ്ത്ര ലോകം. വൈ​റ​സി​നു ജ​നി​ത​ക​മാ​റ്റ​മു​ണ്ടാ​കാ​ൻ സാ​ധ്യ​ത​യു​ണ്ടെ​ന്നാ​ണു വി​ല​യി​രു​ത്തു​ന്ന​ത്.

അ​ബു​ദാ​ബി​യി​ലും ഗ​ൾ​ഫി​ലും മ​ര​ണ​നി​ര​ക്ക് വ​ർ​ധി​ക്കു​ന്ന​തു വൈ​റ​സി​ന്‍റെ തീ​വ്ര​ത കൊ​ണ്ടാ​ണോ അ​തോ ചി​കി​ത്സാ​പോ​രാ​യ്മ കൊ​ണ്ടാ​ണോ എ​ന്നു വ്യ​ക്ത​മ​ല്ല. അ​തു​കൊ​ണ്ടു​ത​ന്നെ ഗ​ൾ​ഫി​ൽനി​ന്നും വ​ന്ന​വ​രി​ൽ കാ​ണു​ന്ന കോ​വി​ഡ് വൈ​റ​സി​നെ കൂ​ടു​ത​ൽ വി​ശ​ദ​മാ​യി സ​സൂ​ക്ഷ്മം പ​രി​ശോ​ധി​ക്കാ​നാ​ണ് ആ​രോ​ഗ്യ​വ​കു​പ്പിന്‍റെ തീ​രു​മാ​നം.

ഗ​ൾ​ഫി​ൽ​നി​ന്നും തി​രി​ച്ചെ​ത്തി​യ പ്ര​വാ​സി​ക​ൾ​ക്കാ​ണ് ഇ​പ്പോ​ൾ തൃ​ശൂ​രി​ൽ കോ​വി​ഡ് പോ​സി​റ്റീ​വാ​യി​രി​ക്കു​ന്ന​ത്. ഗ​ൾ​ഫി​ൽ ന​ട​ത്തി​യ പ​രി​ശോ​ധ​ന​യി​ൽ ഇ​വ​ർ​ക്ക് കോ​വി​ഡ് ല​ക്ഷ​ണ​ങ്ങ​ൾ ഉ​ണ്ടാ​യി​രു​ന്നി​ല്ല​.

വരുന്പോൾ നെ​ഗ​റ്റീ​വ് ആ​യി​രി​ക്കു​ക​യും പി​ന്നീ​ട് പോ​സി​റ്റീ​വ് ആ​കു​ക​യും ചെ​യ്യു​ന്ന​ത് ആ​രോ​ഗ്യ​വ​കു​പ്പി​നെ ആ​ശ​ങ്ക​യി​ലാ​ഴ്ത്തു​ന്നു​ണ്ട്. വി​ദേ​ശ​രാ​ജ്യ​ങ്ങ​ളി​ലെ പ​രി​ശോ​ധ​ന​ക​ളു​ടെ കൃ​ത്യ​ത​യെ​യാ​ണ് ഇ​തു ചോ​ദ്യം ചെ​യ്യു​ന്ന​ത്.

വൈ​റ​സ് ശ​രീ​ര​ത്തി​ൽ ക​യ​റി ഏ​ഴു ദി​വ​സ​ത്തി​നുശേ​ഷമേ പ​രി​ശോ​ധ​ന​യി​ൽ കാ​ണാ​നാ​കൂ​വെ​ന്ന സാ​ങ്കേ​തി​ക​ത്വം പ​റ​ഞ്ഞു വി​ദേ​ശ പ​രി​ശോ​ധ​ക​ർ​ക്കു കൈ​ക​ഴു​കാ​മെ​ങ്കി​ലും കേ​ര​ളം ന​ട​ത്തുംപോ​ലെ​യു​ള്ള പ​രി​ശോ​ധ​ന​ക​ളും റൂ​ട്ട് മാ​പ്പ് ത​യാറാ​ക്ക​ലും പ​ശ്ചാ​ത്ത​ല​ങ്ങ​ളു​ടെ വി​ശ​ദ​മാ​യ അ​ന്വേ​ഷ​ണ​മൊ​ന്നും മ​റ്റു രാ​ഷ്ട്ര​ങ്ങ​ളി​ൽ ന​ട​ക്കു​ന്നി​ല്ലെ​ന്ന​തി​ലേ​ക്കാ​ണ് ഇ​തെ​ല്ലാം വി​ര​ൽ​ചൂ​ണ്ടു​ന്ന​ത്.

തൃ​ശൂ​രി​ൽ കോ​വി​ഡ് സ്ഥി​രീ​ക​രി​ച്ച ദ​ന്പ​തി​ക​ൾ ഗ​ൾ​ഫി​ൽ കോ​മ​ണ്‍ കി​ച്ച​ൻ (പൊ​തു അ​ടു​ക്ക​ള) മ​റ്റൊ​രു കൂ​ട്ട​രു​മാ​യി പ​ങ്കി​ട്ടി​രു​ന്ന​വ​രാ​ണ്. അ​വ​ർ​ക്കു കോ​വി​ഡ് പോ​സി​റ്റീ​വ് നേ​ര​ത്തെത​ന്നെ സ്ഥി​രീ​ക​രി​ച്ചി​രു​ന്നു.

അ​വ​രു​മാ​യി അ​ടു​ത്തി​ട​പ​ഴ​കി​യ​വ​ർ എ​ന്ന കാ​ര്യം പോ​ലും പ​രി​ഗ​ണി​ക്കാ​തെ​യാ​ണ് നൂ​റി​ലേ​റെപ്പേ​ർ യാ​ത്ര​ചെ​യ്ത വി​മാ​ന​ത്തി​ൽ ഈ ​ദ​ന്പ​തി​ക​ളേ​യും ക​യ​റ്റി നാ​ട്ടി​ലേ​ക്കു വി​ട്ട​ത്. ഇ​ത്ത​രം ഗു​രു​ത​ര​മാ​യ പി​ഴ​വു​ക​ൾ സാ​ങ്കേ​തി​ക​മ​ല്ലെ​ന്നു കേ​ര​ള​ത്തി​ലെ വി​ദ​ഗ്ധ​ർ ഓ​ർ​മി​പ്പി​ക്കു​ന്നു.

വി​മാ​ന​ത്തി​ൽ ഇ​വ​ർ ഇ​രു​ന്ന​തി​നു മു​ന്നി​ലും പി​ന്നി​ലു​മു​ണ്ടാ​യി​രു​ന്ന ര​ണ്ടോ മൂ​ന്നോ സീ​റ്റു​ക​ളി​ലി​രു​ന്നു യാ​ത്ര ചെ​യ്ത​വ​രെ ഹൈ​റി​സ്ക് കാ​റ്റ​ഗ​റി​യി​ൽ ഉ​ൾ​പ്പെ​ടു​ത്തി ക​ർ​ശ​ന നി​രീ​ക്ഷ​ണം ന​ട​ത്തേ​ണ്ട​താ​യു​ണ്ട്.

അ​ക്കൂ​ട്ട​ത്തി​ൽ ഗ​ർ​ഭി​ണി​ക​ളോ കു​ട്ടി​ക​ളോ പ്രാ​യ​മാ​യ​വ​രോ ഉ​ണ്ടോ എ​ന്ന അ​ന്വേ​ഷ​ണ​ത്തി​ലാ​ണ് ഇ​പ്പോ​ൾ ആ​രോ​ഗ്യ​വ​കു​പ്പ്. ഈ ​വി​ഭാ​ഗ​ത്തി​ലു​ള്ള​വ​രെ സ്ഥാ​പ​ന ക്വാ​റ​ന്‍റൈനി​ലേ​ക്കു വി​ടാ​തെ വീ​ടു​ക​ളി​ലേ​ക്കു ക്വാ​റ​ന്‍റൈൻ നി​ർ​ദേ​ശി​ച്ച് പ​റ​ഞ്ഞ​യ​ച്ചി​രി​ക്കു​ക​യാ​ണ്.

വീ​ടു​ക​ളി​ലേ​ക്കു പോ​യ​വ​ർ ഹൈ​റി​സ്ക് ഗ​ണ​ത്തി​ൽ ഉ​ൾ​പ്പെ​ടേ​ണ്ട​വ​രാ​ണെ​ങ്കി​ൽ ആ​രോ​ഗ്യ​വ​കു​പ്പി​നു ത​ല​വേ​ദ​ന കൂ​ടും. അ​വ​ർ സ​ഞ്ച​രി​ച്ച വ​ഴി​ക​ളും ഇ​ട​പ​ഴ​കി​യ​വരെ യുമെ​ല്ലാം ക​ണ്ടെ​ത്തേ​ണ്ടിവ​രും.

അ​തേ​സ​മ​യം, വി​മാ​ന​ത്തി​ൽ ക​ർ​ശ​ന​മാ​യ മു​ൻ​ക​രു​ത​ലു​ക​ൾ കൈ​ക്കൊ​ണ്ടി​രു​ന്നു​വെ​ന്നാ​ണു വി​മാ​ന​ക്ക​ന്പ​നി​ക​ളും എ​യ​ർ​പോ​ർ​ട്ട് അ​ധി​കൃ​ത​രും യാ​ത്ര​ക്കാ​രും ന​ൽ​കു​ന്ന വി​വ​രം.

പ​ര​മാ​വ​ധി സാ​മൂ​ഹി​ക അ​ക​ലം പാ​ലി​ച്ചാ​ണ് യാ​ത്ര​ക്കാ​ർ ഇ​രു​ന്നി​രു​ന്ന​തെ​ന്നും മാ​സ്ക് ധ​രി​ച്ചി​രു​ന്നു​വെ​ന്നും വി​മാ​നം അ​ണു​വി​മു​ക്ത​മാ​ക്കി​യി​രു​ന്നു​വെ​ന്നും ബ​ന്ധ​പ്പെ​ട്ട​വ​ർ വ്യ​ക്ത​മാ​ക്കു​ന്നു​ണ്ട്.

വ​രുംനാ​ളു​ക​ളി​ൽ കൂ​ടു​ത​ൽ പേ​ർ വി​ദേ​ശ​ങ്ങ​ളി​ൽനി​ന്നും അ​ന്യ​സം​സ്ഥാ​ന​ങ്ങ​ളി​ൽനി​ന്നും കേ​ര​ള​ത്തി​ലേ​ക്ക് എ​ത്താ​നി​രി​ക്കു​ക​യാ​ണ്. കൂ​ടു​ത​ൽ ജാ​ഗ്ര​ത​യോ​ടെ​യും സൂ​ക്ഷ്മ​ത​യോ​ടെ​യും നി​രീ​ക്ഷി​ച്ചു ന​ട​പ​ടി​ക​ൾ കൂ​ടു​ത​ൽ ക​ർ​ശ​ന​മാ​ക്കേ​ണ്ട സ്ഥി​തി​വി​ശേ​ഷ​മാ​ണ് ജി​ല്ല​യി​ലും സം​സ്ഥാ​ന​ത്തു​മു​ള്ള​ത്.