ശങ്കറും മേനകയും ഒരു കാലത്ത് യുവാക്കളുടെ ഹരമായിരുന്നു. എന്നാല്‍ കൂടുതല്‍ സിനിമകളില്‍ ഞാന്‍ ഒരുമിച്ച് അഭിനയിച്ചത് മമ്മൂക്കയുടെ കൂടെയാണ്.
എന്നാലും എല്ലാവരും പറഞ്ഞത് ശങ്കര്‍- മേനക എന്നാണ്. ഈയിടെ ശങ്കറിനോടും ഞാന്‍ ഇക്കാര്യം പറഞ്ഞിരുന്നു.
ഇങ്ങനെയൊക്കെ ആളുകള്‍ പറയുമെന്ന് അറിഞ്ഞിരുന്നെങ്കില്‍ നമുക്ക് കുറച്ചു കൂടി പടങ്ങള്‍ ചെയ്യാമായിരുന്നു എന്നാണ് അദ്ദേഹം പറഞ്ഞത്.
അതേ സമയം എന്‍റെ വീട്ടിലുള്ളവരുടെ അഭിപ്രായവും ഇതൊക്കെ തന്നെയാണ്. അമ്മ ശങ്കര്‍ അങ്കിളിനൊപ്പം അഭിനയിക്കുന്നത് കാണാന്‍ നല്ല രസമാണ്.
അങ്കിള്‍ വേറെ ആരുടെ കൂടെ അഭിനയിച്ചാലും കാണാന്‍ ഞങ്ങള്‍ക്ക് ഇഷ്ടമല്ലെന്നാണ് അവര്‍ പറയുന്നത്. അടുത്തിടെ ഞാനൊരു കടയില്‍ പോയി.
അവിടെയുണ്ടായിരുന്ന കടയുടമ എന്നോട് വന്ന് സംസാരിച്ചു. ഞാനൊരു കാര്യം ചോദിച്ചാല്‍ തെറ്റിദ്ധരിക്കുമോ എന്നാണ് അദ്ദേഹം ചോദിച്ചത്.
സ്‌കൂളില്‍ പഠിക്കുമ്പോഴൊക്കെ ഞങ്ങള്‍ കുട്ടികള്‍ കരുതിയത് ശങ്കറും മേനകയും കല്യാണം കഴിക്കും എന്നായിരുന്നു.
അയാള്‍ പറയുന്നത് കേട്ട് ഞാന്‍ ഉറക്കെ ചിരിച്ചു. ഇതുപോലെ അന്നത്തെ പിള്ളേര്‍ക്കൊക്കെ ഞങ്ങളുടെ അഭിനയം നല്ല ഹരമായിരുന്നു എന്ന് അറിയുന്നത് കുറേ കഴിഞ്ഞിട്ടാണ്.
-മേനക
